سۇڭ داحان باسقاردى ءارى قۋزاۋ - جەتەكشىلىك ەتۋ جاعدايىن حابارلاندىردى، چىن چۋانگو پوزيتسيا ءبىلدىرىپ ءسوز سويلەدى
ۋاڭ جاۋشيڭ، شوكىرات زاكىر قاتىناستى
ءتىلشى ياۋ تۇڭ 4 - ايدىڭ 29 - كۇنى ۇرىمجىدەن حابارلايدى. 4 - ايدىڭ 29 - كۇنى تۇستەن بۇرىن، ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 21 - قۋزاۋ - جەتەكشىلىك ەتۋ گرۋپپاسىنىڭ اۆتونوميالى رايوندىق پارتكوممەن ءبىرىنشى رەتكى قىزمەتتەردى ءتۇيىلىستىرۋ ءماجىلىسى ۇرىمجىدە اشىلدى. قۋزاۋ - جەتەكشىلىك ەتۋ گرۋپپاسىنىڭ باستىعى سۇڭ داحان ءماجىلىستى باسقاردى ءارى الدىڭعى كەزەڭدەگى قۋزاۋ - جەتەكشىلىك ەتۋ جاعدايىن حابارلاندىردى. اۆتونوميالى رايوندىق پارتكومنىڭ شۋجيى چىن چۋانگو پوزيتسيا ءبىلدىرىپ ءسوز سويلەدى.
ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 21 - قۋزاۋ - جەتەكشىلىك ەتۋ گرۋپپاسىنىڭ ورىنباسار باستىعى ۋاڭ جاۋشيڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى.
سۇڭ داحان نەگىزگى ساتىعا بارىپ قۋزاۋ - جەتەكشىلىك ەتۋدىڭ ءىس جۇزىندىك جاعدايىمەن ۇشتاستىرىپ، اۆتونوميالى رايوننىڭ ساياسي دەڭگەي، زاڭ بويىنشا قاتاڭ جازالاۋ، ۋنيۆەرسال جونگە سالۋ، تەرەڭدەي ارشىپ تۇبەگەيلى تەكسەرۋ، نەگىزگى ساتى ۇيىمدىق قۇرىلىسى، ۇيىمدىق باسشىلىق قاتارلى 6 جاقتا، سونداي - اق بيڭتۋانمەن سايكەسە بىرگە ارەكەتتەنۋ جاقتارىندا ورىن تەۋىپ وتىرعان ماسەلەلەردى اتاپ كورسەتتى، سونىمەن بىرگە رەتتەۋ - تۇزەتۋ تالاپتارىن ورتاعا قويدى. ول بىلاي دەپ اتاپ كورسەتتى: اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىلدىقپەن دايەكتىلەندىرىپ، تياناقتاندىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ورىستەتۋدى شينجياڭنىڭ ورنىقتىلىعى مەن دامۋ جالپى جاعدايىنا ساياتىن ماڭىزدى ساياسي مىندەت، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى قۇرامداس بولىگى رەتىندە قاراپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىمەن تىعىز ۇشتاستىرىپ، ارناۋلى كۇرەستىڭ دۇرىس ساياسي بەتالىسىن مىقتاپ يگەرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىندە كەلەلى جەتىستىكتەرگە قول جەتكىزدى. اۆتونوميالى رايوننىڭ جەر - جەرى، تاراۋلارى باس شۋجي شي جينپيڭنىڭ شينجياڭ قىزمەتى جانە قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ورىستەتۋ جونىندەگى ماڭىزدى نۇسقاۋلارىمەن وي - سانانى قارۋلاندىرىپ، ساياسي دەڭگەيدى جوعارىلاتىپ، ارەكەت سانالىلىعىن كۇشەيتىپ، رايون جاعدايىنىڭ ءىس جۇزىندىگىمەن ۇشتاستىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ كەلەلى ءمانى جونىندەگى تانىمدى ۇزدىكسىز تەرەڭدەتىپ، ”ورنىقتىلىق“سىندى كەلەلى جاعدايدى تياناق ەتىپ، ارناۋلى كۇرەستى تۇرتكى كۇش ەتىپ، شينجياڭنىڭ قوعام ورنىقتىلىعىن شىن مانىندە جاقسى قورعاۋ كەرەك. مالىمدەۋ مەحانيزمىن اناعۇرلىم اقاۋسىزداندىرىپ، دەلو دەرەگىن اداقتاپ تەكسەرۋ تەبىنىن ارتتىرىپ، زاڭ بويىنشا دەلو ءبىتىرۋ ورەسىن جوعارىلاتىپ، كۇشتى سەس قالىپتاستىرىپ، بۇقارانى الاڭنان ارىلتىپ، قوعام ءجىتى قاداعالاپ وتىرعان ماسەلەگە جاۋاپ قايتارۋ كەرەك. قىزمەت جاۋاپكەرشىلىگىن اناعۇرلىم ايقىنداپ، تاراۋلاردىڭ بىرلەسىپ ارەكەتتەنۋىن كۇشەيتىپ، نەگىزگى ساتىنىڭ اكىمشىلىك زاڭ اتقارۋ تاراۋلارىنىڭ رولىن ساۋلەلەندىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ تۇلعالىق بىرىككەن كۇشىن قالىپتاستىرۋ كەرەك. ”ءبىر دەلودا ءۇشتى تەكسەرۋ“مەحانيزمىن تياناقتاندىرۋدى اناعۇرلىم كۇشەيتىپ، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قىزمەت جاۋاپكەرشىلىگىن كۇشەيتىپ، ”بايلانىس تورىن“، ”باسقالقانى“تەرەڭدەي ارشىپ، تۇبەگەيلى تەكسەرۋ كەرەك. ءدىني ۇشقارى يدەيانى ىشكەرىلەي الاستاپ، نەگىزگى ساتىنىڭ جاۋىنگەرلىك قامالىن كۇشەيتىپ قۇرىپ، قىسىمدى ساتى سايىن جەتكىزۋ كەرەك. ءار دارەجەلى پارتكومداردىڭ باسشىلىق ۇيتقى رولىن اناعۇرلىم ساۋلەلەندىرىپ، تەكسەرۋ - جەتەكشىلىك ەتۋدى كۇشەيتىپ، قارا كۇشتەردى الاستاۋ، سۇرقيا كۇشتەردى جويۋ كەڭسەلەرىنىڭ رولىن ساۋلەلەندىرىپ، ۇگىتتەۋدى، اتتانىسقا كەلتىرۋدى كۇشەيتىپ، ساياسي - زاڭ قوسىن قۇرىلىسىن كۇشەيتىپ، قامتاماسىز ەتۋ تەبىنىن ارتتىرۋ كەرەك. ءار ساتىدا بيڭتۋانعا جەتەكشىلىك ەتۋدى، بيڭتۋانمەن بايلانىس ورناتۋدى، قارىم - قاتىناس جاساۋدى اناعۇرلىم كۇشەيتىپ، بىرىككەن كۇش قالىپتاستىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن تىزە قوسا ويداعىداي ورىستەتۋ كەرەك.
چىن چۋانگو مىنالاردى ءبىلدىردى: ورتالىقتىڭ قۋزاۋ - جەتەكشىلىك ەتۋ گرۋپپاسىنىڭ اڭىس پىكىرى ءبىزدىڭ جەتەرسىزدىكتەردى تەكسەرىپ، ولقىلىقتاردى تولىقتاپ، قىزمەتتەردى جاقسارتۋىمىز ءۇشىن دالمە - ءدال نىسانالىق بەتالىس ايقىنداپ بەردى، بۇل ءبىزدىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن اناعۇرلىم جاقسى ورىستەتۋىمىزدە ماڭىزدى جەتەكشىلىك مانگە يە. اۆتونوميالى رايون شىنايى قابىلداپ، تىزىمدىك بويىنشا تۇگەلدەي تاپسىرىپ الىپ، دەرەۋ ارەكەتكە كەلىپ، دەرەۋ وزگەرتۋدى، شىنايى وزگەرتۋدى، ناقتى وزگەرتۋدى باتىلدىقپەن ورىنداپ، بىرەۋ ارقىلى وزگەسىن تۇسپالداپ، كۇشتى جاقتاردى بەكەمدەپ، ولقى تۇستاردى تولىقتايدى. اۆتونوميالى رايوندىق پارتكوم مەن ۇكىمەت ساياسي جاۋاپكەرشىلىك ارقالاۋدى كۇشەيتىپ، ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن شىن مانىندە بىرلىككە كەلتىرىپ، رەتتەۋ - تۇزەتۋ قىزمەتىن شىن مانىندە جاقسى يگەرەدى. پارتيا مەن ۇكىمەتتىڭ ءبىرىنشى باسشىلارى ءوزى يگەرۋدەن جازباي، جاۋاپكەرشىلىكتى ساتى سايىن ناقتىلاندىرىپ، ىرىقتىلىقپەن ۇلگىلەرگە، ولشەمگە تۋرالانىپ، رەتتەۋ - تۇزەتۋ ەستەلىگىن ۇستاپ، رەتتەۋ - تۇزەتۋ تىزىمدىگىن جاساپ، رەتتەۋ - تۇزەتۋ نىساناسىن، رەتتەۋ - تۇزەتۋ ۋاقىت شەگىن، رەتتەۋ - تۇزەتۋ شارالارىن، رەتتەۋ - تۇزەتۋ تالاپتارىن، رەتتەۋ - تۇزەتۋ جاۋاپكەرشىلىگىن ايقىنداپ، ورتالىقتىڭ قۋزاۋ - جەتەكشىلىك ەتۋ گرۋپپاسى اڭىس ەتكەن پىكىر - ۇسىنىستاردىڭ تۇگەلدەي تياناقتانۋىنا، بارلىق ىسكە جاۋاپ قايتارۋعا كەپىلدىك ەتۋ كەرەك. رەتتەۋ - تۇزەتۋگە باقىلاۋ جۇرگىزۋدى كۇشەيتىپ، ماسەلەنى تەكسەرىپ انىقتامايىنشا تىنباۋدى، جاۋاپكەرشىلىكتى تياناقتاندىرمايىنشا تىنباۋدى، رەتتەۋ - تۇزەتۋ تىڭعىلىقتى بولمايىنشا تىنباۋدى، بۇقارا رازى بولمايىنشا تىنباۋدى باتىل جۇزەگە اسىرۋ كەرەك. وسى رەتكى قىزمەتتەردى ءتۇيىلىستىرۋ ءماجىلىسىن وراي ەتىپ، قوزعاۋشى كۇش ەتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى مەن لاڭكەستىككە قارسى تۇرىپ، ورنىقتىلىقتى قورعاۋ كۇرەسىن تىعىز ۇشتاستىرىپ، بىرەۋ ارقىلى وزگەسىن تۇسپالداۋعا، ءبىر تۇتاس جوسپارلاپ، تەڭ ءمان بەرۋگە تاباندى بولىپ، جالپىلىق شارا قولدانۋعا، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋگە تاباندى بولىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ تەرەڭدەي دامۋىن ىلگەرىلەتىپ، شينجياڭنىڭ قوعامدىق جالپى جاعدايىنىڭ ورنىقتىلىعىن بۇلجىماستان قورعاۋ كەرەك.
ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 21 - قۋزاۋ - جەتەكشىلىك ەتۋ گرۋپپاسىنىڭ مۇشەلەرى، اۆتونوميالى رايون باسشىلارىنان ۋاڭ جۇنجىڭ، ياڭ شين، سونداي - اق اۆتونوميالى رايوننىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە باسشىلىق ەتۋ گرۋپپاسىنىڭ مۇشەلەرى، رايونعا (ورتالىق) توتە قاراستى ورىنداردىڭ جاۋاپتى جولداستارى قاتارلىلار ماجىلىسكە قاتىناستى.
