تيانشان تورابى   ›   جاڭالىقتار   ›   شينجياڭ حابارلارى

ورتا، شاعىن كاسىپورىنداردىڭ دارەجەسىن ءوسىرىپ دامۋىنا پارمەندى تىرەك ازىرلەدى

  شينجياڭ جارنا ۇقىعى ساۋدا ورتالىعى مەن يىنحى اكتسيا شەكتى جارنا سەرىكتەستىگى ستراتەگيالىق سەلبەستىك كەلىسىمىن جاساستى

  ورتا، شاعىن كاسىپورىنداردىڭ دارەجەسىن ءوسىرىپ دامۋىنا پارمەندى تىرەك ازىرلەدى

  ءتىلشى ياڭ شۋحان 4 - ايدىڭ 13 - كۇنى ۇرىمجىدەن حابارلايدى. 4 - ايدىڭ 12 - كۇنى شينجياڭ جارنا ۇقىعى ساۋدا ورتالىعى مەن جۇڭگو يىنحى اكتسيا شەكتى جارنا سەرىكتەستىگى ۇرىمجىدە ستراتەگيالىق سەلبەستىك كەلىسىمىن جاساستى، ەكى جاق تىزە قوسا سەلبەسىپ، شينجياڭ رايونىنىڭ كاپيتال بازارى قۇرىلىسىن كۇشەيتىپ، ارتىقشىلىقتارمەن ءبىرىن - ءبىرى تولىقتىرۋ، بايلىقتان بىرگە يگىلىكتەنۋ ارقىلى شينجياڭداعى ورتا، شاعىن كاسىپورىنداردىڭ كاپيتال بازارىمەن ۇشتاسۋىنا جان - جاقتى قىزمەت وتەپ، ورتا، شاعىن كاسىپورىنداردىڭ شاعىن كولەمنەن كولەمدەنۋگە ءوتۋ − كولەمدەنۋدەن جارنالىق تۇزىمگە اۋىسۋ − جارنانى بازارعا شىعارىپ جاڭارۋ، دامۋ جولىمەن جۇرۋىنە پارمەندى تىرەك ازىرلەيدى.

  كەلىسىم بويىنشا، ەكى جاق بايلىقتىڭ ءبىرىن - ءبىرى تولىقتاۋ ابزالدىلىعىن ساۋلەلەندىرىپ، يىنحى اكتسيا جارنا شەكتى سەرىكتەستىگىنىڭ دارىندى، كاسىپ، الارمان بايلىعى، تارماق ارنا سياقتى ابزالدىلىقتارىنىڭ شينجياڭ جارنا ۇقىعى بازارىنىڭ قىزمەت وتەۋ فۋنكتسياسىمەن ءونىمدى ۇشتاسۋىن جۇزەگە اسىرىپ، كاسىپورىنداردى تىركەۋ - تانىستىرۋ، جارناسىن بازارعا شىعارۋعا تاربيەلەۋ، قىزمەت وتەۋ بايلىعىنان بىرگە يگىلىكتەنۋ سياقتى جاقتاردان تەرەڭ سەلبەستىك ورناتىپ، اناعۇرلىم كوپ ورتا، شاعىن كاسىپورىنداردىڭ وڭىرلىك جارنا ۇقىعى بازارىنىڭ دامۋعا ۇسىنعان قولداۋىنا يە بولۋىنا مۇمكىندىك جاسايدى. سونىمەن بىرگە، شينجياڭ جارنا ۇقىعى ساۋدا ورتالىعىنىڭ جالپىلىق قىزمەت وتەۋ قابىلەتىن ونان ارى جوعارىلاتادى.

  تالداۋ جاساۋشىلار بىلاي دەپ اتاپ كورسەتتى: يىنحى اكتسيا شەكتى جارنا سەرىكتەستىگى كاپيتال بازارى بويىنشا قىزمەت وتەيتىن كاسىبي قۇرىلىم رەتىندە شينجياڭ جارنا ۇقىعى ساۋدا ورتالىعىمەن سەلبەستىك مەحانيزمىن ورناتىپ، شينجياڭ كاپيتال بازارى قۇرىلىسىنا بەلسەنە ات سالىسۋى شينجياڭنىڭ ورتا، شاعىن كاسىپورىندارىنىڭ ”وڭىرلىك جارنا ۇقىعى بازارى − جاڭا 3 تاقتا − شاڭحاي، شىنجىن اكتسيا ساۋدا ورنىندا جارنانى بازارعا شىعارۋ“ سىندى كاپيتال بازارى بويىنشا ءبىر بەكەتتىك قىزمەت وتەۋ ارناسىن ونان ارى ىركىلىسسىزدەندىرەدى.

   ۇعىسۋىمىزشا، يىنحى اكتسيا شەكتى جارنا سەرىكتەستىگى جۇڭگو اكتسيا سالاسىندا جەتەكشى ورىندا كەلە جاتقان جالپىلىق فينانس بويىنشا قىزمەت وتەۋمەن قامداۋشى سانالادى، ول سەرىكتەستىكتىڭ كاپيتال كولەمى، پايدا تابۋ دەڭگەيى، كاسىپتىك قارىم - قۋاتى جانە تاۋەكەلدەردى باسقارۋ قابىلەتى جاعىندا باستان - اياق سالانىڭ 1 - قاتارىندا كەلەدى ەكەن. شينجياڭ جارنا ۇقىعى ساۋدا ورتالىعى شينجياڭنىڭ وڭىرلىك جارنا ۇقىعى بازارىندا بىردەن - ءبىر زاڭدى جۇمىس جۇرگىزۋشى قۇرىلىم، بيىل 3 - ايعا دەيىن اتالعان ورتالىقتا تىركەلگەن كاسىپورىندار 698گە جەتىپ، ءتۇرلى ورتا، شاعىن كاسىپورىندار ءۇشىن جيىنى 5 ميلليارد 327 ميلليون يۋان قارجى قۇراعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى