چىن چۋانگو، ۋاڭ جيانجۇن، ليۋ نيڭ، شوكىرات زاكىر، شاۋكەت يمىن، نۇرلان ءابىلماجىن، لي پىڭشين قيمىلدارعا قاتىناستى
ءتىلشى ياۋ تۇڭ 4 - ايدىڭ 23 - كۇنى ۇرىمجىدەن حابارلايدى. 4 - ايدىڭ 21 - كۇنىنەن 22 - كۇنىنە دەيىن، چيڭحاي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ۋاڭ جيانجۇن، چيڭحاي ولكەلىك پارتكومنىڭ ورىنباسار شۋجيى، ولكە باستىعى ليۋ نيڭ چيڭحاي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ قىزمەت تەكسەرىپ، پىكىر اۋىستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.
شينجياڭداعى كەزىندە، چيڭحاي ولكەسىنىڭ پارتيا، ۇكىمەت ۋاكىلدەر ۇيىرمەسى ءۇرىمجى قالاسى تيانشان رايونى ىرداۋچياۋ اۋماعىن باسقارۋ كوميتەتى گۋيۋان كوشەسى الەۋمەتتىك اۋماعى، شينجياڭ حالىقارالىق ۇلكەن بازارى، شينجياڭ زەردەلى ماشينالار كاسىپ باقشاسى سياقتى جەرلەردە قىزمەت تەكسەرىپ، نەگىزگى ساتىنىڭ ۇيىمدىق قۇرىلىسى، بۇقاراعا قىزمەت وتەۋ، ۇلتتار ىنتىماعى، ساياحات كاسىبى، وزىق دەڭگەيدەگى جابدىق جاساۋ كاسىبى سياقتى جاقتارداعى جاعدايىن ۇعىستى.
4 - ايدىڭ 22 - كۇنى تۇستەن كەيىن، چيڭحاي ولكەسى. شينجياڭ ۇيعۇر اۆتونوميالى رايونىنىڭ قىزمەت جونىندەگى اڭگىمە ءماجىلىسى ۇرىمجىدە اشىلدى. چىن چۋانگو اۆتونوميالى رايوندىق پارتكوم مەن ۇكىمەت جانە بۇكىل رايونىمىزداعى ءار ۇلت حالقى اتىنان چيڭحاي ولكەسىنىڭ پارتيا، ۇكىمەت ۋاكىلدەر ۇيىرمەسىن قىزۋ قارسى الاتىندىعىن ءبىلدىردى، چيڭحاي ولكەسىنىڭ ۇزاق ۋاقىتتان بەرى شينجياڭعا كوڭىل بولگەندىگىنە، قولداعاندىعىنا شىن جۇرەكتەن العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، چيڭحاي ولكەلىك پارتكوم مەن ولكەلىك ۇكىمەت، سونداي - اق بۇكىل ولكەدەگى قالىڭ كادرلار مەن بۇقارا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ چيڭحاي قىزمەتى جونىندەگى ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، ”بەس ءتورت ستراتەگيا“نى ىشكەرىلەي اتقارىپ، ”ءبىردى ساپالىلاندىرۋ، ەكىنى جوعارىلاتۋ“دى كۇش سالا ىلگەرىلەتىپ، جاڭا چيڭحاي رۋحىن زور كۇشپەن اسقاقتاتىپ، ەكونوميكالىق، قوعامدىق دامۋدىڭ ومىرشەڭدىگىن ۇزدىكسىز تاسقىنداتىپ، باي، وركەنيەتتى، جاراسىمدى، كوركەم جاڭا چيڭحاي قۇرۋ ساپارىندا نىق قادام تاستادى. ءبىز مۇنى شىن جۇرەكتەن قۇتتىقتايمىز.
چىن چۋانگو مىنانى اتاپ كورسەتتى: شينجياڭ مەن چيڭحاي ىرگەلەس، ەكى ولكە، رايوننىڭ بارىس - كەلىسى قويۋ، سۇيىسپەنشىلىگى تەرەڭ، تاماشا سەلبەستىك جاساسۋ ءداستۇرى، كوپ جاقتا ۇقساستىعى، ورتاق دامۋ سۇرانىسى مەن ورايى بار، بۇل ءبىزدىڭ اۋىس - ءتۇيىستى، سەلبەستىكتى اناعۇرلىم كۇشەيتۋىمىز، بىرگە العا باسۋدى جۇزەگە اسىرۋىمىز ءۇشىن بەرىك نەگىز قالادى، كەڭ كەڭىستىك ازىرلەدى. ەكى ولكە، رايوننىڭ ”ءبىر بەلدەۋ، ءبىر جول“ قۇرىلىسىن، باتىس بولىكتى قاۋىرت اشۋ ستراتەگيالىق ورايىن مىقتاپ يگەرىپ، اۋىس - ءتۇيىستى اناعۇرلىم كۇشەيتىپ، سەلبەستىكتى تەرەڭدەتىپ، ءوزارا تيىمدىلىك جەتكىزىپ، ورتاق يگىلىكتەنۋىن، قول ۇستاسا دامۋىن ءۇمىت ەتەمىن. چىن چۋانگو بىلاي دەدى: شينجياڭ ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى ىلگەرىلەتىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الادى.
ۋاڭ جيانجۇن چيڭحاي ولكەلىك پارتكوم، ولكەلىك ۇكىمەت جانە بۇكىل ولكەدەگى ءار ۇلت حالقى اتىنان شينجياڭ ۇيعۇر اۆتونوميالى رايونىنىڭ ۇزاق ۋاقىتتان بەرى چيڭحايدىڭ قىزمەتىن قولداعاندىعىنا العىس ايتتى. ول بىلاي دەدى: شينجياڭ مەن چيڭحاي جاعراپيالىق جاقتان ىرگەلەس، تاۋ - وزەنى جالعاسقان، جولدارى تۇتاسقان، دامۋى قارايلاس، گۋمانيتارلىق جاعى جاقىن، بورىشى ۇقساس. شينجياڭ ۇيعۇر اۆتونوميالى رايوندىق پارتكوم مەن ۇكىمەت وسكەلەڭ ساياسي سانالىلىقپەن جانە جاۋاپكەرشىلىكپەن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋى بويىنشا، نازاردى باس نىساناعا شوعىرلاندىرىپ، جالپى ارنانى مەڭگەرىپ، ءتۇرلى قىزمەتتەردە جاڭا جاعداي اشتى. ءبىز شينجياڭنىڭ قول جەتكىزگەن جەتىسىكتەرىنە قۋانامىز، ودان شابىت الامىز، شينجياڭنىڭ كەدەيلىكتەن ارىلتۋدان قامال الۋداعى جاقسى ءادىسى، ۇلتتار ىنتىماعى، العاباسارلىعىن جەبەۋدەگى جاقسى تاجىريبەلەرى، ەكولوگيانى قورعاۋداعى جاقسى شاراسى، ءتۇيىندى قىزمەتتەردى ىلگەرىلەتۋدەگى جاقسى وي جەلىسى چيڭحايدىڭ دەن قويا ۇيرەنۋىنە، ۇلگى الۋىنا تاتيدى.
ۋاڭ جيانجۇن بىلاي دەدى: كاسىپ پەن وراي ءبىزدى بايلانىستىردى، بورىش پەن جاۋاپكەرشىلىك ءبىزدى بارعان سايىن جاقىنداستىردى. ۇزاق ۋاقىتتان بەرى، شينجياڭ - چيڭحاي ەكى جەر ءبىر - ءبىرىن قولداپ، ءبىرىنىڭ جوعىنا ءبىرى قارايلاسىپ، ورنىقتىلىقتى بىرگە قورعاپ، بارىس - كەلىستى ىلگەرىلەتىپ، جول - قاتىناس جاساپ، مەحانيزم ورناتىپ، سەلبەستىكتىڭ، اۋىس - ءتۇيىستىڭ تىڭ تاراۋىن جازدى. ءبىز ”ءبىر بەلدەۋ، ءبىر جول“ قۇرىلىسى، كاسىپ دامۋى، ەنەرگيا سالاسى سياقتى جاقتاردا ناقتى سەلبەستىكتى، اۋىس - ءتۇيىستى تەرەڭدەتىپ، شينجياڭ - چيڭحاي ەكى جەردىڭ اناعۇرلىم تىعىز بايلانىس جاساپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ - چيڭحاي قوعام ورنىقتىلىعىنىڭ، باياندى تىنىشتىعىنىڭ، عىلمي دامۋىنىڭ، حالىق باقىتىنىڭ جاڭا جاعدايىن اشا بەرۋىن ءۇمىت ەتەمىز.
اڭگىمە ماجىلىستە شوكىرات زاكىر، ليۋ نيڭ جەكە - جەكە شينجياڭنىڭ، چيڭحايدىڭ ەكونوميكالىق، قوعامدىق دامۋ جاعدايىن تانىستىردى. چيڭحاي ولكەسىنىڭ باسشىلارىنان ۋاڭ شياۋ، ۋاڭ يۇيبو، يۇي سۇڭلى، ليۋ تۇڭدى، ۋاڭ شياۋيۇڭ، اۆتونوميالى رايوننىڭ باسشىلارىنان سارقىت اقان، جاڭ چۇنلين قاتارلىلار قاتىستى قيمىلدارعا قاتىناستى.
