تيانشان تورابى   ›   جاڭالىقتار   ›   شۋجي ەستەلىگى

قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىن تىڭعىلىقتى ىلگەرىلەتەيىك

  اۆتونوميالى رايوندىق پارتكوم تۇراقتى كوميتەتىنىڭ ءماجىلىسى ءتوراعا ۋاڭ ياڭنىڭ شينجياڭدا تەكسەرۋ - زەرتتەۋ جۇرگىزگەندەگى ءسوزىنىڭ رۋحىن جەتكىزدى، ۇيرەندى

  قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىن تىڭعىلىقتى ىلگەرىلەتەيىك

  چىن چۋانگو ءماجىلىستى باسقاردى

  ءتىلشى ياۋ تۇڭ 4 - ايدىڭ 18 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكوم تۇراقتى كوميتەتتىڭ ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭنىڭ شينجياڭدا تەكسەرۋ - زەرتتەۋ جۇرگىزگەندەگى ءسوزىنىڭ رۋحىن جەتكىزدى، ۇيرەندى، دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنانى اتاپ كورسەتتى: ءتوراعا ۋاڭ ياڭنىڭ شينجياڭدا تەكسەرۋ - زەرتتەۋ جۇرگىزۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە وسكەلەڭ ءمان بەرگەندىگىن جانە شينجياڭداعى ءار ۇلت كادرلارىنا، بۇقاراسىنا شىنايى قامقورلىق جاساعاندىعىن تولىق بەينەلەدى. ءتوراعا ۋاڭ ياڭنىڭ سوزىندە باستان - اياق شي جينپيڭنىڭ جاڭا ءداۋىر جۇڭگوشا سوتسياليزم يدەياسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى، اسىرەسە، قوعام ورنىقتىلىعى مەن باياندى تىنىشتىق باس نىساناسى ءسىڭىرىلىپ، جاڭا داۋىردەگى شينجياڭ قىزمەتىن اناعۇرلىم جاقسى ىستەۋگە پارمەندى جەتەكشىلىك ەتتى. ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن اناعۇرلىم بىرلىككە كەلتىرىپ، ءتوراعا ۋاڭ ياڭنىڭ ءسوزىنىڭ تالابى بويىنشا قاجىرلىلىقپەن ەڭبەكتەنىپ، قىزمەتتى تىڭعىلىقتى ىستەپ، جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  ءبىرىنشى، تاباندىلىقپەن نازاردى باس نىساناعا شوعىرلاندىرۋ كەرەك. قوعام ورنىقتىلىعى مەن باياندى تىنىشتىق باس نىساناسىن ءبىر تۇتاس باسشىلىققا الۋعا تاباندى بولىپ، باس نىسانا ارقىلى يدەيانى بىرلىككە كەلتىرۋ، تانىمدى بىرلىككە كەلتىرۋ، اياق الىستى بىرلىككە كەلتىرۋ، ارەكەتتى بىرلىككە كەلتىرۋ كەرەك. ساقتىق دابىلىن ۇزبەي قاعىپ، قاشاندا قىراعى بولىپ، ورنىقتىلىقتى قورعاۋ شارالارىن ۇزدىكسىز كەمەلدەندىرىپ، قاتاڭ سوققى بەرۋدىڭ تەگەۋرىندى كۇيىن ساقتاپ، ورنىقتىلىقتىڭ پايداسىن ۇزدىكسىز جارىققا شىعارىپ، شينجياڭنىڭ قوعامدىق جالپى جاعدايىنىڭ ورنىقتىلىعىنا شىنايى كەپىلدىك ەتۋ كەرەك.

  ەكىنشى، ورنىقتىلىق بارىسىندا العا ىلگەرىلەۋ سىندى جالپى ارناعا تاباندى بولۋ كەرەك. كەزەكتەگى جاعدايدى تياناق ەتىپ، ۇزاق بولاشاقتى كوزدەپ، ءۇرتىس كۇش سالىپ، ۇزدىكسىز قاجىماي قۇلشىنىپ، ستراتەگيالىق تاباندىلىقتى ساقتاپ، ورنىقتىلىقتى ماڭداي الدى ورىنعا قويىپ، قىزمەتتى بايىپتىلىقپەن ىستەپ، ورنىقتىلىق بارىسىندا العا ىلگەرىلەپ، جىگەرلەنە العا باسۋ، تالاپتانا ەڭبەكتەنۋ رۋحاني كۇيىمەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى باعىت - ساياساتتارىنىڭ جانە شەشىمدەرىنىڭ، ورنالاستىرۋلارىنىڭ شينجياڭدا تەرەڭ تامىر تارتۋىن ىلگەرىلەتۋ كەرەك.

  ءۇشىنشى، حالىق تىلەگىن مۇمكىندىكتىڭ بارىنشا ۇيىستىرۋ كەرەك. پارتيانىڭ ۇلت ساياساتىن، ۇلتتىق وڭىرلىك اۆتونوميا زاڭىن جاپپاي دايەكتىلەندىرىپ، ۇلتتاردىڭ ۇلى ىنتىماعى تۋىن بيىك ۇستاپ، بۇكىل قوعام سۇيىسپەنشىلىكتى ورتاقتاستىرۋ، جەتىلدىرۋ، توعىستىرۋ قىزمەتىن بىرگە ىستەپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ؛ پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ءدىن ىستەرىن زاڭ بويىنشا باسقارىپ، قالىپتى دىنگە سەنۋ مەن ءدىني ۇشقارىلىقتىڭ شەت - شەكاراسىن دۇرىس يگەرىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ، دىنگە سەنەتىن بۇقارانىڭ قالىپتى ءدىني قاجەتىن جانە قالىپتى ءدىني قيمىل ورىستەتۋىن زاڭ بويىنشا قامتاماسىز ەتۋ؛ حالىق تۇرمىسىن زور كۇشپەن قامتاماسىز ەتىپ جانە جاقسارتىپ، حالىققا وقۋ - اعارتۋدا تيىمدىلىك جاساۋ، جۇمىسقا ورنالاستىرۋ، شارۋاشىلىق قۇرۋ، قوعامدىق قامتاماسىزداندىرۋ، ەمدەۋ، دەنساۋلىق ساقتاۋ، ەكولوگيالىق ورتانى قورعاۋ، ۇلتتاردىڭ مادەنيەتىن قورعاۋ سياقتى حالىققا تيىمدىلىك جاسايتىن، پايدا جەتكىزەتىن ساياساتتاردى ىشكەرىلەي تياناقتاندىرىپ، ءار ۇلت حالقىنىڭ اقىل - پاراساتى مەن كۇش - قۋاتىن مۇمكىندىكتىڭ بارىنشا ۇيىستىرۋ كەرەك.

  ءتورتىنشى، كەدەيلىكتەن ارىلتۋدان قامال الۋ شايقاسىندا باتىلدىقپەن جەڭىسكە جەتۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“گە تىعىز بايلانىستىرىپ، كەدەيلىكتەن ارىلتۋدان قامال الۋدىڭ دۇرىس بەتالىسىن يگەرىپ، نازاردى وڭتۇستىك شينجياڭداعى 4 ايماق، وبلىستاعى اۋىر كەدەيلىككە شوعىرلاندىرىپ، ”التىدا دالمە - ءدال بولۋ“عا تاباندى بولىپ، ”جەتى ءبىر توپ“تى، ”ۇشتە سەرپىندى ارتتىرۋ“دى اناعۇرلىم ىلگەرىلەتىپ، ”توعىزدى ايقىنداۋ“دى شىن مانىندە ورىنداپ، كەدەيلەردى سۇيەمەلدەۋدى ەرىك - جىگەرمەن، اقىل - پاراساتپەن سۇيەمەلدەۋمەن ۇشتاستىرۋعا تاباندى بولىپ، كەدەيلەردى كاسىپپەن سۇيەمەلدەۋدى جانە تۇتىنۋ ارقىلى سۇيەمەلدەۋدى ويداعىداي يگەرىپ، قوعامدىق كۇشتەردى كەدەيلىكتەن ارىلتۋدان قامال الۋعا كەڭ كولەمدە قاتىناسۋعا بەلسەنە باستاپ، اناعۇرلىم كوپ كەدەي حالىقتىڭ كەدەيلىكتەن ورنىقتى ارىلۋىن جۇزەگە اسىرۋ كەرەك.

  بەسىنشى، بيڭتۋاننىڭ رەفورما جاساۋىن، دامۋىن بەلسەنە قولداۋ كەرەك. پارتيا ورتالىق كوميتەتىنىڭ بيڭتۋان رەفورماسى جانە وڭتۇستىككە قاراي دامۋ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ماڭىزدى سالالار مەن شەشۋشى بۋىندارداعى رەفورمانى ورنىقتى قاداممەن ىلگەرىلەتىپ، بيڭتۋاننىڭ وڭتۇستىككە قاراي دامۋىن بەلسەنە ىلگەرىلەتىپ، بيڭتۋان مەن جەرگىلىكتى ورىننىڭ توعىسا دامۋىن ۇزدىكسىز تەرەڭدەتىپ، بيڭتۋان ءتۇزىلىسىنىڭ ەرەكشە باسىمدىعى مەن دامۋ ومىرشەڭدىگىن شىنايى تولىق ىسكە قوسىپ، ورنىقتىرعىش، ۇلكەن دومنا پەش، ۇلگى رايون رولىن ءتىپتى دە جاقسى ساۋلەلەندىرۋ كەرەك.

   شوكىرات زاكىر، شاۋكەت يمىن، نۇرلان ءابىلماجىن، لي پىڭشين، تيان ۋىن، سارقىت اقان، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى