تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

شەبەرلىگىمەن تابىس تاۋىپ، كەدەيلىكتەن ارىلۋ جولىنا ءتۇستى

  شەبەرلىك ارقىلى كەدەيلىكتەن ارىلتۋ مىڭ مەكتەپ ارەكەتىنىڭ قارقىنى تەز، قادامى ورنىقتى بولدى 

  ءتىلشى لي چۇنشيا 4 - ايدىڭ 11 - كۇنى ۇرىمجىدەن حابارلايدى. ”مەن مۇندا شەبەرلىك ۇيرەنىپ، ءۇشتى كەشىرىم ەتۋ، بىرگە جاردەماقى بەرۋ‘ ابزال ساياساتىنان يگىلىكتەنەمىن، اي سايىن شۋەيۋان بەرەتىن تۇرمىس جاردەماقىسى تاعى بار. ءسوز جوق، جاقسى ۇيرەنىپ، ءبىلىم يگەرگەننەن كەيىن جاقسى قىزمەت تاۋىپ، شەبەرلىگىمە سۇيەنىپ تابىس تاۋىپ، وتباسىمنىڭ ەرتەرەك كەدەيلىكتەن ارىلۋىنا كومەكتەسەمىن“، - دەدى 4 - ايدىڭ 10 - كۇنى حوتان تەحنيكتەر شۋەيۋانى كۇتۋشىلىك ماماندىعىنىڭ وقۋشىسى بۇايشام يمىنتوحتى.

  بۇايشام اۋىل - قىستاقتاعى كەدەي وتباسىنان كەلگەن، اكە - شەشەسىنىڭ اۋىرتپالىعىن جەڭىلدەتۋ ءۇشىن، ول ورتالاۋ مەكتەپتى بىتىرگەننەن كەيىن حوتان تەحنيكتەر شۋەيۋانىندا كۇتۋشىلىك شەبەرلىگىن ۇيرەنۋدى تاڭداپ، وقۋ بىتىرگەننەن كەيىن شەبەرلىگىنە سۇيەنىپ جۇمىسقا ورنالاسىپ كەدەيلىكتەن ارىلۋدى جوسپارلاعان. حوتان تەحنيكتەر شۋەيۋانىندا بۇايشام سياقتى ارحيۆ تۇرعىزىلىپ، كارتچكالانعان كەدەي وتباسىنىڭ 2881 وقۋشىسى بار، ولار بۇكىل شۋەيۋانداعى وقۋشىلار سانىنىڭ %45.41ىن ۇستايدى. بۇكىل رايونىمىزداعى تەحنيك جۇمىسشىلار مەكتەپتەرىندە وسىنداي وقۋشىلاردان جيىنى 17 مىڭ 300ى بار.

  بىرەۋگە بالىق بەرگەنشە، بالىقتى قالاي اۋلاۋدى ۇيرەت. كەدەي وتباسىلارىنداعى ەڭبەككۇشتەر جونىنەن العاندا، ءبىر شەبەرلىكتى يگەرىپ، شەبەرلىكتىڭ ارقاسىندا تابىس تابۋ − ۇزاق ۋاقىت ورنىقتى جۇمىستانۋدى جۇزەگە اسىرۋدىڭ ماڭىزدى العى شارتى. «اۆتونوميالى رايونداعى تەحنيك جۇمىسشىلار مەكتەپتەرىنىڭ شەبەرلىك ارقىلى كەدەيلىكتەن ارىلتۋ مىڭ مەكتەپ ارەكەتىنىڭ 3 جىلدىق جوباسى (2018 − 2020 - جىلعا دەيىن)»ندا: نازاردى وڭتۇستىك شينجياڭنىڭ 4 ايماق - وبلىسىنداعى 22 اۋىر كەدەي اۋدانعا شوعىرلاندىرىپ، باسقا كاسىپتەرگە ويىستىرىپ جۇمىسقا ورنالاستىرۋمەن ۇشتاستىرىپ، كەدەي وتباسىلارىنداعى ەڭبەككۇشتەردەن 100 مىڭنان استام ادامدى باۋلىپ، تۇتاس رايونداعى تەحنيك جۇمىسشىلار مەكتەپتەرىنىڭ ءار جىلى كەدەي وتباسىلارىنان 5000نان استام وقۋشى قابىلدايتىندىعى ايقىندالدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 2018 - جىلى تۇتاس رايونىمىزداعى تەحنيك جۇمىسشىلار مەكتەپتەرى ارحيۆ تۇرعىزىلىپ، كارتچكالانعان كەدەي وتباسىلارىنان 7191 وقۋشى قابىلداعان.

  ”ءاربىر ارحيۆ تۇرعىزىلىپ، كارتچكالانعان كەدەي وتباسىلارىنىڭ وقۋشىلارىنان قالاۋى بارلارى تۇگەلدەي تەحنيكالىق تاربيەدەن تەگىن يگىلىكتەنە الادى“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تەحنيكالىق وقۋ - اعارتۋعا قولباسشىلىق ەتۋ ورتالىعىنىڭ مەڭگەرۋشىسى لياڭ پيڭ تانىستىرىپ، - رايونىمىز تەحنيك جۇمىسشىلار مەكتەپتەرىندە وقۋ قالاۋى بار كەدەي وتباسىلارىنىڭ وقۋشىلارىنا جاسىل وتكەل اشىپ، وقۋعا ءتۇسۋ، ماماندىق تاڭداۋ، تاپسىرىستىق باعىتتامالى باۋلۋ كۋرستارىنا (كاسىپورىنداردىڭ اتىمەن اشىلعان كۋرستار) ورنالاستىرۋ، وقۋ جاردەماقىسى ساياساتىن تياناقتاندىرۋ، پراكتيكا جاساۋ، جۇمىسقا تانىستىرۋ سياقتى جاقتاردا ”التىنى الدىمەن ويلاستىرۋ“دى جۇزەگە اسىردى، بيىلدان باستاپ كەدەي وتباسىلارىنىڭ وقۋشىلارىن سۇيەمەلدەۋ تەبىنىن ونان ارى ارتتىرىپ، ”ءۇشتى كەشىرىم ەتۋ، بىرگە جاردەماقى بەرۋ“دى تياناقتاندىرۋ نەگىزىندە، ”قامقورلىق جوسپارى“ن اتقارىپ، پەرزەنتتەرى ورتا، جوعارى دارەجەلى كاسىپتىك وقۋ - اعارتۋ تاربيەسىن العان اۋىل - قىستاقتارداعى ارحيۆ تۇرعىزىلىپ، كارتچكالانعان كەدەي وتباسىلارىنا ءار وقۋشىعا جىلىنا 3000 يۋاندىق ولشەم بويىنشا جاردەماقى بەرىپ، كەدەي وتباسىلارىنىڭ اۋىرتپالىعىن شىن مانىندە جەڭىلدەتەدى.

  وڭتۇستىك شينجياڭداعى تەحنيك جۇمىسشىلار مەكتەپتەرىنىڭ ”قان جاساۋ قۋاتى“ن جوعارىلاتۋ ءۇشىن، رايونىمىز كومەكتەسۋ - سۇيەمەلدەۋ ۇلگىسىندە جاڭالىق اشىپ، اۆتونوميالى رايونداعى ءتۇيىندى تەحنيك جۇمىسشىلار مەكتەپتەرىن وڭتۇستىك شينجياڭنىڭ 4 ايماق - وبلىسىنداعى 27 تەحنيك جۇمىسشىلار مەكتەبىندە بولىمشە اشۋعا ۇيىمداستىرىپ، ”ءبىر اۋدانعا ءبىر جوسپار جاساپ، ءبىر مەكتەپتە ءبىر ەرەكشەلىك قالىپتاستىرىپ“، ماماندىق ورنالاستىرۋ، دارىندى جەتىلدىرۋ، مەكتەپ پەن كاسىپورىن سەلبەسۋ سياقتى جاقتاردان كومەكتەسۋ - سۇيەمەلدەۋ جۇرگىزىپ، وڭتۇستىك شينجياڭداعى تەحنيك جۇمىسشىلار مەكتەپتەرىنىڭ تاربيەلەۋ، وقىتۋ ساپاسىن ورنىقتى جوعارىلاتىپ، “وقۋشى قابىلداي الۋ، تۇراقتى وقىتا الۋ، جاقسى وقىتۋ، جارامدى بولۋ“داي دامىتۋ اۋقىمىن ايگىلەپ، وقۋشىلاردىڭ تۇراقتاپ وقۋ مولشەرىن %90تەن اسىردى.

  تەحنيك جۇمىسشىلار مەكتەپتەرى وقىتۋ ءتۇزىمى تاربيەسىنەن سىرت، وڭتۇستىك شينجياڭنىڭ 4 ايماق - وبلىسىنداعى ەڭبەككۇشى بار ءاربىر كەدەي وتباسىلارىنىڭ ەڭبەككۇشتەرى تەحنيك جۇمىسشىلار مەكتەپتەرىنە بارىپ از دەگەندە ءبىر رەت كاسىپتىك شەبەرلىك كۋرسىندا وقي الادى. كەدەي جان سانى شوعىرلى حوتان ايماعىندا، رايونىمىز ارحيۆ تۇرعىزىلىپ، كارتچكالانعان وتباسىلارىنداعى جاستاردى تاپسىرىس بويىنشا باۋلۋ سىناق تۇيىندەرى ارەكەتىن اتقارىپ، 2018 - جىلى 6 ءتۇيىندى تەحنيك جۇمىسشىلار مەكتەبىنىڭ 26 تاڭداۋلى وقىتۋشىسىن ساباق ءوتۋ مىندەتىن ارقالاۋعا ۇيىمداستىرىپ، جيىنى 3539 ادام تاربيەلەپ، بارلىعىنىڭ ورنىقتى جۇمىستانۋىن جۇزەگە اسىردى.

  ”ءبىر ادام تاربيەلەنسە، ءبىر ادام جۇمىسقا ورنالاسىپ نەمەسە شارۋاشىلىق قۇرىپ، ءبىر وتباسى كەدەيلىكتەن ارىلادى.“ تەحنيكالىق تاربيە مەن كاسىپتىك شەبەرلىككە باۋلۋدىڭ ارقاسىندا، ءتىپتى دە كوپ وتباسىلارىنىڭ پەرزەنتتەرى شەبەرلىك ارقىلى كەدەيلىكتەن ارىلۋ جولىنا ءتۇستى. 2018 - جىلى تۇتاس رايونداعى تەحنيك جۇمىسشىلار مەكتەپتەرىنەن وقۋ بىتىرگەن وقۋشىلاردىڭ اراسىندا ارحيۆ تۇرعىزىلىپ، كارتچكالانعان وتباسىلارىنان 3400 وقۋشى بار، ولاردىڭ جۇمىسقا ورنالاسۋ مولشەرى %97.7كە جەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى