تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

اعايىندى بولىپ سەلبەسىپ، ماقتانى بىرگە ەكتى

  ءتىلشى جاڭ جىلي

  چيڭميڭنەن كەيىن، كۇشار اۋدانى چىمان قالاشىعى نيڭبو - كۇشار ىنتىماق قىستاعىندا ورىك گۇلى ءتۇسىپ، المۇرت گۇلى اشىلدى. قىستاق تۇرعىنى جاڭ زىچىڭ تراكتورىنا سەيالكاسىن تىركەپ، بيىلعى ماقتا ەگۋدى باستاپ كەتتى.

  ”بۇل ماقتا ەگۋ ماشيناسىن پايدالانعانىما 6 جىل بولدى، ءبىزدىڭ 40 − 50 مۋ ماقتا اتىزىمىز ودان ايرىلا المايدى“. 4 - ايدىڭ 9 - كۇنى ۇستىندەگى كونەتوز كاستيۋمىن شاڭ - توپىراق باسقان جاڭ زىچىڭ تىلشىگە وسىنى ايتتى.

  جاڭ زىچىڭ ”ءبىز“ دەپ ءوزىن جانە ”ءۇشىنشى ءىنىسى“ راحمان وسماندى، بۇرىنعى ساباقتاسى گۇلنيساحان ابدىرەيىمدى ايتىپ وتىر. ءبىر قىستاقتا تۇراتىندىقتان، جاڭ زىچىڭ كومەككە شاقىرسا بولعانى، راحمان مەن گۇلنيساحان دەرەۋ جەتىپ كەلەدى. كوپشىلىك الدىمەن جاڭ زىچىڭنىڭ جەرىن ەگىپ بولىپ، ونان سوڭ قالعان ەكى وتباسىنىڭ جەرىن بىرگە ەگەدى.

  ”سەنىڭ تەحنيكاڭ جاقسى، سەن كەل“. اتىز باسىنا كەلگەندە، جاڭ زىچىڭ تراكتوردى راحمانعا بەردى، راحمان دا باس تارتپاي، تراكتورعا وتىرىپ جۇمىستى باستاپ كەتتى.

  نيڭبو - كۇشار ىنتىماق قىستاعى − كوپ ۇلت بىرگە قونىستانعان قىستاق. بيىل 48 جاسقا كەلگەن جاڭ زىچىڭ بىلاي دەدى: قىستاقتا ءاربىر ادامنىڭ بارىندە جاقىن ارالاساتىن ۇقساماعان ۇلتتان دوستارى بار، راحمان دا مەنىڭ ەڭ جاقىن كورەتىن دوسىم.

  راحمان جاڭ زىچىڭنان 10 جاس كىشى، ەكەۋى ءبىر قىستاق تۇرعىندارى گرۋپپاسىندا ەمەس، ءبىراق جاڭ زىچىڭ اتىزعا جۇمىسقا بارعاندا راحماننىڭ ءۇيىنىڭ قاسىنان وتەدى. بىرنەشە رەت اڭگىمەلەسكەننەن كەيىن، ەكەۋى ويلارىنىڭ ءبىر جەردەن شىعاتىنىن بايقاپ، ۇنەمى ارالاسىپ تۇراتىن دوستارعا اينالدى.

  جاڭ زىچىڭنىڭ ەگىستىك جەرى كوپ، ءبىر دۇكەن دە اشىپ العان، تراكتور، سەيالكا، بارانا سياقتى اۋىل شارۋاشىلىق ماشينا جابدىقتارى بار. راحمان توي جاساپ، وتاۋ كوتەرگەننەن كەيىن ەگىستىك جەرى ازايدى، ۇلى مەشەل بولىپ قالدى، وتباسىندا اۋىل شارۋاشىلىق ماشينا - جابدىقتارى جوق، ءبىراق جاپا - ماشاقاتقا شىداپ، قۇلشىنا ەڭبەك ەتىپ، قاجىرلىلىقپەن ۇيرەنىپ، ۇمتىلا العا باسقان ول كۇندەمە جۇمىس ىستەگەن كەزىندە تراكتور جۇرگىزۋ، تام جيناۋ شەبەرلىگىن ۇيرەنىپ الادى.

  ”مەنىڭ تراكتورىمدى پايدالانا بەر، مەندە بارى سەنىكى“. 10 جىلدىڭ الدىندا جاڭ زىچىڭ راحمانمەن ەندى عانا تانىسقاندا، تراكتورىن ونىڭ پايدالانۋىنا بەرەدى.

  ”ءسىزدىڭ تراكتورىڭىزبەن جۇمىستارىمدى ءبىتىرىپ الدىم، مەن ءسىزدىڭ باسقا جۇمىستارىڭىزعا كومەكتەسەيىن“. راحمان جاقسىلىقتىڭ قارىمجىسىن قايتارىپ، ءار جىلى كۇزگى جيىن - تەرىم كەزىندە ماقتا تەرەتىن جۇمىسشى تابۋ قيىنعا تۇسكەندە، ول ءوز وتباسىنىڭ ماقتاسىن ەرتە تەرىپ ءبىتىرىپ، ايەلىمەن بىرگە جاڭ زىچىڭنىڭ ماقتا اتىزىنا بارىپ كومەكتەسەدى.

  ەگىس جۇمىستارىن بىرگە ىستەگەندە، ەكى وتباسىنداعىلار ەشقاشان ەسەپتەسپەدى، كىمنىڭ وتباسىنىڭ جۇمىسىن ىستەسە، سول ۇيدەن بىرگە تاماقتاندى. قىسقى ارەدىك مەزگىلىندە ەكى وتباسىنداعىلار اۋەلى كۇن ارالاتىپ بىرگە تاماقتانادى. جاڭ زىچىڭ بىلاي دەدى: مەنىڭ 2 ءىنىم بار، ولار سىرت جەردە قىزمەت ىستەيدى، ءبىر جىلدا بىرنەشە رەت باس قوسا المايمىز، راحمان سياقتى ۇنەمى بىرگە بولا المايمىز. ول: راحمان مەنىڭ ”ءۇشىنشى ءىنىم“، - دەدى.

  راحمان جاڭ زىچىڭدى ءوزىنىڭ تۋعان اعاسىنداي كورەدى. 2016 - جىلى كوكتەمگى ەگىس كەزىندە، راحماننىڭ شەشەسى ناۋقاستانىپ، شيپاحاناعا جاتىپ ەمدەلۋىنە تۋرا كەلگەندە، وتباسىندا اقشاسى جوق ەدى. جاڭ زىچىڭ اۋىل شارۋاشىلىق ءوندىرىس قۇرال - جابدىقتارىن ساتىپ الىپ قويعاندىقتان، ونىڭ دا قولىندا اقشاسى جوق بولاتىن، سونىمەن ول دەرەۋ ۇرىمجىدەگى ىنىسىنە تەلەفون شالىپ، راحماننىڭ شەشەسىنىڭ ناۋقاسىن ەمدەتۋىنە 5000 يۋان قارىز اقشا الىپ بەرەدى.

  وسىدان كەيىن ءار جىلى كوكتەمدە اۋىل شارۋاشىلىق ءوندىرىس قۇرال - جابدىقتارىن ساتىپ العاندا، جاڭ زىچىڭ راحماننىڭ وتباسىنىڭ اۋىل شارۋاشىلىق ءوندىرىس قۇرال - جابدىقتارىن دا قوسا ساتىپ الاتىن بولدى. راحمان ونى الۋدان ىڭعايسىزدانعاندا، جاڭ زىچىڭ وعان: ”مەن كوبىرەك ساتىپ الدىم، وقاسى جوق“، - دەيتىن.

  وسى 2 جىلدا نيڭبو - كۇشار ىنتىماق قىستاعىندا كوپتەگەن قىستاق تۇرعىنى جەرلەرىن وتكەرمەلەدى، كۇشار اۋدان قالاشىعىنان عيماراتتان ءۇي ساتىپ العان جاڭ زىچىڭ جەرىن وتكەرمەلەگەن جوق. ءبىر جاعىنان، ول ماقتا ەككەن جاقسى، پايداسى دا جامان ەمەس دەپ قارايدى؛ ەندى ءبىر جاعىنان، وتباسىنا قارايلاسۋىمدى قاجەت ەتەتىن راحمان ءوز ەسىگى الدىنان ەگىن ەگىپ جانە كۇندىك جۇمىس ىستەپ كىرىس كىرگىزۋگە سۇيەنەدى، مەن ەگىن ەكپەسەم، راحمان جەرىنە قالاي ەگىن ەگەدى؟ دەپ قارايدى.

  ”جاڭ زىچىڭ راحمانمەن بىرگە تاعى 2 جىل ماقتا ەگەمىن، ويتكەنى راحماننىڭ وتباسى كەدەيلىكتەن ارىلاتىن شەشۋشى ساتتە تۇر، مەن وسى ءىنىمدى كەدەيلىكتەن ارىلىپ، اۋقاتتانۋعا باستاۋىم كەرەك دەيتىن“، - دەدى جاڭ زىچىڭنىڭ ايەلى ليۋ شۋحۋا تىلشىگە.

    نيڭبو - كۇشار ىنتىماق قىستاعى پارتيا ياچەيكاسىنىڭ شۋجيى سۇن جىباۋ بىلاي دەپ تانىستىردى: نەشە ون جىلدان بەرى، قىستاقتاعى ۇقساماعان ۇلتتان قۇرالعان قىستاق تۇرعىندارى ءوزارا كومەكتەسىپ، ءوزارا قارايلاسىپ ءوندىرىستى دامىتتى. قازىر ەرەكشە ەگىنشىلىك، باعىمشىلىق، سىرتقا شىعىپ جۇمىس ىستەۋ، ساياحاتتى دامىتۋ سياقتىلار ءىشىنارا قىستاق تۇرعىندارىنىڭ كىرىسىن ارتتىرۋداعى جاڭا ارناعا اينالدى، كوپشىلىكتىڭ ءوندىرىس ءتاسىلى وزگەرگەنىمەن، ءبىراق كوپشىلىكتىڭ ىنتىماقتى، ءوزارا قارايلاساتىن رۋحى وزگەرگەن جوق، ۇلتتار ىنتىماعى سۇيىسپەنشىلىگى بارعان سايىن تەرەڭدەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا ۇيگە كوشتى جاڭا تۇرمىس كەشىردى
  • قامبالاردى اشىپ، كۇزگى استىق جينادى
  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“