ءبيشى پيداگۇل احات:
”جاقسى اپەكە - سىڭلىلەرىم ءومىر جولىمدا قامقور بولدى “
ءتىلشى يۇي شي
قولىن جوعارى - تومەن، وڭدى - سولدى اينالدىرىپ، بىردە ەلىكتەي ويناقتاسا، بىردە بۇرالا شىر اينالدى... 4 - ايدىڭ 10 - كۇنى شينجياڭ ءوندىرىس - قۇرىلىس بيڭتۋانى ءان - ءبي تەاترىنىڭ جاتتىعۋ زالىندا ءبيشى پيداگۇل احات ءبىر توپ بويجەتكەنمەن بىرگە «شۋان ۋيۇييىن» بيىنە بار ىنتا - پەيىلىمەن جاتتىعىپ جاتقان - دى.
”بۇل حان، تاڭ ءداۋىرى ۇلگىسىندەگى ءبي، رەجيسسەردىڭ جەتەكشىلىگىندە ءبىزدىڭ العاباسۋىمىز وتە تەز بولدى“، - دەدى پيداگۇل.
بيىل 24 جاستاعى پيداگۇل كوپتەگەن داڭققا يە بولدى: 2016 - جىلى 8 - ايدا جيناندا وتكىزىلگەن ”بيمەن قاناتتانعان ارمان“ اتىنداعى مەملەكەتتىك ءبي جارىسىندا التىن مەدالعا يە بولدى؛ 2016 - جىلى 11 - ايدا ”شينجياڭنىڭ جاقسى ءبيى“ تەلەۆيزيا شابىتتاندىرۋ ءبي جارىسىندا ءۇشىنشى بولدى...
”ءومىر جولىمدا مەن ساحنادا تاماشا ويىن نومىرلەرىن ورىنداي الۋىم كوپتەگەن ادامداردىڭ قويۋ سۇيىسپەنشىلىگىنىڭ ارقاسى ەكەندىگىن تەرەڭ سەزىندىم“، - دەدى پيداگۇل اسەرلى سەزىممەن.
”جاقسى اپەكە - سىڭلىلەر اراسىندا ىنتىماق، دوستىق، ءبىرىن - ءبىرى دەمەۋ بولۋ كەرەك. پيداگۇل، ءبىز الدىمەن ءوزارا ءتىل ۇيرەنۋدەن باستايىق“. ەندى قىزمەتكە قاتىناسىپ، شينجياڭ تەاترحاناسىندا ءبيشى بولعان كەزىندە جاتاقتا 8 ادام بار بولاتىن، از ۇلتتان پيداگۇل عانا بار ەدى. كوپشىلىك ونىڭ پۋتۇڭحۋانى جاتتىق سويلەي المايتىندىعىن بىلگەننەن كەيىن، وعان كەزەكپەن ۇيرەتەدى.
ءاربىر دىبىستالۋدان باستاپ، اۋىزەكى تىلدە پىكىر اۋىستىرۋعا دەيىن، جاتاقتاعى 7 بويجەتكەن ءتۇرلى ادىستەردى قولدانىپ، پيداگۇلدىڭ مەملەكەتتە ءبىر تۇتاس قولدانىلاتىن ءتىل - جازۋدى تىڭداۋ، جازۋ، سويلەۋ قابىلەتىن جوعارىلاتۋىنا كومەكتەسەدى.
2015 - جىلى 3 - ايدا بيگە جاتتىعىپ جاتقان كەزدە، پيداگۇل ابايسىزدا جىعىلىپ جارالانىپ، سول قولى سىنىپ، بەل ومىرتقاسى زاقىمدالادى. وتباسىنداعىلار الاڭداپ قالماسىن دەپ ويلاپ، پيداگۇل بۇل ءىستى ۇيدەگىلەرىنە ايتپايدى. ول ءوزى قايتىپ تۇرمىس كەشىرەمىن دەپ ۋايىمداپ جاتقان كەزدە، جاتاقتاس دوستارى لي ۋىنلياڭ قاتارلىلار بەلسەندى تۇردە: ”الاڭداما، پيداگۇل، ءبىز بارلىعىمىز بارمىز عوي“، - دەيدى.
شاشىن تاراپ، تاماعىن اكەلىپ بەرەدى، كىرىن جۋادى... جاتاقتاستارىنىڭ قالتقسىز كومەگىمەن پيداگۇل تەز ارادا جازىلىپ كەتەدى.
2016 - جىلى 4 - ايدا لي ۋىنلياڭ جاتتىعۋ كەزىندە اياعىن قايىرىپ الادى. سول كەزدە جاتاقتاعى اپەكە - سىڭلىلەردىڭ بارلىعىنىڭ قاربالاس جاتتىعۋ مىندەتى بولعاندىقتان، وعان قارايلاسۋعا كوپ ۋاقىت شىعارا المايدى، تەك پيداگۇلدىڭ جاتتىعۋ ۋاقىتى عانا وزگەلەرگە ۇقسامايتىن. ”قاراشى، سەنىڭ جاقسىلىعىڭدى وتەيتىن وراي كەلدى“ دەيدى دە پيداگۇل ءارى - ءسارى بولماستان لي ۋىنلياڭعا قارايلاسادى.
قازىر اۆياتسيا سەرىكتەستىگىندە اۋەبيكەشى بولىپ ىستەيتىن لي ۋىنلياڭ سول كەزدى ەسكە الىپ بىلاي دەدى: جارالانعان كەزىمدە پيداگۇل كومەكتەسىپ ءتىس پاراشوگىن دايىنداپ بەرىپ، بايپاق كيدىرتەتىن، كەيدە ءتۇرلى ءازىل ايتىپ مەنى كوڭىلدەندىرەتىن. وسى مەيىرگە تولى ۇساق شارۋالاردى مەن ءومىر بويى ۇمىتا المايمىن.
قازىر كوپشىلىك جان - جاققا كەتكەنىمەن، لي ۋىنلياڭ مەن پيداگۇلدىڭ اپەكە - سىڭلىلىك بارىس - كەلىسى ءالى ۇزىلگەن جوق، ولار QQ، ۋيچات ارقىلى حابارلاسىپ، ءبىر - ءبىرىن شابىتتاندىرىپ، ءوز قىزمەت ورىندارىندا تابىستى جۇمىس ىستەۋگە قۇلشىنىپ كەلەدى.
وسى بىرنەشە جىلدا، بيڭتۋان ءان - ءبي تەاتر ۇيىرمەسى ۇنەمى نەگىزگى ساتىعا بارىپ ويىن قويۋدى ۇيىمداستىرادى، پيداگۇل ءار رەتكى ادەبيەت - كوركەمونەر ەرىكتىلەر قىزمەت وتەۋ قيمىل ورايىن وتە قاستەرلەيدى. ول ءبيشى جاڭ مياۋ قاتارلى اپەكە - سىڭلىلەرىمەن بىرگە ءار كۇنى ەڭكەيۋ، اياق كوتەرۋ، اياق كەرۋ... جوعارى كۇشتەمەلىلىك ارەكەتتەردى ىستەگەندە، كوپشىلىك ءارقاشان شارشاپ - شالدىقتىق دەگەن ەمەس. اسىرەسە، جۋىقتا كورسەتەتىن جىبەك جولى مادەنيەت ءبيى «شۋانۋيۇييىن»گە جاتتىققان كەزدە، تەاتر ۇيىرمەسىنىڭ باسشىلارى، رەجيسسەرلەرى نەمەسە باسقا ءبي ارتيستەرى بولسىن، كوپشىلىك پيداگۇلگە ايرىقشا قامقورلىق جاسايدى.
”جاقسى اپەكە - سىڭلىلەرىم ءومىر جولىمدى نۇرلاندىردى“، - دەيدى پيداگۇل اسەرلەنىپ.
