«قىزمەت اترەتىنىڭ امال قاراستىرۋىمەن وسى اسحانانى اشتىم، اسحاناعا ‹باقىت تەز تاعامجايى› دەپ ات قويدىم، باقىتتى تۇرمىس كەشىرگەندە پارتيانىڭ شاپاعاتىن ەستەن شىعارماۋ دەگەن ماعىنا بەرەدى»،-دەدى 4-ايدىڭ 21-كۇنى، شينجياڭ اقسۋ ايماعى ونسۋ اۋدانى ارال اۋىلى قاشبويى قىستاعىنداعى شارۋا تۇنياز احتەم ءبىر جاعىنان اسحانا تازالىعىن ىستەي ءجۇرىپ قۋانىشپەن.
تۇنياز احتەم وتباسىنىڭ جەرى از، قىستاقتاعى كەدەي وتباسى. ونسۋ اۋدانى بازار باقىلاۋ باسقارۋ مەكەمەسىنىڭ وسى قىستاقتا تۇراتىن قىزمەت اترەتى تۇنياز احتەمنىڭ بۇرىن اۋدانداعى اسحانادا جۇمىس ىستەگەنىن، قۋىرماش قۋىرۋ تەحنيكاسىن ۇيرەنگەنىن ۇعىسادى. قىستاققا قايتىپ كەلگەننەن كەيىن ءوزى كاسىپ جاراتىپ اسحانا اشىپ قوجايىن بولعىسى كەلەدى، الايدا قارجى مەن دۇكەن جوق. قىزمەت اترەتى ونىمەن ىرىقتىلىقپەن بايلانىس جاساپ،بەلسەندىلىكپەن قىستاق ەكى كوميتەتىمەن اقىلداسىپ، قىستاقتا بوس تۇرعان دۇكەندى مايعا بەرىپ، اسحانا اشىپ بەرەدى ءارى بارلىق راسىمياتتارىن وتەيدى.
اسحانانىڭ ساۋداسىن اۋىزعا العاندا تۇنياز احتەمنىڭ جۇزىنەن شاتتىق لەبى ەستى. ول تىلشىگە: «تيجارات باستاعاننان بەرى، ساۋدا وتە جاقسى، كۇندىك كىرىسى دە جاقسى»،-دەدى. وسىلاي بولا بەرسە، بيىل كەدەيلىكتەن ارىلادى.
«ءبىز قىستاققا كەلگەننەن كەيىن، قىستاق تۇرعىندارىنىڭ ناقتى احۋالىنا نەگىزدەلىپ كەدەيلەردى دالمە-ءدال سۇيەمەلدەپ، كورنەكتى ناتيجەگە قول جەتكىزدىك. بۇدان بىلاي، قىستاقتاعى كەدەي وتباسىلارىن سۇيەمەلدەۋ تەبىنىن ارتتىرامىز، ولاردىڭ اۋقاتتانۋ ارمانىن ۇعىسىپ، باعىتتامالى سۇيەمەلدەيمىز»،-دەدى قىزمەت اترەتىنىڭ مۇشەسى حى پيڭ.
