تيانشان تورابى   ›   جاڭالىقتار   ›   شۋجي ەستەلىگى

”ەكىدەن تارىقتىرماۋ، ءۇشتى قامتاماسىز ەتۋ“ شارالارىن ناقتىلاندىرىپ، تياناقتاندىرىپ، ارىننان قايتپاي، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزۋ كەرەك

  اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى

  ”ەكىدەن تارىقتىرماۋ، ءۇشتى قامتاماسىز ەتۋ“ شارالارىن ناقتىلاندىرىپ، تياناقتاندىرىپ، ارىننان قايتپاي، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزۋ كەرەك

  چىن چۋانگو ءماجىلىستى باسقاردى

  ءتىلشى ياۋ تۇڭ 4 - ايدىڭ 17 - كۇنى ۇرىمجىدەن حابارلايدى. 4 - ايدىڭ 17 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ماجىلىسىندە، استاناداعى مىندەتتى اعاش ەگۋ قيمىلىنا قاتىناسقاندا سويلەگەن ماڭىزدى سوزدەرىنىڭ رۋحىن جانە حالىق ىستەرى قىزمەتى جونىندەگى ماڭىزدى نۇسقاۋىنىڭ رۋحىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋ قىزمەتىنە ايرىقشا ءمان بەرىپ، كەدەيلىكتەن ارىلتۋدان قامال الۋدى ەل باسقارۋدا كورنەكتى ورىنعا قويا يگەرىپ، باس شۋجي شي جينپيڭ ءوزى قولباسشىلىق ەتىپ، جورىققا اتتانىپ، شوعىرلى تۇتاسقان ەرەكشە كەدەي 14 ءوڭىردى تۇگەل ارالاپ، بۇكىل پارتيانى، بۇكىل ەلدەگى ءار ۇلت حالقىن باستاپ، ادامزاتتىڭ كەدەيلىككە قارسى اتتانۋ تاريحىندا شۇعىلالى داستان جازدى. كەدەيلىكتەن ارىلتۋدان قامال الۋ شەشۋشى جەڭىسكە جەتۋدىڭ شەشۋشى كەزەڭىنە وتكەندە، باس شۋجي شي جينپيڭ ۋليڭشانداعى شوعىرلى تۇتاسقان ەرەكشە كەدەي وڭىرلەردى تاعى دا ارالاپ، كەدەي بۇقاراعا امانداسىپ، ولاردان حال سۇرادى، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ءماجىلىسىن باسقارىپ اشتى، بۇل باس شۋجي شي جينپيڭنىڭ اسقاق كوسەمدىك ونەگەسىن، حالىققا دەگەن ناعىز سۇيىسپەنشىلىگىن، ناقتى قىزمەت ستيلىن تولىق ايگىلەپ، تۇتاس پارتياعا ۇلگىلىك جانە ونەگەلىك رول كورسەتتى. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىقپەن، باتىلدىقپەن دايەكتىلەندىرىپ، تياناقتاندىرىپ، ارىننان قايتپاي، قايتپاس قايسارلىقپەن شايقاس جاساپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشىپ، كەدەيلىكتەن ارىلتۋدان قامال الۋ مىندەتىن دەر كەزىندە ورىنداۋعا كەپىلدىك ەتۋ كەرەك.

  بىرىنشىدەن، يدەيالىق تانىمدى جوعارىلاتۋ كەرەك. باس شۋجي شي جينپيڭ ماڭىزدى سوزىندە كەدەيلىكتەن ارىلتۋدان قامال الۋ اۋقىمىنا عىلمي تالداۋ جاساپ، كەدەيلىكتەن ارىلتۋدان قامال الۋدىڭ ءالسىز بۋىندارىن ىشكەرىلەي بورشالاپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشۋ، بيىلعى جانە كەلەر جىلعى 2 جىلداعى كەدەيلىكتەن ارىلتۋدان قامال الۋ قىزمەتىن تىڭعىلىقتى ويداعىداي ىستەۋ جونىندە جاپپاي ورنالاستىرۋ جاساپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ ءۇشىن العا باسۋ بەتالىسىن اناعۇرلىم ايقىندادى، مىعىم قوزعاۋشى كۇش بەردى. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ جاۋاپكەرشىلىك سەزىمىن، كوكەي تەستىلىك سەزىمىن جانە بورىشتىلىق سەزىمىن ۇزدىكسىز كۇشەيتۋ كەرەك.

  ەكىنشىدەن، نىساناعا، ولشەمگە تاباندى بولۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“دى كەدەيلەردى كەدەيلىكتەن ارىلتۋداعى نەگىزگى تالاپ جانە وزەكتى كورسەتكىش ەتۋدەن جازباي، شارالاردى ناقتىلاندىرىپ، تياناقتاندىرىپ، ءىس جۇزىندىك جاعدايدان اۋىتقىماۋ، ولشەمدى وسىرمەۋ، اراندى اشا بەرمەۋ ءارى كەدەيلىكتەن ارىلتۋدا جالعاندىق ىستەمەۋ، ولشەمدى تومەندەتپەۋ، ساپاعا ىقپال جاساماۋ؛ اپتىقپاۋ ءارى ادەيى كەشىكتىرمەۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزۋ كەرەك.

  ۇشىنشىدەن، قىزمەت شارالارىن كۇشەيتۋ كەرەك. نازاردى وڭتۇستىك شينجياڭنىڭ 4 ايماق، وبلىسىنداعى اۋىر كەدەيلىككە شوعىرلاندىرىپ، جەرگىلىكتى ورىننىڭ جاعدايىنا قاراي ىستەپ، نىسانانى كوزدەپ جونگە سالىپ، ىجداعاتتىلىقپەن ىستەۋگە بارىنشا كۇش سالىپ، ەرەكشە قيىندىقتاردان قامال الۋ؛ كەدەيلىكتەن ارىلتۋدان قامال الۋ بويىنشا ارناۋلى شارلاۋدان اڭىس ەتىلگەن ماسەلەلەردى رەتتەۋ - تۇزەتۋدى وراي ەتىپ، كەدەيلىكتەن ارىلتۋدان قامال الۋ قىزمەتىندە ورىن تەۋىپ وتىرعان كورنەكتى ماسەلەلەردى كۇش سالا شەشۋ؛ كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىنا تاباندى بولىپ، كوپ شارالاردى قاتار اتقارىپ، كەدەيلىكتەن ارىلتۋ ساپاسىن جوعارىلاتىپ، تىزىمنەن شىعارۋ وتكەلىن قاتاڭ يگەرىپ، قايتا كەدەيلەسۋدەن قۇلشىنا ساقتانىپ، كەدەيلىكتەن ورنىقتى ارىلتۋدىڭ باياندى مەحانيزمىن ورناتۋ جونىندە ىزدەنىس جاساۋ كەرەك.

  تورتىنشىدەن، قامال الۋ جاۋاپكەرشىلىگىن تياناقتاندىرۋ كەرەك. كەدەيلىكتەن ارىلتۋدان قامال الۋدى باستان - اياق، ءسوز جوق، جەڭىستى جۇرگىزۋدەگى، جاقسى جۇرگىزۋدەگى قيان - كەسكى شايقاس، جاپپاي دوڭگەلەك داۋلەتتى قوعام ورناتۋداعى ماڭىزدى مىندەت رەتىندە يگەرىپ، اۆتونوميالى رايون باس جاۋاپكەرشىلىكتى ارقالاۋعا، قالا، اۋداندار تياناقتاندىرۋدى يگەرۋگە، بەس دارەجەلى شۋجيلەر بىرگە يگەرۋگە تاباندى بولىپ، پارتيا، ۇكىمەت ورىندارىنداعى باستى جاۋاپتى جولداستار تىكە يگەرىپ، جاۋاپتى جولداستار تياناقتاندىرۋدى يگەرىپ، ءارقايسى سالالار - تاراۋلار شايقاسقا ەكپىندەي اتتانىپ، كۇش بىرىكتىرە قامال الۋ كەرەك. قىزمەتتىڭ ۇلاسپالىعىن، ساياساتتىڭ ورنىقتىلىعىن ساقتاپ، قالپاق الىنعانمەن، جاۋاپكەرشىلىكتى تاستاماۋ، قالپاق الىنعانمەن، ساياساتتى توقتاتپاۋ، قالپاق الىنعانمەن، كومەكتەسۋ - سۇيەمەلدەۋدى توقتاتپاۋ، قالپاق الىنعانمەن، باقىلاۋ - باسقارۋدى توقتاتپاۋ كەرەك.

  بەسىنشىدەن، قىزمەت ستيلىنە بۇرىلىس جاساۋ كەرەك. پارتيانى جاپپاي قاتاڭ باسقارۋ تالابىن كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرىپ، پارتيا قۇرىلىسىن يگەرۋ، كەدەيلىكتەن ارىلتۋدى جەبەۋ ءتۇزىم مەحانيزمىن كەمەلدەندىرىپ، تياناقتاندىرىپ، نەگىزگى ساتى پارتيا ۇيىمدارىنىڭ بۇقارانى كەدەيلىكتەن ارىلتىپ اۋقاتتانۋعا باستاۋداعى جاۋىنگەر قامالدىق رولىن ساۋلەلەندىرىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى تەرەڭدەتىپ، تياناقتاندىرۋدى يگەرۋ، قامال الۋدى جەبەۋ قىزمەت ستيلىن كۇشەيتىپ، كەدەيلەردى سۇيەمەلدەۋ قىزمەتىنىڭ ناقتى، كەدەيلىكتەن ارىلتۋ بارىسىنىڭ تىڭعىلىقتى، كەدەيلىكتەن ارىلتۋ ناتيجەسىنىڭ شىنايى بولۋىنا كەپىلدىك ەتۋ كەرەك. كەدەيلىكتەن ارىلتۋدان قامال الۋدىڭ ءبىرىنشى شەبىندە قايراتتانا شايقاس جاساپ جاتقان كەدەيلەردى سۇيەمەلدەۋ كادرلارىنا كوڭىل ءبولىپ، قامقورلىق جاساپ، ادام ىستەتۋدىڭ تاماشا بەتالىسىن ورناتىپ، ولاردى كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە دەر كەزىندە قول جەتكىزۋگە ءتىپتى زور ۇلەس قوسۋعا شابىتتاندىرۋ كەرەك.

    شوكىرات زاكىر، شاۋكەت يمىن، نۇرلان ءابىلماجىن، لي پىڭشين، تيان ۋىن، سارقىت اقان، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى