شينحۋا اگەنتتىگىنىڭ 4 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «تورەلىك ايتۋ ءتۇزىمىن كەمەلدەندىرۋ، تورەلىك ايتۋدىڭ الەۋمەتتىك سەنىمدىلىگىن جوعارىلاتۋ جونىندەگى ءبىرقانشا پىكىر»دى (تومەندە «ءبىرقانشا پىكىر» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«ءبىرقانشا پىكىر»دە مىنالار اتاپ كورسەتىلدى: تورەلىك ايتۋ − ەلىمىزدىڭ زاڭىندا بەلگىلەنگەن داۋ - شاردى شەشۋ ءتۇزىمى ءارى حالىقارادا جالپى بەتتىك قولدانىلاتىن داۋ - شاردى شەشۋ ءتاسىلى. تورەلىك ايتۋدىڭ داۋگەرلەردىڭ ءوز تىلەگىن ءوزى بيلەۋىنە قۇرمەت ەتۋ جانە داۋ - شاردى يكەمدى، ۇتىمدى شەشۋ سياقتى جاقتارداعى رولىن تولىق ساۋلەلەندىرۋ − داۋ - شار شەشۋدىڭ كوپ نەگىزدى مەحانيزمىن كەمەلدەندىرۋ، قايشىلىقتى ادىلدىكپەن، دەركەزىندە شەشۋ، داۋ - شاردى ۇيلەسىمدى جويۋ، قوعامنىڭ ورنىقتىلىعىن قورعاۋ، رەفورما جاساۋدى، ەسىك اشۋدى جەبەۋ، ەكونوميكانىڭ، قوعامنىڭ ۇزدىكسىز اقاۋسىز دامۋىن قامتاماسىز ەتۋ جونىنەن ماڭىزدى مانگە يە. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جان - جاقتى دايەكتىلەندىرىپ، تياناقتاندىرىپ، تورەلىك ايتۋ ءتۇزىمىن كەمەلدەندىرىپ، تورەلىك ايتۋدىڭ الەۋمەتتىك سەنىمدىلىگىن جوعارىلاتىپ، جۇڭگوشا سوتسياليستىك تورەلىك ايتۋدى دامىتۋ جولىمەن بۇلجىماي ءجۇرۋ كەرەك.
«ءبىرقانشا پىكىر»دە مىنالار ايقىندالدى: تورەلىك ايتۋ قۇرىلىمدارىن قۇرۋعا جانە كەزەك اۋىستىرۋعا قاتىستى قىزمەتتەردى ارناعا ءتۇسىرۋ، تورەلىك ايتۋ قۇرىلىمدارىنىڭ زاڭ بويىنشا دەربەس قىزمەت ىستەۋىن قامتاماسىز ەتۋ، داۋگەرلەردىڭ ءوز تىلەگىنە ءوزى قوجايىن بولۋ پرينسيبىن تياناقتاندىرۋ، تورەلىك ايتۋدىڭ دامۋ ءتارتىبىن ءبۇلدىرۋ ارەكەتتەرىن تۇزەتۋ سياقتى جاقتاردا تورەلىك ايتۋ زاڭ تۇزىمدەرىن قاتاڭ دايەكتىلەندىرۋ، تياناقتاندىرۋ كەرەك. تورەلىك ايتۋ كوميسسياسىنىڭ الەۋمەتتىك يگىلىك سيپاتىن، ساۋدالىق ەمەس سيپاتىن ايقىنداپ، كوميسسيا قۇرىلىسىن كۇشەيتىپ، ىشكى جونگە سالۋ قۇرىلىمىنا جانە باسقارۋ مەحانيزمىنە رەفورما جاساپ جانە ونى كەمەلدەندىرىپ، تورەلىك ايتۋشىلاردى تاڭداپ ۇسىنىس ەتۋدى جانە باسقارۋدى جاقسارتىپ، تورەلىك ايتۋ حاتشىلىعىن كاسىبيلەندىرۋ جانە مامانداندىرۋ قۇرىلىسىن ىلگەرىلەتۋ كەرەك. تورەلىك ايتۋ تۇزىمىنە رەفورما جاساۋدى، وندا جاڭالىق اشۋدى جەدەل ىلگەرىلەتىپ، تورەلىك ايتۋدىڭ نەگىزگى ساتىداعى قوعامدىق جونگە سالۋمەن توعىسۋىنا قولداۋ كورسەتىپ، ينتەرنەتتە تورەلىك ايتۋدى بەلسەندىلىكپەن دامىتىپ، كاسىپتىك سەلبەسۋ مەن تورەلىك ايتۋدىڭ وڭىرلىك دامۋىن ىلگەرىلەتۋ كەرەك. مەملەكەتتىڭ جاپپاي ەسىك اشۋ جانە دامۋ ستراتەگياسىنا قىزمەت وتەپ، تورەلىك ايتۋ كوميسسياسىنىڭ حالىقارالىق باسەكەلىك قۋاتىن جوعارىلاتىپ، سىرتقا باعىتتالعان اۋىس - ءتۇيىستى، سەلبەستىكتى كۇشەيتىپ، شياڭگاڭنىڭ، اۋمىننىڭ، تايۋاننىڭ تورەلىك ايتۋ قۇرىلىمدارىمەن سەلبەستىكتى تەرەڭدەتۋ كەرەك. پارتيانىڭ باسشىلىعىن كۇشەيتىپ، ۇكىمەتتىڭ تورەلىك ايتۋ قىزمەتىنە قولداۋ كورسەتۋ جانە ونى باقىلاۋ تەبىنىن ارتتىرىپ، كاسىپتىك ءوزىن تەجەۋدى كەمەلدەندىرىپ، ءادىليالىق قولداۋ كورسەتۋ، باقىلاۋ مەحانيزمىن كەمەلدەندىرىپ، قوعامنىڭ باقىلاۋ رولىن ساۋلەلەندىرۋ كەرەك.
«ءبىرقانشا پىكىر»دە مىنالار تالاپ ەتىلدى: جەر - جەر، تاراۋلار ءوز ءىس جۇزىندىكتەرىمەن ۇشتاستىرىپ، ناقتى تياناقتاندىرۋ شارالارى جونىندە زەرتتەۋ جۇرگىزىپ، العا قويىپ، مۇقيات جوسپارلاپ، تىڭعىلىقتى ورنالاستىرىپ، جۇمىس ءبولىسى بويىنشا جاۋاپتى بولىپ، جەدەل ىلگەرىلەتىپ، جاڭا داۋىردەگى جۇڭگوشا سوتسياليستىك تورەلىك ايتۋ ىستەرىنىڭ جاڭا جاعدايىن قۇلشىنا اشۋ كەرەك. جەر - جەر، تاراۋلار دايەكتىلەندىرۋ، تياناقتاندىرۋ بارىسىندا بايقالعان ماسەلەلەرگە دەر كەزىندە زەرتتەۋ جۇرگىزىپ، شەشۋ جوباسىن شىعارىپ، وسى پىكىردىڭ اتقارىلۋىنا تۇساۋ جانە كەدەرگى بولاتىن قاتىستى تۇزىمدەرگە جەدەل اداقتاۋ جۇرگىزۋدى ۇيىمداستىرىپ، وسى پىكىرگە ۇيلەسپەيتىندەرىنە دەر كەزىندە تۇزەتۋ جاساۋ، ونى كۇشىنەن قالدىرۋ كەرەك. تورەلىك ايتۋ زاڭى سياقتى قاتىستى بەلگىلەمەلەرگە قايشىلىق جاساعان ارەكەتتەرگە، كىم ۇيىمداستىرىپ قۇرسا، سول جاۋاپتى بولۋ، سول باقىلاۋ جۇرگىزۋ پرينسيبى بويىنشا تورەلىك ايتۋ كوميسسياسىن ۇيىمداستىرىپ قۇرعان قالالىق ۇكىمەت جاپپاي اداقتاۋ، رەتتەۋ جۇرگىزۋ كەرەك. دايەكتىلەندىرۋ، تياناقتاندىرۋ جاعدايىن جانە قىزمەت بارىسىندا كەزدەسكەن ماڭىزدى ىستەردى دەر كەزىندە ءادىليا مينيسترلىگىنە مالىمدەۋ كەرەك.
