تيانشان تورابى   ›   جاڭالىقتار   ›   شينجياڭ حابارلارى

سالىقتى ازايتىپ، اقىنى تومەندەتۋ ساياساتى تياناقتاندىرىلىپ، كاسىپورىنداردىڭ دامۋ سەنىمى كۇشەيدى

  ءتىلشى حي حۇڭۋي 4 - ايدىڭ 12 - كۇنى ۇرىمجىدەن حابارلايدى. 4 - ايدىڭ 12 - كۇنى ءتىلشى شاڭحاي داجۇڭ (شينجياڭ) اۆتوكولىك شەكتى سەرىكتەستىگىنە بارعاندا، تەحنيك جۇمىسشىلاردىڭ ءوندىرىس ۇلاسپالى جەلىسىندە قاربالاس جۇمىس ىستەپ جاتقاندىعىن، قۇراستىرىلىپ بولعان اۆتوكولىكتەردىڭ ءوندىرىس سەحىنەن تارتىپپەن شىعارىلىپ جاتقاندىعىن كوردى. وسى سەرىكتەستىكتىڭ قازىنا باسقاراتىن جوعارى دارەجەلى ديرەكتورى داي يانمين بىلاي دەدى: بيىل ءبىز جاڭا ۇلگىدەگى SUV اۆتوكولىگىن وندىرمەكشىمىز، سالىقتى ازايتىپ، اقىنى تومەندەتۋ ساياساتى ءبىزدى ايرىقشا دەمەدى.

  شاڭحاي داجۇڭ (شينجياڭ) اۆتوكولىك شەكتى سەرىكتەستىگى رايونىمىزداعى ءتۇيىندى اۆتوكولىك وندىرەتىن كاسىپورىن. داي يانمين مىناداي ەسەپ جاسادى: جاڭا ارتقان قۇن سالىق مولشەرى اتقارىلعاننان كەيىن، بيىل سەرىكتەستىگىمىزدىڭ مولشەرمەن 10 ميلليون يۋان سالىعى ازايادى. بۇل كاسىپورنىمىزدىڭ ناق اقشا اينالىمىن كوبەيتەدى، سونىمەن قاتار سالىقتى ازايتىپ، اقىنى تومەندەتۋ ءبىزدىڭ اۆتوكولىك ساتىپ الۋىمىزعا جانە قىزمەت وتەۋدى ساپالىلاندىرۋىمىزعا قاتىستى كوپتەگەن ساياساتتى العا قويىپ، تۇتىنۋشىلارعا ناق اقشالاي پايدا بەرۋىمىزگە مۇمكىندىك جاسادى.

  ۇعىسۋعا قاراعاندا، وسى رەتكى ارتقان قۇن سالىعى رەفورماسىندا جاساۋ كاسىپتەرىنىڭ سالعى ەڭ كوپ ازايتىلىپ، پايداسى ەڭ كورنەكتى بولعان. ”ارتقان قۇن سالىق مولشەرى %16تەن %13كە تومەندەتىلىپ، جاساۋ كاسىبىمەن شۇعىلداناتىن ءبىزدىڭ اۋىرتپالىعىمىز ايرىقشا جەڭىلدەدى، سونىمەن قاتار زەرتتەپ جاساۋ قاراجاتىنىڭ جالپى جيىنتىعىن ازايتۋ سالىستىرماسىن %50تەن %75كە جوعارىلاتۋ، قۇنى 5 ميلليون يۋاننان تومەن تۇراقتى مۇلىك ساتىپ العاندا ءبىر جولاتا ازايتۋ سياقتى ساياساتتاردان دا يگىلىكتەندىك“، - دەدى 4 - ايدىڭ 12 - كۇنى شينجياڭ جۇڭتاي حيميا شەكتى جارنا سەرىكتەستىگىنىڭ قازىنالىق باس باقىلاۋشىسى حۋ شياۋدۇڭ تىلشىگە.

  جۇڭتاي حيميا شەكتى جارنا سەرىكتەستىگى، باستىسى، نەگىزدىك حيميا شيكىزاتىن جاسايدى، تالاي جىلدان بەرى ەلىمىزدەگى حلورلى ءسىلتى سالاسىندا جەتەكشى ءوندىرىس كاسىپورنى ورنىن يەلەپ كەلەدى. ”بيىل تەك ارتقان قۇن سالىعى ءبىر تۇردەن - اق مولشەرمەن 200 ميلليون يۋان سالىقتى از تاپسىرامىز، ءبىز بۇل قارجىنى جاڭا نىسانعا پايدالانىپ، جاڭا ارتۋ ءتۇيىنىن قوسامىز“، - دەدى حۋ شياۋدۇڭ.

  اۆتونوميالى رايوندىق سالىق مەكەمەسى تىڭعىلىقتى شارا قولدانىپ، سالىقتى ازايتىپ، اقىنى تومەندەتۋ ساياساتىنىڭ تەرەڭ تامىر تارتۋىنا بار كۇشپەن كەپىلدىك ەتتى. قازىر اۆتونوميالى رايوندىق سالىق مەكەمەسى جەلى مەن جەلى سىرتىن ءبىر تۇلعالاندىرعان ۇگىت - جەتەكشىلىك ەتۋ جۇلگەسىن قالىپتاستىرىپ، سالىق ىستەرى سايتى، ۋيچات تۇعىرى، قول تەلەفون APPى سياقتى جاڭا اقپارات قۇرالدارىنداعى ”ساۋساق ۇشىنداعى ساباقحانا“نى اشىپ، سالىق تولەۋشىلەر ساباقحاناسىن، ءبىر - بىردەن جەتەكتەۋدى نەگىز ەتكەن تاربيەلەۋ جۇيەسىن قۇردى، تولىق قامتۋمەن قاتار، تۇيىندەر بويىنشا دالمە - ءدال ”تامشىلاتىپ سۋاردى“؛ جاڭا كەزەكتى ”حالىقتىڭ سالىق جۇمىستارىن بىترۋىنە قولايلىلىق جاساۋ كوكتەم سامالى ارەكەتى“نە ۇشتاستىرىپ، 4 ۇلكەن تۇردەن، 13 تارماقتان، 54 تارماقشادان قۇرالعان حالىقتىڭ سالىق جۇمىستارىن بىتىرۋىنە قولايلىلىق جاساپ، قىزمەت وتەۋ شارالارىن العا قويىپ، جولداناتىن ماتەريالداردى اناعۇرلىم ازايتتى، سالىق ءبىتىرۋ ءتارتىبىن ىقشامدادى، ەلەكتروندىق سالىق مەكەمەسىنىڭ يقۋاتىن ۇزدىكسىز ساپالىلاندىرىپ، سالىقتى ازايتىپ، اقىنى تومەندەتۋ ساياساتىنىڭ ۇعىنىقتى، تۇسىنىكتى اتقارىلاتىن، وڭاي مەڭگەرىلەتىن بولۋىنا كەپىلدىك ەتتى؛ ساياساتتىڭ ۋاعىندا تياناقتاندىرىلۋىنا كەپىلدىك ەتۋ ءۇشىن، 2 - ايدىڭ 1 - كۇنگى تۇڭعىش جيناۋ مەرزىمى اياقتاۋدان ىلگەرى وزەكتى جيناۋ، باسقارۋ جۇيەسىن رەتتەۋدى اياقتاتىپ، ساياسات شارتىن اۆتوماتتى پارىقتاۋ، سالىق سوماسىن ەسەپتەۋ سياقتى يقۋاتتارىن جاڭادان قوسىپ، ساپالىلاندىرىپ، قالىڭ سالىق تولەۋشىلەردى پايدادان الدەقايدا قولايلى يگىلىكتەندىرەدى.

  اۆتونوميالى رايوندىق سالىق مەكەمەسى پارتكومىنىڭ شۋجيى ليۋ پەيپيڭ بىلاي دەدى: كەلەسى قادامدا اۆتونوميالى رايوندىق سالىق مەكەمەسى سالىقتى ازايتىپ، اقىنى تومەندەتۋ ۇگىتىن جەتەكشىلىك ەتۋدى ۇزدىكسىز ويداعىداي جۇرگىزۋ نەگىزىندە، سالىق تولەۋشىلەردىڭ ساياساتتان يگىلىكتەنۋ بارىسىندا جولىعاتىن ماسەلەلەرىنە جانە قيىنشىلىقتارىنا ساي، ءبىر - بىردەن، بەتپە - بەت ىزدەپ بارىپ جەتەكشىلىك ەتەدى، تۇيىندەر بويىنشا ينتەرنەتتە جەتەكتەيدى، باعىتتامالى، كوپ ءتۇرلى فورماداعى، ەرەكشە جەتەكتەۋ فورماسىن ورىستەتەدى. التىن سالىق 3 - مەرزىمدىك وزەكتى جيناۋ، باسقارۋ جۇيەسىنىڭ قاتىستى مودۋلىنىڭ دارەجەسىن ءوسىرۋ قىزمەتىن جەدەلدەتىپ، ەلەكتروندىق سالىق مەكەمەسىنىڭ ءوتىنىش بەرۋ مودۋلىن ۇزدىكسىز كەمەلدەندىرىپ، سالىق تولەۋشىلەردىڭ ساياساتتان يگىلىكتەنۋىنىڭ دالمە - دالدىگىن جوعارىلاتىپ، رەفورما پايداسىنان سالىق تولەۋشىلەردىڭ بارىنشا يگىلىكتەنۋىنە كەپىلدىك ەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى