اقسۋ ايماقتىق عىلىم - تەحنيكا قوعامى پارتيا باسشىلىق گرۋپپاسىنىڭ ورىنباسار شۋجيى، ءتوراعاسى
رايحانگۇل مامەت
بولشەكتەۋشىلىككە قارسى تۇرۋ كۇرەسىنىڭ سىنى الدىندا ءار ۇلت پارتيالى كادرلار تۇرعىسى بەرىك، تۋى ايقىن، پارتياعا شارتسىز ادال بولىپ، جاۋاپكەرشىلىكتى باتىل ارقالاپ، ىرىقتىلىقپەن باتىل ءۇن قاتىپ، ايقىن پوزيتسيا ءبىلدىرىپ، وتان تۇتاستىعىن باتىل قورعاۋى، ۇلتتار ىنتىماعىن قورعاۋى، قوعام ورنىقتىلىعىن قورعاۋى كەرەك.
ساياسيدا ادال بولۋدى باستان - اياق باتىل ورىنداۋ كەرەك. ءبىز ”ءتورت تانىم“ دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن شىنايى بىرلىككە كەلتىرىپ، قوعام ورنىقتىلىعىن قورعاۋدى بارلىعىن باسىپ تۇسەتىن ماڭىزدى ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ تانىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى ”كەشەندى شارالار“ىن باتىلدىقپەن، تاباندىلىقپەن ويداعىداي تياناقتاندىرىپ، سولقىلداقتىق ىستەمەي، كەرەناۋلىققا سالىنباي، ءارى - ءسارى بولماي، مىندەتتى شىنايى اتقارىپ، ىرىقتىلىقپەن ىلگەرىلەپ، نەگىزگى ساتىعا ىشكەرىلەي ارالاسىپ، ءالسىز تۇستاردى تەكسەرىپ، ساڭىلاۋلاردى بىتەپ، ولقىلىقتاردى تولىقتاپ، ورنىقتىلىقتى قورعاۋ شارالارىن ويداعىداي تياناقتاندىرىپ، جاۋاپكەرشىلىگىمىزدى ءبىلىپ، جاۋاپكەرشىلىگىمىزدى ارقالاپ، جاۋاپكەرشىلىگىمىزدى ادا ەتۋىمىز كەرەك.
تۇرعىسى بەرىك بولۋدى باستان - اياق باتىل ورىنداپ، وي - سانانى سەرگەك ۇستاۋ كەرەك. ورنىقتىلىقتى قورعاۋدىڭ قاتاڭ دا كۇردەلى جاعدايى الدىندا، ءبىز قىراعىلىقتى ارتتىرىپ، ”ءۇش ءتۇرلى كۇش“تىڭ، ”ەكىبەتكەيلەر“دىڭ قىلمىستىق ءمانى مەن سۇرقيا كەيىپ - كەسپىرىن ايقىن تانىپ، ءدىني ۇشقارى يدەيانى جانە ءپانىسلاميزم، پانتۇركيزم يدەياسىن باستاماشىلدىقپەن اشكەرەلەپ، سىن تەزىنە الىپ، ”ءۇش ءتۇرلى كۇش“تىڭ، ”ەكىبەتكەيلەر“دىڭ ۇلتتار قاتىناسىنا ىرتكى سالىپ، ۇلتتار ىنتىماعىن ءبۇلدىرىپ، قوعام ءتارتىبىن بۇزىپ، شينجياڭدى وتان قۇشاعىنان ءبولىپ اكەتۋگە ۇرىنعان قىلمىستىق قاسكۇنەمدىگىن ايپاراداي اشۋىمىز كەرەك. ”ءۇش ءتۇرلى كۇش“كە، ”ەكىبەتكەيلەر“گە قارسى باتىل كۇرەس جۇرگىزەمىن. ۇلتتاردىڭ ۇلى ىنتىماعى تۋىن بيىك ۇستاپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن بىرلەستىرە وتىرىپ ورىستەتىپ، ارتىقشىلىعىمدى تولىق ساۋلەلەندىرىپ، ”بەتپە - بەت“، ”ءتۇيىندى تۇيىنگە باعىتتاۋ“ سياقتى ۇگىت تاسىلدەرىن پايدالانىپ، ءار ۇلت بۇقاراسىنا پارتيانىڭ ۇلت ساياساتىن، حالىققا تيىمدىلىك جاساۋ ساياساتىن جانە شينجياڭ ەكونوميكاسىنىڭ، قوعامىنىڭ ءارى جاقسى، ءارى تەز دامىعان اسا تاماشا جاعدايىن بار كۇشپەن ۇگىتتەيمىن، پارتيانىڭ قامقورلىعى مەن مەيىرىن مىڭداعان، ون مىڭداعان وتباسىلارىنا جەتكىزىپ، پارتياعا العىس ايتۋدى، پارتيانىڭ سوزىنە قۇلاق اسۋدى، پارتياعا ىلەسۋدى ءار ۇلت بۇقاراسىنىڭ سانالى ارەكەتىنە اينالدىرامىن.
ارەكەت ارقىلى ادالدىقتى ايگىلەۋدى باستان - اياق باتىل ورىنداۋ كەرەك. قاي - قاشان دا پارتيانىڭ ساياسي ءتارتىبى مەن ساياسي قاعيداسىن ەڭ الدىعا قويىپ، ءوز قىزمەتىممەن بىرلەستىرىپ، يدەيامنىڭ تەرەڭ تۇكپىرىنەن جانە كۇندەلىكتى ءسوز - ارەكەتىمنەن، ماسەلەلەرگە تەرەڭ وي جۇگىرتىپ جانە تەكسەرىپ، قىزمەت ستيلىمە ۇزدىكسىز بۇرىلىس جاساپ، ءارقانداي ۋاقىتتا مەن ىستەمەي كىم ىستەيدى دەيتىن باتىلدىقپەن جاۋاپكەرشىلىك ارقالاپ، جۇرەكتىلىكپەن باتىل ءۇن قاتىپ، ايقىن پوزيتسيا ءبىلدىرىپ، قاتە ءسوز - ارەكەتتەرگە استە جول بەرمەيمىن، مۇلدە ىرقىنا جىبەرمەيمىن؛ شۇعىل، قاتەرلى، اۋىر مىندەت الدىندا اتويلاپ العا شىعامىن، استە قورعانشاقتاپ، شەگىنشەكتەمەيمىن. پارتيا مۇشەسىنىڭ ۇلگىلىك، باستاماشىلدىق رولىن ساۋلەلەندىرىپ، كادر، جۇمىسشى - قىزمەتكەرلەردىڭ ساقتىق سيگنالىن قاعۋ، تالاپ قويۋ، ءتارتىپتى دارىپتەۋ مىندەتىن ارقالاپ، پارتياعا ادال، ساياسيدا ىسىلعان، جاۋاپكەرشىلىكتى باتىل ارقالايتىن، سىناققا توتەپ بەرەتىن قوسىن قۇرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش قوسامىن.
