تيانشان تورى   ›   زاڭ تارازى   ›   زاڭنان كەڭەس

باقىلاۋدى، ءتارتىپ اتقارۋدى، جاۋاپكەرشىلىكتى قۋزاستىرۋدى كۇشەيتىپ، قارا كۇشتەردى الاستاۋ، سۇرقيا كۇشتەردى جويۋدان قامال الۋ شايقاسىندا باتىل جەڭىسكە جەتۋگە پارمەندى ءتارتىپ كەپىلىن ازىرلەيىك

  اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇقارانىڭ توڭىرەگىندەگى قارا كۇشتەرگە، سۇرقيا كۇشتەرگە ساياتىن شىرىكتەسۋ جانە ”باسقالقا“ ماسەلەلەرىن شوعىرلى وڭاۋ جونىندە ورنالاستىرۋ جاسادى

  باقىلاۋدى، ءتارتىپ اتقارۋدى، جاۋاپكەرشىلىكتى قۋزاستىرۋدى كۇشەيتىپ، قارا كۇشتەردى الاستاۋ، سۇرقيا كۇشتەردى جويۋدان قامال الۋ شايقاسىندا باتىل جەڭىسكە جەتۋگە پارمەندى ءتارتىپ كەپىلىن ازىرلەيىك

  ءتىلشى لياڭ ليحۋا، ەرىكتى ءتىلشى حۋاڭ ۋىنفاڭ 4 - ايدىڭ 17 - كۇنى ۇرىمجىدەن حابارلايدى. 4 - ايدىڭ 16 - كۇنى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇكىل رايونىمىزدىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن باقىلاۋ، ءتارتىپ اتقارۋ، جاۋاپكەرشىلىكتى قۋزاستىرۋ قىزمەتىن ىلگەرىلەتۋ ءماجىلىسىن اشىپ، بۇقارانىڭ توڭىرەگىندەگى قارا كۇشتەرگە، سۇرقيا كۇشتەرگە ساياتىن شىرىكتەسۋ جانە ”باسقالقا“ ماسەلەلەرىن شوعىرلى وڭاۋ جونىندە تاعى دا اتتانىسقا كەلتىرىپ، تاعى دا ورنالاستىرۋ جاسادى.

  ءماجىلىس مىنانى اتاپ كورسەتتى: كەزەكتە قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى شەشۋشى كەزەڭگە ءوتتى، بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، ءتۇسىنىپ، ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باقىلاۋدى، ءتارتىپ اتقارۋدى، جاۋاپكەرشىلىكتى قۋزاستىرۋدى كۇشەيتىپ، شەشۋشى جەڭىسكە جەتەتىن رۋحاني كۇيمەن جانە پارمەندى دە جەدەل ءىس جۇزىندىك ارەكەتپەن قارا، سۇرقيا كۇشتەرمەن جانە ولاردىڭ ارتىنداعى ”باسقالقا“سىمەن، شىرىكتەسكەندەرمەن قاجىرلىلىقپەن باتىل كۇرەس جۇرگىزۋ كەرەك.

  ءماجىلىس مىنانى باسا دارىپتەدى: بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى بۇقارانىڭ حاۋىپسىزدىگىنە جانە مۇددەسىنە زيان جەتكىزەتىن ماسەلەلەردى، سونداي - اق قارا، سۇرقيا كۇشتەرگە ”باسقالقا“ بولۋ ماسەلەلەرىن شوعىرلى وڭاۋ، قاي جەردە قارا كۇشتەرگە ساياتىن، سۇرقيا كۇشتەرگە ساياتىن شىرىكتەسۋ ماسەلەلەرى كورنەكتى بولسا، بۇقارانىڭ اڭىسى كۇشتى بولسا، سول جەرگە سوققى بەرۋگە، قاي جەردە قارا، سۇرقيا كۇشتەردىڭ ”باسقالقا“سى بار بولسا، سول جەرگە سوققى بەرۋگە، استە قول قۋسىرىپ قاراپ تۇرماۋعا، تيتتەي دە اياۋشىلىق ەتپەۋگە تاباندى بولىپ، ءار ۇلت حالىق بۇقاراسىن الدەقايدا كوپ، الدەقايدا تىكە، الدەقايدا ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتۋ كەرەك.

  ءماجىلىس مىنانى تالاپ ەتتى: بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ارىز ايتۋ، مالىمدەۋ، شارلاۋ ”الماس سەمسەر“، وكىلەتتى ”باقىلاۋشىلار“ سياقتى كوپ ءتۇرلى باقىلاۋ ادىسىنەن پايدالانىپ، شوعىرلاندىرىپ ءبىر - بىرلەپ تەكسەرۋ كەرەك. بايلانىس جاساۋ تۇيىنىندە دەلو اشۋدى ۇستىنە الىپ، وڭاۋ جاۋاپكەرشىلىگىن قاتايتىپ، دەلوعا ساياتىن ادام كوپ، دەلو تۋدىرۋ ۋاقىتى ۇزاق، كەدەرگى اۋىر بولعان، قارا، سۇرقيا كۇشتەردىڭ زاڭعا قايشى قىلمىستى ارەكەتتەرى مەن شىرىكتەسۋ ماسەلەسى تەرەڭ كىرىككەن ءىرى، تيپتىك دەلولارعا قاراتا، تىكە تەكسەرۋ جۇرگىزىپ، توتە ءبىر جاقتى ەتۋ كەرەك. باقىلاۋ - تەكسەرۋدى قاتايتىپ، قامال الۋدا قيىندىقتارمەن ايقاسىپ، ماسەلەنىڭ دەرەگىن تۇبەگەيلى تەكسەرىپ، دەلولاردى جەتە تەكسەرىپ، جاۋاپكەرشىلىكتى تياناقتاندىرۋ كەرەك. تيپتىك دەلولاردى اشىق حابارلاندىرۋ، ەسكەرتۋ تاربيەسىن ورىستەتۋ، كۇشتى ايبار قالىپتاستىرۋ كەرەك.

  ءماجىلىس مىنانى تالاپ ەتتى: بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى جاۋاپكەرشىلىكتى، مىندەت اتقارۋدى قاتايتىپ، ۇيىمدىق باسشىلىقتى كۇشەيتىپ، باقىلاۋ جاۋاپكەرشىلىگىن نىعايتىپ، سايكەسىپ سەلبەسۋدى كۇشەيتىپ، ساياسات شەكاراسىن دۇرىس يگەرىپ، قارا كۇشتەردى الاستاۋ، سۇرقيا كۇشتەردى جويۋ كۇرەسىنىڭ ۇزدىكسىز ىشكەرىلەي ورىستەتىلۋىنە كەپىلدىك ەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى ءتارتىپ كەپىلىن ازىرلەۋ كەرەك.

   ءماجىلىس تەلەۆيزور - تەلەفون ءماجىلىسى فورماسىندا اشىلدى. ماجىلىستە بۇقارانىڭ توڭىرەگىندەگى قارا كۇشتەرگە، سۇرقيا كۇشتەرگە ساياتىن شىرىكتەسۋ جانە ”باسقالقا“ ماسەلەلەرىن شوعىرلى وڭاۋدىڭ قىزمەت جوباسى دا وقىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى