تيانشان تورى   ›   جاڭالىقتار   ›   شينجياڭ حابارلارى

نەگىزگى ساتىعا ىرىق بەرىپ، اۋىرتپالىعىن جەڭىلدەتىپ، كادرلاردى جاۋاپكەرشىلىك ارقالاپ ءىس تىندىرۋعا جىگەرلەندىردى

  − «فورماشىلدىق كورنەكتى ماسەلەلەرىن شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى 20 شارا»نىڭ جارقىن تۇيىندەرىنە نازار

  ءتىلشى جاڭ يانفاڭ

   حۇجاتتار مەن ماجىلىستەر ساتىلار بويىنشا زور دارەجەدە ىقشامدالىپ، اۋداننان تومەن دارەجەلى ورىندارعا تاراتىلاتىن حۇجاتتاردىڭ سايكەس مەزگىلدەگىدەن ٪50 − ٪30 ازايۋىنا شىنايى كەپىلدىك ەتىلەدى، اۋداننان تومەن دارەجەلى ورىندارعا دەيىن اشىلاتىن ماجىلىستەردىڭ سايكەس مەزگىلدەگىدەن ٪50 − ٪30 ازايۋىنا شىنايى كەپىلدىك ەتىلەدى.

   قۋزاپ تەكسەرۋ، تەكسەرۋ، باعالاۋ ىستەرىندەگى قاراپايىم تۇردە باسشى بەكىتۋ، كەستە تولتىرىپ، سان مالىمدەۋ، اشىق ەسەپ ەستەلىگى، ۇيرەنۋ ەستەلىگى، جابىق ەمتيحان، ۇكىمەتتىك ىستەرAPPىنە قىزمەت بەينەجازباسىنىڭ قيما سۋرەتىن جۇكتەۋ سياقتى ادىستەر شوعىرلى تۇردە اداقتالادى.

   نەگىزگى ساتى كادرلارىنا، اسىرەسە، قيىنشىلىعى اۋىر جاپالى وڭىرلەردە جانە لاڭكەستىككە قارسى تۇرىپ، ورنىقتىلىقتى قورعاۋدىڭ، كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاساپ جاتقان كادرلارعا قاراتا، بەيىمدەۋ ساياساتتارى قاتاڭ تياناقتاندىرىلىپ، كادرلاردىڭ ءىس تىندىرىپ، ناتيجە شىعارۋ بەلسەندىلىگى شىنايى قورعالادى.

  پارتيا ورتالىق كوميتەتى بيىلعى جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتىپ ايقىندادى. ”نەگىزگى ساتىنىڭ اۋىرتپالىعىن جەڭىلدەتۋ جىلى“نىڭ ناقتاپ تياناقتاندىرىلىپ، ءونىم بەرۋىن ىلگەرىلەتىپ، نەگىزگى ساتى كادرلارىنا اناعۇرلىم ىرىق بەرىپ، اۋىرتپالىعىن جەڭىلدەتىپ، قالىڭ كادرلاردى جاۋاپكەرشىلىك ارقالاپ ءىس تىندىرۋعا جىگەرلەندىرۋ ءۇشىن، تاياۋدا اۆتونوميالى رايوندىق پارتكوم كەڭسەسى «فورماشىلدىق كورنەكتى ماسەلەلەرىن شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى 20 شارا»نى (تومەندە قىسقارتىلىپ «شارا» دەلىنەدى) باسىپ تاراتتى.

حۇجاتتار مەن ماجىلىستەر زور دارەجەدە ىقشامدالادى

  قۇجات باستىلىق پەن ءماجىلىس باستىلىقتىڭ قايتا ءورشۋى ماسەلەسىنە مەڭزەس، «شارا»دا ءىشىنارا قاتاڭ شەكتەۋلەر العا قويىلدى.

  حۇجات تاراتۋ جاعىندا، اۆتونوميالى رايوننان باستاپ ىستەپ، قۇجاتتاردى ساتىلار بويىنشا زور دارەجەدە ىقشامداپ، 2019 - جىلعى اۋدان دارەجەلىدەن تومەن ورىندارعا تاراتىلاتىن حۇجاتتاردىڭ سايكەس مەزگىلدەگىدەن ٪50 − ٪30 ازايۋىنا شىنايى كەپىلدىك ەتىلەدى. ”قىسقا بولۋ، شىنايى بولۋ، جاڭا بولۋ“ سىندى جازۋ ستيلى ساۋلەلەندىرىلىپ، اۆتونوميالى رايوندىق پارتكوم باسىپ تاراتقان ساياساتتىق حۇجاتتار پرينسيپتىك جاقتان العاندا 10 بەتتەن اسپايدى، جەر - جەر، تاراۋلار دا وسى بويىنشا قاتاڭ يگەرۋى كەرەك، سونىمەن قاتار حۇجاتتىڭ ءارىپ سانىن بەلگىلەپ، ورتا، ۇزاق مەزگىلدىك جوبا سياقتى حۇجاتتاردان تىس، جالپىلىق باياندامانىڭ 4000 ارىپتەن اسپاۋىن، ارناۋلى قىزمەت بايانداماسىنىڭ 2000 ارىپتەن اسپاۋىن تالاپ ەتتى.

  «شارا»دا مىنالار ايقىن العا قويىلدى: حۇجاتتى تاراتا سالا، نەگىزگى ساتىدان دايەكتىلەندىرۋ، تياناقتاندىرۋ جاعدايىن جوعارىعا جولداۋدى تالاپ ەتۋگە قاتاڭ تيىم سالىنادى. بارلىق ىستە دايەكتىلەندىرۋ، تياناقتاندىرۋ جاعدايىن مالىمدەۋدى تالاپ ەتۋگە قاتاڭ تيىم سالىنادى. ءىس جۇزىندىك جاعدايمەن ساناسپاي ۋاقىت شەگىن بەلگىلەپ، نەگىزگى ساتىدان ساندى مالىمەتتەردى، ماتەريالداردى جوعارىعا جولداۋدى تالاپ ەتۋگە قاتاڭ تيىم سالىنادى.

  ءماجىلىس اشۋ جاعىندا، ءماجىلىستى از اشۋ، قىسقا اشۋ، ناقتى اشۋ باسا دارىپتەلىپ، ماجىلىستەر ساتىلار بويىنشا زور دارەجەدە ىقشامدالىپ، 2019 - جىلى اۋداننان تومەن دارەجەلى ورىندارعا دەيىن اشىلاتىن ماجىلىستەردىڭ سايكەس مەزگىلدەگىدەن٪ 50 − ٪30 ازايۋىنا شىنايى كەپىلدىك ەتىلەدى. جوعارى دارەجەلى ورىننىڭ ءماجىلىسىن پرينسيپتىك جاقتان تەك ءبىر دارەجەلى تومەن ورىنعا دەيىن اشۋ، بەكىتۋ ارقىلى اۋدان دارەجەلى ورىنعا دەيىن تىكەلەي اشىلاتىن ءماجىلىس بولسا، ساتىلار بويىنشا ءماجىلىس اشۋدى ەندىگارى توقتاتىپ، تەلەۆيزور - تەلەفون، ينتەرنەت بەينە - جازبا ءماجىلىسى سياقتى فورمالاردى كوبىرەك قولدانۋ، سونداي - اق ادەتتە 90 مينۋتتان اسىرماۋ تالاپ ەتىلدى. «شارا»دا ءماجىلىس كولەمى بەلگىلەنىپ، تاراۋلار اشقان بۇكىل رايوندىق ماجىلىستە ايماق، وبلىس، قالالاردىڭ پارتيا، ۇكىمەت ورىندارىنىڭ نەگىزگى جاۋاپتى جولداستارىنىڭ، تاراۋلاردىڭ ءبىرىنشى باسشىسىنىڭ ماجىلىسكە قاتىناسۋىن تالاپ ەتپەۋ، ادام سانى ادەتتە 200دەن اسپاۋ، ۋاقىتى جارتى كۇننەن اسپاۋ كەرەكتىگى العا قويىلدى. ءماجىلىستىڭ ناقتى ونىمدىلىگىن ءوسىرىپ، نە جازىلسا سونى وقىپ بەرۋدەن، جالپىلاي پوزيتسيا بىلدىرۋدەن، ءتۇن اسىرماي جەتكىزۋ كەرەك دەپ قادالىپ الۋدان قاتاڭ ساقتانۋ كەرەكتىگى باسا دارىپتەلدى.

جوسپارلاۋ - باسقارۋ جانە باقىلاۋ - اتقارۋ كۇشەيتىلەدى

  قۋزاپ تەكسەرۋدىڭ، تەكسەرۋدىڭ، باعالاۋدىڭ تىم كوپ، تىم ءجيى بولۋ، اسىرە بەلگى قالدىرۋ ماسەلەسىن شەشۋ ءۇشىن، «شارا»دا مىنالار ورتاعا قويىلدى: اۆتونوميالى رايوندىق پارتكوم، اۆتونوميالى رايوندىق حالىق ۇكىمەت جانە اۆتونوميالى رايوننىڭ ءارقايسى تاراۋلارى (اقىلداسۋ، سايكەستىرۋ قۇرىلىمدارىن قامتيدى) ورنالاستىرعان، تۇتاس جىل بويىندا جۇرگىزىلەتىن، اۋداندى، اۋىلدى، قىستاقتى قامتيتىن قۋزاپ تەكسەرۋ، تەكسەرۋ، باعالاۋ ىستەرىن ايماق، اۋدان، اۋىل قايتالاي ۇيىمداستىرمايدى، جۇرگىزبەيدى نەمەسە قۇبىلتىپ ۇيىمداستىرمايدى، جۇرگىزبەيدى، 2019 - جىلعى اۆتونوميالى رايون دارەجەلى قۋزاپ تەكسەرۋ، تەكسەرۋ، باعالاۋ ىستەرى بەكىتىلگەن جوسپار نەگىزىندە جالپى جاقتان وتكەن جىلداعىدان ٪90 ازايتىلادى، ايماق، وبلىس، قالالار اۋداندارعا (قالا، رايون)، اۋىل - قالاشىقتارعا (ءمالى باسقارماسى)، قىستاقتارعا (الەۋمەتتىك اۋماق)، مەكتەپتەرگە باعىتتالعان قۋزاپ تەكسەرۋ، تەكسەرۋ، باعالاۋ ىستەرىنىڭ بەكىتىلگەن جوسپار نەگىزىندە جالپى جاقتان وتكەن جىلداعىدان ٪90تەن استام ازايتىلۋىنا كەپىلدىك ەتەدى.

  ءبىر جەردىڭ نەمەسە مەكەمە - ورىننىڭ قىزمەتىن باعالاۋدا، باستىسى، ناقتى ماسەلەنى شەشكەن - شەشپەگەنىنە، بۇقارانىڭ قالاي باعا بەرگەنىنە قاراۋ كەرەك. «شارا»دا ناتيجەنى بەتالىس ەتۋ كۇشەيتىلىپ، قىزمەتتىڭ ناقتى ونىمدىلىگىن جوعارىلاتۋعا ايرىقشا نازار اۋدارىلىپ، مىنالار ورتاعا قويىلدى: قۋزاپ تەكسەرۋ، تەكسەرۋ، باعالاۋ ىستەرىندە قاراپايىم تۇردە باسشى بەكىتۋ، ءماجىلىس اشىپ، حۇجات تاراتۋ، كەستە تولتىرىپ، سان مالىمدەۋ، ماتەريال جولداۋ، اشىق ەسەپ ەستەلىگى، ۇيرەنۋ ەستەلىگى، قىزمەت ەستەلىگى، جاتتالاتىن تارماقتار، جابىق ەمتيحان، ۋيچاتتا نازار اۋدارۋ، ۇكىمەتتىك ىستەر APPىنە قىزمەت بەينەجازباسىنىڭ قيما سۋرەتىن جۇكتەۋ سياقتى ادىستەردى شوعىرلى تۇردە اداقتاۋ، ەمتيحاندى، جاتتاۋدى نەمەسە قانشا بەلگى قالدىرۋدى قىزمەتتىڭ جاقسى - جاماندىعىن باعالايتىن ولشەم ەتۋگە بولمايدى، بايقالعان ماسەلەلەردىڭ كوپ - ازدىعىن، جاۋاپقا تارتىلعان ادامداردىڭ سانىن قۋزاپ تەكسەرۋدىڭ، تەكسەرۋدىڭ ولشەمى ەتۋگە بولمايدى.

  سونىمەن بىرگە، «شارا»دا مىنالار تالاپ ەتىلدى: ”ءبىر بەلەتپەن تەرىستەلەتىن“ ىستەردى قاتاڭ مەڭگەرۋ، قىمسەتسە بولدى ”جاۋاپكەرشىلىك حاتىنا“ قول قويۋعا جۇگىرمەۋ كەرەك. تەكسەرۋ - زەرتتەۋ جانە زاڭنىڭ اتقارىلۋىن تەكسەرۋ سياقتىلاردا شاقتى اداممەن ءجۇرۋ، بارىستى ىقشامداۋ، جول سەرىكتەردى ازايتۋ كەرەك. قۋزاپ تەكسەرۋدى، تەكسەرۋدى ارناعا ءتۇسىرۋ، تەكسەرۋ - زەرتتەۋ اتىمەن ءجۇرىپ، قۋزاپ تەكسەرۋ جۇرگىزۋگە بولمايدى، كەلسە - كەلمەس قولباسشىلىق جاساۋدان، بەتالدى پوزيتسيا بىلدىرۋدەن، ”قالپاق“ كيگىزۋدەن، نەگىزگى ساتىنىڭ قالىپتى قىزمەتىنە كەدەرگىلىك جاساۋدان باتىل ساقتانۋ كەرەك.

جاۋاپقا تارتۋ ءتۇزىمى مەن ىنتالاندىرۋ، قامقورلىق جاساۋ مەحانيزمى كەمەلدەندىرىلەدى

  «شارا»دا مىنالار ورتاعا قويىلدى: قاتاڭ باسقارۋ مەن ەرەكشە قامقورلىق جاساۋدى بىرلەستىرۋگە تاباندى بولىپ، ”ءۇشتى پارىقتاۋ“ تالابىن تياناقتاندىرىپ، كادرلاردىڭ اعاتتىعىنا كەشىرىممەن قاراۋ، اعاتتىعىن تۇزەتۋ ءادىسىن جاساپ، جاۋاپقا تارتۋدىڭ پارمەنسىز بولۋى جانە جاۋاپقا تارتۋدىڭ جالپىلانۋى، قاراپايىمدانۋى سياقتى ماسەلەلەردەن باتىل ساقتانۋ؛ اڭگىمەلەسۋ جانە حاتپەن سۇراستىرۋ قىزمەت ءادىسىن جاقسارتىپ، كادرلاردىڭ باسى ارتىق پسيحيكالىق اۋىرتپالىعىن ءونىمدى جەڭىلدەتۋ كەرەك. جاۋاپقا تارتىلعان كادرلارعا دۇرىس مامىلە جاساپ، ىقپال مەرزىمى تولعان، بەينەسى جاقسى بولعان كادرلاردىڭ قاتىستى شارتقا ۇيلەسەتىندەرىنىڭ ىستەتۋگە تيىستىلەرىن ىستەتۋ كەرەك.

  «شارا»دا مىنالار ايقىندالدى: نەگىزگى ساتى كادرلارىنا، اسىرەسە، قيىنشىلىعى اۋىر جاپالى وڭىرلەردە جانە لاڭكەستىككە قارسى تۇرىپ، ورنىقتىلىقتى قورعاۋدىڭ، كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاساپ جاتقان كادرلارعا قاراتا، كادرلاردىڭ قىزمەتى، قىزمەت دارەجەسى، وزاتتىققا باعالاپ، ۇزدىكتەردى تاڭداۋ، تاربيەلەۋ - باۋلۋ، دەمالۋ، دەمالىس الۋ، جاردەم اقشا - قوسىمشا قاراجات، ەڭبەكاقى - كومەك قاراجات، تۇرعىن ۇيمەن قامتاماسىز ەتۋ جانە مەملەكەت قىزمەتكەرلەرىن ەمتيحانمەن قابىلداۋ (ۇسىنىس ەتۋ) سياقتى جاقتاردان بەيىمدەۋ ساياساتتارى قاتاڭ تياناقتاندىرىلىپ، كادرلاردىڭ ءىس تىندىرىپ، ناتيجە شىعارۋ بەلسەندىلىگى شىنايى قورعالادى.

  ءتۇرلى شارالاردىڭ ناقتى تياناقتانۋىن شىنايى قامتاماسىز ەتۋ ءۇشىن، «شارا»دا مىنالار ورتاعا قويىلدى: ۇيىمدىق باسشىلىقتى كۇشەيتىپ، اۆتونوميالى رايوندىق پارتكومداعى نەگىزگى جاۋاپتى جولداس گرۋپپا باستىعى بولعان ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتىنە باسشىلىق ەتۋ گرۋپپاسىن قۇرىلىپ، فورماشىلدىقتىڭ، تورەشىلدىكتىڭ كورنەكتى ماسەلەلەرى ءبىر تۇتاس شەشىلەدى. جاۋاپكەرشىلىكتى باتىل ارقالاپ، پارمەندى شارا، ناقتى شارا ورتاعا قويىپ، نەگىزگى ساتىنىڭ اۋىرتپالىعىن شىنايى جەڭىلدەتكەن وزات تيپتەر دەر كەزىندە قورىتىندىلانىپ، جالپىلاستىرىلىپ، قالىڭ پارتيالى كادرلار ءۇشىن ۇلگى كورسەتىلىپ، ونەگە ورناتىلىپ، ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتىنىڭ تياناقتانىپ، ناتيجە بەرۋى شىنايى ىلگەرىلەتىلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى