CBA ماۋسىم سوڭى جارىسى جارتىلاي شەشۋشى جارىسىندا جالپى 1گە قارسى 3 ۇپايمەن الدا تۇردى
4 - ايدىڭ 16 - كۇنى شينجياڭ گۋاڭحۇي اۆتوكولىك ەرلەر باسكەتبول كومانداسىنىڭ دوپشىسى ابدۇسالام ( وڭنان 1 -) جارىستا دوپ الىپ، شابۋىلعا ءوتتى. سۋرەتتى ءتىلشى لۋ مين - ي تۇسىرگەن
ءتىلشى دۇڭ لياڭ 4 - ايدىڭ 16 - كۇنى ۇرىمجىدەن حابارلايدى. 4 - ايدىڭ 16 - كۇنى كەشتە وتكىزىلگەن 2019 − 2018 - جىلعى جارىس ماۋسىمىنداعى جۇڭگو ەرلەر باسكەتبول كاسىپتىك بىرلەسكەن جارىسى (CBA) ماۋسىم سوڭى جارىسى جارتىلاي شەشۋشى جارىسىنىڭ 4 - مايدان باسەكەسىندە شينجياڭ گۋاڭحۇي اۆتوكولىك ەرلەر باسكەتبول كومانداسى ءوز مايدانىندا 81گە قارسى 107 ۇپايمەن لياۋنيڭ بىنشي بولات - تەمىر ەرلەر كومانداسىن جەڭىپ، جالپى ءنومىرى 1گە قارسى 3 بولىپ، CBA جارتىلاي شەشۋشى جارىسىنىڭ سوڭعى جارىس ءنومىرىن الىپ، جالپى شەشۋشى جارىسقا ءبىر قادام قالدى.
شينجياڭ ەرلەر باسكەتبول كومانداسى ءبىرىنشى تاراۋشا جارىستا 2گە قارسى 13 ۇپايمەن سول كەشتەگى جارىستىڭ شىمىلدىعىن اشتى. ءوز الاڭىندا قورعانىستى كۇشەيتۋىنىڭ ارقاسىندا، لياۋنيڭ كومانداسىنىڭ العاشقى جارتى تاراۋشا جارىستاعى شابۋىل ونىمدىلىگى تومەندەي ءتۇستى. العاشقى تاراۋشادا 20 رەت تاستاعان دوبىنىڭ 6سى دارىپ، جالپى 20 ءنومىر الىپ، گارعا ءتۇسۋ سالىستىرماسى %30 بولدى، ەكىنشى تاراۋشادا 24 رەت تاستاعان دوبىنىڭ 7سى عانا گارعا ءتۇسىپ، 17 ءنومىر الدى. جارتى مايدان كەزىندە شينجياڭ ەرلەر باسكەتبول كومانداسى 37گە قارسى 50 ۇپايمەن ارالىق تاستاپ كەتتى.
كەلەسى تاراۋشا جارىستا شينجياڭ ەرلەر باسكەتبول كومانداسى ۇزدىكسىز ادام اۋىستىرىپ دەنە قۋاتىن ساقتادى، شابۋىل كۇشەمەلىلىگى تومەندەگەن جوق. الدىڭعى تاراۋشا جارىستا گارعا دوپ سالعان لياۋنيڭ كومانداسىنىڭ ەگەيلەرى حادسوننىڭ، گو ايلۇننىڭ وسى اينالىمداعى جارىستا دەسى باسىلىپ قالدى، ارىپتەس كوماندا تەك باسىنىڭ ىشكى شەپتەگى كۇشتى شابۋىلىنىڭ ارقاسىندا ۇپاي الدى. ال شينجياڭنىڭ ەرلەر باسكەتبول كومانداسىندا شەتەلدىك 2 دوپشى مەن ابدۇسالامنىڭ ۇتىمدى شابۋىلدارىنىڭ سىرتىندا، يۇي چاڭدۇڭ وسى تاراۋشا جارىستا كەرەمەتىن ساۋلەلەندىرىپ، جالعىز ءوزى 10 ۇپاي العان ”جەكە ونەرىن“ كورسەتتى. ەڭ سوڭىندا شينجياڭ ەرلەر باسكەتبول كومانداسى ءوز مايدانىندا تاعى دا كۇش سالىپ، سوڭعى شەشۋشى نومىرگە قول جەتكىزدى.
تۇتاس جارىستا لياۋنيڭ كومانداسىنداعى 2 شەتەلدىك دوپشى بىرلەسىپ 39 ۇپاي الدى، ەلىمىز دوپشىلارىنان بىردە - بىرەۋى ەكى ورىندى ۇپايعا قول جەتكىزە المادى. ال تۇتاس كوماندا العان 81 ۇپاي جارىس ماۋسىمىنداعى ەڭ تومەنگى ناتيجە بولىپ، 26 ۇپايلىق پارىقپەن لياۋنيڭ كومانداسى وسى جارىس ماۋسىمىندا ويسىراي جەڭىلىسكە ۇشىرادى.
7 اينالىمدا 4 رەت جەڭگەنى جەڭىسكە جەتەتىن ويىن تارتىبىندەگى جارتىلاي شەشۋشى جارىستا شينجياڭ ەرلەر باسكەتبول كومانداسى 3: 1 سالىستىرمامەن ۇستەم تۇر، كەلەسى 3 مايدان جارىستا تەك ءبىر مايدان جەڭىسكە جەتسە بولعانى جالپى شەشۋشى جارىسقا كىرە الادى. جىگەرى تاسقىنداپ تۇرعان شينجياڭ ەرلەر باسكەتبول كومانداسى 4 - ايدىڭ 18 - كۇنى تاعى دا ءوز الاڭىندا ارىپتەسىمەن كەزدەسەدى.
