ءتىلشى جاۋ جىيۇن 4 - ايدىڭ 15 - كۇنى ۇرىمجىدەن حابارلايدى. 4 - ايدىڭ 15 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، كۇسان وزەنى الابى جالپىلىق جوباسى، ينجەنەريا قۇرىلىسى نىساندارىن تەكسەرىپ بەكىتۋ ءتۇزىمى رەفورماسىن جاپپاي ورىستەتۋ، ساۋداگەرلەر قوعامى حالىقتىق جاراستىرۋ كوميتەتىن قۇرۋدى تۇيىندە سىناق ەتۋ قىزمەتى، التاي كاسىپتىك تەحنيكالىق شۋەيۋانىن قۇرۋ سىندى قىزمەتتەردى اقىلداستى.
ءماجىلىس بىلاي دەپ اتاپ كورسەتتى: وزەن اعارىن جالپى بەتتىك ورنالاستىرۋدى كەمەلدەندىرۋ، سۋ بايلىق قاينارىنان جان - جاقتى پايدالانۋ جۇيەسىن قالىپتاستىرۋ، رايونىمىزدىڭ ەكولوگيالىق وركەنيەت قۇرىلىسىن كۇشەيتۋ، وزەن اعارلارىنىڭ ەكونوميكالىق، قوعامدىق دامۋىن جەبەۋدە اسا ماڭىزدى رول اتقارادى. كۇسان وزەنى الابىنىڭ سۋ قاينارىن عىلمي، ۇيلەسىمدى اشۋ، پايدالانۋ ءۇشىن، رايونىمىز كۇسان وزەنى الابىنىڭ جالپى بەتتىك جوباسىن جاساپ، بۇدان بىلايعى ءبىر مەزگىلدە كۇسان وزەنى الابىن اشۋ، پايدالانۋ، ۇنەمدەۋ، ورنالاستىرۋ، سۋ قاينارىن قورعاۋ جانە سۋ اپاتىنان ساقتانۋ سىندى قىزمەتتەرگە عىلمي جەتەكشىلىك ەتەدى.
ءماجىلىس بىلاي باسا دارىپتەدى: 5 قالا، اۋداندا تۇيىندە سىناق ەتۋ نەگىزىندە، مەملەكەتتىك كەڭەستىڭ قاتىستى تالاپتارىنا ساي، بيىل رايونىمىز اكىمشىلىك جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەبەۋدى نىسانا ەتىپ، كاسىپورىن مەن جۇرتشىلىق ءۇشىن ءتىپتى دە جاقسى، ءتىپتى دە تەز قولايلى ءىس تىندىرۋدى باعدار ەتىپ، ۇكىمەت فۋنكتسياسىنا بۇرىلىس جاساۋ جانە ۇكىمەت قۇرىلىمىن ىقشامداپ، بيلىكتى تومەنگە بەرۋ تەبىنىن ۇلعايتىپ، ينجەنەريا قۇرىلىسى نىساندارىن تەكسەرىپ بەكىتۋ رەفورماسى ءتۇزىمىن جاپپاي ورىستەتىپ، تەكسەرىپ بەكىتۋ تارتىپتەرىن بىرلىككە كەلتىرىپ، ينفورماتسيالىق ساندى مالىمەت تۇعىرىن بىرلىككە كەلتىرىپ، تەكسەرىپ بەكىتۋدى باسقارۋ جۇيەسىن بىرلىككە كەلتىرىپ، باقىلاۋ - باسقارۋ ءادىسىن بىرلىككە كەلتىرىپ، ينجەنەريا قۇرىلىسى نىسانىن تەكسەرىپ بەكىتۋدە ”ءتورتتى بىرلىككە كەلتىرۋ“دى جۇزەگە اسىرىپ، عىلمي، قولايلى، ءونىمدى ينجەنەريا قۇرىلىسى نىسانىن تەكسەرىپ بەكىتۋ جانە باسقارۋ جۇيەسىن قۇلشىنا قالىپتاستىرادى.
ورتالىقتىڭ قاتىستى تالاپتارىن دايەكتى تياناقتاندىرۋ ءۇشىن، «جۇڭحۋا حالىق رەسپۋبليكاسىنىڭ جاراستىرۋ زاڭى»ن دايەكتىلەندىرىپ، تياناقتاندىرىپ، رايونىمىز ساۋداگەرلەر قوعامى حالىقتىق جاراستىرۋ كوميتەتىن قۇرۋدى تۇيىندە سىناق ەتۋ قىزمەتىن ورىستەتۋدى ۇيعاردى. ءماجىلىس مىنانى تالاپ ەتتى: ساۋداگەرلەر قوعامىنىڭ حالىقتىق جاراستىرۋ قىزمەتىن كۇشەيتىپ، ساۋداگەرلەر قوعامىنىڭ حالىقتىق جاراستىرۋ ۇيىمىن اقاۋسىزداندىرىپ، كەمەلدەندىرىپ، ساۋداگەرلەر قوعامىنىڭ حالىقتىق جاراستىرۋ كۇشىن جەتىلدىرىپ، ساۋداگەرلەر قوعامىنىڭ داۋ - شاردىڭ الدىن الۋ جانە ارىلتۋ بارىسىنداعى بەلسەندى رولىن تولىق ساۋلەلەندىرىپ، حالىق باسقارۋىنداعى كاسىپورىندارعا قىزمەت ەتۋ قابىلەتى مەن ورەسىن ۇزدىكسىز جوعارىلاتىپ، اۆتونوميالى رايونىمىزداعى حالىق باسقارۋىنداعى شارۋاشىلىقتىڭ اقاۋسىز دامۋىنا پارمەندى كەپىل ازىرلەۋ كەرەك.
ءماجىلىس بىلاي دەپ اتاپ كورسەتتى: كاسىپتىك وقۋ - اعارتۋ − حالىقتىق وقۋ - اعارتۋ جۇيەسىن جانە ادام كۇشى بايلىعىن اشۋدىڭ ماڭىزدى قۇرامداس بولىگى. كوپ ءتۇرلى دارىندىلاردى جەتىلدىرۋ، تەحنيكالىق شەبەرلىكتى جالعاستىرۋ، جۇمىسقا ورنالاسۋ، شارۋاشىلىق قۇرۋدى جەبەۋ ماڭىزدى مىندەتىن ارقالاپ وتىر. التاي كاسىپتىك تەحنيكالىق شۋەيۋانىن قۇرۋ مەملەكەتتىڭ قاتىستى بەلگىلەمەلەرىنە ۇيلەسەدى، اۆتونوميالى رايونىمىزدىڭ كاسىپتىك وقۋ - اعارتۋ رەفورماسىن دامىتۋىنا ءتيىمدى، التاي ايماعىنىڭ جوعارى دارەجەلى كاسىپتىك وقۋ - اعارتۋدى، ورتا دارەجەلى كاسىپتىك وقۋ - اعارتۋدى توعىستىرا جەتىلدىرۋدى جۇزەگە اسىرۋىنا ءتيىمدى.
ءماجىلىس باسقا دا ىستەردى اقىلداستى.
