ءتۇرلى ءوندىرىس ساندى مالىمەتتەرى تۇگەلدەي ورنىقتى ارتتى
ءتىلشى ما ينيڭ 4 - ايدىڭ 13 - كۇنى ۇرىمجىدەن حابارلايدى. بيىل 1 - توقساندا شينجياڭ اۋەجاي توبىنىڭ تاسىمال ءوندىرىس جاعدايى جاقسى بولىپ، ءتۇرلى ءوندىرىس ساندى مالىمەتتەرى تۇگەلدەي ورنىقتى ارتىپ، جيىنى 8 ميلليون 387 مىڭ 400 ادام - رەت جولاۋشى تاسىمالداپ، 40 مىڭ 200 توننا جۇك جونەلتىپ، 82 مىڭ 600 رەت ۇشۋ - قونۋعا كەپىلدىك ەتىپ، سايكەس مەزگىلدەگىدەن جەكە - جەكە %10.1، %9.1، %10.5 ارتتى.
مۇندا، ءۇرىمجى حالىقارالىق اۋەجايى جيىنى 5 ميلليون 457 مىڭ 900 ادام - رەت جولاۋشى تاسىمالداپ، سايكەس مەزگىلدەگىدەن %2.9 ارتتى؛ 32 مىڭ 800 توننا جۇك جونەلتىپ، سايكەس مەزگىلدەگىدەن %7.5 ارتتى؛ 41 مىڭ 600 رەت ۇشۋ - قونۋعا كەپىلدىك ەتىپ، سايكەس مەزگىلدەگىدەن %1.7 ارتىپ، جولاۋشى قابىلداۋ - جونەلتۋ مولشەرى بۇكىل مەملەكەتتەگى اۋەجاي بويىنشا 20 - قاتارعا ءوتتى.
شينجياڭ اۋەجاي توبىنىڭ 18 تارماق اۋەجايى 1 - توقساندا جيىنى 2 ميلليون 929 مىڭ 500 ادام - رەت جولاۋشى تاسىمالداپ، سايكەس مەزگىلدەگىدەن %26.7 ارتتى؛ 7400 توننا جۇك جونەلتىپ، سايكەس مەزگىلدەگىدەن %16.8 ارتتى؛ 41 مىڭ رەت ۇشۋ - قونۋعا كەپىلدىك ەتىپ، سايكەس مەزگىلدەگىدەن %21 ارتتى.
تانىستىرۋعا قاراعاندا، جولاۋشىلاردىڭ قاتىناۋ ساناعىنا نەگىزدەلگەندە، 1 - توقساندا شينجياڭنان بەيجيڭ، شي - ان، جىڭجوۋ، لانجوۋ، چىڭدۋ، گۋاڭجوۋ، شاڭحاي، چۇڭچيڭ سياقتى ەل ىشىندەگى قالالارعا قاتىناۋ كوبىرەك؛ حالىقارادا الماتى، ءىسلاماباد، بانگكوك، بىشكەك، تاشكەنت، دۋباي سياقتى قالالارعا قاتىناۋ كوبىرەك بولعان.