تيانشان تورابى   ›   جاڭالىقتار   ›   شينجياڭ حابارلارى

رايونىمىز وتكەرمە اۆتوكولىكتەردى سىرتتان اكەلۋگە قويىلعان شەكتەمەنى جاپپاي كۇشىنەن قالدىردى

  ءتىلشى چىن چياڭۋي 4 - ايدىڭ 13 - كۇنى ۇرىمجىدەن حابارلايدى. 2019 - جىلعى شينجياڭ وتكەرمە اۆتوكولىكتەردى وتكىزۋ كاسىبى جىلدىق ماجىلىسىنەن ۇعىسۋىمىزشا، قازىر شينجياڭ وتكەرمە اۆتوكولىكتەردى سىرتتان اكەلۋگە قويىلعان شەكتەمەنى جاپپاي كۇشىنەن قالدىرۋدى جۇزەگە اسىرىپ، وتكەرمە اۆتوكولىكتەر ساۋداسىنا اناعۇرلىم قولايلىلىق جاراتقان.

  وتكەرمە اۆتوكولىكتەردى سىرتتان اكەلۋگە قويىلعان شەكتەمە دەگەنىمىز ءبىر ءبولىم جەرلەر قورشاعان ورتانى قورعاۋ ولشەمىنە شەك قويۋ، جىل شەگى سياقتى شارالاردى قولدانىپ، سىرت جەرلەردەگى وتكەرمە اۆتوكولىكتەردىڭ جەرگىلىكتى بازارلارعا زور مولشەردە ەنگىزىلۋىنەن ساقتانۋ بولىپ تابىلادى.

  وتكەرمە اۆتوكولىكتەر ساۋدا بازارىن اناعۇرلىم گۇلدەندىرۋ ءۇشىن، 2018 - جىلى اۆتونوميالى رايوندىق حالىق ۇكىمەتى «رايونىمىزدىڭ وتكەرمە اۆتوكولىكتەردى سىرتتان اكەلۋگە قويىلعان شەكتەمەنى جاپپاي كۇشىنەن قالدىرۋ ساياساتى جونىندەگى حابارلاندىرۋ»دى تاراتتى، اۆتونوميالى رايوندىق ساۋدا ىستەرى مەڭگەرمەسى «رايونىمىزدىڭ وتكەرمە اۆتوكولىكتەردى سىرتتان اكەلۋگە قويىلعان شەكتەمەنى جاپپاي كۇشىنەن قالدىرۋ ساياساتىن تياناقتاندىرۋ جاعدايى جونىندەگى حابارلاندىرۋ»ىن تاراتىپ، «وتكەرمە اۆتوكولىكتەر ساۋداسىنا قولايلىلىق جاراتۋدى اناعۇرلىم ىلگەرىلەتۋدى اتقارۋ جوباسى» سياقتىلاردى بەلگىلەدى ءارى ءارقايسى ايماق، وبلىس، قالالاردىڭ وتكەرمە اۆتوكولىكتەردى سىرتتان اكەلۋگە قويىلعان شەكتەمەنى كۇشىنەن قالدىرۋ جاعدايىنا جاپپاي باقىلاۋ - تەكسەرۋ جۇرگىزدى.

  اۆتونوميالى رايوندىق ساۋدا ىستەرى مەڭگەرمەسى بازار جۇيەسى قۇرىلىسى باسقارماسىنىڭ ورىنباسار تەكسەرىپ زەرتتەۋشىسى ۋ مين بىلاي دەدى: ”قازىر بۇكىل شينجياڭدا مەملەكەت جاراقسىزعا شىعارۋدى تالاپ ەتكەن سارى بەلگىلى اۆتوكولىكتەردەن (مەملەكەتتىك I - دارەجەلى ىعىستىرۋ ولشەمىنەن تومەن بەنزين جاعاتىن اۆتوكولىكتەر جانە مەملەكەتتىك III - دارەجەلى ىعىستىرۋ ولشەمىنەن تومەن ديزەل جاعاتىن اۆتوكولىكتەر) سىرت، جالپى مەملەكەتتىڭ موتورلى كولىكتەردىڭ ىعىستىرۋ جانە حاۋىپسىزدىك ولشەمىنە ۇيلەسەتىن، قورشاعان ورتانى قورعاۋ مەرزىمدى تەكسەرۋ ونىمدىلىك مەرزىمى مەن جىلدىق تەكسەرۋ ونىمدىلىك مەرزىمى ىشىندەگى وتكەرمە اۆتوكولىكتەرگە تۇگەلدەي سىرتتان اكەلۋ راسمياتىن وتەۋگە بولادى“.

  بيىل اۆتونوميالى رايون باسىپ تاراتقان «تۇتىنۋ ءتۇزىلىس - مەحانيزمىن كەمەلدەندىرۋدى جەبەپ، تۇرعىنداردىڭ تۇتىنۋ كومەسكى كۇشىن اناعۇرلىم جانداندىرۋ جونىندەگى اتقارۋ پىكىرى» سىرتتان اكەلۋگە قويىلعان شەكتەمەنى كۇشىنەن قالدىرۋ ساياساتىنىڭ اتقارىلۋىن اناعۇرلىم ايقىنداپ، وتكەرمە اۆتوكولىكتەردىڭ پايدالانىلۋىن ىلگەرىلەتۋدى ساياساتپەن قامتاماسىز ەتتى.

  شينجياڭ تۇڭحۇي بازارى شەكتى سەرىكتەستىگىنىڭ باس ديرەكتورى ۋاڭ گاڭ: ”ءبىز بىلتىر 46 مىڭ وتكەرمە اۆتوكولىك ساتتىق، ساتىلۋ سوماسى 2 ميلليارد 990 ميلليون يۋان بولدى، مۇنىڭ 30 پايىزىنا تاياۋىن سىرت جەردىڭ تۇتىنۋشىلارى ساتىپ اكەتتى. وتكەرمە اۆتوكولىكتەردى سىرتتان اكەلۋگە قويىلعان شەكتەمە جاپپاي كۇشىنەن قالدىرىلعاننان كەيىن، بۇرىن سىرتتان اكەلۋ شەكتەلگەن وتكەرمە اۆتوكولىكتىڭ ساتىلىمى %10 اينالاسىندا ارتتى“، - دەدى.

  تولىقسىز ساناققا قاراعاندا، بۇكىل شينجياڭدا ساۋداعا سالىنعان وتكەرمە اۆتوكولىك 384 مىڭعا، ساۋدا سوماسى 24 ميلليارد 624 ميلليون يۋانعا جەتكەن. مۇنىڭ ىشىندە ۇرىمجىدە ساۋداعا سالىنعان وتكەرمە اۆتوكولىك 123 مىڭعا جەتىپ، بۇكىل شينجياڭداعى جالپى ساۋدا مولشەرىنىڭ %32.03ىن؛ ساۋدا سوماسى 14 ميلليارد 186 ميلليون يۋانعا جەتىپ، بۇكىل شينجياڭداعى جالپى ساۋدا مولشەرىنىڭ %57.61ىن يەلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى