تيانشان تورى
تيانشان تورى   ›   جاڭالىقتار   ›   شينجياڭ حابارلارى

ەكولوگيانى قورعاۋ جانە كەدەيلىكتەن ارىلتۋدان قامال الۋ قىزمەتىن تاباندىلىقپەن مىقتى يگەرەيىك

لي پىڭشين ءۇرىمجى قالاسىندا تەكسەرۋ - زەرتتەۋ جۇرگىزگەندە مىنانى اتاپ كورسەتتى

ەكولوگيانى قورعاۋ جانە كەدەيلىكتەن ارىلتۋدان قامال الۋ قىزمەتىن تاباندىلىقپەن مىقتى يگەرەيىك

  ءتىلشى جاڭ يانفاڭ 4 - ايدىڭ 20 - كۇنى ۇرىمجىدەن حابارلايدى. 4 - ايدىڭ 19 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءۇرىمجى قالاسىندا تەكسەرۋ - زەرتتەۋ جۇرگىزگەندە مىنانى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ”تۇنىق سۋ مەن جاسىل تاۋ − باعالى بايلىق“ ۇستانىمىن بەرىك ورناتىپ، سازدىقتى قورعاۋدى ۇزدىكسىز كۇشەيتىپ، باياندى داميتىن ەكولوگيالىق جۇيە ورناتۋ كەرەك. كەدەيلىكتەن ارىلتۋدان قامال الۋ قىزمەتىن تاباندىلىقپەن مىقتى يگەرىپ، جۇمىستانۋ ارقىلى جەت−ەكتەۋدى كورنەكتىلەندىرىپ، كەدەيلىكتەن ارىلتۋدان قامال الۋدىڭ ناتيجەلەرىن ۇزدىكسىز بەكەمدەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى پارمەندى قامتاماسىز ەتۋ كەرەك.

  لي پىڭشين ىلگەرىندى - كەيىندى ءۇرىمجى ساياپىل كولى سازدىعى، دابانچىڭ رايونى تۇزكول سازدىعى، دابانچىڭ قالاشىعى سازدىعى، ءۇرىمجى اۋدانى شۇيشيگوۋ قالاشىعىنىڭ دۇڭلياڭ قىستاعى، ءۇرىمجى اۋدانى قار - مۇز ەرەكشە قالاشىعى سياقتى جەرلەردى ارالاپ، سازدىقتاردى كورىپ، اتىز باسىنا، اۋىل - قىستاقتارعا بارىپ، شارۋا وتباسىلارىن ارالاپ جاعداي ۇعىسىپ، نەگىزگى ساتى كادرلارىمەن جانە كەدەي بۇقارامەن اڭگىمەلەسىپ، سازدىق ەكولوگياسىن قورعاۋ، كاسىپ سالاسى ارقىلى كەدەيلەردى سۇيەمەلدەۋ، ارحيۆ تۇرعىزىلىپ، كارتچكا بەرىلگەن كەدەي وتباسىلارىنىڭ ءوندىرىس، تۇرمىس جاعدايى جونىندە تەكسەرۋ - زەرتتەۋ جۇرگىزدى.

  لي پىڭشين مىنانى اتاپ كورسەتتى: سازدىق ورگانيزمدەردىڭ الۋان تۇرلىلىگىن قورعاۋ، اعىندى رەتتەۋ، ەكولوگيانى جاقسارتۋ جاعىندا ماڭىزدى رولعا يە. تاۋ، سۋ، ورمان، اتىز، كول، جايلىم تىرشىلىك ورتاق تۇلعاسى تانىمىن بەرىك ورناتىپ، سۋ ىستەرى، جاراتىلىستىق بايلىق، ەكولوگيالىق ورتانى قورعاۋ، ەگىن شارۋاشىلىعى، اۋىل - قىستاق، مال شارۋاشىلىعى، ورمان، جايلىم سياقتى تاراۋلاردىڭ سايكەسە ارەكەتتەنۋىن ىلگەرىلەتىپ، جۇيەلى وي جۇلگە، كەشەندى شارا ارقىلى كۇردەلى ەكولوگيالىق ماسەلەلەردى شەشىپ، ەكولوگيالىق جۇيەنىڭ ءارقايسى فاكتورلارىنىڭ جاراسىمدى قاتار ءومىر ءسۇرۋىن جەبەۋ كەرەك. ۇنەمشىلدىكتى الدىمەن ويلاسۋعا، قورعاۋدى الدىمەن ويلاسۋعا، تابيعاتتى قالپىنا كەلتىرۋدى نەگىز ەتۋگە تاباندى بولىپ، سازدىقتى قورعاۋ سەرپىنىن ۇزدىكسىز ارتتىرىپ، مال جايۋعا تيىم سالۋ، ەگىستىكتەن سازدىقتى قالپىنا كەلتىرۋ، ەگىستىك جەردى تىنىقتىرىپ، كولدى تولتىرۋ سياقتى تاسىلدەر ارقىلى سازدىقتىڭ ەكولوگيالىق ورتاسىن قورعاپ، سازدىقتىڭ ەكولوگيالىق يقۋاتىن قالپىنا كەلتىرىپ، ۇتىمدى باياندى دامۋدى جۇزەگە اسىرۋ ءتيىس. تۇرمىسقا، وندىرىسكە، ەكولوگياعا پايدالاناتىن سۋ قاجەتىن كوزدە ۇستاپ، سۋ بايلىعىن ساپالى جايعاستىرۋدى جانە عىلمي ورنالاستىرۋدى كۇشەيتىپ، سۋدان پايدالانۋ جالپى مولشەرىن جانە سۋدان جوسپارلى پايدالانۋدى باسقارۋدى قاتايتىپ، سۋ بايلىعىن اشۋدى، پايدالانۋدى باقىلاپ - باسقارۋدى قاتايتىپ، جۇيەلى جونگە سالۋعا تاباندى بولىپ، يكەمدى باقىلاۋ - باسقارۋدى كۇشەيتىپ، سۋدان پايدالانۋ ونىمدىلىگىن جوعارىلاتىپ، ەكونوميكانىڭ، قوعامنىڭ سۋ بايلىعىمەن جانە ەكولوگيالىق ورتامەن سايكەستى دامۋىن جۇزەگە اسىرۋ كەرەك.

  لي پىڭشين مىنانى باسا دارىپتەدى: كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ كەلەلى ساياسي مىندەت، ءسوز جوق، ساياسي تاباندىلىقتى ساقتاپ، كەدەيلىكتەن ورنىقتى ارىلتۋدىڭ ۇزاق ۋاقىتتىق ءونىمدى مەحانيزمىن ورناتۋعا ىزدەنىس جاساۋ كەرەك. كاسىپ سالاسى ارقىلى كەدەيلەردى سۇيەمەلدەۋدى كۇشەيتىپ، تاربيەلەۋ سەرپىنىن ارتتىرىپ، باسقا سالاعا ويىستىرىپ جۇمىسقا ورنالاستىرۋدى جەبەپ، كەدەي بۇقارانىڭ ورنىقتى جۇمىس ورنى بولۋىنا مۇمكىندىك جاساۋ قاجەت. قايتا كەدەيلەسۋدەن ساقتانۋدى ماڭىزدى ورىنعا قويىپ، قاتىستى سۇيەمەلدەۋ جانە قامتاماسىزداندىرۋ شارالارىن اناعۇرلىم كەمەلدەندىرىپ، ءتۇزىم جۇيەسى ارقىلى كەدەي بۇقارانىڭ كەدەيلىكتەن شىنايى ارىلۋىن، كەدەيلىكتەن ورنىقتى ارىلۋىن قامتاماسىز ەتۋ ءتيىس. ”قايتا قاداعالاۋعا“ دەر كەزىندە ۇيىمداستىرىپ، بەكەمدەۋ، جوعارىلاتۋ قىزمەتىن تىڭعىلىقتى ىستەپ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋدىڭ ءونىمدى توعىسۋىن جۇزەگە اسىرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.