تيانشان تورابى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى «پارتيا، ۇكىمەت باسشى كادرلارىن باعالاۋ قىزمەتى ەرەجەسى»ن باسىپ تاراتتى

  شينحۋا اگەنتتىگىنىڭ 4 - ايدىڭ 21 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «پارتيا، ۇكىمەت باسشى كادرلارىن باعالاۋ قىزمەتى ەرەجەسى»ن (تومەندە قىسقارتىلىپ «كادرلاردى باعالاۋ ەرەجەسى» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ مۇقيات بويسۇنىپ اتقارۋىن تالاپ ەتتى.

  حابارلاندىرۋدا مىنالار اتاپ كورسەتىلدى: كادرلاردى باعالاۋ پارتيانىڭ جاپپاي باسشىلىعىنا تاباندى بولۋداعى جانە ونى كۇشەيتۋدەگى، ورتالىق كوميتەتتىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى ىلگەرىلەتۋدەگى ماڭىزدى شارا، كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرۋداعى، ىستەردىڭ دامۋىن جەبەۋدەگى ماڭىزدى تۇتقا. «كادرلاردى باعالاۋ ەرەجەسى» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيا قۇرىلىسىنىڭ جالپى تالاپتارىن جانە جاڭا داۋىردەگى پارتيانىڭ ۇيىمدىق لۋشيانىن تياناقتاندىرىپ، جاڭا داۋىردە كادرلاردى باعالاۋ قىزمەتىن جاقسى ىستەۋگە نەگىزگى بويسۇنۋ ولشەمىن ازىرلەدى.

  حابارلاندىرۋدا مىنالار باسا دارىپتەلدى: «كادرلاردى باعالاۋ ەرەجەسى»نىڭ جاريالانۋى، اتقارىلۋى كادرلاردى باعالاۋدىڭ سىلتەمە تاياقشالىق، باعدار نۇسقاعىشتىق، دەمەۋشىلىك رولىن ونان ارى ساۋلەلەندىرىپ، قالىڭ كادرلاردى اناعۇرلىم جاقسى كۇيمەن، اناعۇرلىم ناقتى ستيلمەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا ىنتالاندىرىپ، بۇكىل پارتيانىڭ ءبىر تۇتاس ەرىك - جىگەرمەن، ءبىر تۇتاس ارەكەتپەن، بىركەلكى قاداممەن العا باسۋىن جەبەۋ جونىنەن ماڭىزدى مانگە يە.

  حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) پارتيا ورتالىق كوميتەتىنىڭ رۋحىن جەتە ءتۇسىنىپ، تۇلعالىق جاۋاپكەرشىلىكتەرىن شىنايى اتقارىپ، «كادرلاردى باعالاۋ ەرەجەسى»ن جاقسى ۇيرەنۋ، جاقسى ۇگىتتەۋ، جاقسى دايەكتىلەندىرۋ كەرەك. ايقىن تۋ ۇستاي وتىرىپ ساياسي ولشەمدى كادرلاردى باعالاۋ قىزمەتىمەن باستان - اياق ءسىڭىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىن، بەكىتۋلەرىن دايەكتىلەندىرۋ، تياناقتاندىرۋ جاعدايىن باعالاۋدى كورنەكتىلەندىرىپ، ءار دارەجەلى پارتيا، ۇكىمەت باسشىلىق القالارى مەن باسشى كادرلاردىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا شىنايى كەپىلدىك ەتۋ كەرەك. ارتىقشىلىق پەن كەمشىلىكتى پارىقتاۋدى، ۇزدىكتەردى سيلاپ، جارامسىزداردى جازالاۋدى، جاۋاپكەرشىلىك ارقالاۋعا ىنتالاندىرۋدى، دامۋدى جەبەۋدى كادرلاردى باعالاۋ قىزمەتىنىڭ نەگىزگى مىندەتى ەتىپ، باعالاۋ مازمۇن كورسەتكىشىن ىشكەرىلەي رەتتەپ، كەمەلدەندىرىپ، باعالاۋ ءتاسىلىن، ءادىسىن جاقسارتىپ، باعالاۋ ناتيجەسىن قولدانۋدى كۇشەيتىپ، قالىڭ كادرلاردىڭ بەلسەندىلىگىن، ىرىقتىلىعىن، جاسامپازدىعىن بارىنشا جۇمىلدىرىپ، جاۋاپكەرشىلىك ارقالاۋدى دارىپتەيتىن، جاۋاپكەرشىلىك ارقالاۋعا ءمان بەرەتىن، رەفورما جاساپ، جاڭالىق اشاتىن، ءىس تىندىرىپ، ناتيجە شىعاراتىن ايقىن باعدار ورناتۋدى جەبەۋ كەرەك. وڭىرلەر، تاراۋلار «كادرلاردى باعالاۋ ەرەجەسى»ن اتقارۋ بارىسىنداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ كەرەك.

  «كادرلاردى باعالاۋ ەرەجەسى» جيىنى 11 تاراۋ، 57 تارماق.

  «كادرلاردى باعالاۋ ەرەجەسى»ن تۇسىندىرۋگە جۇڭگو كوممۋنيستىك پارتياسى ورتالىق كوميتەتىنىڭ ۇيىمداستىرۋ ءبولىمى جاۋاپتى بولادى، 2019 - جىلى 4 - ايدىڭ 7 - كۇنىنەن باستاپ اتقارىلادى. 1998 - جىلى 5 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتىنىڭ ۇيىمداس−تىرۋ ءبولىمى باسىپ تاراتقان «پارتيا، ۇكىمەت باسشى كادرلارىن باعالاۋ قىزمەتىنىڭ ۋاقىتتىق بەلگىلەمەسى»، 2009 - جىلى 7 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ ۇيىمداستىرۋ ءبولىمى باسىپ تاراتقان «پارتيا، ۇكىمەت باسشىلىق القاسى مەن باسشى كادرلارىن جىلدىق باعالاۋ ءادىسى (سىناق رەتىندە اتقارىلعان)» وسىمەن ءبىر ۋاقىتتا كۇشىن جويادى. وسىدان بۇرىن جاريالانعان باسشىلىق القاسى مەن باسشى كادرلاردى باعالاۋعا قاتىستى بەلگىلەمەردىڭ وسى ەرەجەمەن بىردەي بولماعاندارى، وسى ەرەجە بويىنشا اتقارىلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.