”ءبىر بەلدەۋ، ءبىر جول“دى بىرگە قۇرۋدىڭ كوركەم بولاشاعىن بىرگە اشۋعا ۇندەدى، جۇڭگونىڭ ءبىرسىپىرا كەلەلى رەفورما، ەسىك اشۋ شارالارىن اتقاراتىندىعىن جاريالادى
4 - ايدىڭ 26 - كۇنى مەملەكەت ءتوراعاسى شي جينپيڭ بەيجيڭدە 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى «”ءبىر بەلدەۋ، ءبىر جول“دى بىرگە قۇرۋدىڭ كوركەم بولاشاعىن ءبىر نيەتپەن اشايىق» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
”ءبىر بەلدەۋ، ءبىر جول“دى بىرگە قۇرۋ دۇنيە جۇزىندەگى ءار ەلدىڭ دامۋىنا تىڭ وراي ازىرلەدى، جۇڭگونىڭ ەسىك اشۋىنا، دامۋىنا دا سونى ءورىس اشتى. بولاشاققا بەت العاندا، ءبىز بىرگە قۇرۋ، بىرگە اقىلداسۋ، بىرگە يگىلىكتەنۋ پرينسيبىن ۇستانىپ، اشىق، جاسىل، كىرشىكسىز بولۋ ۇستانىمىندا تاباندى بولامىز، جوعارى ولشەمدى بولۋ، حالىق تۇرمىسىنا ءتيىمدى بولۋ، باياندى بولۋ نىساناسىن ىسكە اسىرۋعا قۇلشىنامىز، ”ءبىر بەلدەۋ، ءبىر جول“دى بىرگە قۇرۋدىڭ جوعارى ساپالى دامۋ بەتالىسىمەن ۇزدىكسىز العا باسۋىن ىلگەرىلەتەمىز.
جۇڭگو ءبىرسىپىرا كەلەلى رەفورما، ەسىك اشۋ شارالارىن اتقارىپ، اناعۇرلىم جوعارى دەڭگەيدە سىرتقا ەسىك اشۋدى جەبەيدى. ءبىز اناعۇرلىم كەڭ سالادا شەتەل قارجىسىنىڭ بازارعا ەنۋىنە رۇقسات ەتۋ كولەمىن كەڭەيتەمىز، ءبىلىم مەنشىك ۇقىعىن قورعاۋ اياسىنداعى حالىقارالىق سەلبەستىكتى اناعۇرلىم پارمەندى تۇردە كۇشەيتەمىز، تاۋار جانە قىزمەت وتەۋ يمپورتىن اناعۇرلىم كەڭ كولەمدە ارتتىرامىز، حالىقارالىق ماكرولىق ەكونوميكا ساياساتتارىن سايكەستىرۋدى اناعۇرلىم ءونىمدى اتقارامىز، سىرتقا ەسىك اشۋ ساياساتىن دايەكتىلەندىرۋگە، تياناقتاندىرۋعا اناعۇرلىم ءمان بەرەمىز.
شينحۋا اگەنتتىگىنىڭ 4 - ايدىڭ 26 - كۇنى بەيجيڭنەن بەرگەن حابارى (تىلشىلەر لي جۇڭفا، يۇي جياشين، ني يۋانجين). مەملەكەت ءتوراعاسى شي جينپيڭ 4 - ايدىڭ 26 - كۇنى بەيجيڭ مەملەكەتتىك ءماجىلىس ورتالىعىندا 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى «”ءبىر بەلدەۋ، ءبىر جول“دى بىرگە قۇرۋدىڭ كوركەم بولاشاعىن ءبىر نيەتپەن اشايىق» دەگەن تاقىرىپتا ارقاۋ ءسوز سويلەپ، مىنالاردى باسا دارىپتەدى: ”ءبىر بەلدەۋ، ءبىر جول“دى بىرگە قۇرۋ دۇنيە جۇزىندەگى ءار ەلدىڭ دامۋىنا تىڭ وراي ازىرلەدى، جۇڭگونىڭ ەسىك اشۋىنا، دامۋىنا دا سونى ءورىس اشتى. بولاشاققا بەت العاندا، ءبىز بىرگە قۇرۋ، بىرگە اقىلداسۋ، بىرگە يگىلىكتەنۋ پرينسيبىن ۇستانىپ، اشىق، جاسىل، كىرشىكسىز بولۋ ۇستانىمىندا تاباندى بولامىز، جوعارى ولشەمدى بولۋ، حالىق تۇرمىسىنا ءتيىمدى بولۋ، باياندى بولۋ نىساناسىن ىسكە اسىرۋعا قۇلشىنامىز، ”ءبىر بەلدەۋ، ءبىر جول“دى بىرگە قۇرۋدىڭ جوعارى ساپالى دامۋ بەتالىسىمەن ۇزدىكسىز العا باسۋىن ىلگەرىلەتەمىز.
شي جينپيڭ مىنانى جاريالادى: جۇڭگو ءبىرسىپىرا كەلەلى رەفورما، ەسىك اشۋ شارالارىن اتقارىپ، اناعۇرلىم جوعارى دەڭگەيدە سىرتقا ەسىك اشۋدى جەبەيدى. ءبىز اناعۇرلىم كەڭ سالادا شەتەل قارجىسىنىڭ بازارعا ەنۋىنە رۇقسات ەتۋ كولەمىن كەڭەيتەمىز، ءبىلىم مەنشىك ۇقىعىن قورعاۋ اياسىنداعى حالىقارالىق سەلبەستىكتى اناعۇرلىم پارمەندى تۇردە كۇشەيتەمىز، تاۋار جانە قىزمەت وتەۋ يمپورتىن اناعۇرلىم كەڭ كولەمدە ارتتىرامىز، حالىقارالىق ماكرولىق ەكونوميكا ساياساتتارىن سايكەستىرۋدى اناعۇرلىم ءونىمدى اتقارامىز؛ سىرتقا ەسىك اشۋ ساياساتىن دايەكتىلەندىرۋگە، تياناقتاندىرۋعا اناعۇرلىم ءمان بەرەمىز.
مەملەكەتتىك كەڭەستىڭ ورىنباسار زۇڭليى حان جىڭ اشىلۋ سالتىن باسقاردى.
تۇستەن بۇرىن ساعات 9دان 35 مينۋت مولشەرىندە، شي جينپيڭ جانە اشىلۋ سالتىنا قاتىناساتىن شەتەل جاقتىڭ باسشىلارى ءماجىلىس زالىنا بىرگە كىردى. زالداعىلار تۇگەل ورىندارىنان تۇرىپ، قىزۋ قارسى الدى. حان جىڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلعاندىعىن جاريالادى.
دۋ قول شاپالاق ءۇنى ىشىندە، شي جينپيڭ ءتوراعا مىنبەسىنە شىعىپ، ارقاۋ ءسوز سويلەدى. شي جينپيڭ مىنالاردى اتاپ كورسەتتى: 2 جىلدىڭ الدىندا، ءبىز وسى ارادا تۇڭعىش كەزەكتى جوعارى دارەجەلىلەر تالقى مىنبەرىن وتكىزىپ، ساياساتتاردى بايلانىستىرۋدىڭ، قۇرىلعىلاردى ۇلاستىرۋدىڭ، ساۋدانى ىركىلىسسىزدەندىرۋدىڭ، قارجىنى اينالىمعا سالۋدىڭ، حالىق تىلەگىن توعىستىرۋدىڭ سەلبەستىك جوباسىن جاساعان ەدىك. بۇگىن دۇنيە ءجۇزىنىڭ جەر - جەرىنەن كەلگەن دوستار تاعى دا باس قوسىپ وتىر. مەن كوپشىلىكپەن بىرگە ”ءبىر بەلدەۋ، ءبىر جول“دى بىرگە قۇرۋدىڭ كوركەم بولاشاعىن بىرگە اشۋدى كۇتۋدەمىن.
شي جينپيڭ مىنالاردى باسا دارىپتەدى: ”ءبىر بەلدەۋ، ءبىر جول“دى بىرگە قۇرۋ باستاماسىنىڭ ماقساتى − نازاردى ۇلاستىرۋ - تۇتاستىرۋعا شوعىرلاندىرىپ، ناقتى سەلبەستىكتى تەرەڭدەتىپ، ادامزات ءدوپ كەلگەن حاۋىپ - قاتەرلەر مەن سىن - سايىستارعا قول ۇستاسا توتەپ بەرىپ، ءوزارا تيىمدىلىك جاساپ، تەڭ يگىلىككە كەنەلۋدى، بىرگە دامۋدى جۇزەگە اسىرۋ. ءار جاقتىڭ ورتاق قۇلشىنۋىندا، تۇڭعىش كەزەكتى جوعارى دارەجەلىلەر تالقى مىنبەرىنىڭ ءتۇرلى جەتىستىكتەرى ءساتتى تياناقتانىپ، 150 نەشە مەملەكەت پەن حالىقارالىق ۇيىم جۇڭگومەن ”ءبىر بەلدەۋ، ءبىر جول“دى بىرگە قۇرۋ سەلبەستىك كەلىسىمىنە قول قويدى. ازيا، ەۆروپا قۇرلىعىنان افريكا قۇرلىعىنا، امەريكا قۇرلىعىنا، وكەانياعا دەيىن، ”ءبىر بەلدەۋ، ءبىر جول“دى بىرگە قۇرۋ دۇنيە ءجۇزى ەكونوميكاسىنىڭ ارتۋىنا جاڭا ءورىس اشىپ، حالىقارالىق ساۋداعا جانە قارجى قوسۋعا جاڭا تۇعىر ازىرلەپ، عالامدىق ەكونوميكانى جونگە سالۋدى كەمەلدەندىرۋ ءۇشىن جاڭا امالياتتىق ءورىس اشىپ، ءار ەل حالقىنىڭ ىرىس - قۇتىن ارتتىرۋعا تىڭ ۇلەس قوسىپ، ورتاق وراي جولىنا، كوركەيۋ جولىنا اينالدى.
شي جينپيڭ مىنالاردى اتاپ كورسەتتى: ”ءبىر بەلدەۋ، ءبىر جول“دى بىرگە قۇرۋ ەكونوميكانىڭ جاھاندانۋ تاريحي اعىمىنا ۇيلەستى، عالامدىق جونگە سالۋ جۇيەسى وزگەرىسىنىڭ داۋىرلىك تالابىنا ۇيلەستى، ءار ەل حالقىنىڭ اناعۇرلىم تاماشا تۇرمىسقا كەنەلۋ كۇشتى تىلەگىنە ۇيلەستى. بولاشاققا بەت العاندا، ءبىز نازاردى ماڭىزدى تۇيىنگە شوعىرلاندىرىپ، ىشكەرىلەي، شوگەلدىكپەن ىستەپ، تاڭداۋلى، بايىپتى، ەگجەي - تەگجەيلى ”شىنايى كەسكىندەمە“نى بىرگە كەسكىندەپ، ”ءبىر بەلدەۋ، ءبىر جول“دى بىرگە قۇرۋدىڭ جوعارى ساپالى دامۋ بەتالىسىمەن ۇزدىكسىز العا باسۋىن ىلگەرىلەتەمىز. ءبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، كوپ جاقتىلىقتى دارىپتەپ، ەكى جاقتى، ءۇش جاقتى، كوپ جاقتى سەلبەستىك سياقتى ءار الۋان فورمالار ارقىلى قۇم قيىرشىقتان مۇنارا تۇرعىزىپ، تامشىدان تەلەگەي تەڭىز قۇرايمىز. ءبىز اشىق، جاسىل، كىرشىكسىز بولۋ تانىمىندا تاباندى بولىپ، توماعا تۇيىقتالىپ باسقالاردى قاقپايلايتىن تار شەڭبەرمەن شەكتەلمەي، جاسىل نەگىزدىك قۇرىلعى قۇرىلىسىن، جاسىل قارجى قوسۋدى، جاسىل فينانستى ىلگەرىلەتىپ، بارلىق سەلبەستىكتەردى اشىق جاريا جۇرگىزۋگە تاباندى بولامىز، ءارقايسى جاقپەن بىرگە ستيلى پاك، سالتى دۇرىس جىبەك جولىن بىرگە قۇرۋدى قالايمىز. ءبىز جوعارى ولشەمدى، حالىق تۇرمىسىنا ءتيىمدى، باياندى بولۋ نىساناسىن ىسكە اسىرۋعا كۇش سالىپ، ءارقايسى جاق جاپپاي قولدايتىن قاعيدا - ولشەمدەردى ەنگىزىپ، ءار ەلدىڭ زاڭدارىنا، زاڭ ەرەجەلەرىنە قۇرمەت ەتىپ، حالىقتى وزەك ەتكەن دامۋ يدەياسىندا تاباندى بولىپ، نازاردى كەدەيلىكتى جويۋعا، جۇمىستانۋدى ارتتىرۋعا، حالىق تۇرمىسىن جاقسارتۋعا شوعىرلاندىرىپ، ”ءبىر بەلدەۋ، ءبىر جول“دى بىرگە قۇرۋ جەتىستىكتەرىنەن بارشا حالىقتى اناعۇرلىم جاقسى يگىلىكتەندىرەمىز، سونىمەن بىرگە ساۋدا جانە قازىنا جاعىنداعى باياندىلىققا شىنايى كەپىلدىك ەتەمىز.
شي جينپيڭ مىنالاردى باسا دارىپتەدى: ”ءبىر بەلدەۋ ءبىر جول“دى بىرگە قۇرۋدىڭ تەتىگى − ۇلاستىرۋ، تۇتاستىرۋ. ءبىز دۇنيە جۇزىلىك ۇلاستىرۋ - تۇتاستىرۋدىڭ سەرىكتەستىك قارىم - قاتىناسىن ورناتىپ، بىرگە دامۋدى، گۇلدەنۋدى جۇزەگە اسىرۋعا ءتيىسپىز. جۇڭگو ءارقايسى جاقپەن بىرگە ۇزدىكسىز قۇلشىنىپ، جاڭا ازيا - ەۆروپا قۇرلىق كوپىرى سياقتى ەكونوميكالىق ءدالىزدى جەتەكشى، جۇڭگو - ەۆروپا كەزەكشى پويەزى، قۇرلىق - تەڭىز جاڭا ارناسى سياقتى ءىرى ارنالار مەن ينفورماتسيانىڭ جوعارى قارقىندى جولىن ارقاۋ، تەمىر جول، پورت، قۇبىر جەلىسى سياقتىلاردى تىرەك ەتكەن ۇلاستىرۋ - تۇتاستىرۋ تورىن ورناتادى. ءبىز كوپ جاقتىڭ جانە ءار ەلدىڭ فينانس قۇرىلىمدارىنىڭ ”ءبىر بەلدەۋ ءبىر جول“دى بىرگە قۇرۋ اياسىنداعى قارجى قوسۋعا، قارجى قۇراۋعا ات سالىسىپ، كوپ جاقتىڭ قاتىناسۋى ارقىلى پايداعا بىرگە كەنەلۋ نىساناسىن جۇزەگە اسىرۋىن قارسى الامىز. ءبىز ساۋدا مەن قارجى قوسۋدىڭ ەركىن، قولايلى بولۋىن جەبەپ، قورعامپازدىققا ايقىن تۋ ۇستاي وتىرىپ قارسى تۇرىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەڭگەرىمدى، بىرگە يگىلىكتەنەتىن بەتالىسقا قاراي دامۋىن جەبەيمىز. جۇڭگو بيىل 2 - كەزەكتى جۇڭگو حالىقارالىق يمپورت كورمەسىن وتكىزىپ،ءار جاقتىڭ جۇڭگو بازارىنا كىرۋىنە اناعۇرلىم كەڭ تۇعىر ازىرلەيدى. ءبىز ءتورتىنشى رەتكى ونەركاسىپ توڭكەرىسىنىڭ دامۋ اۋقىمىنا ۇيلەسىپ، ارتۋدىڭ جاڭا قوزعاۋشى كۇشىن جانە جاڭا دامۋ جولىن قاراستىرىپ، سيفرلى جىبەك جولىن، جاسامپاز جىبەك جولىن قۇرىپ، ”ءبىر بەلدەۋ، ءبىر جول“دى بىرگە قۇرۋ اياسىنداعى عىلىم - تەحنيكالىق جاڭالىق اشۋ ارەكەت جوسپارىن ۇزدىكسىز اتقارامىز. ءبىز حالىقارالىق دامۋ سەلبەستىگىن كۇشەيتۋگە كۇش سالىپ، وركەندەپ كەلە جاتقان ەلدەر ءۇشىن اناعۇرلىم كوپ دامۋ ورايى مەن كەڭىستىگىن ازىرلەپ، ولاردىڭ كەدەيلىكتەن ارىلۋىنا، باياندى دامۋدى جۇزەگە اسىرۋىنا كومەكتەسەمىز. ءبىز بەلسەندى تۇردە تۇرلىشە وركەنيەتتەردىڭ ءوزارا ۇيرەنۋ، ءوزارا ۇلگى الۋ كوپىرىن سالىپ، ءتۇرلى سالاداعى گۋمانيتارلىق سەلبەستىكتى ىشكەرىلەي ورىستەتىپ، كوپ نەگىزدى، ءوزارا ىقپالداس گۋمانيتارلىق اۋىس - ءتۇيىس جاعدايىن قالىپتاستىرامىز.
شي جينپيڭ بىلاي دەپ باسا دارىپتەدى: بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى. 70 جىلدىق جاپالى كۇرەس بارىسىندا، جۇڭگو حالقى ءوز ەلىنىڭ مەملەكەت جاعدايىن تياناق ەتىپ، اماليات بارىسىندا العا باسۋ بەتالىسى جونىندە ۇزدىكسىز ىزدەنىس جاساپ، جۇڭگوشا سوتسياليزم جولىن اشتى. جاڭا تاريحي باستامادا ءبىز جۇڭگوشا سوتسياليزم جولىن بويلاي ارشىندى قاداممەن ۇزدىكسىز العا باسىپ، رەفورمانى جاپپاي تەرەڭدەتۋگە تاباندى بولىپ، جوعارى ساپالى دامۋعا تاباندى بولىپ، سىرتقا ەسىك اشۋدى كەڭەيتۋگە تاباندى بولىپ، بەيبىت دامۋ جولىمەن جۇرۋگە تاباندى بولىپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتتىك.
شي جينپيڭ مىنانى جاريالادى: جۇڭگو ءبىر قىدىرۋ كەلەلى رەفورما، ەسىك اشۋ شارالارىن اتقارىپ، تۇزىمدىك، قۇرىلىمدىق ورنالاستىرۋدى كۇشەيتىپ، اناعۇرلىم جوعارى دەڭگەيدەگى سىرتقا ەسىك اشۋدى جەبەيدى.
ءبىرىنشى، اناعۇرلىم كەڭ سالادا شەتەل قارجىسىنىڭ بازارعا كىرۋىنە رۇقسات ەتۋ كەڭەيتىلەدى. جۇڭگو رۇقسات ەتۋدەن بۇرىن ازاماتتىق مامىلەگە ۇنامسىز ءتىزىمدى قوسۋ ارقىلى باسقارۋ ۇلگىسىن اتقارىپ، ۇنامسىز ءتىزىمدى ۇزدىكسىز بارىنشا ازايتىپ، وسى زامانعى قىزمەت وتەۋ كاسىبىنىڭ، جاساۋ كاسىبىنىڭ، اۋىل شارۋاشىلىعىنىڭ سىرتقا جان - جاقتى ەسىك اشۋىن ىلگەرىلەتەدى، سونداي - اق اناعۇرلىم كوپ سالادا شەتەل قارجىسىنىڭ جارنا مەڭگەرۋىنە نەمەسە دەربەس قارجى قوسىپ تيجارات جۇرگىزۋىنە جول قويادى. ءبىز ەركىن ساۋدا سىناق رايوندارىنىڭ ءبىر توبىن تىڭنان ورنالاستىرىپ، ەركىن ساۋدا پورتتارىن قۇرۋ جونىندە ىزدەنىس جاساۋدى تەزدەتەمىز. ءبىز سايكەستى زاڭ ەرەجەلەر جاساۋدى جەدەلدەتىپ، «شەتەل ساۋداگەرلەرى قارجى قوسۋ زاڭىنىڭ» قاتاڭ اتقارىلۋىنا كەپىلدىك ەتەمىز. ءبىز ءادىل باسەكە، اشىق سەلبەستىك ارقىلى ەل ىشىندە قامداۋ جاعىنداعى قۇرىلىمدىق رەفورمانى ىلگەرىلەتىپ، مەشەۋ جانە اسىپ قالعان ءوندىرىس قۋاتىن ءونىمدى تۇردە قاتاردان قالدىرىپ، قامداۋ جۇيەسىنىڭ ساپاسى مەن ونىمدىلىگىن جوعارىلاتامىز.
ەكىنشى، ءبىلىم مەنشىك ۇقىعىن قورعاۋ جاعىنداعى حالىقارالىق سەلبەستىك اناعۇرلىم زور تەبىنمەن كۇشەيتىلەدى. جۇڭگو ءبىلىم قۇنىنا قۇرمەت ەتەتىن تيجارات - ساۋدا ورتاسىن كۇش سالا جاراتىپ، ءبىلىم مەنشىك ۇقىعىن قورعاۋ زاڭ جۇيەسىن جاپپاي كەمەلدەندىرىپ، زاڭ اتقارۋدى بار كۇشپەن نىعايتىپ، شەتەلدىڭ ءبىلىم مەنشىك ۇقىعىنا يە ادامدارىنىڭ زاڭدى ۇقىق - مۇددەسىن قورعاۋدى كۇشەيتىپ، كۇشپەن تەحنيكا وتكەرمەلەۋدى تەجەپ، ساۋدا قۇپيالىعىن قورعاۋدى كەمەلدەندىرىپ، ءبىلىم مەنشىك ۇقىعىنا قول سۇعۋ ارەكەتىنە زاڭ بويىنشا قاتاڭ سوققى بەرەدى. جۇڭگو دۇنيە جۇزىندەگى ءار ەلمەن بىرگە ءبىلىم مەنشىك ۇقىعىن قورعاۋ سەلبەستىگىن كۇشەيتىپ، تاماشا جاڭالىق اشۋ ەكولوگيالىق ورتاسىن قالىپتاستىرىپ، ءار ەلمەن بىرگە بازارلاندىرۋ، زاڭمەن جونگە سالۋ پرينسيبى نەگىزىندە تەحنيكالىق اۋىس - ءتۇيىس سەلبەستىگىن ورىستەتۋدى ىلگەرىلەتۋدى قالايدى.
ءۇشىنشى، تاۋار جانە قىزمەت وتەۋ يمپورتى اناعۇرلىم زور كولەمدە ارتتىرىلادى. ءبىز كەدەن باجىسى دەڭگەيىن اناعۇرلىم تومەندەتىپ، كەدەن باجىسىنا جاتپايتىن ءتۇرلى قامالداردى جويىپ، دۇنيە جۇزىندەگى ءارقايسى ەلدەردەن كەلگەن جوعارى ساپالى ونىمدەردى قارسى الامىز. ءبىز شەتەلدىڭ باسەكەلىك قۋاتى بار اناعۇرلىم كوپ ساپالى اۋىل شارۋاشىلىق ونىمدەرىن، جاساۋلى ونىمدەرىن جانە قىزمەت وتەۋىن يمپورت ەتىپ، ساۋدانىڭ بىركەلكى دامۋىن جەبەۋدى قالايمىز.
ءتورتىنشى، حالىقارالىق ماكرولىق ەكونوميكا ساياساتىن اتقارۋ اناعۇرلىم ءونىمدى سايكەستىرىلەدى. جۇڭگو دۇنيە جۇزىندەگى ءارقايسى باستى ەكونوميكالىق تۇلعالارمەن ماكرولىق ساياساتتى سايكەستىرۋدى كۇشەيتىپ، دۇنيە ءجۇزى ەكونوميكاسىنىڭ پارمەندى، باياندى، بىركەلكى، سيىسىمدى ارتۋىن بىرگە جەبەيدى. جۇڭگو كورشى ەلدەرگە زيان سالاتىن اقشا سىندىرىلىمىنىڭ قۇنسىزدانۋىن تۋدىرمايدى، حالىق اقشاسى سىندىرىلىمىنىڭ قالىپتاسۋ مەحانيزمىن ۇزدىكسىز كەمەلدەندىرىپ، بازاردىڭ بايلىقتى جايعاستىرۋدا شەشۋشى رول اتقارۋىنا مۇمكىندىك جاراتىپ، حالىق اقشاسى سىندىرىلىمىنىڭ ۇيلەسىمدى، تەپە - تەڭ دەڭگەيدەگى نەگىزگى ورنىقتىلىعىن ساقتايدى. جۇڭگو الەمدىك ساۋدا ۇيىمىن رەفورمالاۋدى بەلسەنە قولداپ جانە وعان ات سالىسىپ، اناعۇرلىم جوعارى دەڭگەيدەگى حالىقارالىق ەكونوميكا - ساۋدا ەرەجەسىن ورتاق قالىپتاستىرادى.
بەسىنشى، سىرتقا ەسىك اشۋ ساياساتىنىڭ دايەكتىلەنۋىنە، تياناقتانۋىنا اناعۇرلىم ءمان بەرىلەدى. ءبىز ءار ەلمەن جاساسقان كوپ جاقتى جانە ەكى جاقتى ەكونوميكا - ساۋدا كەلىسىمىن اتقارۋعا وسكەلەڭ ءمان بەرىپ، زاڭمەن جونگە سالىناتىن ۇكىمەت، سەنىمدى ۇكىمەت قۇرىلىسىن كۇشەيتىپ، تەجەمەلى حالىقارالىق كەلىسىم اتقارۋ مەحانيزمىن ورناتىپ، ەسىك اشۋدى كەڭەيتۋدىڭ قاجەتىنە ساي زاڭدارعا، زاڭ ەرەجەلەرگە وزگەرىس ەنگىزىپ جانە ونى كەمەلدەندىرىپ، اكىمشىلىك رۇقسات بەرۋ، بازاردى باقىلاۋ - باسقارۋ قاتارلى جاقتاردا ءار دارەجەلى ۇكىمەتتەردىڭ ارەكەتىن ارناعا ءتۇسىرىپ، ءادىل باسەكەگە كەدەرگى بولاتىن، بازاردى بۇرمالايتىن ۇيلەسىمسىز بەلگىلەمەلەردى، قوسىمشا قاراجاتتى جانە ادىستەردى اداقتاپ، كۇشىنەن قالدىرىپ، بارلىق كاسىپورىندار مەن تيجاراتشىلارعا ءادىل مامىلە جاساپ، بازارلانعان، زاڭمەن جونگە سالىناتىن، قولايلى تيجارات - ساۋدا ورتاسىن كەمەلدەندىرەمىز.
شي جينپيڭ مىنالاردى باسا دارىپتەدى: جۇڭگونىڭ ەسىك اشۋدى كەڭەيتۋ شاراسى جۇڭگونىڭ رەفورما، دامۋ وبيەكتيۆ قاجەتىنە ساي جاساعان دەربەس تالعامى، بۇل ەكونوميكانىڭ جوعارى ساپالى دامۋىن ىلگەرىلەتۋگە پايدالى، حالىقتىڭ تاماشا تۇرمىسقا تالپىنىسىن قاناعاتتاندىرۋعا پايدالى، دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا پايدالى. ءبىز دە دۇنيە جۇزىندەگى ءارقايسى ەلدەردىڭ تاماشا قارجى قوسۋ ورتاسىن جاراتىپ، جۇڭگو كاسىپورىندارىنا، شەتەلدە وقىپ جاتقان وقۋشىلارعا جانە وقىمىستىلارعا تەڭ مامىلە جاساپ، ولاردىڭ حالىقارالىق اۋىس - ءتۇيىس، سەلبەستىك قيمىلدارىن قالىپتى ورىستەتۋىنە ءادىل، سيلاسىمدى ورتا ازىرلەۋىن ءۇمىت ەتەمىز. ءبىز اناعۇرلىم ەسىك اشقان جۇڭگونىڭ دۇنيە جۇزىمەن اناعۇرلىم ءتيىمدى ىقپالداستىق قالىپتاستىرىپ، اناعۇرلىم العا باسقان جانە گۇلدەنگەن جۇڭگو مەن دۇنيە ءجۇزىن قۇراتىندىعىنا كامىل سەنەمىز. قول ۇستاسىپ، سەلبەستىكتىڭ تۇقىمىن بىرگە ءسىڭىرىپ، دامۋدىڭ جەمىسىنەن بىرگە يگىلىكتەنىپ، ءار ەل حالقىن ونان ارى باقىتقا كەنەلتىپ، دۇنيە ءجۇزىنىڭ ءتىپتى دە كوركەم بولۋىنا مۇمكىندىك جاسايىق!
رەسەيدىڭ زۇڭتۇڭى پۋتين، قازاقستاننىڭ تۇڭعىش زۇڭتۇڭى نازاربايەۆ، ەگيپەتتىڭ زۇڭتۇڭى سەيسي، چيليدىڭ زۇڭتۇڭى پينەللا، مالايزيانىڭ زۇڭليى ماحاتير، پاكيستاننىڭ زۇڭليى يمران حان، بىرلەسكەن مەملەكەتتەر ۇيىمىنىڭ باس حاتشىسى گۋتەررەس تە اشىلۋ سالتىندا ءسوز سويلەدى. ولار جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى، جۇڭگونىڭ رەفورمادا، دامۋدا قول جەتكىزگەن زور تابىستارىن بارىنشا القادى، جۇڭگو جاقتىڭ ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن تاعى دا وتكىزگەندىگىنە العىس ايتتى. ولار مىنالاردى ءبىلدىردى: ”ءبىر بەلدەۋ، ءبىر جول“دى بىرگە قۇرۋ باستاماسى ءار ەلدىڭ جۇڭگومەن سەرىكتەستىك سەلبەستىگىن تەرەڭدەتۋىنە، وڭىرلىك جانە الەمدىك ەكونوميكانىڭ ءبىر تۇلعالانۋىن تەرەڭدەتۋىنە كۇش ۇستەدى. ءتوراعا شي جينپيڭ وسى باستامانى العا قويعان 5 جىلدان استام ۋاقىتتان بەرى، ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ العاشقى مەزگىلدەگى تابىسى جەلى بويىنداعى وڭىرلەردىڭ ۇلاسۋىن، تۇتاسۋىن جەبەدى، ءار ەل حالقىنىڭ ءوزارا ءتۇسىنىسۋى مەن دوستىعىن كۇشەيتتى، دۇنيە ءجۇزى ەكونوميكاسىنىڭ ارتۋى مەن گۇلدەنۋىن ىلگەرىلەتتى، بۇل بۇكىل الەمنىڭ كەدەيلىكتى جويۋدا، دامۋدىڭ بىركەلكىسىزدىگىن باسەڭدەتۋدە كەلەلى ءمان الادى. ”ءبىر بەلدەۋ، ءبىر جول“ ورنىقتىلىق، دامۋ، گۇلدەنۋ جولىنا اينالدى. ولار ءتوراعا شي جينپيڭ الگىندە عانا جاريالاعان جۇڭگونىڭ اناعۇرلىم رەفورما جاساۋ، ەسىك اشۋ جونىندەگى كەلەلى شارالارىن جوعارى باعالاپ، مىنالاردى ءبىلدىردى: دۇنيە ءجۇزى قورعامپازدىق سىن - سايىسىنا ءدوپ كەلگەن ساتتە، جۇڭگونىڭ رەفورمانى جاپپاي تەرەڭدەتۋگە، ەسىك اشۋدى ونان ارى كەڭەيتۋگە تاباندى بولۋى ءوز ەكونوميكاسىنىڭ ارتۋىنا بولعان بەرىك سەنىمىن جانە دۇنيە جۇزىنە جاۋاپتى بولعان ءىرى ەلدىك وبرازىن ايگىلەدى، بۇل ءار ەلدىڭ دامۋىنا ءتىپتى دە زور وراي اكەلەدى. ءار جاق ”ءبىر بەلدەۋ، ءبىر جول“دى بىرگە قۇرۋعا ۇزدىكسىز بەلسەنە قولداۋ كورسەتۋگە جانە وعان ات سالىسۋعا پەيىل ەكەندىگىن ءبىلدىرىپ، دامۋ ستراتەگياسىن ءتۇيىستىرۋدى كۇشەيتىپ، ءار سالاداعى ناقتى ىستەر سەلبەستىگىن تەرەڭدەتىپ، اشىق الەمدىك ەكونوميكانى قۇرۋعا بىرگە كۇش سالىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى ءۇمىت ەتتى.
ديڭ شۋەشياڭ، ياڭ جيەچى، حۋ چۇنحۋا، حۋاڭ كۇنميڭ، ساي چي، ۋاڭ ي، شياۋ جيە، جاۋ كىجى، حى ليفىڭ قاتارلىلار اشىلۋ سالتىنا قاتىناستى.
”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى ”ءبىر بەلدەۋ، ءبىر جول“ جۇلگەسىندەگى ەڭ جوعارى مارتەبەدەگى حالىقارالىق سەلبەستىك تۇعىرى. وسى كەزەكتى جوعارى دارەجەلىلەر تالقى مىنبەرىنىڭ باس تاقىرىبى: «”ءبىر بەلدەۋ، ءبىر جول“دى بىرگە قۇرىپ، كوركەم بولاشاق اشۋ»، مۇندا اشىلۋ سالتى، دوڭگەلەك ۇستەل باسشىلار ءماجىلىسى، جوعارى دارەجەلىلەر ءماجىلىسى، ارناۋلى تاقىرىپتاعى بولىمشە تالقى مىنبەرى، كاسىپكەرلەر جينالىسى قاتارلى جەلىلەس قيمىلدار وتكىزىلەدى. 150 نەشە مەملەكەتتەن جانە 90 نەشە حالىقارالىق ۇيىمنان كەلگەن 5000عا جۋىق شەتەلدىك قوناق وسى كەزەكتى جوعارى دارەجەلىلەر تالقى مىنبەرىنە قاتىناستى.
