جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ پارتيا باسشىلىق گرۋپپاسى قىزمەت ەرەجەسى»ن باسىپ تاراتتى
شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ پارتيا باسشىلىق گرۋپپاسى قىزمەت ەرەجەسى»ن باسىپ تاراتتى (تومەندە قىسقاشا «ەرەجە» دەلىنەدى) ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: 2015 - جىلى 6 - ايدا جۇڭگو كوممۋنيستىك پارتياسى ورتالىق كوميتەتى باسىپ تاراتقان «جۇڭگو كوممۋنيستىك پارتياسىنىڭ پارتيا باسشىلىق گرۋپپاسى قىزمەت ەرەجەسى» (سىناق رەتىندە اتقارىلادى) پارتيا باسشىلىق گرۋپپاسىنىڭ قىزمەتىن تۇزىمدەندىرۋدى، ارناعا ءتۇسىرۋدى، جۇيەلىلەندىرۋدى ىلگەرىلەتۋ جونىنەن ماڭىزدى رول اتقاردى. پارتيا 19 - قۇرىلتايىنىڭ پارتيا ۋستاۆىنا وزگەرىس ەنگىزۋ جوباسى پارتيا باسشىلىق گرۋپپاسىنىڭ قىزمەت مىندەتى جونىندە تولىقتىرۋ جاسادى، پارتيا باسشىلىق گرۋپپاسىنىڭ پارتيانى باسقارۋداعى، پارتيانى جونگە سالۋداعى ساياسي جاۋاپكەرشىلىگىن اناعۇرلىم ايقىندادى. پارتيا ورتالىق كوميتەتى جاڭا جاعدايعا، جاڭا مىندەتكە جانە جاڭا تالاپقا ساي، ەرەجەگە وزگەرىس ەنگىزىپ، كەمەلدەندىردى.
حابارلاندىرۋدا مىنالار باسا دارىپتەلدى: «ەرەجە» − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، پارتيا ۋستاۆىن ءتۇبىرلى بويسۇنۋ ولشەمى ەتىپ، تاياۋ جىلداردان بەرى پارتيا باسشىلىق گرۋپپاسى قىزمەتىنىڭ نازاريالىق، امالياتتىق جانە تۇزىمدىك جاڭالىق اشۋ جەتىستىكتەرىن تولىق ايگىلەپ، پارتيا باسشىلىق گرۋپپاسى قىزمەتىنىڭ جاڭا جاعدايىنا، جاڭا ماسەلەسىنە، جاڭا تالابىنا اڭىس قايتارىپ، پارتيا باسشىلىق گرۋپپاسى ءتۇزىمىنىڭ دۇرىس جولدان جازباي، جاڭالىق اشۋىن جۇزەگە اسىردى.
حابارلاندىرۋدا مىنالار تالاپ ەتىلدى: جەر - جەر، تاراۋلار ساياسي تانىمدى، جالپى جاعداي تانىمىن، ۇيتقىلىق تانىمدى، قاتار تۇزەۋ تانىمىن بەرىك ورناتىپ، «ەرەجە»نى قاتاڭ دايەكتىلەندىرىپ، اتقارىپ، پارتيا باسشىلىق گرۋپپاسىنىڭ باس شۋجي شي جينپيڭنىڭ ۇيتقىلىق ورنىن باتىل قورعاۋعا، پارتيا ورتالىق كوميتەتىنىڭ بەدەلى مەن ورتالىقتاعان ءبىر تۇتاس باسشىلىعىن باتىل قورعاۋعا شىنايى كەپىلدىك ەتىپ، باعداردى يگەرۋدەگى، جالپى جاعدايدى مەڭگەرۋدەگى، تياناقتاندىرۋدى قامتاماسىز ەتۋدەگى ماڭىزدى رولىن تولىق ساۋلەلەندىرىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك. پارتيا باسشىلىق گرۋپپاسى قىزمەت ورىستەتكەندە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى العى شارت ەتىپ، مىندەت اتقارۋدىڭ، جاۋاپكەرشىلىكتى ادا ەتۋدىڭ ساياسيلىعىن جانە ونىمدىلىگىن جوعارىلاتىپ، زاڭمەن جونگە سالۋ وي جۇلگەسىن جانە زاڭمەن جونگە سالۋ ءتاسىلىن سانالى تۇردە قولدانىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن جالپى بەتتىك تياناقتاندىرىپ، باسشىلىق قىزمەت جاۋاپكەرشىلىگىن شىنايى وتەۋ، باسشىلىق رولىن تولىق ساۋلەلەندىرۋ، باسشىلىق دەڭگەيىن ۇزدىكسىز جوعارىلاتۋ كەرەك. ءار دارەجەلى پارتكومدار جانە ونىڭ ۇيىمداستىرۋ تاراۋلارى، قاتىستى پارتيا باسشىلىق گرۋپپالارى (پارتكومدار) «ەرەجە»دەگى بەلگىلەمەلەرگە ساي، پارتيا باسشىلىق گرۋپپاسىن قۇرعاندا ارناعا تۇسىرۋگە تيىستىلەرىن قاتاڭ ارناعا ءتۇسىرىپ، اداقتاۋعا تيىستىلەرىن مۇقيات اداقتاۋ كەرەك. ورتالىق كوميتەت كەڭسەسى ورتالىقتىڭ قاتىستى تاراۋلارىمەن سەلبەسىپ «ەرەجە»نى ۇگىتتەۋدى، ءتۇسىندىرۋدى، ۇيرەنۋدى، باۋلۋدى جانە قۋزاۋدى، تەكسەرۋدى ويداعىداي يگەرۋ كەرەك. جەر - جەر، تاراۋلار «ەرەجە»نى اتقارۋ بارىسىنداعى ماڭىزدى جاعدايلاردى جانە ۇسىنىستاردى پارتيا ورتالىق كوميتەتىنە دەر كەزىندە مالىمدەۋ كەرەك.
«جۇڭگو كوممۋنيستىك پارتياسىنىڭ پارتيا باسشىلىق گرۋپپاسى قىزمەت ەرەجەسى» جالپى 8 تاراۋدان، 45 تارماقتان قۇرالعان.
بۇل ەرەجەگە ورتالىق كوميتەتتىڭ ۇيىمداستىرۋ ءبولىمى ورتالىق كوميتەت كەڭسەسىمەن بىرگە تۇسىنىك بەرەدى.
بۇل ەرەجە 2019 - جىلى 4 - ايدىڭ 6 - كۇنىنەن باستاپ اتقارىلدى. 2015 - جىلى 6 - ايدىڭ 11 - كۇنى جۇڭگو كوممۋنيستىك پارتياسى ورتالىق كوميتەتى باسىپ تاراتقان «جۇڭگو كوممۋنيستىك پارتياسىنىڭ پارتيا باسشىلىق گرۋپپاسى قىزمەت ەرەجەسى (سىناق رەتىندە اتقارىلعان)» تەڭ ۋاقىتتا كۇشىن جويادى. پارتيا باسشىلىق گرۋپپاسىنا قاتىستى (پارتكومدار) باسقا دا بەلگىلەمەلەر وسى ەرەجەمەن بىردەي بولماسا، وسى ەرەجە بويىنشا اتقارىلادى.
