شينحۋا اگەنتتىگىنىڭ 4 - ايدىڭ 20 - كۇنى ۇرىمجىدەن بەرگەن حابارى (ءتىلشى باي جيالي). 2018 - جىلى جۇڭگونىڭ شينجياڭىنداعى 18 شەكارا وتكەلىنىڭ ”ءبىر بەلدەۋ، ءبىر جول“ بويىنداعى 36 مەملەكەتكە يمپورت - ەكسپورتى 291 ميلليارد 540 ميلليون يۋان بولىپ، سايكەس مەزگىلدەگىدەن %13.5ارتتى.
شينجياڭ ءۇرىمجى حالىقارالىق قۇرلىقتىق پورت بىرلەسپە تاسىمال شەكتى جاۋاپكەرشىلىك سەرىكتەستىگى تيجارات جۇرگىزەتىن جۇڭگو - ەۆروپا كەزەكشى پويەزدارىنىڭ وكىلەتتى زات تاسۋ جۇمىسى بويىنشا، ءار اپتادا تۇراقتى 2 كەزەكشى پويەز، 82 تيەۋىش قوراپتى زات شىعارىلىپ، شينجياڭدا وندىرىلگەن قىزاناق، ءتۇرلى زاتتار، توقىما بۇيىم، كيىم - كەشەك سياقتىلار تيەلگەن كەزەكشى پويەزدار رەسەي سياقتى ەلدەرگە جەتكىزىلەدى.
شينجياڭنىڭ الاتاۋىندا، كەدەن قىزمەتكەرى ۋاڭ زىجىن جۇڭگو - ەۆروپا كەزەكشى پويەزدارىنىڭ باتىسقا تاسۋ جەلىسىنىڭ دامۋ، وزگەرۋ بارىسىنا كۋا بولدى، وسى بارىستا ونىڭ ەڭ تەرەڭ سەزىنگەنى ”تەزدىك“ بولدى. ونىڭ تانىستىرۋىنشا، قازىر جۇڭگو - ەۆروپا كەزەكشى پويەزدارىنىڭ شەكارادان شىعۋداعى كەدەننەن تۇتاستاي ءوتۋ ۋاقىتى پويەز قاتىناعان العاشقى كەزدەگىدەن 10 ساعاتقا جۋىق قىسقارعان.
ءۇرىمجى كەدەنىنىڭ ساندى مالىمەتىندە كورسەتىلۋىنشە، بيىل العاشقى توقساندا شينجياڭنىڭ سىرتقى ساۋدا يمپورت - ەكسپورت جالپى قۇنى 30 ميلليارد 990 ميلليون يۋان بولىپ، سايكەس مەزگىلدەگىدەن %6.7 ارتقان، مۇنىڭ ىشىندە يمپورت 7 ميلليارد 720 ميلليون يۋان بولىپ، سايكەس مەزگىلدەگىدەن %40.5ارتقان؛ شينجياڭ شەكارا وتكەلدەرىنىڭ يمپورت - ەكسپورت ساۋدا جالپى قۇنى سايكەس مەزگىلدەگىدەن %6.8 ارتىپ، جالپى جاعداي ورنىقتىلىق بارىسىندا جاقسارعان.
جۋىقتاعى جىلداردان بەرى، شينجياڭ توڭىرەكتەگى مەملەكەتتەردىڭ كەدەندەرىمەن سەلبەستىك مەحانيزمىن ۇزدىكسىز بايىتتى جانە كەمەلدەندىردى. جۇڭگو - قازاقستان قورعاس حالىقارالىق شەكارالىق سەلبەستىك ورتالىعى شەكارا اتتاعان ەركىن ساۋدا رايونى، سەلبەستىك ورتالىعى جۇمىس جۇرگىزگەن 7 جىلدان بەرى، ءۇرىمجى كەدەنى جۇڭگو - قازاقستان شەكارا كەدەندىك كەزدەسۋىن، كەڭەسىن ىلگەرىندى - كەيىندى 14 رەت وتكىزدى. كوپ جاقتاردىڭ قۇلشىنۋىندا، بيىل العاشقى توقساندا سەلبەستىك ورتالىعىندا شەكارادان كۇنىنە كىرىپ - شىعاتىندار 11 مىڭ 800 ادامعا (رەت) جەتىپ، ىرگە تەپكەن ساۋدا دۇكەنى 1366عا مولايىپ، جالپى زات قۇنى سايكەس مەزگىلدەگىدەن %258.82ارتتى.
ءۇرىمجى كەدەنىنىڭ ساناعىنشا، جۋىقتاعى بىرنەشە جىلدا ءۇرىمجى كەدەنى توڭىرەكتەگى مەملەكەتتەردىڭ كەدەندەرىمەن باقىلاۋ - باسقارۋ، كەدەننەن وتكىزۋ، ساناق، اتكەزشىلىككە سوققى بەرۋ، گۋمانيتارلىق اۋىس - ءتۇيىس سياقتى سالالارعا قاتىستى جيىنى 38 رەت كەزدەسۋ، كەڭەس وتكىزگەن.
