تيانشان تورى   ›   جاڭالىقتار   ›   شينجياڭ حابارلارى

100 ميلليمەترلىك اپپارات كوزىندەگى جورعا بوكەن وتە ادەمى بولىپ كورىندى

   شىن ياپيڭ

  تاياۋدا، شينحۋا اگەنتتىگىنىڭ حابارىنا قاراعاندا، شينجياڭ التىنتاۋ مەملەكەتتىك جاراتىلىستىق قورىق رايونىن باسقارۋ مەكەمەسىندەگى جولداستار 100 ميلليمەترلىك اپپاراتپەن دە جورعا بوكەندى سۋرەتكە تۇسىرگەن. ال 3 جىلدىڭ الدىندا، جورعا بوكەن اۆتوكولىكتەردى كورگەن زامان جان ۇشىرتا قاشا جونەلەتىن، 400 − 600 ميلليمەترلىك ۇزىن تۇتىكتى اپپاراتپەن دە سۋرەتكە ءتۇسىرۋ قيىن ەدى.

  100 ميلليمەترلىك اپپارات − التىنتاۋ قورىق رايونىنداعى جورعا بوكەندەردىڭ ادامنان ۇركۋ ارالىعىنىڭ بارعان سايىن قىسقارىپ، ادامزاتقا بارعان سايىن جاقىنداعاندىعىنىڭ ايعاعى، مۇنان دا ماڭىزدىسى، التىنتاۋ قورىق رايونىنىڭ ءۇستىرت ەكولوگيالىق ورتاسىن قورعاۋ ناتيجەسىن باعامداۋدىڭ ولشەمى.

  زاڭسىز التىن قازۋ، زاڭسىز اڭ اۋلاۋ، كەن اشۋ جانە زاڭسىز كەسىپ ءوتۋ قورىق رايونىنىڭ ەكولوگيالىق ورتاسىنا اۋىر حاۋىپ توندىرگەندىگىنە قاراتا التىنتاۋ قورىق رايونى ”ادام مەن تابيعاتتىڭ جاراسىمدى قاتار ءومىر ءسۇرۋ“ ۇستانىمىن بەرىك ورناتىپ، ەكونوميكالىق دامۋ مەن ەكولوگيالىق ورتانى قورعاۋدىڭ قاتىناسىن دۇرىس ءبىر جاقتى ەتىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارۋ ارقىلى ءۇستىرتتىڭ ءالسىز ەكولوگيالىق جۇيەسىن قورعادى، جورعا بوكەننىڭ ەجەلگى مەكەنىن قورعادى. زاڭسىز كەسىپ وتۋگە قاتاڭ تيىم سالۋ، كەن كاسىپورىندارىن جاۋىپ تاستاۋ، ساياحات اشۋدى توقتاتۋ سياقتى ناقتى دا ءونىمدى شارا قولدانۋ ارقىلى قورىق رايونىنىڭ ەكولوگياسىن قالپىنا كەلتىرۋدە قۋانارلىق جاعداي جارىققا شىقتى، جورعا بوكەننىڭ، قوداستىڭ، تيبەت قۇلاننىڭ جالپى سانى ورنىقتى ارتىپ، حايۋاناتتاردىڭ ادامزاتتان ۇركۋى بىرتىندەپ باسەڭدەدى.

  100 ميلليمەترلىك اپپارات كوزىندەگى جورعا بوكەننىڭ ەرەكشە ادەمى بولىپ كورىنۋى ونىڭ دەنە ءبىتىمىنىڭ ادەمىلىگىنەن عانا ەمەس، ەڭ ماڭىزدىسى، ادەمى جورعا بوكەن ارقىلى ءبىز ادام مەن تابيعات جاراسىمدى ءومىر سۇرگەن، ادامزات پەن جابايى حايۋاناتتار جەر شارى سىندى مەكەننەن بىرگە يگىلىكتەنگەن اسەرلى كورىنىستى كوردىك.

  (”لەپتى لەبىز“ حات ساندىعى ادرەسى: xjrbplb@126.net )

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى