مەملەكەتتىك كەڭەس كەڭسەسى پىكىر باسىپ تاراتتى
زەينەتكەرلىك قىزمەت وتەۋدىڭ دامۋىن ىلگەرىلەتەيىك
شينحۋا اگەنتتىگىنىڭ 4 - ايدىڭ 16 - كۇنى بەيجيڭنەن بەرگەن حابارى. تاياۋدا مەملەكەتتىك كەڭەس كەڭسەسى «زەينەتكەرلىك قىزمەت وتەۋدىڭ دامۋىن ىلگەرىلەتۋ جونىندەگى پىكىر»دى (تومەندە قىسقارتىلىپ «پىكىر» دەلىنەدى) باسىپ تاراتتى.
«پىكىر»دە بىلاي دەپ اتاپ كورسەتىلدى: پارتيا ورتالىق كوميتەتى، مەملەكەتتىك كەڭەس زەينەتكەرلىك قىزمەت وتەۋىنە بارىنشا ءمان بەردى. 2019 - جىلعى ۇكىمەت قىزمەتىنەن بايانداماداعى زەينەتكەرلىك قىزمەت وتەۋ قىزمەتى جونىندەگى ورنالاستىرۋعا ساي، ”بوگەتتەر“دى ارشىپ، ”تالماۋ تۇيىندەر“دى الاستاپ، دامۋ كەدەرگىلەرىن تالقانداپ، بازار مەحانيزمىن اقاۋسىزداندىرىپ، وتباسىن نەگىز، الەۋمەتتىك اۋماقتى سۇيەنىش، قۇرىلىمدى تولىقتاما ەتكەن، ەمدەۋ مەن كۇتىمدەۋ ۇشتاسقان زەينەتكەرلىك قىزمەت وتەۋ جۇيەسىن ۇزدىكسىز كەمەلدەندىرىپ، 2022 - جىلعا دەيىن بارلىق ادامنىڭ نەگىزگى زەينەتكەرلىك قىزمەت وتەۋدەن يگىلىكتەنۋىنە شىنايى كەپىلدىك ەتۋ نەگىزىندە، قارتتاردىڭ كوپ تۇرلىلەنگەن، كوپ جىكتى زەينەتكەرلىك قىزمەت وتەۋ قاجەتىن ءونىمدى تۇردە قاناعاتتاندىرىپ، قارتتاردىڭ، سونداي - اق ولاردىڭ پەرزەنتتەرىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كورنەكتى تۇردە جوعارىلاتۋ ءۇشىن، «پىكىر»دە 6 جاقتاعى 28 تارماقتى ناقتى ساياساتتىق شارا العا قويىلدى.
ءبىرىنشى، ۇكىمەت قۇرىلىمدارىن ىقشامداپ ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋ. مۇندا، باستىسى، زەينەتكەرلىك قىزمەت وتەۋىن كەشەندى باقىلاۋ - باسقارۋ ءتۇزىمىن ورناتۋ، ۇكىمەت باسقارۋىنداعى قارتتاردى كۇتىمدەۋ قۇرىلىمدارى رەفورماسىن ۇزدىكسىز تەرەڭدەتۋ، تەكسەرىپ بەكىتۋ ونىمدىلىگىن جوعارىلاتۋ ارقىلى قارتتاردى كۇتىمدەۋ قۇرىلىمدارىن ورتتەن ساقتانۋ بويىنشا اداقتاۋدا ساقتالعان ماسەلەلەردى ويداعىداي شەشۋ، زەينەتكەرلىك قىزمەت وتەۋىنىڭ سالىق - اقى اۋىرتپالىلىعىن جەڭىلدەتۋ، ۇكىمەت ۇسىنىلىمىنىڭ دالمە - دالدىك ورەسىن جوعارىلاتۋ، قارتتاردى كۇتىمدەۋ قۇرىلىمدارىنىڭ كولەمدەنە، ۇلاسپالى دامۋىن قولداۋ، زەينەتكەرلىك قىزمەت وتەۋ سالاسىنداعى ينفورماتسيانىڭ جاريالىلىعى جانە ساياساتتىق جەتەكتەۋ سياقتى 7 ءتۇرلى شارا قامتىلعان.
ەكىنشى، زەينەتكەرلىك قىزمەت وتەۋدەگى قارجى قوسۋ، قارجى قۇراۋ ارناسىن كەڭەيتۋ. مۇندا، باستىسى، زەينەتكەرلىك قىزمەت وتەۋ قۇرىلىمدارىنىڭ قارجى قۇراۋ ماسەلەسىن شەشۋدى ىلگەرىلەتۋ، زەينەتكەرلىك قىزمەت وتەۋ كاسىبىنە قاتىستى كاسىپورىنداردىڭ زايوم بەلەتىنىڭ تاراتىلۋ كولەمىن كەڭەيتۋ، شەتەل قارجىسىمەن قۇرىلعان زەينەتكەرلىك قىزمەت وتەۋ قۇرىلىمدارىنىڭ ەل حالقىنا بولعان يگىلىگىن جاپپاي تياناقتاندىرۋ سياقتى 3 ءتۇرلى شارا قامتىلعان.
ءۇشىنشى، زەينەتكەرلىك قىزمەت وتەۋگە قاتىستى جۇمىسقا ورنالاستىرۋدى، شارۋاشىلىق قۇرۋدى كەڭەيتۋ. مۇندا، باستىسى، قارتتاردى كۇتىمدەۋ قىزمەتكەرلەرىنىڭ كاسىپتىك شەبەرلىك دارەجەسىن تۇراقتاندىرۋ جانە تاربيەلەۋ، باۋلۋ ءتۇزىمىن ورناتۋ، كەمەلدەندىرۋ، زەينەتكەرلىك قىزمەت وتەۋ كاسىبى ارقىلى جۇمىسقا ورنالاستىرۋدى كۇش سالا ىلگەرىلەتۋ، زەينەتكەرلىك قىزمەت وتەۋىنىڭ ماداقتاۋ مەحانيزمىن ورناتۋ سياقتى 3 ءتۇرلى شارا قامتىلعان.
ءتورتىنشى، زەينەتكەرلىك قىزمەت وتەۋ تۇتىنۋىن كەڭەيتۋ. مۇندا، باستىسى، ۇزاق ۋاقىت قاراۋ - كۇتۋ بويىنشا قىزمەت وتەۋ جۇيەسىن قۇرۋ، اقاۋسىزداندىرۋ، قارتتاردى كۇتۋ بويىنشا جالپىعا ءتيىمدى فينانستى دامىتۋ، قارتتار تۇتىنۋىنىڭ ارتۋىن جەبەۋ، قارتتاردىڭ تۇتىنۋ ۇقىق - مۇددەسىن قورعاۋ جانە زەينەتكەرلىك قىزمەت وتەۋ سالاسىنداعى زاڭسىز قارجى توپتاۋدى وڭاۋ قىزمەتىن كۇشەيتۋ سياقتى 4 ءتۇرلى شارا قامتىلعان.
بەسىنشى، زەينەتكەرلىك قىزمەت وتەۋدىڭ جوعارى ساپالى دامۋىن جەبەۋ. مۇندا، باستىسى، ەمدەۋ مەن كۇتىمدەۋ ۇشتاستىرىلعان قىزمەت وتەۋ قابىلەتىن جوعارىلاتۋ، ۇيدە، الەۋمەتتىك اۋماقتا جانە قۇرىلىمدا قارتتاردى كۇتىمدەۋدىڭ توعىسپالى دامۋىن ىلگەرىلەتۋ، قارتتار پاناجايىنىڭ قىزمەت وتەۋ ساپا قۇرىلىسى ارناۋلى ارەكەتىن ۇزدىكسىز ورىستەتۋ، ”ينتەرنەت + قارتتاردى كۇتىمدەۋ“ ارەكەتىن اتقارۋ، قارتتارعا قامقورلىق جاساۋ، قىزمەت وتەۋ جۇيەسىن كەمەلدەندىرۋ، قارتتار تاربيەسىن كۇش سالا دامىتۋ سياقتى 6 ءتۇرلى شارا قامتىلعان.
التىنشى، زەينەتكەرلىك قىزمەت وتەۋ نەگىزدىك قۇرىلعى قۇرىلىسىن جەبەۋ. مۇندا، باستىسى، ەرەكشە قيىنشىلىعى بارلاردى كۇتىمدەۋ قىزمەت وتەۋ قۇرىلعىلارىن (قارتتار ءۇيى) جاڭالاۋ، دارەجەسىن ءوسىرۋ ينجەنەرياسىن اتقارۋ، قارتتاردى كۇتىمدەۋ حالىقتىق قۇرىلىمدارىنىڭ ورتتەن ساقتانۋ حاۋىپسىزدىگىن ولشەمگە جەتكىزۋ ينجەنەرياسىن اتقارۋ، قارتتاردى ۇيىندە قاراۋدى قارتتارعا ۇيلەستىرۋ ينجەنەرياسىن اتقارۋ، زەينەتكەرلىك قىزمەت وتەۋ قۇرىلعىلارىن وڭىرگە، دارەجەگە ءبولىپ جوبالاۋ قۇرىلىسىنىڭ تالابىن تياناقتاندىرۋ، زەينەتكەرلىك قىزمەت وتەۋ قۇرىلعىلارىنا جەر بەرۋ ساياساتىن كەمەلدەندىرۋ سياقتى 5 ءتۇرلى شارا قامتىلعان.
«پىكىر»دە مىنالار العا قويىلدى: مەملەكەتتىك كەڭەس حالىق ىستەرى مينيسترلىگى باس بولعان زەينەتكەرلىك قىزمەت وتەۋى بويىنشا مينيسترلىكتەر ارا بىرلەسكەن ءماجىلىس ءتۇزىمىن ورناتادى. جەر - جەر، قاتىستى تاراۋلار قىزمەت جاۋاپكەرشىلىگىن تياناقتاندىرۋدى كۇشەيتىپ، پارتكوم باسشىلىق ەتكەن، ۇكىمەت جەتەكشى بولعان، تاراۋلار جاۋاپتى بولعان، قوعام ات سالىسقان زەينەتكەرلىك قىزمەت وتەۋ قىزمەت مەحانيزمىن كەمەلدەندىرۋ كەرەك. زەينەتكەرلىك قىزمەت وتەۋ ساياساتىنىڭ تياناقتاندىرىلۋ جاعدايى ۇكىمەتتىڭ جىلدىق ناتيجەنى باعالاۋ كولەمىنە ەنگىزىلەدى. جەر - جەر نەگىزگى ساتىنىڭ قارتتاردى كۇتىمدەۋ قىزمەت كۇشىن نىعايتىپ، كۇشەيتىپ، وڭىرلەردىڭ زەينەتكەرلىك قىزمەت وتەۋ بايلىعىن ءبىر تۇتاس باسقارۋدى كۇشەيتۋى كەرەك.
