− رايونىمىزدىڭ جەر - جەرى جالپى حالىقتىق مەملەكەت حاۋىپسىزدىگى تاربيەسى كۇنى قيمىلىن بەلسەنە ورىستەتتى
ەگەر مەملەكەتتىڭ قورعاۋى بولماسا، ءبىزدىڭ باقىتتى، تىنىش تۇرمىسىمىز بولماق ەمەس، بارلىعىمىز مەملەكەت حاۋىپسىزدىگىن بار كۇشىمىزبەن قورعاۋىمىز كەرەك.
ءوزىمنىڭ ءىس جۇزىندىك ارەكەتىم ارقىلى ماڭايىمداعى ادامداردى باستاپ، مەملەكەت حاۋىپسىزدىگى ىستەرى ءۇشىن ۇلەس قوسامىن.
مەملەكەت حاۋىپسىزدىگىندە بارلىق ادامنىڭ جاۋاپكەرشىلىگى بار، بارلىق ادام ءوز جاۋاپكەرشىلىگىن ادا ەتۋى كەرەك، ءاربىر ازامات مەملەكەت حاۋىپسىزدىگىن قورعاۋدى ەڭ جوعارى جاۋاپكەرشىلىك ساناۋى كەرەك.
4 - ايدىڭ 15 - كۇنى − 4 - رەتكى جالپى حالىقتىق مەملەكەت حاۋىپسىزدىگى تاربيەسى كۇنى، رايونىمىزدىڭ جەر - جەرى مەملەكەت حاۋىپسىزدىگى تاربيەسىن باستى تاقىرىپ ەتكەن ”مىڭداعان قىستاقتا ميلليونداعان ادام بىرگە مەملەكەت تۋىن شىعارۋ“، ”ميلليونداعان وقۋشى مەملەكەت حاۋىپسىزدىگى تاربيەسى ساباعىنا قاتىناسۋ“ ارناۋلى تاقىرىپتاعى لەكسيا، تالقى مىنبەرى قاتارلى قيمىلداردى جابال ورىستەتىپ، جالپى حالىقتىڭ مەملەكەت حاۋىپسىزدىگى تانىمىن جوعارىلاتىپ، مەملەكەت حاۋىپسىزدىگىن قورعاۋ جاۋاپكەرشىلىگىن كۇشەيتتى.
مەملەكەت تۋى استىندا ۇگىت لەكسيا جاساپ
مەملەكەت حاۋىپسىزدىگى تانىمىن كۇشەيتتى
4 - ايدىڭ 15 - كۇنى جاڭاءشار اۋدانى جاڭا اۋات اۋىلى گۇندولۇقۇم قىستاعىندا مەملەكەت تۋىن شىعارۋ سالتى اياقتاعان سوڭ، اۆتونوميالى رايوندىق قوعامدىق عىلىمدار بىرلەستىگىنىڭ گۇندولۇقۇم قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق تۇرعىندارىنا «جۇڭحۋا حالىق رەسپۋبليكاسىنىڭ مەملەكەت حاۋىپسىزدىگى زاڭ“ىنان ۇگىت - لەكسيا جاساپ، قىستاق تۇرعىندارىنىڭ مەملەكەت حاۋىپسىزدىگىن قورعاۋ سانالىلىعى مەن جاۋاپكەرشىلىك سەزىمىن كۇشەيتتى.
قىزمەت اترەتىنىڭ باستىعى ليۋ حۋانيۇي بىلاي دەدى: ءبىز قىستاق تۇرعىندارىنىڭ مەملەكەت حاۋىپسىزدىگى تانىمىن جوعارىلاتىپ، ءوندىرىس، تۇرمىس بارىسىندا قانداي ارەكەتتەر مەملەكەت حاۋىپسىزدىگىنە قاتىستى ەكەندىگىن، قايتكەندە وزىنەن باستاپ ىسكە كىرىسىپ، جالپى حالىق مەملەكەت حاۋىپسىزدىگىن قورعايتىن تاماشا جاعدايدى قالىپتاستىرۋعا بولاتىندىعىن ۇعىندىرۋىمىز كەرەك.
سول كۇنى بۋىرشىن اۋدانىنداعى قىستاقتا تۇراتىن، الەۋمەتتىك اۋماقتا تۇراتىن 79 ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ءار ۇلت بۇقاراسىن ۇيىمداستىرىپ، مەملەكەت تۋى استىندا مەملەكەت حاۋىپسىزدىگى تاربيەسى جونىندە تاقىرىپتىق ۇگىت - لەكسيا جاساۋ قيمىلىن وتكىزدى. قيمىل بارىسىندا، ءارقايسى قىزمەت اترەتى بۇقاراعا مەملەكەت حاۋىپسىزدىگىن قورعاۋدىڭ ماڭىزدى ءمانى جونىندە ۇگىت - لەكسيا جاسادى ءارى مىسال دەلولار ارقىلى بۇقارانىڭ مەملەكەت حاۋىپسىزدىگى تانىمىن كۇشەيتتى.
بۋىرشىن اۋدانى ويماقى قالاشىعى قاق قىستاعىنىڭ تۇرعىنى پاكەن باعي ۇگىت - لەكسيانى تىڭداعاننان كەيىن بىلاي دەدى: ەگەر مەملەكەتتىڭ قورعاۋى بولماسا، ءبىزدىڭ باقىتتى، تىنىش تۇرمىسىمىز بولمايتىن ەدى، بارلىعىمىز مەملەكەت حاۋىپسىزدىگىن بار كۇشىمىزبەن قورعاۋىمىز كەرەك.
4 - ايدىڭ 15 - كۇنى قۇمىل قالاسىنداعى بارلىق قىستاق، الەۋمەتتىك اۋماق بىرگە مەملەكەت تۋىن شىعاردى ءارى مەملەكەت تۋى استىندا مەملەكەت حاۋىپسىزدىگى تاربيەسى جونىندە ۇگىت - لەكسيا جاساۋ قيمىلىن وتكىزدى. قۇمىل قالاسى يجوۋ رايونى قالا ءىشى اۋىلى جيدەقۇدىق قىستاعىنداعى پارتيا مۇشەلەرىنەن، كادرلاردان، حالىق جاساقتارىنان، ”4 ءتۇرلى قارتتار“دان، ەڭ تومەنگى تۇرمىسى قامتاماسىز ەتىلەتىن وتباسىلارىنان، وتانشىل ءدىني قايراتكەرلەردەن جانە بۇقارادان جيىنى 476 ادام مەملەكەت تۋىن شىعارۋ سالتىنا قاتىناسىپ، ۇگىت - لەكسيا تىڭداپ، مەملەكەت حاۋىپسىزدىگى كوزقاراسى تاربيەسىن الدى.
مەكتەپتە ۇگىت جۇرگىزىپ
ازاماتتاردىڭ جاۋاپكەرشىلىگىن، بورىشىن ايقىندادى
4 - ايدىڭ 15 - كۇنى ءۇرىمجى قالالىق 38 - باستاۋىش مەكتەپ ”مەملەكەت حاۋىپسىزدىگى تانىمىن كۇشەيتىپ، مەملەكەت حاۋىپسىزدىگىن بىرگە قورعايىق“ اتىندا جەلىلەس قيمىل ورىستەتتى. ءتىلشى مەكتەپ اۋلاسىنىڭ وڭتۇستىك جاعىنا 25 كورمە تاقتاسى ورناتىلعاندىعىن، وندا كوشىرىلمەلى گازەت جانە وقۋشىلاردىڭ وزدەرى سىزعان سىزبا سۋرەت ءتاسىلى ارقىلى نەنىڭ مەملەكەت حاۋىپسىزدىگى ەكەندىگىن، مەملەكەت حاۋىپسىزدىگىن قالاي قورعاۋ كەرەكتىگىن، قانداي ارەكەتتىڭ مەملەكەت حاۋىپسىزدىگىنە زيان جەتكىزەتىن ارەكەت بولاتىندىعىن، سونداي - اق جاستار مەن وسپىرىمدەر مەملەكەت حاۋىپسىزدىگى تانىمىن قالاي ورناتۋ كەرەكتىگىن وبرازدى دا ناقتىلى تانىستىرىلعاندىعىن كوردى.
38 - باستاۋىش مەكتەپتىڭ باستىعى ۋاڭ لۇڭتاۋ بىلاي دەدى: ءبىز وتاندى قىزۋ ءسۇيۋ، حالىققا قىزمەت وتەۋ سياقتى جاقتاردان وقۋشىلارعا وي سالىپ جانە ولاردى جەتەكتەپ، وقۋشىلارعا مەملەكەت حاۋىپسىزدىگى جاي بۇقارا جونىنەن العاندا، تىنىش ءومىر، شات - شادىمان تىرشىلىك كەشىرۋ، باقىتتى، ەسەن - امان بولۋ ەكەندىگىن، مەملەكەت جونىنەن العاندا، ەلدى تىنىشتاندىرىپ، ءتۇبىردى بەكەمدەۋ، باياندى تىنىشتىق ورناتۋ ەكەندىگىن ۇعىندىردىق.
4 - ايدىڭ 12 - كۇنى اقسۋ قالاسىنىڭ جالپى حالىقتىق مەملەكەت حاۋىپسىزدىگى تاربيەسى كۇنى قيمىلى بۇكىل قالاداعى 90 مىڭنان استام ورتا، باستاۋىش مەكتەپ وقۋشىلارىنىڭ ساباقحاناسىنا جەتتى. سول كۇنى تۇستەن كەيىن ايبىندى مەملەكەت ءانى اۋەنىندە، اقسۋ قالاسى دولان باستاۋىش مەكتەبىندەگى 667 وقىتۋشى - وقۋشى ساباق ارالىعىندا بىرنەشە ەرەكشە جەتەكشىنى − قوعام حاۋىپسىزدىگى حالىق ساقشىلارىن قارسى الدى. ولار وقىتۋشى - وقۋشىلارعا مەملەكەت حاۋىپسىزدىگىنە قاتىستى سۋرەتتى جانە جازباشا ماتەريالداردى تاراتتى ءارى ناق مايداندا ءتۇسىندىرۋ جانە ءوزارا سۇراق قويىپ، جاۋاپ قايتارۋ سياقتى تاسىلدەر ارقىلى كوپشىلىككە مەملەكەت حاۋىپسىزدىگى بىلىمدەرىن ۇگىتتەدى. ”ءوزىمنىڭ ءىس جۇزىندىك ارەكەتىم ارقىلى ماڭايىمداعى ادامداردى باستاپ، مەملەكەتتىڭ حاۋىپسىزدىگى ىستەرى ءۇشىن ۇلەس قوسامىن“، - دەدى دولان باستاۋىش مەكتەبىنىڭ وقۋشىسى جيڭ يۇيحى.
4 - ايدىڭ 15 - كۇنى شينجياڭ داشۋەسىنىڭ نەگىزگى مەكتەپ رايونى، وڭتۇستىك مەكتەپ رايونى جانە سولتۇستىك مەكتەپ رايونى جالپى حالىقتىق مەملەكەت حاۋىپسىزدىگى تاربيەسى كۇنى تاقىرىپتىق تاربيە قيمىلىن ءبىر ۋاقىتتا ورىستەتىپ، وقىتۋشى - وقۋشىلارعا، جۇمىسشى - قىزمەتكەرلەرگە مەملەكەت حاۋىپسىزدىگىن بەلسەنە قورعاۋ ۇندەۋىن شىعاردى، وقىتۋشى - وقۋشىلاردى ۇگىت كەرمە تۋىنا قولتاڭبا قالدىرۋعا ۇيىمداستىردى، كوپشىلىك ءبىر اۋىزدان ناقتى ارەكەتتەرى ارقىلى مەملەكەت حاۋىپسىزدىگىن قورعايتىندىقتارىن ءبىلدىردى.
شينجياڭ داشۋەسى بايلىق جانە قورشاعان ورتا عىلىمى شۋەيۋانىنىڭ وقىتۋشىسى ءابدۇقيۇم ابىلەز بايىپتىلىقپەن كەرمە تۋعا قولتاڭباسىن قالدىردى، ول بىلاي دەدى: مەملەكەت حاۋىپسىزدىگىندە بارلىق ادامنىڭ جاۋاپكەرشىلىگى بار، بارلىق ادام ءوز جاۋاپكەرشىلىگىن ادا ەتۋى كەرەك، ءاربىر ازامات مەملەكەت حاۋىپسىزدىگىن قورعاۋدى ەڭ جوعارى جاۋاپكەرشىلىك ساناۋى كەرەك.
سونىمەن بىرگە، شينجياڭ داشۋەسى مەملەكەت حاۋىپسىزدىگىنە قاتىستى زاڭدار مەن زاڭ ەرەجەلەر توڭىرەگىندە 30 رەتكە جۋىق ارناۋلى ۇگىت - لەكسيا قيمىلىن جانە 100 رەتتەن استام تاقىرىپتىق كلاس جيىنىن وتكىزدى، 10 مىڭعا تارتا وقىتۋشى - وقۋشى قيمىلعا قاتىناسۋ ارقىلى مەملەكەتتىڭ ساياسي حاۋىپسىزدىگى، مەملەكەت تەرريتورياسى حاۋىپسىزدىگى، اسكەري ىستەر حاۋىپسىزدىگى، مادەنيەت حاۋىپسىزدىگى جانە عىلىم - تەحنيكا حاۋىپسىزدىگى جونىندەگى تانىمدارىن جوعارىلاتىپ، ازاماتتاردىڭ مەملەكەت حاۋىپسىزدىگى جاعىنداعى جاۋاپكەرشىلىگى مەن بورىشتارىن ءتۇسىندى.
ءتۇرلى تاسىلمەن ۇگىت تاربيە جۇرگىزىپ
مەملەكەت حاۋىپسىزدىگى قورعانىس شەبىن بىرگە قۇردى
4 - ايدىڭ 15 - كۇنى ءۇرىمجى قالاسى تيانشان رايونى نانۋان كوشەسى اۋماعىن باسقارۋ كوميتەتى ”جالپىلىق مەملەكەت حاۋىپسىزدىگى كوزقاراسىنا تاباندى بولىپ، ەلەۋلى حاۋىپ - قاتەرلەردەن ساقتانۋ جانە ونى جويۋعا كۇش سالۋ“ تاقىرىبىندا زاڭ بىلىمدەرىنەن ۇگىت - لەكسيا جاساۋ قيمىلىن ورىستەتتى، قيمىلدا ءبىر نەگىزگى الاڭ جانە 8 بولىمشە الاڭ ورنالاستىرىلدى، سونىمەن قاتار، الەۋمەتتىك اۋماقتار ەرىكتى ۇگىت - لەكسيا جاساۋشىلاردى ۇيىمداستىرىپ، الەۋمەتتىك اۋماق قىزمەتكەرلەرىنەن جانە تۇرعىنداردان 2400دەن استام ادامعا مەملەكەت حاۋىپسىزدىگىنە ساياتىن زاڭدىق بىلىمدەر جونىنەن ۇگىت - لەكسيا جاسادى.
”وسى جولعى ۇگىت - لەكسيا بىزگە قاتىستى زاڭدىق بىلىمدەردى جالپىلاستىرىپ، مەنىڭ مەملەكەت حاۋىپسىزدىگى جونىندەگى تانىمىمدى اناعۇرلىم تەرەڭدەتتى“، - دەدى نانۋان كوشەسى اۋماعىنداعى جينحايۋان قوناق ءۇيىنىڭ قىزمەتكەرى ازىرەتالي نۇرمامەت.
سول كۇنى ءۇرىمجى قالاسى 13 مىڭنان استام تاكسيدىڭ توبەسىندەگى شامدا، 2000نان استام جىلجىمالى ءارىپ ەكرانىندا مەملەكەت حاۋىپسىزدىگى جونىندەگى ۇگىت - ۇرانداردى دامىلسىز كورسەتتى؛ بۇكىل قالاداعى 4000نان استام كوشە اۆتوبۋزىنداعى تەلەۆيزوردا جانە ادامدار شوعىرلانعان ورىندارداعى دالاعا ورناتىلعان 200دەن استام ءتۇستى ەكراندا مەملەكەت حاۋىپسىزدىگى جونىندەگى ۇگىت فيلمدەرىن شوعىرلى قويدى؛ گازەت، تەلەۆيزيا، راديو ستانسياسى جالپىلىق مەملەكەت حاۋىپسىزدىگى كوزقاراسىن، سونداي - اق ونىڭ كەلەلى ماڭىزىن دايەكتىلەندىرۋ جونىندەگى نازاريالىق ماقالالاردى جانە تاڭداۋلى باعدارلامالاردى دەر كەزىندە كوشىرىپ باستى، كوشىرىپ تاراتتى؛ بۇكىل قالاداعى ءتۇيىندى سايتتاردى جانە ”ميكرو بلوگ، ۋيچات جانە تەرمينال“ سياقتى جاڭا اقپارات قۇرالدارى تۇعىرلارىن مەملەكەت حاۋىپسىزدىگى ۇگىتىن جۇرگىزۋگە ۇيىمداستىردى؛ كەلتە حات تۇعىرىنان پايدالانىپ بۇكىل قالاداعى ءار ۇلت بۇقاراسىنا مەملەكەت حاۋىپسىزدىگى بىلىمدەرىن ۇگىتتەگەن كەلتە حاتتاردى جىبەردى. كوپ ءتۇرلى تاسىلدەگى ۇگىت - تاربيە ارقىلى مەملەكەت حاۋىپسىزدىگىن قورعاۋدىڭ قۇدىرەتتى بىرىككەن كۇشى ۇيىستىرىلدى.
(تىلشىلەر شيا چيڭ، جاۋ شييا، جاۋ چۇنحۋا، ما ليڭيۇن، فۋ شياڭلۇڭ، جاڭ تيڭ، قۇمىل تىلشىلەر پۋنكتىنەن ما جىجۋان، اقسۋ تىلشىلەر پۋنكتىنەن جاڭ جيڭ، ەرىكتى تىلشىلەر حاۋ جيڭ، ۋاڭ پىڭجى، ليۋ شياۋبيڭ جازعان)
