ءتىلشى لياڭ ليحۋا 4 - ايدىڭ 15 - كۇنى ۇرىمجىدەن حابارلايدى. 4 - ايدىڭ 15 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى 51 - رەتكى مەڭگەرۋشىلەر ءماجىلىسىن اشىپ، اۆتونوميالى رايوننىڭ ءار دارەجەلى حالىق قۇرىلتايى ۋاكىلدەرىنىڭ كەدەيلىكتەن ارىلتۋدان قامال الۋ قىزمەتىنە بەلسەندىلىكپەن ات سالىسۋ، سونداي - اق ارناۋلى تاقىرىپتا تەكسەرۋ - زەرتتەۋ جۇرگىزۋ جونىندەگى ىستەردى اقىلداستى، اۆتونوميالى رايوندىق حالىق قۇرىلتايى تۇراقتى كوميتەتىنىڭ زاڭ شىعارۋدا مامانداردان اقىل - كەڭەس سۇراۋ ءتۇزىمىن ورناتۋ جونىندەگى بايانداما سياقتىلاردى اقىلداستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
اۆتونوميالى رايوننىڭ ءار دارەجەلى حالىق قۇرىلتايى تۇراقتى كوميتەتتەرىنىڭ جانە 60 مىڭنان استام ءار دارەجەلى حالىق قۇرىلتايلارى ۋاكىلدەرىنىڭ رولىن تولىق ساۋلەلەندىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن شىن مانىندە بىرلىككە كەلتىرىپ، اۆتونوميالى رايوندىق پارتكومنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ جونىندەگى قىزمەت ورنالاستىرۋلارىن مىقتاپ ارقاۋ ەتىپ، تاباندىلىقپەن، باتىلدىقپەن كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ ءۇشىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىلەر ءماجىلىسى اۆتونوميالى رايوننىڭ ءار دارەجەلى حالىق قۇرىلتايى ۋاكىلدەرىن كەدەيلىكتەن ارىلتۋدان قامال الۋ شايقاسى قىزمەتىنە بەلسەندىلىكپەن ات سالىسۋعا اتتانىسقا كەلتىرۋدى، ۇيىمداستىرۋدى اقىلداسىپ بەكىتتى.
اۆتونوميالى رايوننىڭ ءار دارەجەلى حالىق قۇرىلتايى ۋاكىلدەرىنىڭ كەدەيلىكتەن ارىلتۋدان قامال الۋ قىزمەتىنە ات سالىسۋى بيىل 4 - ايدا رەسمي باستالدى. قىزمەت شارالارى كەدەيلىكتەن ارىلتۋدان قامال الۋ بىلىمدەرى جونىندەگى باۋلۋدى كۇشەيتۋ، شوعىرلى كوزدەن كەشىرۋ جانە ارناۋلى تاقىرىپتا تەكسەرۋ - زەرتتەۋ ورىستەتۋ، قاتىستى ۋاكىلدەردىڭ كەڭەس جوبالارىن، پىكىرلەرىن ءتۇيىندى قۋزاۋ - ءبىتىرۋ، بۇقارامەن ىرىقتىلىقپەن بايلانىس جاساپ، ونەگەلىلىك رولدى ساۋلەلەندىرۋ، حالىق قۇرىلتايى ۋاكىلدەرىنىڭ مىندەتىن ادا ەتۋ تۇعىرىن قۇرۋ سياقتىلاردى قامتيدى.
ورنالاستىرۋعا نەگىزدەلگەندە، بيىل 4 - ايدان 7 - ايعا دەيىن اۆتونوميالى رايوندىق حالىق قۇرىلتايى تۇراقتى كوميتەتى حالىق قۇرىلتايى ۋاكىلدەرىن ارناۋلى تاقىرىپتا تەكسەرۋ - زەرتتەۋ جۇرگىزۋگە ۇيىمداستىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ جونىندەگى شەشىمدەردى، ورنالاستىرۋلاردى تىعىز توڭىرەكتەي وتىرىپ، كەدەيلىكتەن ارىلتۋ ساياساتتارىنىڭ، زاڭ - بەلگىلەمەلەرىنىڭ تياناقتانۋىن، كەدەيلىكتەن ارىلتۋ قارجىسىنىڭ ىستەتىلۋىن، كەدەيلىكتەن ارىلتۋ نىساندارىنىڭ اتقارىلۋىن كورنەكتىلەندىرىپ، كەدەي اۋدان، اۋىل، قىستاق، وتباسىلارىن ءتۇيىن ەتىپ، ناقتى جاعدايدى تەكسەرىپ، ماسەلەنى تاۋىپ، پىكىر بەرىپ، جالپى جاعدايعا ساياتىن، حالىق تۇرمىسىنا ساياتىن ءبىر توپ قولامتالى، قيىن ماسەلەلەردىڭ شەشىلۋىن ىلگەرىلەتەدى.
بۇدان سىرت، اۆتونوميالى رايوننىڭ جەرگىلىكتى زاڭ شىعارۋدا ءدوپ كەلگەن كاسىپتەردىڭ شارپۋ كولەمى كەڭ، كاسىپتىك دارىندى كەمشىل بولۋ جاعدايىنا مەڭزەس، اۆتونوميالى رايوندىق حالىق قۇرىلتايى تۇراقتى كوميتەتى زاڭ شىعارۋدا اقىل - كەڭەس سۇراۋ ماماندار قامباسىن ءبىر تۇتاس قۇرىپ، ءتۇرلى كاسىپتىك دارىندىلاردى تۇراقتى كوميتەتتىڭ ءبىر تۇتاس بولعان زاڭ شىعارۋدا اقىل - كەڭەس سۇراۋ ماماندار قامباسىنا ەنگىزىپ، سول ارقىلى تۇراقتى كوميتەتتىڭ ءارقايسى قىزمەت كوميتەتتەرىنىڭ زاڭ شىعارۋ قىزمەتى قاجەتىن قاناعاتتاندىرۋدى اقىلداسۋدا. قۇرۋ جوسپارلانعان اۆتونوميالى رايوندىق حالىق قۇرىلتايى تۇراقتى كوميتەتىنىڭ زاڭ شىعارۋدا اقىل - كەڭەس سۇراۋ ماماندار قامباسىنىڭ مۇشەلەرى، باستىسى، زاڭ، باقىلاۋ - تەكسەرۋ جانە ءادىليا، قازىنا - ەكونوميكا، اۋىل شارۋاشىلىعى، وقۋ - اعارتۋ، مادەنيەت، دەنساۋلىق ساقتاۋ، ۇلت، ءدىن، ەكولوگيالىق ورتانى قورعاۋ، قوعامدىق قۇرىلىس قاتارلى سالالارداعى مامانداردان، وقىمىستىلاردان جانە ناقتى ىستەرمەن شۇعىلداناتىن قىزمەتكەرلەردەن قۇرالادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرىنەن جۋ حايلۇن، لي شۋەجۇن، ۋاڭ يۇڭميڭ، دۇڭ شينگۋاڭ، گۇلشات ابدىقادىر، مانەن زەينەل ۇلى ماجىلىسكە قاتىناستى.
