تيانشان تورى
تيانشان تورى   ›   زاڭ تارازى   ›   زاڭنان كەڭەس

”بايلانىس تور“دى، ”باسقالقا“نى جاپپاي قاتاڭدىقپەن سوڭىنا دەيىن تەكسەرۋ كەرەك

  اۆتونوميالى رايوندىق جوعارى حالىق سوتى مەكەمەسى مەن حالىق پروكۋراتۋراسى قارا كۇشتەردى الاستاۋ، سۇرقيا كۇشتەردى جويۋ قىزمەت شاراسىن جانە ناقتى ەرەجەسىن بەلگىلەدى

  ”بايلانىس تور“دى، ”باسقالقا“نى جاپپاي قاتاڭدىقپەن سوڭىنا دەيىن تەكسەرۋ كەرەك 

  تىلشىلەر  ياڭ شۋحان، ميھىرگۇل عوپۇر 4 - ايدىڭ 21 - كۇنى ۇرىمجىدەن حابارلايدى. تاياۋدا اۆتونوميالى رايوندىق جوعارى حالىق سوتى مەكەمەسى، اۆتونوميالى رايوندىق حالىق پروكۋراتۋراسى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەس قىزمەتى شاراسىن جانە ناقتى ەرەجەسىن ىلگەرىندى - كەيىندى بەلگىلەپ تاراتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي، ءتارتىپتى ورىستەتۋ جونىندە ەگجەي - تەگجەيلى ورنالاستىرۋ جاسادى.

  4 - ايدىڭ 11 - كۇنى اۆتونوميالى رايوندىق جوعارى حالىق سوتى مەكەمەسى «قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ىلگەرىلەتۋ جونىندەگى 13 ءتۇرلى شارا»نى (تومەندە قىسقارتىلىپ «شارا» دەلىنەدى) ءتۇزىپ شىعارىپ جولعا قويىپ، نازاردى قارا، سۇرقيا كۇشتەردىڭ ارتىنداعى ”بايلانىس تورى“نا، ”باسقالقا“لارعا ءتۇيىندى تۇردە شوعىرلاندىرىپ، بايقالىپ قالادى ەكەن، ءسوز جوق، قاتاڭ جازالايدى.

  «شارا»دا بىلاي دەلىنگەن: تۇتاس رايونىمىزداعى ءار دارەجەلى حالىق سوتى مەكەمەلەرى نازاردى قارا، سۇرقيا كۇش قىلمىس ماسەلەسى كورنەكتى بولعان ءتۇيىندى رايوندارعا، كاسىپتەرگە جانە سالالارعا ءتۇيىندى تۇردە شوعىرلاندىرىپ، نازاردى قوعام ورنىقتىلىعىنا تىكە ىقپال جاسايتىن قارا، سۇرقيا كۇش قىلمىستارىنا شوعىرلاندىرىپ، نازاردى، قارا، سۇرقيا كۇشتەردىڭ ارتىنداعى ”بايلانىس تورى“نا، ”باسقالقا“لارىنا شوعىرلاندىرىپ، ۇيىمداستىرۋشىلارىن، جەتەكشىلەرىن جانە تىرەكتى مۇشەلەرىن زاڭ بويىنشا قاتاڭ جازالاپ، باتىلدىقپەن تەز سوتقا تارتىپ، اۋىر جازالاۋ كەرەك. دەلوعا قاتىستى مال - مۇلىكتەردى ءبىر جايلى ەتۋدى كۇشەيتىپ، دەلوعا قاتىستى مال - مۇلىكتىڭ كەلۋ قاينارىن، سيپاتىن، يەلىك ۇقىق قاراستىلىعىن مۇقيات تەكسەرىپ، سارالاپ، قايتارتۋ، ءمۇسادىرالاۋ، مال - مۇلىك جازاسىن بەرۋ سياقتى تاسىلدەردى جان - جاقتى قولدانىپ، قارا، سۇرقيا كۇش قىلمىستارىنىڭ مال - مۇلىككە ساياتىن بولىگى جونىندەگى اتقارۋ تەبىنىن كۇشەيتۋ كەرەك.

  4 - ايدىڭ 16 - كۇنى اۆتونوميالى رايوندىق حالىق پروكۋراتۋراسى «قارا، سۇرقيا كۇش قىلمىستىق دەلولارىن ءبىتىرۋدى كۇشەيتۋ جونىندەگى قىزمەت ناقتى ەرەجەسى»ن (تومەندە قىسقارتىلىپ «ەرەجە» دەلىنەدى) ءتۇزىپ شىعارىپ تاراتىپ، ”بايلانىس توردى بۇزۋ، باسقالقاعا سوققى بەرۋ“دى نەگىزگى سوققى بەرۋ بەتالىسى ەتىپ، ”بايلانىس تور“دى، ”باسقالقا“نى تۇگەلدەي سوڭىنا دەيىن قاتاڭ تەكسەرۋدى تالاپ ەتتى.

  «ەرەجەدە» مىنالار تالاپ ەتىلدى: تۇتاس شينجياڭداعى ءار دارەجەلى پروكۋراتۋرا ورگاندارى قارا، سۇرقيا كۇش قىلمىستىق دەلولارىن بىتىرۋدە ”اتاماندارىنا سوققى بەرۋ“، ”تەرەڭ ارشۋ“، ”توپىراعىن قازۋ“ جاعىنا ءۇرتىس كۇش سالىپ، سوققى بەرۋ ءجۇزىن بۇقارانىڭ اڭىسى كۇشتى، قوعامدىق ىقپالى ناشار بولعان قارا، سۇرقيا كۇشتەردىڭ ءتۇرلى زاڭعا قايشى قىلمىستىق دەلولارىنا كەزەۋ؛ زاڭ بويىنشا قاتاڭ جازالاۋعا تاباندى بولىپ، فاكت وتكەلىن، ساپا وتكەلىن، ءتارتىپ وتكەلىن، زاڭنىڭ ۇيلەسىمدىلىك وتكەلىن قاتاڭ يگەرىپ، الدىن الا كىرىسىپ تەكسەرۋ ارقىلى فاكت جيناۋعا جول نۇسقاۋ تەبىنىن ارتتىرىپ، ارىز - شاعىم كوتەرۋدەن بۇرىن جەتەكشىلىك ەتۋ، سوتتا قاراۋدان بۇرىن ەلەكتەن وتكىزۋ رولىن تولىق ساۋلەلەندىرىپ، دەلونىڭ ارىز - شاعىم كوتەرۋ، سوتتاۋ بۋىنىنا ”كىناراتتى“ كىرۋىنەن باتىل ساقتانۋ؛ سۇرقيا كۇشتەردى تۇبەگەيلى الاستاۋعا كۇش سالا، ”بايلانىس توردى بۇزۋ، باسقالقاعا سوققى بەرۋ“دى نەگىزگى سوققى بەرۋ بەتالىسى ەتىپ، ”بايلانىس تور“ىن، ”باسقالقا“نى سوڭىنا دەيىن قاتاڭ تەكسەرۋ؛ قىلمىستىق ىستەر ءادىلياسى مەن اكىمشىلىك زاڭ اتقارۋدى ۇشتاستىرۋ مەحانيزمىن كەمەلدەندىرىپ، قارا كۇشتەرگە، سۇرقيا كۇشتەرگە قاتىستى دەرەكتەردى بايقالعان زامان وتكىزىپ بەرۋ، كاسىپ سالاسىن باسقارۋداعى ولقىلىقتاردى مالىمدەۋ، رەتتەۋ - تۇزەتۋ سياقتى تۇزىمدەردى اقاۋسىزداندىرىپ، پروكۋراتۋرا ۇسىنىسىنان تولىق ويداعىداي پايدالانىپ، ولقىلىقتاردى تولىقتاپ، مەحانيزم ورناتۋ كەرەك.

    «شارا» مەن «ەرەجە»دە مىنالار باسا تالاپ ەتىلدى: تۇتاس رايونىمىزداعى ءار دارەجەلى حالىق سوتى مەكەمەلەرى، پروكۋراتۋرالار ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە قۋزاۋ - جەتەكشىلىك ەتۋ قىزمەتىن بەلسەندىلىكپەن، ىرىقتىلىقپەن سايكەسە وتىرىپ ويداعىداي ىستەپ، قۋزاۋ - جەتەكشىلىك ەتۋ گرۋپپاسى ورنالاستىرعان مىندەتتەردى، تاپسىرعان جۇمىستاردى، العا قويعان تالاپتاردى باتىلدىقپەن تەز، ءونىمدى تياناقتاندىرىپ، ءبىر جاعىنان، قۋزاۋ - جەتەكشىلىك ەتۋدەن، ءبىر جاعىنان، رەتتەۋ - تۇزەتۋدەن جازباي، تاباندا اتقارىپ، تاباندا تۇزەتۋ كەرەك. وسى رەتكى قۋزاۋ - جەتەكشىلىك ەتۋدى وراي ساناپ، قارا كۇشتەرگە، سۇرقيا كۇشتەرگە ساياتىن ءبىر توپ ەلەۋلى دەلولار جونىنەن زاڭ بويىنشا تەز ارادا قولعا الىپ، تەز ارىز - شاعىم ايتىپ، تەز سوت اشىپ، تەز ءبىتىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.