ياڭ ۋي
ەگىنشىلىكتى نەگىز ەتەتىن وڭتۇستىك شينجياڭداعى شاعىن قىستاق رەتىندە، كوكتەمدەگى كەريا اۋدانى ويتوعىراق اۋىلى يارءمالى قىستاعى ەڭبەك تىنىسىنا تولدى.
اتىزداردا قولىنا ءتۇرلى قۇرال - جابدىق ۇستاعان شارۋالار شيراقى قيمىلداپ ەگىس داقىلدارىن مۇقيات باپتاپ جاتىر. جان باسىندىق ەگىستىك جەر 2 مۋعا دا جەتپەگەنىمەن، شارۋالاردىڭ ءۇمىتى، تۇتاس وتباسىنىڭ كەلەشەگى سىڭىرىلگەن. بۇگىنگى قان - تەر − كەلەشەكتەگى ءونىم، يارمالىلىكتەر بۇل قاعيدانى ابدەن تۇسىنەدى.
كوشە بويىندا، جول شەتتەرىندە، اسىرەسە، ەرتەلى - كەش ۋاقىتتاردا كوشە تازالاعان، اۋلا سىپىرعان، سۋ شاشىپ شاڭ - توزاڭدى باسقان قىستاق تۇرعىندارىن كورەسىز. قۇمدى بوران سەبەبىنەن، سىرتتا ءبىراز ۋاقىت جۇرسەڭىز ءۇستى - باسىڭىز قۇمدى توپىراققا كومىلەدى. شارشاعاندارىنا قاراماي ءبىر كۇندىك ەڭبەكتە كيگەن كيىمدەرىن اۋىستىرىپ، شاڭ - توزاڭ باسقان ءۇي جيھازدارىن جارقىراتىپ ءسۇرتۋ يارمالىلىكتەردىڭ قاشانعى ادەتى.
زاۆودتاردا، جۇمىس ورىندارىندا يارمالىلىكتەر بارعان سايىن مولايدى. بۇرىن ىرىس - قۇتىن جەردەن عانا تاباتىن ادامدار قازىر بەلسەندىلىكپەن، ىرىقتىلىقپەن قىستاققا، اۋدانعا، اۋدان قالاشىعىنا، ءتىپتى، ۇرىمجىگە، شينجياڭنان سىرت ولكەلەرگە بارىپ جۇمىس ىستەيتىن، كوپ ۇيرەنىپ كوپ يگەرەتىن، كوپ ىستەپ كوپ تاباتىن بولدى. ەڭبەكشىلدىك باسقاشا كوز ايا جانە قوزعاۋشى كۇش الا كەلدى، يارمالىلىكتەر مۇنداي تۇرمىستى ۇناتادى.
جەڭدەرىن تۇرە قۇلشىنا ەڭبەكتەنگەن يارمالىلىكتەر وزدەرىنىڭ ارەكەتتەرى ارقىلى بىزگە باقىتتىڭ كۇرەسپەن كەلەتىندىگىن ۇعىندىردى.
