«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ءبىر مەملەكەتتە، ءبىر ۇلتتا رۋح بولماسا بولمايدى
شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى. 4 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ءبىر مەملەكەتتە، ءبىر ۇلتتا رۋح بولماسا بولمايدى» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: جاڭا ءداۋىر كورنەكتى ادەبيەتشىلەرگە، كوركەمونەرشىلەرگە، نازارياشىلارعا ۇندەۋ تاستاۋدا، ادەبيەت - كوركەمونەر جاسامپازدىعىنىڭ، ءىلمي جاڭالىق اشۋدىڭ ءورىسى شەكسىز كەڭ، مادەنيەت سەنىمىن بەكەمدەپ، ءداۋىر تىنىسىن يگەرىپ، ءداۋىر ۇنىنە قۇلاق اسىپ، داۋىرمەن تەڭ قادام باسۋعا، حالىقتى وزەك ەتۋگە، حالىققا سارا تۋىندىلار ۇسىنۋعا، تاماشا مورالمەن سالتقا جەتەكشىلىك ەتۋگە تاباندى بولۋ كەرەك.
ماقالادا مىنالار اتاپ كورسەتىلدى: ءبىر مەملەكەتتە، ءبىر ۇلتتا رۋح بولماسا بولمايدى. مادەنيەت، ادەبيەت - كوركەمونەر قىزمەتكەرلەرىنىڭ، فيلوسوفيا قوعامدىق عىلىمدار قىزمەتكەرلەرىنىڭ بارلىعى يدەيانى وياتۋ، سۇيىسپەنشىلىكتى شىڭاۋ، جان جۇيەنى نارلەندىرۋ ماڭىزدى جاۋاپكەرشىلىگىن، مادەنيەت ارقىلى ادام جەتىلدىرۋ، مادەنيەت ارقىلى ادام تاربيەلەۋ، مادەنيەت ارقىلى نەگىزدى سومداۋ بورىشىن ارقالاپ وتىر. مادەنيەت، ادەبيەت - كوركەمونەر قىزمەتى، فيلوسوفيا قوعامدىق عىلىمدار قىزمەتى پارتيا مەن مەملەكەتتىڭ جالپى جاعدايلىق قىزمەتىندە ەرەكشە ماڭىزدى ورىندا تۇرادى، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ بارىسىندا ەرەكشە ماڭىزدى رولعا يە.
ماقالادا جاڭا جاعدايداعى مادەنيەت، ادەبيەت - كوركەمونەر قىزمەتىن، فيلوسوفيا قوعامدىق عىلىمدار قىزمەتىن ويداعىداي ىستەۋ جونىندە مىناداي 4 تالاپ العا قويىلدى: ءبىرىنشى، داۋىرمەن تەڭ قادام باسۋعا تاباندى بولۋ كەرەك. ەكىنشى، حالىقتى وزەك ەتۋگە تاباندى بولۋ كەرەك. ءۇشىنشى، حالىققا سارا تۋىندىلار ۇسىنۋعا تاباندى بولۋ كەرەك. ءتورتىنشى، تاماشا مورالمەن سالتقا جەتەكشىلىك ەتۋ كەرەك.
ماقالادا مىنالار باسا دارىپتەلدى: بيىل جاڭا جۇڭگو قۇرىلعاندىعىنىڭ 70 جىلدىعى. 70 جىل قايراتتانا ، ەكپىندەي ىلگەرىلەگەن ءبىزدىڭ ەلىمىزدە الەمدى تاڭ قالدىرعان وزگەرىس تۋىلدى. مەيلى جۇڭحۋا ۇلتىنىڭ تاريحىندا بولسىن، الدە دۇنيە ءجۇزى تاريحىندا بولسىن، بۇل تۇگەلدەي الەمدى اسەرلەندىرگەن كۇرەستىڭ تاريحي داستانى. كوپشىلىكتەن 70 جىلدان بەرگى پارتيا مەن حالىقتىڭ كۇرەس جاساۋ امالياتىن تەرەڭدەي بەينەلەپ، جاڭا جۇڭگونىڭ 70 جىلدىق تاريحي وزگەرىسىندە قامتىلعان ىشكى لوگيكانى تەرەڭدەي ءتۇسىنىپ، تاريحي ناتيجەنىڭ استارىنداعى جۇڭگوشا سوتسياليزم جولى، نازارياسى، ءتۇزىمى، مادەنيەتى باسىمدىعىن ايقىن دارىپتەپ، جۇڭگو نازارياسىنان اناعۇرلىم ويداعىداي پايدالانا وتىرىپ جۇڭگو امالياتىن ءتۇسىندىرىپ، پارتيا مەن حالىقتىڭ ۇزدىكسىز العا باسۋىنا قۇدىرەتتى رۋحاني شابىت بەرۋدى ءۇمىت ەتەمىن.
