تيانشان تورابى   ›   جاڭالىقتار   ›   شينجياڭ حابارلارى

كاپيتال بازارىنا سۇيەنىپ، شينجياڭنىڭ ەكونوميكالىق، قوعامدىق دامۋىن دەمەيىك

  اۆتونوميالى رايوندىق حالىق ۇكىمەتى مەن شاڭحاي اكتسيا ساۋدا ورنى ستراتەگيالىق سەلبەستىك جۇلگەلىك كەلىسىمىن جاساستى

  كاپيتال بازارىنا سۇيەنىپ، شينجياڭنىڭ ەكونوميكالىق، قوعامدىق دامۋىن دەمەيىك

  ءتىلشى ۋاڭ يۇڭفي 4 - ايدىڭ 12 - كۇنى شاڭحايدان حابارلايدى. 4 - ايدىڭ 12 - كۇنى اۆتونوميالى رايوندىق حالىق ۇكىمەتى مەن شاڭحاي اكتسيا ساۋدا ورنى شاڭحايدا ستراتەگيالىق سەلبەستىك جۇلگەلىك كەلىسىمىن جاساستى. ەكى جاق كاپيتال بازارىنا سۇيەنىپ، شينجياڭنىڭ ناقتى ەكونوميكاسىنىڭ دامۋىن دەمەۋ، شينجياڭنىڭ حالىقتىق شارۋاشىلىعىنىڭ جەدەل دامۋىن دەمەۋ، شينجياڭنىڭ قامداۋ جاعىنداعى قۇرىلىمدىق رەفورماسى مەن مەملەكەت مەنشىگىندەگى كاسىپورىندار رەفورماسىن دەمەۋ، شينجياڭنىڭ ءۇش ۇلكەن قامال الۋ شايقاسىنىڭ جەڭىسىنە جەتۋىن دەمەۋ، شينجياڭنىڭ جىبەك جولى ەكونوميكالىق بەلدەۋى وزەكتى رايون قۇرىلىسىنا قىزمەت وتەۋ جانە ونى دەمەۋ سياقتىلار جونىندە سەلبەستىك ورتاق تانىمىنا كەلدى.

  اۆتونوميالى رايوندىق پارتكوم مەن ۇكىمەت كاپيتال بازارى قۇرىلىسىنا ايرىقشا ءمان بەرىپ كەلەدى، بىلتىر جىل سوڭىنا دەيىن شينجياڭدا جارناسى بازارعا شىعارىلعان سەرىكتەستىكتەر 55كە جەتىپ، قۇراعان جالپى قارجى كولەمى 280 ميلليارد 900 ميلليون يۋانعا جەتتى. مۇنىڭ ىشىندە شاڭحاي اكتسيا ساۋدا ورنىندا جارناسى بازارعا شىعارىلعان كاسىپورىن 29عا جەتتى.

  تاياۋ جىلداردان بەرى، شاڭحاي اكتسيا ساۋدا ورنى جاريا، اشىق، حاۋىپسىز، جوعارى ءونىمدى بازار ورتاسىن قالىپتاستىرۋعا كۇش سالىپ، جارنا، زايوم، قور، تۋىندى ءونىم سىندى 4 ۇلكەن تۇردەگى اكتسيا ساۋدا تۇرىنە يە، بازار قۇرىلىمى ءبىرشاما كەمەلدى اكتسيا ساۋدا ورنى بولىپ دامىدى، اسىرەسە، تۇڭعىش كەزەكتى جۇڭگو حالىقارالىق يمپورت كورمەسى عىلىم - تەحنيكالىق جاڭالىق اشۋ تاقتاسىن ورناتۋدى جاريالاعان جانە تىركەۋ ءتۇزىمىن سىناق ەتكەن سوڭ، شاڭحاي اكتسيا ساۋدا ورنى جارنا تاراتۋ - تەكسەرۋ تۇزىمىندە جاڭالىق اشۋدى تياناقتاندىرۋدىڭ، كاسىپورىنداردىڭ عىلىم - تەحنيكادا جاڭالىق اشۋىن ىلگەرىلەتۋدىڭ، حالىقارالىق كاپيتال بازارىنا تۋرالانۋعا دەم بەرۋدىڭ اۋىر مىندەتىن ارقالادى. بۇل شاڭحاي اكتسيا ساۋدا ورنى مەن اۆتونوميالى رايوندىق حالىق ۇكىمەتىنىڭ اناعۇرلىم تەرەڭ دەڭگەيدە، اناعۇرلىم كەڭ سالادا سەلبەستىك ورىستەتۋىنە بەرىك نەگىز قالادى.

   كەلىسىمنىڭ جاسالۋى اۆتونوميالى رايوندىق حالىق ۇكىمەتى مەن شاڭحاي اكتسيا ساۋدا ورنى سەلبەستىگىنىڭ جاڭا ساتىعا وتكەندىگىن كورسەتەدى. كەلىسىمگە قول قويۋ سالتىندا اۆتونوميالى رايوننىڭ شاڭحاي اكتسيا ساۋدا ورنىندا جارناسىن بازارعا شىعارۋعا دايىندالعان 20عا جۋىق كاسىپورىننىڭ جاۋاپتىسى شاڭحاي اكتسيا ساۋدا ورنىنىڭ قىزمەتكەرلەرىمەن ىشكەرىلەي پىكىرلەستى. سالتقا قاتىناسقان كاسىپورىنشىلار كەلىسىمگە قول قويىسۋ ورايىنان پايدالانىپ، سەرىكتەستىكتىڭ باسقارۋ قۇرىلىمىن كەمەلدەندىرۋدى تەزدەتىپ، باستى تيجارات كاسىبىن جەدەل الۋەتتەندىرىپ، كاپيتال بازارىنىڭ كەمەسىنە ەرتەرەك شىعۋعا قۇلشىنىپ، جەلكەن جايىپ، الىسقا ساپار شەگۋدى جۇزەگە اسىراتىندىقتارىن ءبىلدىرىستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى