ءبىر نيەتپەن سەلبەسىپ، مەكەندى جاقسى كوركەيتىپ، شەكارا ءوڭىردى ويداعىداي كۇزەتىپ، اناعۇرلىم جارقىن بولاشاق اشۋ ءۇشىن قۇلشىنايىق
جاۋاپ حات
يۇننان گۇڭشان اۋدانى دۋلۇڭجياڭ اۋىلىنداعى اۋىلداستار:
سالەمەتسىزدەر مە! سىزدەردىڭ اۋىلدىق پارتكومنان كەلگەن حاتتا، بىلتىر دۋلۇڭ ۇلتى تۇتاس ۇلتتىڭ كەدەيلىكتەن ارىلۋىن جۇزەگە اسىرعاندىعى، اۋىلداستاردىڭ تۇرمىسىنىڭ بارعان سايىن جاقسارىپ كەلە جاتقاندىعى ايتىلىپتى. بۇل حاباردى ەستىپ، مەن ايرىقشا قۋاندىم، سىزدەردى شىن جۇرەكتەن قۇتتىقتايمىن!
ءار ۇلت بۇقاراسىنىڭ جاقسى تۇرمىس كەشىرۋىنە مۇمكىندىك جاساۋ − مەنىڭ ەجەلدەن بەرگى ارمانىم، سونداي - اق ءبىزدىڭ بىرگە كۇرەس جۇرگىزۋ نىسانامىز. جاڭا جۇڭگو قۇرىلعان سوڭ، دۋلۇڭ ۇلتى ورتەڭگە ەگىن سالاتىن قاۋىمدىق تۇرمىسقا قوش ايتتى. جاڭا داۋىرگە وتكەن دۋلۇڭ ۇلتى ۇزاق ۋاقىت ورىن تەۋىپ كەلە جاتقان كەدەيلىك كۇيدەن قۇتىلدى. بۇل پارتيانىڭ پارمەندى باسشىلىعىندا، قالىڭ حالىق بۇقاراسىنىڭ ىنتىماقتاسا كۇرەس جۇرگىزۋىندە حالىقتىڭ باقىتتى ومىرگە تالپىنۋ ارمانىنىڭ، ءسوز جوق، جۇزەگە اساتىندىعىن جاندى ءتۇسىندىردى.
كەدەيلىكتەن ارىلۋ − تەك ءبىرىنشى قادام، اناعۇرلىم جاقسى تۇرمىس ءالى الدا. اۋىلداستاردىڭ ونان ارى قۇلشىنىپ، قايراتتانا ورگە ۇمتىلىپ، ءبىر نيەتپەن سەلبەسىپ مەكەندى جاقسى كوركەيتۋىن، شەكارا ءوڭىردى ويداعىداي كۇزەتۋىن، دۋلۇڭ ۇلتىنىڭ اناعۇرلىم جارقىن بولاشاعىن اشۋ ءۇشىن قۇلشىنۋىن ءۇمىت ەتەمىن.
شي جينپيڭ
2019 - جىلى 4 - ايدىڭ 10 - كۇنى
(شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 10 - كۇنى يۇننان ولكەسى گۇڭشان اۋدانى دۋلۇڭجياڭ اۋىلىنداعى بۇقاراعا جاۋاپ حات قايتارىپ، دۋلۇڭ ۇلتىنىڭ تۇتاس ۇلتتىڭ كەدەيلىكتەن ارىلۋىن جۇزەگە اسىرعاندىعىن قۇتتىقتادى، اۋىلداستاردى اناعۇرلىم باقىتتى، تاماشا تۇرمىس وتكىزۋ ءۇشىن ۇزدىكسىز ىنتىماقتاسا كۇرەس جۇرگىزۋگە ىنتالاندىردى.
شي جينپيڭ مىنانى ءبىلدىردى: سىزدەردىڭ اۋىلدىق پارتكومنان كەلگەن حاتتا، بىلتىر دۋلۇڭ ۇلتى تۇتاس ۇلتتىڭ كەدەيلىكتەن ارىلۋىن جۇزەگە اسىرعاندىعى، اۋىلداستاردىڭ تۇرمىسىنىڭ بارعان سايىن جاقسارىپ كەلە جاتقاندىعى ايتىلىپتى. بۇل حاباردى ەستىپ، مەن ايرىقشا قۋاندىم، سىزدەردى شىن جۇرەكتەن قۇتتىقتايمىن!
شي جينپيڭ مىنانى اتاپ كورسەتتى: ءار ۇلت بۇقاراسىنىڭ جاقسى تۇرمىس كەشىرۋىنە مۇمكىندىك جاساۋ − مەنىڭ ەجەلدەن بەرگى ارمانىم، سونداي - اق ءبىزدىڭ بىرگە كۇرەس جۇرگىزۋ نىسانامىز. جاڭا جۇڭگو قۇرىلعان سوڭ، دۋلۇڭ ۇلتى ورتەڭگە ەگىن سالاتىن قاۋىمدىق تۇرمىسقا قوش ايتتى. جاڭا داۋىرگە وتكەن دۋلۇڭ ۇلتى ۇزاق ۋاقىت ورىن تەۋىپ كەلە جاتقان كەدەيلىك كۇيدەن قۇتىلدى. بۇل پارتيانىڭ پارمەندى باسشىلىعىندا، قالىڭ حالىق بۇقاراسىنىڭ ىنتىماقتاسا كۇرەس جۇرگىزۋىندە حالىقتىڭ باقىتتى ومىرگە تالپىنۋ ارمانىنىڭ، ءسوز جوق، جۇزەگە اساتىندىعىن جاندى ءتۇسىندىردى.
شي جينپيڭ مىنانى باسا دارىپتەدى: كەدەيلىكتەن ارىلۋ − تەك ءبىرىنشى قادام، اناعۇرلىم جاقسى تۇرمىس ءالى الدا. اۋىلداستاردىڭ ونان ارى قۇلشىنىپ، قايراتتانا ورگە ۇمتىلىپ، ءبىر نيەتپەن سەلبەسىپ، مەكەندى جاقسى كوركەيتۋىن، شەكارا ءوڭىردى ويداعىداي كۇزەتۋىن، دۋلۇڭ ۇلتىنىڭ اناعۇرلىم جارقىن بولاشاعىن اشۋ ءۇشىن قۇلشىنۋىن ءۇمىت ەتەمىن!
دۋلۇڭ ۇلتى ەلىمىزدەگى جان سانى ەداۋىر از 28 ۇلتتىڭ ءبىرى، سونداي - اق جاڭا جۇڭگو قۇرىلعان العاشقى مەزگىلدە قاۋىمدىق قوعامنىڭ سوڭعى مەزگىلىنەن سوتسياليستىك قوعامعا تىكەلەي وتكەن از ۇلت، نەگىزىنەن يۇننان ولكەسى گۇڭشان اۋدانىنىڭ دۋلۇڭجياڭ اۋىلىنا شوعىرلى قونىستانعان. تاۋ قويناۋىنداعى شاتقالعا ورنالاسقان، جاراتىلسىتىق شارت - جاعدايى ناشار، ەجەلدەن يۇننانداعى، اۋەلى، بۇكىل ەلدەگى ەڭ كەدەي ءوڭىردىڭ ءبىرى. 2018 - جىلى دۋلۇڭجياڭ اۋىلىنداعى 6 اكىمشىلىك قىستاق جاپپاي كەدەيلىكتەن ارىلىپ، دۋلۇڭ ۇلتى تۇتاس ۇلتتىڭ كەدەيلىكتەن ارىلۋىن جۇزەگە اسىردى، جەرگىلىكتى بۇقارا اۋىلدىق پارتكومعا باس شۋجي شي جينپيڭگە حات جازىپ، دۋلۇڭ ۇلتىنىڭ تۇتاس ۇلت بويىنشا كەدەيلىكتەن ارىلۋدى جۇزەگە اسىرعان قۋانىشتى حاباردى جەتكىزۋدى تابىستاپ، ۇزدىكسىز سەنىمدى بەكەمدەپ، پارتياعا ىلەسەتىن، مەكەندەرىن ويداعىداي كوركەيتۋ ءۇشىن ءبىر نيەتتە كۇرەس جۇرگىزەتىن بەكىمىن بەينەلەدى.
