شينحۋا اگەنتتىگىنىڭ 4 - ايدىڭ 19 - كۇنى ۇرىمجىدەن بەرگەن حابارى (ءتىلشى گۋان شياۋشياۋ). بىلتىردان بەرى، سالىقتى ازايتىپ، اقىنى تومەندەتۋگە قاتىستى ءبىر قىدىرۋ شارالار شينجياڭدا جەدەل تياناقتاندى، جەر - جەر ناقتى ەكونوميكانىڭ وزىندىك قۇنىن تومەندەتىپ، شارۋاشىلىق قۇرۋدى، جاڭالىق اشۋدى جەبەپ، ورنىقتى جۇمىسقا ورنالاستىرۋدى ماڭىزدى ءتۇيىن ەتىپ، شارالاردى دالمە - ءدال اتقاردى، سونىمەن قاتار ”بىرتىندەپ ءسىڭىرۋ ۇلگىسىندەگى“ ساياساتتىق ۇگىتتى ورىستەتتى، يگىلىك كورگەن كاسىپورىنداردىڭ دامۋ سەنىمدىلىگى كورنەكتى ارتتى.
2018 - جىلى مەملەكەت اتقارعان ”سالىقتى ازايتىپ، اقىنى تومەندەتۋ“دىڭ ناقتى شارالارى ”سالىقتى ازايتۋ - كەشىرۋ“، ”اكىمشىلىك، ءىسورىن سيپاتتى اقىنى كۇشىنەن قالدىرۋ نەمەسە توقتاتۋ“ سىندى ەكى بولىكتى قامتيدى. سالىقتى ازايتۋ جاعىندا، مەملەكەتتىك سالىق ىستەرى باس مەكەمەسى سالىق جيۋ جونىندە ءبىر قىدىرۋ جاڭا ساياساتتار شىعاردى، بۇل ارتقان قۇن سالىعى سالىستىرماسىن %17، %11تەن جەكە - جەكە%16، %10كە تومەندەتۋ، بيىل 4 - ايدىڭ 1 - كۇنىنەن باستاپ%13، %9كە تاعى دا تومەندەتۋ؛ كاسىپورىنداردىڭ تابىس سالىعىنىڭ جارتىسىن كەمەيتىپ جينايتىن تيىمدىلىك كولەمىن جىل سايىن سالىق تاپسىرۋعا ءتيىستى تابىس سوماسى 300 مىڭ يۋاننان 500 مىڭ يۋانعا جوعارىلاتىلعان شاعىن، ۇساق كاسىپورىندارعا دەيىن كەڭەيتۋ، زەرتتەۋ - اشۋ قاراجاتىن قوسىپ ەسەپتەپ تارتىپ قالۋ سالىستىرماسىن %50تەن %75كە جوعارىلاتۋ، 5 ميلليون يۋاندىق تۇراقتى مۇلىك ساتىپ العانداردان ءبىر جولدا تارتىپ قالۋ قاتارلى ساياساتتاردى قامتىدى. ءبىر قىدىرۋ سالىقتى ازايتىپ، اقىنى تومەندەتۋ ساياساتىنىڭ اتقارىلۋى شينجياڭ كاسىپورىندارىنىڭ اۋىرتپالىعىن جەڭىلدەتىپ، كاسىپورىنداردىڭ ومىرشەڭدىك كۇشىن تاسقىنداتتى.
ەنەرگيا كاسىبى − شينجياڭنىڭ تىرەكتى كاسىبى. جۇڭگو مۇناي ءۇرىمجى مۇناي حيميا بولىمشە سەرىكتەستىگى 2018 - جىلى حيميا ونەركاسىپ ونىمدەرىن ساتۋدان 3 ميلليارد 500 ميلليون يۋان كىرىس كىرگىزدى، بازار باعاسىن ورنىقتى بولعان جاعدايدا، سالىقتى ازايتقان سوڭ بيىل سەرىكتەستىكتىڭ كىرىسى 93 ميلليون 750 مىڭ يۋان ارتادى. كاسىپورىن قازىنا باسقارماسىنىڭ باستىعى لياڭ شينۋىن بىلاي دەدى: جاساۋ كاسىبى ارتقان قۇن سالىعى رەفورماسىنىڭ ”يگىلىگىن كورىپ، حيميا ونەركاسىبى كاسىپورنىنىڭ پايدا تابۋ قابىلەتى جوعارىلاپ، تابىس ءورىسى كەڭەيىپ، كاسىپورىننىڭ شارۋاشىلىقپەن شۇعىلدانۋ كۇشىن تاسقىنداتۋعا دەم بەردى.
سالىقتى ازايتىپ، اقىنى تومەندەتۋ ساياساتىنىڭ ”پايدا“سى ءوندىرۋ بۋىنىنان تۇتىنۋ بۋىنا قاراي ويىستىرىلىپ، كوپتەگەن تۇتىنۋشىلار وسىنىڭ يگىلىگىن كوردى. شينجياڭداعى ءتۇيىندى جاساۋ كاسىپورنى بولعان شاڭحاي داجۇڭ (شينجياڭ) اۆتوكولىك جاساۋ شەكتى سەرىكتەستىگى جارتى ايدىڭ الدىندا داجۇڭ، سكودا ماركالى اۆتوكولىك زاۆودى ساۋداگەرلەرىنە بولشەك ساتۋ باعاسىن تومەندەتۋ ۇسىنىسىن قويدى، مۇندا ەڭ جوعارعى ارزانداتۋ مولشەرى 20 مىڭ يۋانعا جەتتى ءارى اۆتوكولىك ساتىپ الۋدا جانە قىزمەت وتەۋدە تۇرلىشە تيىمدىلىك جاساۋ ساياساتىن اتقارىپ، تۇتىنۋشىلاردى دا ”سالىقتى ازايتىپ، اقىنى تومەندەتۋ“دىڭ ناقتى پايداسىنان يگىلىكتەندىرۋگە مۇمكىندىك جاسالدى.
بىلتىر شينجياڭداعى 185 فينانس قۇرىلىمى ارتقان قۇن سالىعىن كەشىرۋ وسىمىنەن 5 ميلليارد 566 ميلليون يۋان كىرىس كىرگىزدى، ءبىر ميلليون 740 مىڭ حالىقتىق كاسىپورىن ءوسىمسىز، تومەن ءوسىمدى قارىز اقشا الدى. ارتقان قۇن سالىعى رەفورماسىن اتقارعاننان بەرى، سالىق ورگاندارى تۇتاس رايونداعى 15 شاعىن كولەمدە قارىز بەرۋ سەرىكتەستىگىنىڭ 19 ميلليون 211 مىڭ 700 يۋاندىق ءوسىم كىرىسىنىڭ ارتقان قۇن سالىعىن كەشىرىپ، ءبىر ميلليون 620 مىڭ ەگىنشى وتباسىنىڭ قارجى كەمشىل بولۋ قيىنشىلىعىن شەشۋىنە كومەكتەستى.
مەملەكەتتىك سالىق ىستەرى باس مەكەمەسى شينجياڭ ۇيعۇر اۆتونوميالى رايوندىق سالىق ىستەرى مەكەمەسى پارتكومنىڭ شۋجيى ليۋ پەيپيڭ بىلاي دەدى: الداعى كەزدە سالىقتى ازايتىپ، اقىنى تومەندەتۋ سىندى حالىققا ءتيىمدى ۇلكەن تارتۋدى سان مىڭداعان وتباسىلارىنا جەتكىزىپ، كاسىپورىنداردىڭ اۋىرتپالىعىن جەڭىلدەتىپ، حالىق بۇقاراسىنىڭ تابىس سەزىمىن كۇشەيتەمىز.
