قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ورىستەتۋدى جان - جاقتى ىلگەرىلەتتى
بىرنەشە كۇننەن بەرى، اۆتونوميالى رايونىمىزدىڭ جەر - جەرى پارتيا ورتالىق كوميتەتىنىڭ جانە مەملەكەتتىك كەڭەستىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ورىستەتۋ جونىندەگى شەشىمدەرىنىڭ، ورنالاستىرۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، ارناۋلى كۇرەس جۇرگىزۋدى ماڭداي الدى ساياسي مىندەت ەتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ورىستەتۋدى جان - جاقتى ىلگەرىلەتىپ، ءتۇرلى قارا، سۇرقيا كۇشتەردى، سونداي - اق ولاردىڭ ”باسقالقا“لارىن زاڭ بويىنشا قاتاڭ جازالاپ، كەزەڭدىك ونىمدىلىككە قول جەتكىزدى.
3 - ايدىڭ 31 - كۇنى التاي ايماعى قارا، سۇرقيا كۇشتەرگە ساياتىن دەلولاردان ءبىر توبىنا ۇكىم شىعاردى، بۋرىلتوعاي، بۋىرشىن اۋداندارى 9 دەلوعا قاتىستى 89 ادامعا شوعىرلى ۇكىم شىعاردى. بۋرىلتوعاي اۋداندىق حالىق سوتى مەكەمەسى گاۋ X باس اتامان بولعان قارا قوعام سيپاتىندىق ۇيىم قىلمىستىق توبى دەلوسىنىڭ 2 - سوت ۇكىمىن اشىق جاريالادى؛ بۋىرشىن اۋداندىق حالىق سوتى مەكەمەسى ايىپكەر يان X، ما X جانە مان X باس اتامان بولعان سۇرقيا كۇشكە ساياتىن 3 قىلمىستىق ىستەر دەلوسىنىڭ ۇكىمىن زاڭ بويىنشا اشىق جاريالادى؛ كوكتوعاي اۋداندىق حالىق سوتى مەكەمەسى زاڭ بويىنشا حۋ X، ۋ X سياقتىلاردىڭ سۇرقيا كۇشتەرگە ساياتىن قىلمىستىق دەلوسىنا ۇكىم شىعاردى؛ شىڭگىل اۋداندىق حالىق سوتى مەكەمەسى ما X باس اتامان بولعان سۇرقيا كۇشتەرگە ساياتىن قىلمىستىق توپ دەلوسىنىڭ ۇكىمىن اشىق جاريالادى.
4 - ايدىڭ 10 - كۇنى تۇرپان قالاسى گاۋچاڭ رايوندىق حالىق سوتى مەكەمەسى سۇرقيا كۇشتەرگە ساياتىن ءبىر دەلوعا اشىق ۇكىم جاريالادى. تەكسەرۋ، انىقتاۋ ارقىلى 2013 - جىلدان باستاپ يۇي X باس اتامان بولعان 5 ادام سۇرقيا كۇش ۇيىمىن قۇرىپ، زورلىقپەن كەلىسۋ، زاڭسىز قاماپ قويۋ سياقتى زاڭعا قايشى قىلمىستىق ارەكەتتەر ارقىلى قۇمار قارىزىنىڭ سوڭىنا ءتۇسىپ، زاڭسىز ولجا ءتۇسىرىپ، قالىپتى قوعامدىق ءتارتىپتى اۋىر دارەجەدە بۇلدىرگەندىگى انىقتالدى. حالىق سوتى مەكەمەسى زاڭ بويىنشا يۇي X سياقتىلارعا 2 جىلدان 10 جىل ارالىعىندا مەرزىمدى قاماۋ جازاسىن بەردى، سونداي - اق ايىپ سالىپ، زاڭسىز تابىستارىن قايتارىپ الدى.
4 - ايدىڭ 13 - كۇنى ءتىلشىنىڭ بايىنعولين موڭعۇل اۆتونوميالى وبلىستىق قوعام حاۋىپسىزدىگى مەكەمەسىنەن ۇعىسۋىنا قاراعاندا، بۇل مەكەمە قارا، سۇرقيا كۇشتەرگە ساياتىن ماسەلەنىڭ ارتىنداعى ”بايلانىس تور“ىن ءتۇيىندى تۇردە تەكسەرىپ ءبىر جايلى ەتىپ، ءبىر توپ قارا، سۇرقيا كۇشتەردىڭ ”باسقالقا“سىن زاڭ بويىنشا تەكسەرىپ ءبىر جايلى ەتكەن. مۇنىڭ ىشىندە بايىنعولين وبلىستىق قوعام حاۋىپسىزدىگى مەكەمەسىنىڭ بۇرىنعى ورىنباسار تەكسەرىپ - زەرتتەۋشىسى، يانجي حۇيزۋ اۆتونوميالى اۋداندىق پارتكومنىڭ بۇرىنعى تۇراقتى مۇشەسى، قوعام حاۋىپسىزدىگى مەكەمەسىنىڭ بۇرىنعى باستىعى دۇڭ لۇڭدى قامتىعان ءبىرسىپىرا ادامنىڭ قارا، سۇرقيا كۇشتەرگە ”باسقالقا“ بولىپ، قىلمىسقا سايعاندىعى ءۇشىن زاڭ بويىنشا تەكسەرىلىپ ءبىر جايلى ەتىلدى؛ بايىنعولين وبلىستىق قوعام حاۋىپسىزدىگى مەكەمەسى ەسىرتكىگە تيىم سالۋ بولىمشە اترەتىنىڭ بۇرىنعى ورىنباسار بولىمشە اترەت باستىعى يلشات مامەت قاتارلىلاردىڭ ۇزاق ۋاقىت قارا، سۇرقيا كۇشتەرگە ”تىرەك“ بولىپ، قىلمىسقا قاتىسقاندىعى ءۇشىن زاڭ بويىنشا قىلمىستىق ىستەر بويىنشا قاماي تۇرىلدى؛ يانجي قوعام حاۋىپسىزدىگى مەكەمەسى شەكارادان كىرىپ - شىعۋ ىستەرىن باسقارۋ ۇلكەن اترەتىنىڭ بۇرىنعى جەتەكشىسى حى جيانجۇن قاتارلىلار ۇزاق ۋاقىت قارا، سۇرقيا كۇشتەرگە حابار - وشار جەتكىزىپ، قىلمىستىق ەلەمەنتتەردىڭ جازادان جالتارۋىنا كومەكتەسكەندىگى ءۇشىن قىلمىستىق ىستەر جاۋاپكەرشىلىگى قۋزاستىرىلدى؛ بۇگۇر اۋدانى قارباق اۋىلدىق پارتكومنىڭ بۇرىنعى ورىنباسار شۋجيى، اۋىل باستىعى تۇرسۇن جۇما قاتارلىلار ۇقىعىنان پايدالانىپ قارا باسىنىڭ قامىن كۇيتتەپ، مەملەكەت مەنشىگىندەگى، كوللەكتيۆ مەنشىگىندەگى مال - مۇلىكتى يەمدەنىپ الىپ، اۋلەتتىك كۇشتەرمەن ءوزارا استاسىپ، نەگىزگى ساتى بيلىگىن ۋىسىنا تۇسىرگەندىگى ءۇشىن زاڭ بويىنشا قىلمىستىق ىستەر جاۋاپكەرشىلىگى قۋزاستىرىلدى.
4 - ايدىڭ 14 - كۇنى فۋكاڭ قالالىق حالىق سوتى مەكەمەسىنەن مىناداي حابار تارالدى: 2014 - جىلدان 2016 - جىلى 6 - ايعا دەيىنگى ارالىقتا نيۋ دۇڭلياڭ، لي مينچياڭ سياقتىلار باس اتامان بولعان قىلمىستىق توپ فۋكاڭ قالاسى زىنيچۋانزى قالاشىعى توڭىرەگىندە ۇيىمدى تۇردە ۇرەيلەندىرۋ، سەس كورسەتۋ، مال - مۇلىكتى ءبۇلدىرۋ، قۇقاي كورسەتىپ تارتىپ الۋ، توپتاسىپ توبەلەسۋ، قاساقانا جاڭجال شىعارۋ سياقتى زاڭعا قايشى قىلمىستىق ارەكەتتەرمەن اينالىسىپ، جولداردى يەمدەنىپ، مەڭگەرىپ العان. حالىق سوتى مەكەمەسى اشىق سوت اشىپ، 17 ايىپكەردىڭ جەكە - جەكە قارا قوعام سيپاتىندىق ۇيىم ۇيىمداستىرۋ، باسشىلىق ەتۋ، قاتىناسۋ قىلمىسىن، توپتاسىپ توبەلەسۋ قىلمىسىن، قاساقانا جاڭجال تۋدىرۋ قىلمىسىن، قۇقايمەن تارتىپ الۋ، قورعاشتاۋ، قارا قوعام سيپاتىندىق ۇيىمدارعا جول بەرۋ قىلمىسىن قالىپتاستىرعاندىعى ءۇشىن، ولارعا زاڭ بويىنشا سايكەستى قىلمىستىق ىستەر جازاسىن بەردى.
(تىلشىلەر ياڭ شۋحان، گۋ شۋەلي، ەرىكتى تىلشىلەر جۋ شياڭميڭ، ۋ جيانجۇن، تيان جياچي جازعان)
