لي پىڭشين سانجى وبلىسىندا تەكسەرۋ - زەرتتەۋ جۇرگىزگەندە مىنانى باسا دارىپتەدى
كەدەيلىكتەن ارىلتۋدان قامال الۋ جانە اۋىل - قىستاقتىڭ قونىس ورتاسىن وڭاۋ قىزمەتىن تىڭعىلىقتى ويداعىداي ىستەۋ كەرەك
ءتىلشى ۋاڭ شيڭرۇي 4 - ايدىڭ 21 - كۇنى سانجىدان حابارلايدى. 4 - ايدىڭ 20 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين سانجى حۇيزۋ اۆتونوميالى وبلىسىنىڭ جەمسارى اۋدانىندا، فۋكاڭ قالاسىندا تەكسەرۋ - زەرتتەۋ جۇرگىزگەندە مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن دەن قويا ۇيرەنىپ، دايەكتىلەندىرىپ، جاۋاپكەرشىلىكتى كۇشەيتىپ، ارىننان قايتپاي، كەدەيلىكتەن ارىلتۋدان قامال الۋ جانە اۋىل - قىستاقتىڭ قونىس ورتاسىن وڭاۋ قىزمەتىن تىڭعىلىقتى ىلگەرىلەتىپ، اۋىل - قىستاقتى گۇلدەندىرۋ نەگىزىن ۇزدىكسىز بەكەمدەۋ كەرەك.
لي پىڭشين ىگەرىندى - كەيىندى جەمسارى اۋدانى بيتىڭ قالاشىعىنىڭ سانچاڭساۋزى قىستاعى، ارگۇڭ قالاشىعىنىڭ دۇڭگوۋ قىستاعى، شينجياڭ چۋاڭشيڭ اۋىل شارۋاشىلىق ونىمدەرىن اشۋ توبى شەكتى سەرىكتەستىگى، فۋكاڭ قالاسى اققول اۋىلى حۋاڭشان سەنترلى قىستاعىنىڭ دۇڭساۋزى اۋماعى، چىڭگۋان قالاشىعىنىڭ شانپو قىستاعى سياقتى جەرلەرگە بارىپ، اۋىل - قىستاقتاردى، كاسىپورىنداردى، شارۋا وتباسىلارىن ارالاپ جاعداي ۇعىسىپ، كەدەيلىكتەن ارىلتۋدان قامال الۋ، اۋىل - قىستاقتىڭ قونىس ورتاسىن وڭاۋ سياقتى قىزمەتتەر جونىندە جۇمىس باسىندا تەكسەرۋ - زەرتتەۋ جۇرگىزدى.
لي پىڭشين مىنانى اتاپ كورسەتتى: ”كەدەيلىك قالپاعىن الىپ تاستاۋ“ كەدەيلىكتەن ارىلتۋدان قامال الۋدىڭ اياقتاعاندىعى ەمەس، قايتا اۋىل - قىستاقتى گۇلدەندىرۋدىڭ باستاماسى. نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە ىقپال جەتكىزەتىن كورنەكتى ماسەلەلەردى شەشۋگە شوعىرلاندىرىپ، كاسىپ سالاسى ارقىلى جۇمىسقا ورنالاستىرۋدى وزەك، جىگەر - قايرات، اقىل - پاراسات جاعىنان سۇيەمەلدەۋدى ءتۇيىن، ساياساتتىق جاقتان تومەنگى شەكتەن تۇسىرمەۋدى كەپىلدىك ەتىپ، كەدەيلىكتەن ارىلتۋدان قامال الۋدىڭ ناتيجەلەرىن ۇزدىكسىز بەكەمدەۋ جانە جوعارىلاتۋ كەرەك. ارناۋلى القانى شەگىندىرمەۋگە، قىزمەتكەرلەردى ازايتپاۋعا، كۇشتەردى ازايتپاۋعا، قامقورلىق جاساۋدى ازايتپاۋعا تاباندى بولىپ، نەگىزگى جاعدايىن ىشكەرىلەي انىقتاپ، وي جەلىنى ايقىنداپ، شارالاردى كەمەلدەندىرىپ، قالپاق الىنعانىمەن، جاۋاپكەرشىلىكتى تاستاماي، ساياساتتى توقتاتپاي، كومەكتەسۋدى، سۇيەمەلدەۋدى توقتاتپاي، باقىلاپ باسقارۋدى توقتاتپاي، كەدەيلىكتەن ارىلتۋدا قايتا كەدەيلەسۋدەن ساقتانۋعا شىنايى كەپىلدىك ەتۋ قاجەت. اۋىل - قىستاق ەرەكشە كاسىپ سالاسىن دامىتۋدى كورنەكتىلەندىرىپ، ”ءبىر اۋىلدا ءبىر ءونىم، ءبىر قىستاقتا ءبىر ءونىم بولۋ“دى ارقاۋ ەتىپ، ەرەكشە ەگىنشىلىكتى كۇش سالا دامىتىپ، كەدەيلىكتەن ارىلىپ بايۋدىڭ تاماشا جولىن بەلسەنە قاراستىرۋ ءتيىس. توقىماشىلىق، كيىم - كەشەك سياقتى كاسىپورىندارعا قولداۋ كورسەتۋ سەرپىنىن ارتتىرىپ، جاقىن ماڭنان جۇمىسقا ورنالاسۋدىڭ نەگىزگى ارنالىق رولىن شىنايى ويداعىداي ساۋلەلەندىرىپ، ورنىقتى جۇمىستانۋعا جەتەكتەپ، ورنىقتى جۇمىستانۋ ارقىلى كەدەيلىكتەن ورنىقتى ارىلۋدى جەبەۋ كەرەك. جىگەر - قايرات، اقىل - پاراسات جاعىنان سۇيەمەلدەۋگە باسا ءمان بەرىپ، كەدەي بۇقاراعا مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ولاردى كاسىپتىك شەبەرلىككە باۋلۋدى كورنەكتى تۇردە مىقتى يگەرىپ، كەدەي بۇقارانىڭ ءوندىرىستى دامىتۋ جانە جۇمىس ىستەۋ، ساۋدامەن شۇعىلدانۋ نەگىزگى قابىلەتىن جوعارىلاتىپ، كەدەي بۇقارانىڭ ىشكى قوزعاۋشى كۇشىن قاۋلاتۋ قاجەت. بايۋعا باستاۋشى تيپتەردەن ءبىر توبىن تاڭداپ جەتىلدىرىپ، قاجىرلى ەڭبەگىمەن باييتىن، كەدەيلىكتەن ارىلۋدى داڭق سانايتىن تاماشا بەينە قالىپتاستىرۋ كەرەك.
لي پىڭشين مىنانى باسا دارىپتەدى: جىجياڭ تاجىريبەسىنەن ويداعىداي ۇيرەنىپ، ونى جاندى پايدالانىپ، اۋىل - قىستاقتىڭ قونىس ورتاسىن وڭاۋ قىزمەتىن پارمەندى، تارتىپپەن ىلگەرىلەتۋ كەرەك. جوبانى الدىمەن اتقارۋعا تاباندى بولىپ، قىستاق تۇرعىندارىنىڭ تۇلعالىق ورنىن تولىق ساۋلەلەندىرىپ، جەرگىلىكتى جاعدايعا قاراي ىستەپ، قىستاقتى وڭاۋ جوباسىن ويداعىداي جاساپ، ءوز جەرىنىڭ اۋىل - قىستاعىنىڭ ەكونوميكالىق دامۋ دەڭگەيىنە ۇيلەسۋىنە، اۋىل - قىستاقتىڭ وزگەشە تۇرعىندار كەلبەتىن، اۋىل شارۋاشىلىق كورىنىسىن، اۋىل مادەنيەتىن ايگىلەۋىنە مۇمكىندىك جاساۋ كەرەك. 10 مىڭ قىستاقتى جونگە سالۋدى مىقتى يگەرىپ، دارەتحانالاردى تازالاۋ، اۋلانى وڭاۋ، قونىس ورتاسىن وڭاۋ، قوقىر - قوقسىقتاردى ءبىر جاقتى ەتۋ، لاس سۋلاردى تازارتۋ، قىستاقتىڭ ورتا تازالىعى سىندى 6 ءىستى ءتۇيىندى تۇردە ويداعىداي ىستەپ، 2020 - جىلى تۇگەلدەي ورىنداۋعا كەپىلدىك ەتۋ قاجەت. ۇلگى كورسەتۋدى، جەتەكشىلىك ەتۋدى مىقتى يگەرىپ، نەگىزدىك شارت - جاعدايى جاقسى، بەلگىلى ۋاكىلدىككە يە اكىمشىلىك قىستاقتاردى تاڭداپ، ۇسىنىلىمدى كۇشەيتىپ، دەڭگەيىن ءوسىرىپ، ۇلگىلىك، باستاماشىلدىق مانگە يە قونىسقا جايلى كوركەم قىستاق قالىپتاستىرۋ ءتيىس. ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتاردا تۇراتىن كادرلارعا كوڭىل ءبولۋدى، قامقورلىق جاساۋدى كۇشەيتىپ، نەگىزگى ساتى كادرلارىن بۇقارالىق قىزمەتتى بار زەيىنىمەن، شىن پەيىلىمەن، كۇش سالا ۇزدىكسىز ويداعىداي ىستەۋگە ىنتالاندىرىپ، بۇقارانى بەلسەنە تازالىق ىستەۋگە، جاسىلداندىرۋعا، قۇرىلىس جۇرگىزۋگە، قورعاۋعا ۇيىمداستىرىپ، اتتانىسقا كەلتىرىپ، اتا مەكەنىن ويداعىداي قۇرىپ، اۋىل - قىستاق قونىس ورتاسىنان ۇلگى كورسەتەتىن قىستاق قۇرۋعا قۇلشىنۋ كەرەك.
