تيانشان تورابى   ›   جاڭالىقتار   ›   ساياحات

جىبەك جولى ساياحات سەلبەستىگىنىڭ ۇلكەن تۇعىرىن ورناتايىق

  2019 - جىلعى جۇڭگو باتىس سولتۇستىك ساياحات شارۋاشىلىق - ساۋدا جيىنى وتكىزىلدى

  جىبەك جولى ساياحات سەلبەستىگىنىڭ ۇلكەن تۇعىرىن ورناتايىق 

  ءتىلشى رىن جياڭ 4 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋعا قاراعاندا، 4 - ايدىڭ 12 - كۇنى 2019 - جىلعى جۇڭگو باتىس سولتۇستىك ساياحات شارۋاشىلىق - ساۋدا جيىنى جانە جىبەك جولى مادەنيەت - ساياحات كاسىبى ساۋدا جيىنى چيڭحايدىڭ شينيڭىندە وتكىزىلدى.

  وسى كەزەكتى جۇڭگو باتىس سولتۇستىك ساياحات شارۋاشىلىق - ساۋدا جيىنىن شانشي، گانسۋ، نيڭشيا، چيڭحاي، شينجياڭ 5 ولكەنىڭ (رايون) مادەنيەت جانە ساياحات مەڭگەرمەسى، سونداي - اق شينجياڭ ءوندىرىس - قۇرىلىس بيڭتۋانى مادەنيەت، دەنە تاربيە، راديو، تەلەۆيزيا جانە ساياحات مەكەمەسى بىرلەسىپ وتكىزگەن، ”جىبەك جولىنان ەندەي ءوتۋ. تاماشا تۇرمىستان تەڭ يگىلىكتەنۋ“دى تاقىرىپ ەتىپ، باتىس سولتۇستىكتەگى ولكە، رايوندار مەن جىبەك جولى ەكونوميكالىق بەلدەۋىنىڭ بويىنداعى ەلدەردىڭ جانە ولكە، قالا، رايوندار اراسىنداعى مادەنيەت، ساياحات كاسىبىن ۇگىتتەۋ، تانىستىرۋ، سەلبەستىك جاساسۋ ۇلكەن تۇعىرىن جاپپاي ورناتادى.

  اۆتونوميالى رايوندىق مادەنيەت جانە ساياحات مەڭگەرمەسى ىلە قازاق اۆتونوميالى وبلىستىق مادەنيەت جانە ساياحات مەكەمەسى، سونداي - اق قۇمىل قالاسى، اراتۇرىك اۋدانى، كورلا قالاسى سياقتى ايماقتىق (وبلىستىق، قالالىق) مادەنيەت جانە ساياحات تاراۋلارىن جانە اۆتونوميالى رايوندىق ساياحات قوعامى، گاڭجۇڭلۇي حالىقارالىق شينجياڭ ساياحات شەكتى جاۋاپكەرشىلىك سەرىكتەستىگى سياقتى ساياحات كووپەراتيۆتەرىنەن، ساياحات كاسىپورىندارىنان 20 نەشە ورىندى جيىنعا قاتىناسۋعا ۇيىمداستىردى.

  شينجياڭ كورمە سارايىنىڭ يەلەگەن جەر اۋدانى 120 شارشى مەتر. جىبەك جولى تيانشان ساياحات جەلىسى سياقتى جەلى ونىمدەرى، ”اتتى ۇيىڭىزگە الىپ كەتىڭىز“ جەلىلەس ءساندى بۇيىمدارى سياقتى ساياحات مادەنيەت جاڭالىعى ونىمدەرى، سونداي - اق كوكەمارال جەلىلەس ونىمدەرى، تىكەن جيدە جەلىلەس ونىمدەرى سياقتى ساياحات تاۋارلارى ايرىقشا قارسى الىنىپ، ساۋداگەرلەر كەڭەسۋ ءۇشىن ءۇستى - ۇستىنە كەلدى.

  اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىسى بىلاي دەدى: شينجياڭ جۇڭگو باتىس سولتۇستىك ساياحات شارۋاشىلىق - ساۋدا جيىنىن تۇعىر ەتىپ، باتىس سولتۇستىكتەگى ءارقايسى ولكەلەرمەن (رايون) جىبەك جولى ەكونوميكالىق بەلدەۋىنىڭ بويىنداعى ەلدەردىڭ، ولكە، قالا، رايونداردىڭ زور بىرلەسكەن قيمىلىن رەسمي باستاپ، جىبەك جولى ەكونوميكالىق بەلدەۋىنىڭ بويىنداعى ەلدەردىڭ، ولكە، قالا، رايونداردىڭ سەلبەستىگىن، اۋىس - ءتۇيىسىن كۇشەيتىپ، جىبەك جولى ساياحات ايگىلى ماركاسىنىڭ مازمۇنىن جانە قۋاتىن بىرگە دامىتىپ، جىبەك جولى مادەنيەت - ساياحات كاسىبىنىڭ قاۋىرت دامۋىن بىرگە ىلگەرىلەتەدى.

   جۇڭگو باتىس سولتۇستىك ساياحات شارۋاشىلىق - ساۋدا جيىنى بۇرىن - سوڭدى شي - اندا، يىنچۋاندا 6 كەزەك وتكىزىلگەن، ءار كەزەگى بۇكىل ەلىمىزدىڭ جەر - جەرىندەگى، شياڭگاڭ، اۋمىن، تايۋان رايوندارىنداعى ساياحات ءونىمىن دايىندايتىن، قاجەتسىنەتىن 1000نان كوپ ورىندى دەرلىك جيىنعا قاتىناسىپ، پىكىر اۋىستىرىپ، سەلبەستىك جاساسۋدى كەڭەسۋگە باۋراپ، ۇستىندە سول جىلعى ساياحات سەلبەستىگىنە جانە ساياحاتشىلار قاينارىنا قاتىستى 10 مىڭنان كوپ كەلىسىم جاساسىپ، شىعىس پەن باتىستىڭ، وڭتۇستىك پەن سولتۇستىكتىڭ ساياحات سەلبەستىگىن، سونداي - اق ساياحاتشىلار قاينارىنان ءوزارا پايدالانۋدى جەبەۋدە بەلسەندى رول اتقاردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى