”5 ءىرى ارەكەت“تى اتقارىپ، دالمە - ءدال قىزمەت وتەۋدى جەبەدى
جوعارى مەكتەپتەردەن وقۋ بىتىرگەن وقۋشىلاردىڭ شينجياڭ بەكەتى جۇمىسقا قابىلداۋ جينالىسى وتكىزىلدى
ءتىلشى لي چۇنشيا 4 - ايدىڭ 20 - كۇنى ۇرىمجىدەن حابارلايدى. 4 - ايدىڭ 20 - كۇنى تۇستەن بۇرىن 6 - كەزەكتى بۇكىل ەلدەگى ءىرى، ورتا قالالاردىڭ جوعارى مەكتەپتەن وقۋ بىتىرگەن وقۋشىلاردى بىرلەسىپ جۇمىسقا قابىلداۋ شينجياڭ بەكەتىنىڭ جۇمىسقا قابىلداۋ جينالىسى شينجياڭ داشۋەسىندە وتكىزىلدى.
وسى رەتكى جۇمىسقا قابىلداۋ قيمىلى قالالار سايكەسە قيمىلداپ، دالمە - ءدال قىزمەت وتەۋدى تاقىرىپ ەتىپ، مەكتەپتەن وقۋ ءبىتىرىپ كەتسەدە جۇمىسقا ورنالاسپاعان جوعارى مەكتەپتەردەن وقۋ بىتىرگەن وقۋشىلار مەن 2019 - جىلى وقۋ بىتىرەتىن وقۋشىلارعا ۇشتاسىپ قىزمەت وتەۋ تۇعىرىن ازىرلەپ، ساياساتتىق اقىل - كەڭەس، كاسىپتىك جەتەكشىلىك، بەتپە - بەت ەمتيحان الىپ كەلىسىم جاساۋ، جۇمىس ىزدەۋگە تىركەۋ، ينفورماتسيالاردى جاريالاۋ، كادرلار ىستەرىن ۋاكىلدىك ءبىتىرۋ سياقتى كوپ ءتۇرلى قىزمەت وتەۋمەن قامدادى. قيمىل مەملەكەتتىك ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جوعارى مەكتەپتەردەن وقۋ بىتىرگەن وقۋشىلاردى دالمە - ءدال جۇمىسقا قابىلداۋ تۇعىرىن تياناق ەتىپ، وقۋ بىتىرگەن وقۋشىلار مەن ادام ىستەتەتىن ورىندارعا ”قامداۋ مەن سۇرانىستى ەكى باستان باعالاۋ، زەردەلى دالمە - ءدال سەپتەۋ، جەلىدە، جەلىدەن تىس تۇيىلىستىرۋ“دەي تۇتاس بارىستىق قىزمەت وتەۋ ازىرلەپ، ءىرى ساندى مالىمەتتەن جانە زەردەلى تاسىلدەن پايدالانىپ، جۇمىسقا قابىلداۋعا قىزمەت وتەۋدىڭ ونىمدىلىگىن، ءساتتى بولۋ مولشەرىن جانە ورنىقتىلىعىن ۇتىمدى جوعارىلاتتى.
اۆتونوميالى رايوندىق الەۋمەتتىك جۇمىستاندىرۋدان قىزمەت وتەۋ مەكەمەسى جوعارى م−ەكتەپتەر مەن تەحنيكۋمداردان وقۋ بىتىرگەن وقۋشىلارعا جۇمىستاندىرۋدان قىزمەت وتەۋ باسقارماسىنىڭ باستىعى حان بيڭنىڭ تانىستىرۋىنشا، وسى رەتكى جۇمىسقا قابىلداۋ جينالىسى شينجياڭنىڭ ءىشى - سىرتىنان 480نەن استام كاسىپورىن، ءىسورىندى باۋراپ، 4744 جۇمىس ورنىمەن قامداپ، 10 مىڭ 134 ادامدى جۇمىسقا قابىلدايدى ەكەن. مۇنىڭ ىشىندە انحۇي، شانشي، جىجياڭ، يۇننان، حۋنان، گانسۋ، شاندۇڭ، سانشي، حىبەي، نيڭشيا سياقتى 10 ولكەلىك، اۆتونوميالى رايوندىق الەۋمەتتىك جۇمىستاندىرۋ جانە دارىندىلارعا قىزمەت وتەۋ قۇرىلىمدارى ۇيىرمە بويىنشا جينالىسقا قاتىناسىپ، 273 ورىندى جۇمىسقا قابىلداۋعا ۇيىمداستىرىپ، 1741 جۇمىس ورنىمەن قامداپ، 1821 ادامدى جۇمىسقا قابىلدايدى ەكەن. شينجياڭنان جينالىسقا 207 كاسىپورىن، ءىسورىن قاتىناسىپ، 3003 جۇمىس ورنىمەن قامداپ، 8313 ادامدى جۇمىسقا قابىلدايدى ەكەن.
اۆتونوميالى رايوندىق الەۋمەتتىك جۇمىستاندىرۋدان قىزمەت وتەۋ مەكەمەسىنىڭ ساناعىنا قاراعاندا، وسى رەتكى جۇمىسقا قابىلداۋ قيمىلى جوعارى مەكتەپتەردەن وقۋ بىتىرگەن 5700 وقۋشىنى جينالىسقا كەلىپ اۋىس - ءتۇيىس جاساۋعا باۋراعان، 1959 ادام - رەت قاتىستى كاسىپورىندارمەن العاشقى قادامدا جۇمىسقا ورنالاسۋ نيەتىنە كەلىسكەن، مۇنىڭ ىشىندە دوكتورانت ءبىر ادام - رەت، ماگيستر اسپيرانت 392 ادام - رەت، تولىق كۋرس وقۋشىسى 1480 ادام - رەت، ارناۋلى كۋرس وقۋشىسى 86 ادام - رەت بولعان.
ۇعىسۋعا قاراعاندا، 2019 - جىلى اۆتونوميالى رايونعا قاراستى ادەتتەگى جوعارى مەكتەپتەردەن وقۋ بىتىرەتىن وقۋشىلار مەن ىشكى جەرلەردەگى جوعارى مەكتەپتەردەن وقۋ بىتىرەتىن شينجياڭدىق وقۋشىلار 160 مىڭنان استامعا جەتەدى ەكەن. جوعارى مەكتەپتەردەن وقۋ بىتىرگەن وقۋشىلاردىڭ جۇمىسقا ورنالاسۋىن جەبەۋ ءۇشىن، رايونىمىز قابىلەتتى جوعارىلاتۋ، شارۋاشىلىق قۇرۋعا جەتەكشىلىك ەتۋ، مەكتەپتەردە دالمە - ءدال قىزمەت وتەۋ، جۇمىسقا ورنالاسۋعا كومەكتەسۋ - سۇيەمەلدەۋ، ۇقىق - مۇددەسىن قورعاۋ سىندى ”5 ءىرى ارەكەت“تى ۇزدىكسىز اتقارىپ، جوعارى مەكتەپتەردەن وقۋ بىتىرگەن وقۋشىلاردىڭ جۇمىسقا ورنالاسۋ مولشەرىن %88تەن استامعا جەتكىزۋگە كۇش سالادى.
