رايونىمىز زات جەتكىزۋدەگى ءتۇيىن قالالاردى جايعاستىرۋ قۇرىلىسىن ءتۇرلى شارالارمەن ىلگەرىلەتتى
قولايلى زات جەتكىزۋ ارناسى العاشقى قادامدا قالىپتاستى
ءتىلشى شى شين 4 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، رايونىمىزدىڭ”1+4+N“ زات جەتكىزۋ ءتۇيىن قالالارىن جايعاستىرۋ قۇرىلىسى نىق قاداممەن ىلگەرىلەتىلگەن. قازىر ءۇرىمجى وزەكتى ءتۇيىن، سونداي - اق ماڭىزدى 1 - ، 2 - دارەجەلى زات جەتكىزۋ ءتۇيىن قالالار قۇرىلىسى ۇزدىكسىز كەمەلدەندىرىلىپ، قولايلى زات جەتكىزۋ ارناسى العاشقى قادامدا قالىپتاسقان.
”N + 4 + 1“ زات جەتكىزۋ ءتۇيىن قالالاردى ورنالاستىرۋ دەگەنىمىز ءۇرىمجى قالاسىن وزەكتى ءتۇيىن، قاشقار قالاسىن، قۇلجا - قورعاستى (قالالار توبى)، كورلا قالاسىن، قۇمىل قالاسىن 1 - دارەجەلى ءتۇيىن، قارامايلى قالاسىن، كۇيتۇن - مايتاۋ - شيحۋدى (قالالار توبى)، بۇراتالا - الاتاۋ - جىڭدى (قالالار توبى)، شىحىزى قالاسىن، التاي - بەيتۇندى (قالالار توبى)، شاۋەشەك قالاسىن، اقسۋ قالاسىن، حوتان قالاسىن، جۇندۇڭ ەكونوميكالىق - تەحنيكالىق اشۋ رايونىن، چارقىلىق اۋدانىن 2 - دارەجەلى ءتۇيىن ەتىپ جانە بەلگىلى ورىن جول - قاتىناس شارت - جاعدايىنا، سونداي - اق ەرەكشە كاسىپ باسىمدىعىنا يە ءتۇيىندى قالا - قالاشىقتاردى 3 - دارەجەلى ءتۇيىن ەتكەن زات جەتكىزۋ ءتۇيىن قالالارىن ورنالاستىرۋ.
«شينجياڭ ۇيعۇر اۆتونوميالى رايونىنىڭ زات جەتكىزۋ كاسىبىنىڭ ”13 - بەسجىلدىق“ دامۋ جوباسى» (تومەندە قىسقارتىلىپ «جوبا» دەلىنەدى) اتقارىلعاننان بەرى،ءۇرىمجى قالاسى «ءۇرىمجى حالىقارالىق قۇرلىق پورتى رايونىنىڭ جالپىلىق دامۋ جوباسى»ن جانە «ءۇرىمجى اۋەجاي ماڭى ەكونوميكاسىنان ۇلگى كورسەتۋ رايونىنىڭ جالپى تۇلعالىق جوباسى»ن (العاشقى نۇسقا) جاساپ، ءۇرىمجى حالىقارالىق قۇرلىق پورتى رايونى، ءۇرىمجى اۋەجاي ماڭى ەكونوميكاسىنان ۇلگى كورسەتۋ رايونى قۇرىلىسىنا سۇيەنە وتىرىپ، قۇرلىقتا اشىلعان وزەكتى دەمەۋ تۇعىرىن قۇرىپ، قالانىڭ سونداي - اق وڭىرلەردىڭ كاسىپ سالاسىنىڭ دەڭگەيىنىڭ ءوسىپ، دارەجەسىنىڭ جوعارىلاۋىنا باستاماشىلدىق ەتىپ، قۇرلىق پەن تەڭىزدە ءىش پەن سىرت بىرلەسىپ قيمىلدايتىن، شىعىس پەن باتىس قوس باعىتتا ءوزارا سەلبەسەتىن جاپپاي ەسىك اشۋ جاڭا جاعدايىنىڭ قالىپتاسۋىنا دەم بەردى. قازىر ءۇرىمجى حالىقارالىق قۇرلىق پورت رايونىنىڭ ”زات جيناۋ، باقشا قۇرۋ، كاسىپتەردى شوعىرلاندىرۋ“ قابىلەتى ۇزدىكسىز جوعارىلاپ، وزەكتى ءتۇيىن قۇرىلىسىنىڭ ماڭىزدى قوزعالتقىشىنا اينالدى.
جەر - جەر «جوبا»نى دايەكتىلەندىرگەندە، تياناقتاندىرعاندا جەرگىلىكتى ورىننىڭ جول - قاتىناستاعى ورىن جانە قۇرىلعى بايلىعى باسىمدىعىنا سۇيەنە وتىرىپ، زات جەتكىزۋ قۇرىلعى قۇرىلىسىن كۇشەيتتى.
قاشقار قالاسى حونجىراپ، تورعات سياقتى شەكارا وتكەلدەرىنىڭ باسىمدىعىنا تولىق سۇيەنىپ، قاشقار ەكونوميكالىق اشۋ رايونىنىڭ، قاشقار امبەباپ قورعامالى باجى رايونىنىڭ تۇعىر قۇرىلىسىن ىلگەرىلەتۋدى تۇتقا ەتىپ، زات جەتكىزۋ ارناسى قۇرىلىسىن جەدەل ىلگەرىلەتتى.
قۇلجا - قورعاس قورعاس شەكارا وتكەلى (ەكونوميكالىق - تەحنيكالىق اشۋ رايونى)، ەركەشتام شەكارا وتكەلى، باقتى شەكارا وتكەلى قاتارلىلاردىڭ شەكارا وتكەلى تۇعىر قۇرىلىسىن بەلسەنە جەدەلدەتۋ ارقىلى شەكارا وتكەلى قۇرىلعىلارىنىڭ، قورعامالى باجى زات جەتكىزۋ قۇرىلعىلارىنىڭ قىزمەت وتەۋدەگى كوتەرىمدىلىك قۋاتىن جوعارىلاتتى؛ اۋىل شارۋاشىلىعى ونىمدەرىن سىرتقا ساتۋ تۇعىر قۇرىلىسىن كۇش سالا ىلگەرىلەتىپ، باتىسقا قاتىنايتىن پويەزداردىڭ قالىپتى قاتىناۋىن قامتاماسىز ەتىپ، شەكارا وتكەلى تۇرىندەگى حالىقارالىق زات جەتكىزۋ تورابى قالاسى قۇرىلىسىن كۇش سالا ىلگەرىلەتتى.
كورلا قالاسى ”وڭتۇستىك شينجياڭنىڭ قاقپاسى“ سىندى جاعراپيالىق باسىمدىعىنان تولىق پايدالانىپ، تاس جول، تەمىر جول، اۋە جولى، قۇبىر جولى − ”ءتورت ءبىر تۇلعالانعان“ ستەرەولدى قاتىناس - تاسىمال تورى تۇيىندەرى قۇرىلىسىن جەدەلدەتىپ، كورلا اۋەجايىنىڭ زات تاسىمالداۋ قۇرىلعى قۇرىلىسىن بەلسەنە ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىنىڭ تۇيىنىندەگى وڭتۇستىك شينجياڭ ساۋدا، زات جەتكىزۋدەگى جيناۋ - تاراتۋ ورتالىعىن جانە كەپتىرىلگەن، جاڭا جەمىستەر ساۋداسى ورتالىعىن قۇردى.
قۇمىل قالاسى قۇمىل حالىقارالىق زات جەتكىزۋ پورتى، تاس جول، تەمىر جول، قۇرلىقتىق پورت، اۋە پورتى سياقتى زات جەتكىزۋ نەگىزدىك قۇرىلعىلارىن دايىنداۋ قۇرىلىسىن ءبىر تۇتاس تەزدەتتى.
سونىمەن بىرگە، رايونىمىز زات جەتكىزۋ كاسىبىنىڭ ينتەرنەتپەن، زات ينتەرنەتىمەن تەرەڭ توعىسۋىن كۇشەيتىپ، زات جەتكىزۋ شارۋاشىلىعى مەن قىزمەت وتەۋ ورەسىن جوعارىلاتىپ، زات جەتكىزۋدىڭ دامۋىنىڭ جاڭا ۇلگىسىن، جاڭا مەحانيزمىن قالىپتاستىرىپ، جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات جەتكىزۋ ورتالىعى قۇرىلىسىن ىلگەرىلەتۋگە پارمەندى سۇيەۋ بولدى.
