ءتىلشى سۇي يۇنيان 4 - ايدىڭ 25 - كۇنى ۇرىمجىدەن حابارلايدى. 4 - ايدىڭ 16 - كۇنى ءۇرىمجى قالاسى تىڭفي عيماراتىنىڭ الدىنداعى جول تورابىندا 4 باعىتتاعى ”ەكراندى جۇرۋگە دايىندالۋ ورنى“ جولدا ىسكە قوسىلدى، اۆتوكولىكتەر LED ەكرانىنداعى جازۋلاردىڭ جول كورسەتۋىندە جۇرۋگە دايىندالاتىن ورىنعا كىرگەننەن كەيىن جاسىل شىراق جانادى. بۇل وسى جولدىڭ ۇزاق ۋاقىتتان بەرگى اۋىر كەپتەلىس جاعدايىن باسەڭدەتتى، ەسەپتەۋگە قاراعاندا، اۆتوكولىكتەردىڭ قاتىناۋ ونىمدىلىگى %34 جوعارىلاعان.
ۇعىسۋعا قاراعاندا، 4 - ايدىڭ 22 - كۇنىنە دەيىن، ءۇرىمجى قالاسىنداعى موتورلى كولىكتەردىڭ سانى ءبىر ميلليون 165 مىڭعا جەتكەن. موتورلى كولىكتەردىڭ قاۋىرت كوبەيۋىنە ساي، قالا جول تورابىنىڭ ۇيلەسىمسىز ورنالاستىرىلۋى، قاتىناس قۇرىلعىلارىنىڭ ەسكىرۋى، تاس جول بايلىعىمەن قامداۋدىڭ جەتكىلىكتى بولماۋى سياقتى ”قالا دەرتى“ ءۇرىمجى قالاسىنىڭ قاتىناس كەپتەلىسىن جونگە سالۋدى ءتىپتى دە قيىنداستىردى. ”ينتەرنەت داۋىرىنە قادام تاستاپ، ۇلكەن ساندى مالىمەتتەن پايدالانىپ قاتىناستى باسقارۋدى عىلميلاندىرۋ، ساپالىلاندىرۋ − قالانىڭ’قان تامىرىن‘ اشۋدىڭ قاجەتتى جولى“، - دەدى ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى قاتىناس ءبولىمىنىڭ باستىعى جاڭ جۇنۋي.
”ەكراندى جۇرۋگە دايىندالۋ ورنى“نىڭ ساپالىلاندىرىلىپ ورنالاستىرىلۋى − قاتىناس ساقشى تاراۋىنىڭ ۇلكەن ساندى مالىمەتتەن پايدالانىپ قاتىناستى باسقارۋدى ساپالىلاندىرۋىنىڭ جەتىستىگى. كەيىنگى ساتىدا قاتىناس ساقشى تاراۋلارى 20دان استام جول تورابىندا ”ەكراندى جۇرۋگە دايىندالۋ ورنى“ن ىركەس - تىركەس ىسكە قوسادى، ەگەر ءونىمى ويداعىداي بولسا، ءۇرىمجى قالاسىنىڭ ورتالىق رايونىنداعى قاتىناس تۇيىندەرىندە، جول توراپتارىندا جالپىلاستىرادى.
ۇعىسۋعا قاراعاندا، بىلتىردان بەرى ءۇرىمجى قالاسىنىڭ قاتىناس ساقشى تاراۋلارى ”زەردەلى قاتىناس“ قۇرۋعا كۇش سالىپ، ”ينتەرنەت + قاتىناس“تى تياناق ەتىپ، ۇلكەن ساندى مالىمەتتەن پايدالانىپ كەپتەلىستى باسەڭدەتىپ، ىركىلىسسىزدىكتى ساقتاۋ قىزمەتىن زەرتتەپ، ”جاسىل تولقىن جول بولىگى“، ”ۋاقيعا بولعان ورىنعا بارماي − اق زاڭ اتقارۋ“ ”شوعىرلى سايكەستىرۋ“ سياقتى شارالاردى العا قويىپ، قاتىناستى باسقارۋ ورەسىن جانە قابىلەتىن ۇزدىكسىز وسىرگەن.
جاڭ جۇنۋي بىلاي دەپ تانىستىردى: ءبىز سيگنال شىراقتارىن باسقارۋ ورەسىن اناعۇرلىم جوعارىلاتىپ، كولىك اعىنىن ءارقايسى جول بولىكتەرىنە تەپە - تەڭ ۇلەستىرۋدى زەرتتەۋدەمىز. قاتىناس ساقشى تارماق اترەتى كاسىپتىك توپ قۇرىپ، ينتەرنەت ساندى مالىمەت تۇعىرىنان پايدالانىپ، بۇكىل قالاداعى قاتىناس كەپتەلىس تۇيىندەرىنىڭ تارالۋ رايونىنا، ۋاقىتىنا ىشكەرىلەي تالداۋ جاساپ، ۇلكەن ساندى مالىمەتتى تىرەك ەتەتىن قاتىناس ساندى مالىمەتتەرىنە تۇجىرىم، تالداۋ جاساۋ جۇيەسىن جاساپ، زەردەلى قاتىناس ارقىلى باسقارۋدىڭ جاڭا ۇلگىسىن زەرتتەدى، ورناتتى.
ءتىلشى قاتىناس ساقشىسىمەن بىرگە ”جاسىل تولقىن جول بولىگى“ن سىناپ كوردى. نانحۋ شىعىس جولىنداعى تەلەگراف سەرىكتەستىگى جول تورابىنان ۋشيىڭ جول تورابىنا دەيىن، جولداعى قۇرىلىسىتىڭ ىقپالىنا ۇشىراعانىمەن، اۆتوكولىك جۇرگەن جولدىڭ بارىندە جاسىل شىراق جانىپ، ىركىلىسسىز قاتىنادى. قاتىناس ءبولىمىنىڭ حالىق ساقشىسى مان جىميڭ بىلاي دەپ تانىستىردى: وسى جول بولىگىنىڭ ۇزىندىعى 1.8 كيلومەتر، سيگنال شىراعى ورناتىلعان 6 جول تورابى بار، بۇرىن جايشىلىقتا اۆتوكولىكتەر وسى جول بولىگىنەن كەمىندە 620 سەكۋندتا وتەتىن، قازىر ”جاسىل تولىقىن جول بولىگى“ بار بولىپ، ۋاقىت 350 سەكۋندقا قىسقاردى.
قازىر ءۇرىمجى قالاسىندا 30 جولدا جاسىل تولقىن قاتىناسى ىسكە قوسىلدى، بۇل سان ۇزدىكسىز كوبەيەدى. سونىمەن قاتار، قالا رايونىندا 185 جول تورابىنداعى سيگنال اپپاراتى الىستان مەڭگەرىلەتىن بولدى، بيىل 90نان استام جول تورابىنداعى سيگنال اپپاراتى جاڭالانىپ، دەڭگەيى ءوسىرىلىپ، زەردەلىلەندىرىلەدى.
2019 - جىلى ءۇرىمجى قالاسىندا ءتۇيىندى قالا قۇرىلىسى ينجەنەريالارى قاباتتاسادى، مۇندا 17 جولدىڭ بويى كورىكتەندىرىلىپ وزگەرتىلەدى، 27 جەردەگى قاتىناس ءتۇيىنى ساپالىلاندىرىلىپ، دەڭگەيى وسىرىلەدى، 30 نەگىزگى جولدا ”باعانا سىمدارى جەرگە كومىلەدى“، 40 جول كەڭەيتىلەدى، ت. ب، بۇل قاتىناستى باسقارۋدا حاۋىپسىزدىكتى ساقتاۋعا، ىركىلىسسىزدىكتى ساقتاۋعا تىڭ سايىس جاريالادى.
ءۇرىمجى قالاسىنىڭ قاتىناس ساقشى تاراۋلارى مىنالاردى ءبىلدىردى: زەردەلى قاتىناس جۇيەسىن قۇرۋدى ۇزدىكسىز جەدەلدەتىپ، ”ينتەرنەت +“دان، ۇلكەن ساندى مالىمەتتەن، زات اينالىم تورى تەحنيكاسىنان ىشكەرىلەي جاپپاي پايدالانىپ، قاتىناستى عىلىم - تەحنيكا جاقتان باسقارۋ ونىمدىلىگىن ىشكەرىلەي ساۋلەلەندىرىپ، قىزمەتتى مۇقيات باسقاراتىن، ەكراندى زەردەلى ورنالاستىراتىن، حاۋىپتى جاعدايدى جەدەل ءبىر جاقتى ەتەتىن، شىراقتى زەردەلى باسقاراتىن، قاتىناسقا كوپ نەگىزدى جەتەكشىلىك ەتەتىن، سايكەستى تۇردە الدىن الا سيگنال بەرەتىن، تۇجىرىمدايتىن قاتىناسقا قولباسشىلىق ەتۋدىڭ، باسقارۋدىڭ جاڭا ۇلگىسىن ورناتىپ، قالا قاتىناسىن جونگە سالۋ قابىلەتىن تىڭ ورەگە كوتەرەمىز.
