”1 - مامىر“ حالىقارالىق ەڭبەكشىلەر مەرەكەسىن قۇتتىقتاۋ جانە ماداقتاۋ - سيلاۋ جينالىسى بەيجيڭدە وتكىزىلدى
رايونىمىزدا ءبىر توپ ۇزدىك كوللەكتيۆ جانە جەكە ماداقتالدى، سيلاندى
ءتىلشى ميھىرگۇل ناسىر 4 - ايدىڭ 24 - كۇنى ۇرىمجىدەن حابارلايدى. رايونىمىزدا 3 كوللەكتيۆ 1 - مامىر مەملەكەتتىك ەڭبەك گراموتاسىنا، 16 جەكە 1 - مامىر مەملەكەتتىك ەڭبەك مەدالىنا، 23 كوللەكتيۆ مەملەكەتتىك جۇمىسشى اۆانگاردتارى داڭق اتاعىنا يە بولدى.
4 - ايدىڭ 23 - كۇنى 2019 - جىلعى ”1 - مامىر“ حالىقارالىق ەڭبەكشىلەر مەرەكەسىن قۇتتىقتاۋ جانە 1 - مامىر مەملەكەتتىك ەڭبەك سيلىعىن، مەملەكەتتىك جۇمىسشى اۆانگاردىن ماداقتاۋ - سيلاۋ جينالىسى بەيجيڭدەگى حالىق سارايىندا وتكىزىلدى. جينالىس 1 - مامىر مەملەكەتتىك ەڭبەك گراموتاسىنا يە بولعان 92 كوللەكتيۆتى، 1 - مامىر مەملەكەتتىك ەڭبەك مەدالىنا يە بولعان 695 جەكەنى، مەملەكەتتىك جۇمىسشى اۆانگاردتارى اتاعىنا يە بولعان 797 كوللەكتيۆتى ماداقتادى، سيلادى.
جۇڭگو مۇناي - حيميا شەكتى جارنا سەرىكتەستىگىنىڭ باتىس تەرىستىك مۇناي الابى بولىمشە سەرىكتەستىگى، شينجياڭ يىندولان ۇيعۇر ءدارى - دارمەك شەكتى جارنا سەرىكتەستىگى جانە تارىم داشۋەسى 2019 - جىلعى 1 - مامىر مەملەكەتتىك ەڭبەك گراموتاسىنا يە بولدى. شينجياڭ مەديتسينا داشۋەسى 5 - كلينيكا مەديتسينا شۋەيۋانى (قاراستى 5 - شيپاحانا) اۋىز قۋىسى ءبولىمىنىڭ مەڭگەرۋشىسى گۇلباھار مامەتالي، مەملەكەتتىك ەلەكتر تورابى شينجياڭ ەلەكتر قۋاتى شەكتى سەرىكتەستىگى ءۇرىمجى ەلەكترمەن قامداۋ سەرىكتەستىگى ەلەكتر رەتتەۋ جۇمىسىن 2 - رەت تاسىمالداۋ، تەكسەرۋ 1 - گرۋپپاسىنىڭ قىزمەتكە جاۋاپتىسى حۋاڭ شينمين قاتارلى 16 جەكە 2019 - جىلعى 1 - مامىر مەملەكەتتىك ەڭبەك مەدالىنا يە بولدى. جۇڭگو عىلىم اكادەمياسى شينجياڭ فيزيكا - حيميا تەحنيكاسىن زەرتتەۋ ورنى ماتەريال فيزيكاسى جانە حيمياسى زەرتتەۋ كەڭسەسى، شينجياڭ ءوندىرىس - قۇرىلىس بيڭتۋانى 3 - شىسى ەلەكتر قۋاتى شەكتى جاۋاپكەرشىلىك سەرىكتەستىگى 48 - تۋان ەلەكترمەن قامداۋ بولىمشە سەرىكتەستىگىنىڭ ەلەكتر جولىن قورعاۋ گرۋپپاسى، مەملەكەتتىك سالىق باس مەكەمەسى الاتاۋ قالالىق سالىق مەكەمەسى سالىق تولەۋ بولىمشەسى (سالىق جۇمىستارىن بىتىرۋگە قىزمەت وتەۋ زالى) سياقتى 23 كوللەكتيۆ 2019 - جىلعى مەملەكەتتىك جۇمىسشى اۆانگاردتارى داڭق اتاعىنا يە بولدى.