تيانشان تورابى   ›   جاڭالىقتار   ›   ماڭىزدى حابارلار

شي جينپيڭ تەلەگرامما جولداپ، جين جىڭىننىڭ چاۋشيان مەملەكەت ىستەرى كوميتەتىنىڭ باستىقتىعىنا تاعى تاعايىندالعاندىعىن قۇتتىقتادى

  شينحۋا اگەنتتىگىنىڭ 4 - ايدىڭ 12 - كۇنى بەيجيڭنەن بەرگەن حابارى. 4 - ايدىڭ 12 - كۇنى مەملەكەت ءتوراعاسى شي جينپيڭ چاۋشياننىڭ ەڭ جوعارى باسشىسى جين جىڭىنعا تەلەگرامما جولداپ، ونىڭ چاۋشيان مەملەكەت ىستەرى كوميتەتىنىڭ باستىقتىعىنا تاعى كورسەتىلگەندىگىن قۇتتىقتادى.

  شي جينپيڭ مىنالاردى ءبىلدىردى: ءسىز چاۋشيان ەڭ جوعارى حالىق كەڭەسى 14 - كەزەكتى 1 - ماجىلىسىندە چاۋشيان دەموكراتيالىق حالىق رەسپۋبليكاسى مەملەكەت ىستەرى كوميتەتىنىڭ باستىقتىعىنا تاعى كورسەتىلدىڭىز، بۇل چاۋشيان پارتياسى مەن حالقىنىڭ سىزگە سەنەتىندىگىن جانە ءسىزدى قولدايتىندىعىن ايگىلەيدى. مەن ءسىزدى قىزۋ قۇتتىقتايمىن ءارى ىزگى تىلەگىمدى بىلدىرەمىن. ءبىز سوڭعى جىلدارى كوميتەت باستىعى جولداستىڭ باسشىلىعىندا، چاۋشياننىڭ ەكونوميكالىق، قوعامدىق دامۋدا ۇزدىكسىز تىڭ جەتىستىكتەرگە قول جەتكىزگەندىگىن، سوتسياليزم ىستەرىنىڭ جاڭا تاريحي كەزەڭگە وتكەندىگىن كورىپ قۋاندىق. مەن كوميتەت باستىعى جولداس بەلگىلەگەن جاڭا ستراتەگيالىق لۋشياننىڭ جەتەكشىلىگىندە، چاۋشيان حالقىنىڭ مەملەكەت قۇرىلىسى مەن دامۋدىڭ ءتۇرلى ىستەرىندە، ءسوزسىز، جاڭا اناعۇرلىم كەسەك تابىستارعا قول جەتكىزەتىندىگىنە سەنەمىن.

  شي جينپيڭ بىلاي دەپ اتاپ كورسەتتى: جۇڭگو - چاۋشيان ەكى ەل تاۋ - وزەندەرى جالعاسىپ جاتقان دوس كورشىلەر. مەن جۇڭگو مەن چاۋشياننىڭ ءداستۇرلى دوستىق، سەلبەستىك قارىم - قاتىناسىنا وسكەلەڭ ءمان بەرەمىن. بىلتىردان بەرى، مەن كوميتەت باستىعى جولداسپەن 4 رەت كەزدەسىپ، ءبىر قىدىرۋ ماڭىزدى ورتاق تانىمدارعا كەلىپ، جۇڭگو - چاۋشيان قارىم - قاتىناسىنىڭ تىڭ تاراۋىن بىرگە اشتىق. مەن كوميتەت باستىعى جولداسپەن بىرگە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتە وتىرىپ، جۇڭگو - چاۋشيان قارىم - قاتىناسىنىڭ ونان ارى العا دامۋىن ىلگەرىلەتىپ، ەكى ەلدى جانە ەكى ەل حالقىن اناعۇرلىم يگى باقىتقا كەنەلتۋدى قالايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى