تيانشان تورى   ›   جاڭالىقتار   ›   شينجياڭ حابارلارى

كاسىپتىك شەبەرلىكتى جوعارىلاتىپ، ورنىقتى جۇمىستانۋدى جەبەيىك

  رايونىمىز جاڭا بۋىن شارۋا جۇمىسكەرلەردىڭ كاسىپتىك شەبەرلىگىن ءوسىرۋ جوسپارىن اتقاردى

كاسىپتىك شەبەرلىكتى جوعارىلاتىپ، ورنىقتى جۇمىستانۋدى جەبەيىك

  ءتىلشى لي چۇنشيا 4 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، اۋىل - قىستاقتان باسقا كاسىپ سالاسىنا ويىسىپ جۇمىستانعان ەڭبەككۇشتەردىڭ شەبەرلىك دەڭگەيىن ءوسىرىپ، باياندى جانە ورنىقتى جۇمىستانۋدى جەبەۋ ءۇشىن، بيىلدان باستاپ 2022 - جىلعا دەيىن رايونىمىز تۇتاس رايون كولەمىندە جاڭا بۋىن شارۋا جۇمىسكەرلەردىڭ كاسىپتىك شەبەرلىگىن ءوسىرۋ جوسپارىن اتقارۋدى ۇيعارعان.

  تانىستىرۋعا قاراعاندا، جاڭا بۋىن شارۋا جۇمىسكەرلەر دەگەنىمىز 1980 - جىلى نەمەسە 1980 - جىلدان كەيىن تۋعان، قالاعا كەلىپ، اۋىل شارۋاشىلىعىنا جاتپايتىن وندىرىسپەن شۇعىلدانعانىنا 6 اي بولعان نەمەسە 6 ايدان اسقان، قالادا تۇراقتى قونىستانعان، نوپوسى اۋىل - قىستاقتاعى ەڭبەككۇشتەردى، جاڭا داۋىردەگى ونەركاسىپ جۇمىسكەرلەرىن مەڭزەيدى ەكەن. جاڭا بۋىن شارۋا جۇمىسكەرلەردىڭ كاسىپتىك شەبەرلىگىن ءوسىرۋ جوسپارىندا تۇتاس رايونىمىزداعى جاڭا بۋىن شارۋا جۇمىسكەرلەرى، اسىرەسە، وڭتۇستىك شينجياڭنىڭ 4 ايماق - وبلىسىنداعى باسقا كاسىپ سالاسىنا ويىسىپ جۇمىستانباقشى بولعان جانە باسقا كاسىپ سالاسىنا ويىسىپ جۇمىستانعان اۋىل - قىستاق ەڭبەككۇشتەرى نەگىزگى باۋلۋ وبيەكتى بولىپ، نەگىزىنەن جۇمىستاندىرۋ بويىنشا شەبەرلىككە باۋلۋ، قىزمەت ورنى شەبەرلىگىن ءوسىرۋ بويىنشا باۋلۋ، شەبەرلىك ارقىلى كەدەيلەردى سۇيەمەلدەۋ ارەكەتى، شارۋاشىلىق قۇرۋعا، جاڭالىق اشۋعا باۋلۋ سياقتىلار ورىستەتىلەدى. ءبىر جاعىنان، اۋداندى، قالانى بىرلىك ەتىپ، باسقا كاسىپ سالاسىنا ويىسىپ جۇمىستانباقشى بولعاندارعا نەگىزگى ەڭبەك ساپاسى باۋلۋىن جاپپاي ورىستەتىپ، كاسىپورىنداردىڭ جاڭا بۋىن شارۋا جۇمىسكەرلەرىن كەڭ كولەمدە شەبەرلىككە باۋلۋدى ورىستەتۋىنە قولداۋ كورسەتەدى، مىسالى، كاسىپورىنداردىڭ جاڭاشا شاكىرت ءتۇزىمى بويىنشا باۋلۋ، جوعارى شەبەرلىك دارىندىلارىن باۋلۋ سياقتىلار ارقىلى جۇمىستانۋدىڭ ورنىقتىلىعىن جوعارىلاتادى؛ ەندى ءبىر جاعىنان، شارۋاشىلىق قۇرۋ باستاماشىلارىن بەلسەنە باۋلىپ، شارۋاشىلىق قۇرۋ قيمىلىن ورىستەتۋ ويى بار جانە شارۋاشىلىق قۇرۋدىڭ العاشقى ساتىسىندا تۇرعان جاڭا بۋىن شارۋا جۇمىسكەرلەرىن تۇگەلدەي شارۋاشىلىق قۇرۋ باۋلۋى بويىنشا قىزمەت وتەۋ كولەمىنە ەنگىزەدى، بەلگىلى شارت - جاعداي ازىرلەگەندەرگە جەكە ساۋدا - ونەركاسىپشىلەردى جەتىلدىرۋدى جانە شاعىن، ۇساق كاسىپورىندار قۇرۋدى وزەك ەتكەن شارۋاشىلىق قۇرۋ شەبەرلىك باۋلۋىن ورىستەتىپ، شارۋاشىلىق قۇرۋدىڭ تابىستى بولۋ سالىستىرماسىن جوعارىلاتادى.

  رايونىمىز تاعى كەدەيلەرگە قاراتا شەبەرلىك جاعىنان كەدەيلەردى سۇيەمەلدەۋ تەبىنىن ارتتىرىپ، ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى ەڭبەككۇشتەر، ەڭ تومەنگى تۇرمىسى قامتاماسىز ەتىلەتىن وتباسىلارىنداعى ەڭبەككۇشتەر، قۇتقارۋ - كومەكتەسۋ، باعىپ - قاعۋ كولەمىندەگى ەرەكشە قيىنشىلىعى بارلار جانە مۇگەدەكتەر سياقتى جۇمىستانۋى قيىن ادامدار اراسىنداعى جاڭا بۋىن شارۋا جۇمىسكەرلەرى جونىنەن كەدەيلەردى سۇيەمەلدەۋ نىسانىنا جانە جۇمىسكەر ىستەتۋ قاجەتىنە ۇشتاستىرىپ، باۋلۋعا قاتىناسۋ ويى بارلارعا دالمە - ءدال شەبەرلىككە باۋلۋ بويىنشا الدىمەن قىزمەت وتەپ، تەحنيك - جۇمىسشىلار مەكتەپتەرىندە وقۋ نيەتى بارلارعا تەحنيكالىق جۇمىسكەر تاربيەسىن الدىمەن جۇرگىزىپ، ولاردىڭ شەبەرلىكتەرىمەن جۇمىستانىپ كەدەيلىكتەن ارىلۋىنا كومەكتەسەدى.

   ”2022 - جىلعا دەيىن جاڭا بۋىن شارۋا جۇمىسكەرلەردى كاسىپتىك شەبەرلىككە باۋلۋ“ ’جالپىعا بىردەي بولۋ، جالپىلاستىرۋ، جاپپاي تيىمدىلىك جاساۋ‘ نىساناسىن جۇزەگە اسىرىپ، جاڭا بۋىن شارۋا جۇمىسكەرلەرى جوعارى ساپالى شەبەرلىك ەڭبەككۇشتەرىنە جانە ورنىقتى جۇمىستانعان ونەركاسىپ جۇمىسكەرلەرىنە اينالاتىن بولادى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەت قۇرىلىسى باسقارماسىنداعى قاتىستى جاۋاپتىنىڭ تانىستىرۋىنا قاراعاندا، رايونىمىز جاساۋ كاسىبىنىڭ ءتۇيىندى سالالارىنىڭ، وسى زامانعى قىزمەت وتەۋ كاسىبىنىڭ، ەرەكشە ساياحات كاسىبىنىڭ جانە اۋىل - قىستاقتى گۇلدەندىرۋدىڭ شەبەرلىك دارىندىلارعا بولعان قاجەتىنە نەگىزدەلىپ، ونەركاسىپ پەن وقىتۋدى ءبىر تۇلعالاندىرۋ، ”ينتەرنەت + كاسىپتىك باۋلۋ“ سياقتى يكەمدى، الۋان ءتۇرلى باۋلۋ تاسىلدەرىن جالپىلاستىرىپ، جاڭا بۋىن شارۋا جۇمىسكەرلەرىنىڭ الۋان ءتۇرلى، ەرەكشە باۋلۋ قاجەتىن قاناعاتتاندىرادى ەكەن. كاسىپتىك باۋلۋ قۇرىلىمدارىنىڭ كاسىپتىك قوعام، ءىرى، ورتاشا كاسىپورىندار، ەڭبەككۇشتەردى شىعاراتىن قۇرىلىمدار سياقتىلارمەن بىرىككەن تۇلعا ورناتۋىنا قولداۋ كورسەتىپ، باۋلۋ مەن جۇمىستاندىرۋدىڭ ءبىر پۋنكتتىك قىزمەت وتەۋدى ورىستەتىپ، باۋلۋ مەن جۇمىستانۋدىڭ ءبىر تۇلعالانۋىن جۇزەگە اسىرادى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى