تيانشان تورى   ›   ۇيرەنۋ   ›   نازاريا

جاستىق كوكتەمى ارقىلى جاڭا ءداۋىردىڭ داڭقىن جازۋ

  − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاستاردىڭ جەتىلۋىنە، دارىندىعا اينالۋىنا كوڭىل بولگەندىگى تۋرالى ەستەلىك

  شينحۋا اگەنتتىگىنىڭ تىلشىلەرى ۋ جيڭ، جوۋ ۋي، لو جىڭگۋاڭ، ۋاڭ چي

  جاستار كوركەيسە مەملەكەت كوركەيەدى، جاستار قۇدىرەتتەنسە مەملەكەت قۇدىرەتتەنەدى.

  جاستارعا ءمان بەرەتىن مەملەكەتتىڭ كەلەشەگى ۇمىتكە تولى.

  توقتاۋسىز كۇرەس جاسايتىن ۇلتتىڭ ەرتەڭى شەكسىز جارقىن.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرىن دامىتۋدا ۇرپاقتارعا جالعاستىرۋ، جالعايتىن ادام بولۋ ستراتەگيالىق بيىگىندە تۇرىپ، جاستاردىڭ جەتىلۋىنە، العا باسۋىنا كوڭىل ءبولىپ، جاڭا داۋىردەگى پارتيانىڭ جاستار قىزمەتىنە ىلگەرىلەۋ بەتالىسىن ايقىن نۇسقاپ، قالىڭ جاستاردى تاريحتىڭ اماناتىن ارقالاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىنباي كۇرەس جاساۋعا ۇندەدى جانە ىنتالاندىردى.

  ىقىلاستى تاپسىرما مۇرات جەلكەنىن جەلبىرەتتى

  − باس شۋجي شي جينپيڭ جاڭا داۋىردە پارتيا مەن مەملەكەت ىستەرىن دامىتۋدىڭ جاڭا ءۇمىتىن كوزدە ۇستاپ، قالىڭ جاستارعا ءومىردىڭ باعدارىن نۇسقاپ، مەيىر، قامقورلىق جەتكىزدى

  شۋاقتى كوكتەمدە، جاستىق شاقتىڭ جالىنى ايرىقشا سەزىلەدى. جۇڭنانحايدان شىققان حابار تاعى دا وتاننىڭ جەر - جەرىنە تارالىپ، قالىڭ جاستاردىڭ رۋحىن بارىنشا جەلپىندىردى.

  جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 - ايدىڭ 19 - كۇنى 4 - مامىر قوزعالىسىنىڭ تاريحي ءمانى مەن داۋىرلىك قۇنى جونىندە 14 - رەتكى توپتىق ۇيرەنۋىن وتكىزدى. باس شۋجي شي جينپيڭ ۇيرەنۋدى باسقارعان كەزدە: قالىڭ جاستارعا باعىتتالعان ساياسي جەتەكشىلىكتى كۇشەيتىپ، قالىڭ جاستاردى سانالى تۇردە پارتيانىڭ باسشىلىعىنا تاباندى بولۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ كەرەك، - دەپ باسا دارىپتەدى.

  ”باتىل تۇردە پارتياعا ىلەسۋ − اۋەلگى ماقسات“. جۇڭگو ساياسي - زاڭ داشۋەسىنىڭ اۋلاسىندا، ”اۋەلگى ماقساتتى ۇمىتپاي، پارتياعا ىلەسەيىك، جاستار ءىرى ءىس تىندىرۋ مۇراتىن ورناتايىق“ دەگەن باستاما ارەكەت قىزۋ ورلەۋگە كوتەرىلدى.

  2017 - جىلى 4 - مامىر جاستار مەرەكەسى قارساڭىندا، باس شۋجي شي جينپيڭ وسى اراعا كەلىپ، ازاماتتىق ىستەر، ساۋدا - ەكونوميكا زاڭى شۋەيۋانىنىڭ تولىق كۋرس 2 - جىلدىق 2 - كلاسى وداق ياچەيكاسى ورىستەتكەن ”اۋەلگى ماقساتتى ۇمىتپاي پارتياعا ىلەسەمىز“ نەگىزگى تاقىرىبىنداعى وداق كۇنى قيمىلىنا قاتىناستى.

  باس شۋجي شي جينپيڭنىڭ ”اۋەلگى ماقساتتى ۇمىتپاي، پارتيانىڭ سوزىنە قۇلاق اسىپ، پارتياعا ىلەسسەك، دۇرىس ءومىر بەتالىسىن ورناتا الامىز، ۇلى مۇرات نىساناسىن ورناتا الاتىن بولامىز“ دەگەن تاپسىرماسى جۇڭگو ساياسي - زاڭ داشۋەسىنىڭ وقۋشىسى پان حۇيدىڭ وي ساناسىنا تەرەڭ ورناپ قالدى.

  جاستىق شاقتا مۇرات بولۋ، جاستىق شاقتا ومىرشەڭدىك كۇش بولۋ، جاستىق شاقتا كۇرەس جاساۋ − جۇڭگو رۋحىنىڭ جانە جۇڭگو كۇش - قۋاتىنىڭ ومىرشەڭدىگىنىڭ تياناعى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتىڭ، ۇلتتىڭ بولاشاعى مەن تاعدىرىنا ساياتىن الىستى بولجاۋ تۇرعىسىنان جاستارعا جانە جاستار قىزمەتىنە تۋ ۇستاپ بەتالىس بەلگىلەدى، رول ۇستاپ جول باستادى.

  ”بۇكىل پارتيا جاستارعا كوڭىل ءبولىپ، جاستارعا قامقورلىق جاساپ، جاستاردى ايالاپ، جاستاردىڭ جۇرەك ۇنىنە قۇلاق اسىپ، جاس دوستاردىڭ سىرلاسى، جاستار قىزمەتىنە دەن قويۋشى، جاستار قاۋىمىنىڭ جول باستاۋشىسى بولۋ كەرەك“.

  ءوز بويىنان ونەگە كورسەتىپ، باستاماشىلدىقپەن ۇلگى بولدى، ءار جولى ”4 - مامىر“ جاستاردىڭ ارناۋلى مەرەكەسى كەلگەن سايىن، باس شۋجي شي جينپيڭ قانشا قاربالاس بولسادا، جاستاردىڭ اراسىنا كەلدى −

  ول ”جۇڭگو ارمانىن جۇزەگە اسىرۋ، جاستىق شاقتا باتىلدىقپەن جاۋاپكەرشىلىك ارقالاۋ“ نەگىزگى تاقىرىبىنداعى وداق كۇنى قيمىلىنا قاتىناسىپ، ءار سالاداعى تاڭداۋلى جاستاردىڭ ۋاكىلدەرىمەن اڭگىمەلەسىپ، جۇڭگو ارمانىن بىرگە تىلگە تيە ەتتى؛ ول 4 - مامىر قوزعالىسى جوسپارلانىپ باستالعان بەيجيڭ داشۋەسىنە كەلىپ، سوتسياليستىك وزەكتى قۇن كوزقاراسىن قالاي ورناتۋ جانە امالياتتا ايگىلەۋ جونىندە وقىتۋشى - وقۋشىلارمەن اڭگىمەلەستى؛ ول زيالىلاردىڭ، ەڭبەك ەرلەرىنىڭ، جاستاردىڭ ۋاكىلدەرىنىڭ اڭگىمە ءماجىلىسىن باسقارىپ اشىپ، قالىڭ جاستاردى وزدەرىنىڭ ارمانى مەن اسقاق سەزىمىن تولىق ايگىلەپ، مۇرات ارقالاپ، مىنەز - قۇلقىن شىڭداپ، تاباندىلىقپەن، قاجىرلىلىقپەن كۇرەس جۇرگىزىپ، جاستىق شاقتا ۇلەس قوسۋدىڭ ءداۋىر تاراۋىن ۇزدىكسىز جازۋعا شابىتتاندىردى...

  ءار رەت جاستاردىڭ اراسىنا بارعان سايىن، باس شۋجي شي جينپيڭ كوپشىلىكتەن جەكە باستىق مۇراتتى ۇلتتى گۇلدەندىرۋ ۇلى مۇراتىمەن جانە جۇڭگوشا سوتسياليزم يدەياسىمەن توعىستىرىپ، باتىلدىقپەن ءداۋىردىڭ الدىڭعى لەگىندە جۇرەتىن اتويشى، ءورىس اشۋشى، ۇلەس قوسۋشى بولۋدى ءۇمىت ەتتى.

  ول جاس وقىتۋشىلاردان جۇڭحۋا ۇلتى ”ارمان قۇراماسى“نىڭ ارمان سومداۋشىلارىن تۇلعالاۋدى ءۇمىت ەتتى؛ جاس جۇمىسشىلاردى ”جاڭا داۋىردەگى ەڭبەكشى جىرىن ۇزدىكسىز جازۋعا“ شابىتتاندىردى؛ جاس كوماندير - جاۋىنگەرلەردى ”جاتتىعۋ ساڭلاقتارى، تەحنيكا شەبەرلەرى، قارۋعا جەتىك ۇلگىلى اسكەر بولۋعا قۇلشىنۋعا“ جەبەدى...

  ”مەن شىن جۇرەكتەن ءاربىر جاستىڭ سوتسياليزمنىڭ قۇرىلىسشىسى مەن ءىزباسارىنا اينالىپ، ءداۋىر بورىشىن ادا ەتىپ، حالىقتىڭ ءۇمىتىن اقتاۋىن شىن جۇرەكتەن ءۇمىت ەتەمىن“.

  قىسقا بولعانىمەن، ءمانى تەرەڭ توتەنشە سالماقتى ءسوز. ”قوس 100 جىلدىق“ كۇرەس نىساناسىن جۇزەگە اسىرۋدىڭ شەشۋشى ساپارىندا جاڭا ۇرپاق ادامداردىڭ ۇزاق جورىق جولىنا كوز جىبەردى، باس شۋجي شي جينپيڭ جاستار قىزمەتىندە، ءسوز جوق، جاۋاپ بەرۋگە ءتيىستى ءداۋىر تاقىرىبى جونىندە تەرەڭ ويلانىپ، جاستاردىڭ جەتىلۋىندە بويسۇنۋعا ءتيىستى قۇن كورديناتاسىن ايقىن العا قويدى −

  ول ”ءومىردىڭ تۇيمەسىن باستابىندا - اق جاقسى تۇيمەلەۋ كەرەك“ دەگەن جاندى تەڭەۋ ارقىلى جاستىق شاقتا قۇن كوزقاراسىن جەتىلدىرۋدى مىقتاپ يگەرۋدى العا قويدى.

  ول ونەگە كورسەتىپ ادام تاربيەلەۋدى وقۋ - اعارتۋ ىستەرىنىڭ ءتۇبىرلى مىندەتى رەتىندە قاراپ، مەكتەپتەردىڭ يدەيالىق ساياسي ساباعىن كۇشەيتۋ جونىندە ءبىر قىدىرۋ ماڭىزدى ورنالاستىرۋ جاسادى.

  ول جاستىق جانە وسىپرىمدىك كەزەڭدى ادام ءومىرىنىڭ ”بۋىن الىپ، ءدان الۋ مەزگىلى“ نە تەڭەپ، جاڭا ءداۋىر جۇڭگوشا سوتسياليزم يدەياسى ارقىلى رۋح سومداپ، ادام تاربيەلەۋدى باسا دارىپتەدى...

  سەنىمدى بەكەمدەۋدەن سەنىم ورناتۋعا دەيىن، ادام بولىپ ءوزىن جەتىلدىرۋدەن ءبىلىم ىزدەپ كاسىپ تاڭداۋعا دەيىن، پسيحولوگيالىق اقاۋسىزدىقتان جاڭالىق اشىپ كۇرەس جاساۋعا دەيىن... باس شۋجي شي جينپيڭ وسى زامانعى جاستاردىڭ جەتىلۋىنىڭ، دارىندىعا اينالۋىنىڭ ەرەكشەلىگى مەن زاڭدىلىعىنا تەرەڭدەي زەرتتەۋ جۇرگىزىپ، جاستار تۇسىنە الاتىن، ساناسىنا ۇيالايتىن ءسوز ارقىلى كوپشىلىكپەن سىرلاسىپ، كوپشىلىكتىڭ وي - قيالىن وياتىپ، كوپشىلىكتى دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتۋعا جەتەلەدى.

  ۇيرەنۋدى تىلگە العاندا، باس شۋجي تاۋعا شىعىپ قوي جايىپ، ۋاقىت شىعارىپ كىتاپ وقىعان زيالى جاس كەزدەرىن ەسكە الىپ، جاستاردىڭ ۇيرەنۋدىڭ التىن مەزگىلىندە تۇرعاندىعىن، ارمان ورناتۋدا ۇيرەنۋدەن باستاۋ، ىستە ونەرىنە سۇيەنىپ تابىسقا جەتۋ كوزقاراسىن ورناتۋ كەرەك ەكەندىگىن باسا دارىپتەدى.

  كىتاپ وقۋدى تىلگە العاندا، باس شۋجي ادەبي - تاريحي كلاسسيكالارداعى التىن سويلەمدەردى كەز كەلگەن ۋاقىتتا سيتاتقا الىپ، ۇيرەنۋدە، ءسوز جوق، شىنايى بىلىمگە، اقيقاتقا تالپىنۋ، قيسىنىن ءتۇسىنۋ، ءىستىڭ ءجونىن ءبىلۋ كەرەكتىگىن، ۇساق - تۇيەك ينفورماتسيالارعا، جەڭىل بىلىمدەرگە عانا قاناعاتتانىپ قالماۋ كەرەكتىگىن اتاپ كورسەتتى.

  دەنە شىنىقتىرۋدى تىلگە العاندا، باس شۋجي ءوزىنىڭ دەنە تاربيەدەگى قىزىعۋىن تانىستىرىپ، جاستاردى ۇيرەنۋدى جاقسى ۇستاۋمەن بىرگە، دەنساۋلىقتى دا قۋاتتى ەتۋگە شابىتتاندىردى.

  دۇنيەگە قاراۋدا، باس شۋجي ءار ەل جاستارىنىڭ دۇنيەگە ءلاززاتتانۋ، ءوزارا ۇلگى الۋ، ورتاقتاسۋ كوزقاراسىمەن قاراپ، تۇرلىشە وركەنيەتتەردىڭ اۋىس - ءتۇيىسىن، ونەگە قابىلداۋىن، جاراسىمدى بىرگە ءومىر ءسۇرۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن ورناتۋعا بەلسەندىلىكپەن ۇلەس قوسىپ، كۇش ۇستەۋلەرىن ءۇمىت ەتتى...

  جارتى عاسىر ۋاقىتتى اتتاپ ءوتىپ، قىرقا - قىرقا شانبەي ءۇستىرتىن باسىپ كەلگەن باس شۋجي شي جينپيڭ جاستاردىڭ ارمان - تىلەگىن تەرەڭ ءتۇسىنىپ، جاستاردىڭ جەتىلۋىنە ايرىقشا كوڭىل ءبولدى.

  ورتالىق ۇلتتار داشۋەسىنە قاراستى ورتا مەكتەپتىڭ وقۋشىلارىنا جاۋاپ حات جازعاندا، باس شۋجي كوپشىلىكتىڭ ۇلى وتاندى قۇلشىنا گۇلدەندىرۋدىڭ، كورىكتى مەكەندى قۇرۋدىڭ جارامدى دارىندىلارى، تىرەكتىلەرى بولىپ، ۇلتتار ىنتىماعىن، العاباسارلىعىن جەبەۋگە، بىرگە گۇلدەنىپ دامۋدى جۇزەگە اسىرۋعا ءتيىستى ۇلەس قوسۋلارىن ءۇمىت ەتتى.

  گەرمانيادا وقىپ جاتقان بارلىق وقۋشىلارعا جازعان جاۋاپ حاتىندا باس شۋجي شەتەلدە وقىپ جاتقان قالىڭ وقۋشىلاردىڭ اسقاق مۇرات ۇستانىپ، جۇڭگو حالقىنىڭ جۇڭگو ارمانىن جۇزەگە اسىرۋ ۇلى كۇرەسىندە ءوز قۇندارىن ايگىلەپ، دەسە دەگەندەي ءداۋىردىڭ اسەم تاراۋىن قۇلشىنا جازۋىن ءۇمىت ەتتى.

  مەملەكەتتىك جاستار بىرلەستىگى 12 - كەزەكتى ورتالىق كوميتەتىنىڭ جالپى ءماجىلىسى مەن مەملەكەتتىك وقۋشىلار بىرلەستىگىنىڭ 26 - قۇرىلتايىنا جازعان قۇتتىقتاۋ حاتىندا باس شۋجي: حالىقپەن بىرگە كۇرەس جاساعاندا عانا، جاستىق كوكتەم جارقىراي تۇسەدى؛ حالىقپەن بىرگە العا ىلگەرىلەگەندە عانا، جاستىق كوكتەم اسقاق بولادى؛ حالىقپەن بىرگە ارمانعا قۇلاش سەرمەگەندە عانا، جاستىق كوكتەم وكىنىشسىز بولادى، - دەپ اتاپ كورسەتتى.

  ...

  حات - قاعاز ارقىلى سۇيىسپەنشىلىك جەتكىزدى. باس شۋجيدىڭ جاستارعا جازعان تالاي - تالاي حاتتارىنان پارتيا مەن مەملەكەتتىڭ جاستارعا مول ءۇمىت ارتقاندىعىن كورەمىز.

  ”باس شۋجي جاۋاپ حاتىندا بىزگە وليمپيك رۋحى مەن ەرىكتى قىزمەت وتەۋ رۋحىن ساۋلەلەندىرىپ، قىزۋ ىنتامەن ات سالىسىپ، شىن پەيىلىمەن ۇلەس قوسۋدى تاپسىردى“. كەزىندە نانجيڭ جاستار وليمپياداسىنىڭ ەرىكتىسى بولعان جاڭ لۋ تولىق كۋرستان وقۋ بىتىرگەندە اسپيرانتتاردىڭ وقۋ - اعارتۋعا كومەكتەسۋ ۇيىرمەسىن تاڭداپ، ”قىزۋ ىنتا“سىن، ”ۇلەس“ىن قاتپار تاۋلاردىڭ قويناۋىنداعى يزۋلار قىستاعىنا الا باردى.

  باس شۋجي شي جينپيڭ حىبەي باۋديڭ شۋەيۋانىنىڭ باتىس بولەكتىڭ وقۋ - اعارتۋىنا كومەكتەسەتىن وقۋ بىتىرگەن وقۋشىلار توبىنىڭ ۋاكىلدەرىنە جاۋاپ حات جازعاننان كەيىن، ءتىپتى دە كوپ جاستار ولاردى ۇلگى ەتىپ، نەگىزگى ساتىعا جانە حالىق اراسىنا بارىپ ەڭبەك ىستەپ، ۇلەس قوسىپ، شارۋاشىلىق قۇرىپ، جاستىق گۇلدەرىن وتان ەڭ قاجەت ەتكەن جەرلەردە جايقالتىپ، جۇڭگو ارمانىن جۇزەگە اسىرۋدىڭ ۇلى امالياتى بارىسىندا ەرەكشە تارتىمدى ءومىر جىرلارىن جازدى.

  حاتتارىنان مەيىرىمدىلىك اڭعارىلادى. باس شۋجي شي جينپيڭ مەيىربان دا باۋىرمال اعا ساباقتاستارى سياقتى، مايەگى مول ءومىر كەشىرمەلەرى ارقىلى جاستاردى جەتەكتەپ، قاراپايىم دا تەرەڭ وتباسى، مەملەكەت سۇيىسپەنشىلىگى ارقىلى جاستاردى اسەرلەندىردى.

  كىشكەنتاي ىستەر كوكتەمگى جاڭبىر تامشىسىنداي كوڭىل دالاسىن نارلەندىرىپ، كىسىلىكتى جەتىلدىردى.

  پارتيا 18 - قۇرىلتايىنان بەرى، قالىڭ جاستار وزدىكتەرىنەن ”كۇرەس جاساعان جاستىق كوكتەم ەڭ كورىكتى،“ ”سەنىممەن سىرلاسۋ“، ”مەن مەملەكەت تۋىمەن بىرگە سۋرەتكە ءتۇستىم“، ”وزەكتى قۇن كوزقاراسىنىڭ جارشىسى بولامىن“ سياقتى جەلىلەس قيمىلدار ورىستەتىپ، جاستىق جىرلارىندا جاڭا ءداۋىردىڭ ەڭ كۇشتى ءۇنىن شىعانداتتى.

  زەر سالا ورنالاستىرۋ جاساپ، جاستاردىڭ جەتىلۋىنە جاقتاس بولدى

  — شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن قۋاتتى جەبەۋىندە، جاستار قىزمەتىنىڭ ءتۇزىلىس مەحانيزمى جەدەل كەمەلدەنىپ، دارىندارىن ايگىلەۋدىڭ ساحناسى اناعۇرلىم كەڭەيدى

  ءدان جاڭبىرى مەزگىلىندە، حۇلۇنبەيىر ساحاراسىندا تىرشىلىك لەبى ەستى.

  ىشكى موڭعۇل اۆتونوميالى رايونى جاڭا بارقى وڭ حوشۇنى كەرۋلەن سۇمىنى ماڭلا قىستاعى پارتيا ياچەيكاسىنىڭ شۋجيى ميجيگ جاز شىققاننان كەيىنگى العاشقى توپتاعى ساياحاتشىلاردى قارسى الۋدىڭ بابىمەن قاربالاستاپ ءجۇردى.

  ”ساحارا بارعان سايىن كورىكتەندى، بىلتىر 800دەن استام ساياحاتشى قابىلدادىق، بيىل ءتىپتى دە كوبەيۋى مۇمكىن“، - دەدى ميجيگ شىنايى ۇمىتپەن.

  2013 - جىلى 5 - ايدىڭ 4 - كۇنى باس شۋجي شي جينپيڭ بەيجيڭدە ءار سالاداعى تاڭداۋلى جاستاردىڭ ۋاكىلدەرىمەن اڭگىمە ءماجىلىس وتكىزگەندە موڭعۇل ۇلتى جاستارىنىڭ ۋاكىلى ميجيگكە كەڭ ساحارانى جاقسى قورعاۋمەن بىرگە، مالشىلاردى اۋقاتتانۋعا دا باستاۋدى تاپسىردى.

  اتا مەكەنىنە كەلگەننەن كەيىن، ميجيگ قىستاق جاستارىن باستاپ وتباسى مال فەرماسىن قۇرىپ، كىرىستى ارتتىرۋ ارنالارىن اشتى، سونىمەن بىرگە جەرگىلىكتى جاستارمەن بىرگە مالشىلاردى جايلىمدا كەزەكتەستىرىپ مال باعۋعا، جايلىمدى قورعاۋعا جۇمىلدىردى.

  قازىر ميجيگتىڭ وتباسى مال فەرماسى جەرگىلىكتى ورىننىڭ پورتالىنا شىعارىلىپ، ەكولوگيالىق ساياحاتتى جوعارى دارەجەدە دامىتۋدىڭ ”سەركەسى“نە اينالۋعا قۇلشىنىپ وتىر.

  ”ءار دارەجەلى پارتكومدار، ۇكىمەتتەر جانە باسشى كادرلار جاستاردىڭ ارمان - تىلەگىنە بارىنشا نازار اۋدارىپ، جاستاردىڭ دامۋىنا كومەكتەسىپ، جاستاردىڭ شارۋاشىلىق قۇرۋىن قولداپ، جاستاردىڭ وي - يدەيانى شارىقتاتۋىنا اناعۇرلىم اۋقىمدى ءورىس اشۋى، جاستاردىڭ امالياتتا شىنىعىپ جاڭالىق اشۋىنا اناعۇرلىم كەڭ ساحنا ازىرلەۋى، جاستاردىڭ ءومىردى سومداۋىنا اناعۇرلىم مول وراي بەرۋى، جاستاردىڭ ۇلەس قوسىپ، شارۋاشىلىق قۇرۋىنا اناعۇرلىم ءتيىمدى شارت - جاعداي جاساۋى كەرەك“. جاستاردىڭ جۇمىسقا ورنالاسۋىن، شارۋاشىلىق قۇرۋىن قولداۋ جانە وعان شابىت بەرۋ ءۇشىن، باس شۋجي شي جينپيڭ ايقىن تالاپ قويىپ، جان - جاقتى ورنالاستىرۋ جاسادى، ءوزى تىكە قۋزاۋ سالىپ، شىنايى، ەگجەي - تەگجەيلى يگەردى −

  2013 - جىلى 5 - ايدا باس شۋجي شي جينپيڭ تيانجيندە قىزمەت تەكسەرگەندە، ادام كۇشى بايلىعىنىڭ دامۋىن جەبەۋ ورتالىعىنا بارىپ، ناق مايداندا جۇمىسقا ۇسىنىس ەتىلۋگە قاتىناسقان ستۋدەنتتەرمەن ىقىلاسپەن اڭگىمەلەسىپ، جەرگىلىكتى ورىن ازىرلەگەن جۇمىسقا ورنالاسۋعا قىزمەت وتەۋ تۇرلەرىن ەگجەي - تەگجەيلى ۇعىستى. باس شۋجي قاتىستى تاراۋلاردىڭ جوعارى مەكتەپ تاۋىسقان وقۋشىلاردىڭ دەربەس شارۋاشىلىق قۇرۋىن قولداۋ سەرپىنىن ارتتىرىپ، جۇمىسقا ورنالاسۋدا قيىنشىلىعى بار ستۋدەنتتەرگە كومەكتەسىپ، وقۋشىلاردىڭ جۇمىسقا ورنالاسۋ، شارۋاشىلىق قۇرۋ جانە كاسىپ اۋىستىرۋ قابىلەتىن ارتتىرۋىن تالاپ ەتتى.

  باس شۋجي شي جينپيڭنىڭ نۇسقاۋى مەن دەم بەرۋىندە، پارتيا ورتالىق كوميتەتى، مەملەكەتتىك كەڭەس ءبىر قىدىرۋ شىنايى شارالاردى ىركەس - تىركەس شىعاردى:

  «جاڭا جاعدايدا جۇمىسقا ورنالاسۋ، شارۋاشىلىق قۇرۋ قىزمەتىن اناعۇرلىم جاقسى ىستەۋ جونىندەگى پىكىر»دە جوعارى مەكتەپتەردەن وقۋ تاۋىسقان وقۋشىلار سياقتى ءتۇيىندى قاۋىمنىڭ جۇمىسقا ورنالاسۋىن ءبىر تۇتاس ىلگەرىلەتۋ ايقىن العا قويىلدى؛ «كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋعا قاتىستى ءبىرقانشا ساياسات - شارالاردى كۇش سالا ىلگەرىلەتۋ جونىندەگى پىكىر»دە ستۋدەنتتەردىڭ شارۋاشىلىق قۇرۋىنا جەتەكشىلىك ەتىپ، قىزمەت وتەيتىن قۇرىلىم، قىزمەتكەر، ورىن، قاراجات سياقتىلاردى تياناقتاندىرۋدى مىقتى يگەرۋ تالاپ ەتىلدى؛ «دارىندىلاردى دامىتۋ ءتۇزىلىس، مەحانيزمى رەفورماسىن تەرەڭدەتۋ جونىندەگى پىكىر»دە جاس تاڭداۋلى دارىندىلاردىڭ قارا ءۇزىپ العا شىعۋىن جەبەپ، جاسىنا قاراي قاتارعا تۇرعىزۋ، ءمىنسىز بولسىن دەۋ سياقتى كونە كوزقاراستاردى تالقانداۋ باسا دارىپتەلدى؛ «جاستاردى دامىتۋدىڭ ورتا، ۇزاق مەزگىلدىك جوباسى (2016 − 2025 - جىل)» باسىپ تاراتىلىپ، 10 دامۋ سالاسىن، 44 ءتۇرلى دامىتۋ شاراسىن جانە 10 ءتۇيىندى نىساندى قامتىعان جاستاردى دامىتۋدىڭ ساياساتتىق جۇيەسى ورناتىلدى...

  قالىڭ جاستاردىڭ جاڭالىق اشۋ ومىرشەڭدىك كۇشى جاپپاي قاۋلاپ، جاس دارىندىلاردىڭ دامۋ قوزعاۋشى كۇشى تولىق ىسكە قوسىلدى. ”جۇڭگونىڭ كرەمنيلى اڭعارى“ اتالعان بەيجيڭدەگى جۇڭگۋانسۇندە 90 - جىلدان كەيىن ءومىر ەسىگىن اشقان شارۋاشىلىق قۇرۋشىلار شارۋاشىلىق قۇرۋ قوسىنىنىڭ تۋىنا اينالدى؛ گۋاڭدۇڭ، شياڭگاڭ، اۋمىن ۇلكەن شىعاناق رايونىندا قۇرىلعان شياڭگاڭ - اۋمىن جاستار جاڭالىق اشۋ، شارۋاشىلىق قۇرۋ تۇعىرى شارۋاشىلىق قۇرۋ توپتارىنان 360تان استامىن وزىنە تارتىپ، 4000عا جۋىق ادام جۇمىسقا ورنالاستى؛ 2014 - جىلدان باستاپ ءۇرتىس 5 كەزەك وتكىزىلگەن ”جاستىق كوكتەمدە شارۋاشىلىق قۇرۋ“ اتتى جۇڭگو جاستاردىڭ جاڭالىق اشۋ، شارۋاشىلىق قۇرۋ جارىسى 400 مىڭداي شارۋاشىلىق قۇرۋشى توپتى، ءبىر ميلليون 800 مىڭنان استام شارۋاشىلىق قۇرۋشى جاستى جارىسقا قاتىناسۋعا تارتتى.

  جاستار قىزمەتىنىڭ ۇيىستىرۋ قۋاتى مەن باۋراۋ قۋاتىن شىن مانىندە ساقتاۋ جانە كۇشەيتۋ ءۇشىن، باس شۋجي شي جينپيڭ بۇقارالىق ۇيىمداردا جارىققا شىققان ”ورگاندانۋ، اكىمشىلىكتەنۋ، اقسۇيەكتەنۋ، ويىن - ساۋىقشىلدىق“ نىسايىنا قاراتا اسقان باتىلدىق كورسەتىپ، كوممۋنيستىك جاستار وداعىن قامتىعان پارتيانىڭ بۇقارالىق ۇيىمدار رەفورماسىنا ءوزى باسشىلىق ەتتى جانە ورنالاستىرۋ جاسادى −

  2019 - جىلى 2 - ايدا كوممۋنيستىك جاستار وداعى انحۇي ولكەلىك 14 - كەزەكتى كوميتەتىنىڭ بەسىنشى جالپى ءماجىلىسى حىفيدا اشىلدى، ءۇمىت ينجەنەرياسىنىڭ ”وبراز جارشىسى“ اتانعان ”بوتاكوز قىز” سۋ ميڭجۋان ولكەلىك وداق كوميتەتىنىڭ ورىنباسار شۋجيى رەتىندە ماجىلىسكە قاتىناستى.

  قازىنادان ەڭبەكاقى المادى، اكىمشىلىك دارەجەسى جوق. 2017 - جىلدىڭ اياعىندا سۋ ميڭجۋان بۇقارالىق ۇيىمدار رەفورماسىنان كەيىنگى جاڭا ولشەم بويىنشا كوممۋنيستىك جاستار وداعى انحۇي ولكەلىك كوميتەتىنىڭ قوسىمشا ورىنباسار شۋجيلىگىنە سايلاندى.

  جاس، وقۋ تاريحى، اتاق، قىزمەت دارەجەسى شەكتەمەسىن تالقانداپ، پارتيا مۇشەلەرى، وداق مۇشەلەرى اراسىنان تاڭداۋلى دارىندىلاردى تاڭداپ ءوسىرۋ − كوممۋنيستىك جاستار وداعى رەفورماسىنىڭ ءبىر ۇلكەن جارقىن ءتۇيىنى.

  ءار دارەجەلى كوممۋنيستىك جاستار وداعى ۇيىمدارى سياقتىلار پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ارناۋلى مىندەتتەگى، مىندەتكە ىلىنگەن، قوسىمشا مىندەت وتەيتىن كادرلار ءوزارا ۇشتاستىرىلعان قىزمەت قوسىنى جاستاردى ۇيىمداستىرۋ، جاستاردى جەتەكتەۋ، جاستارعا قىزمەت وتەۋ، جاستار مەن وسپىرىمدەردىڭ زاڭدى ۇقىق - مۇددەسىن قورعاۋ جاقتارىندا شىنايى يگەرىپ، ناقتى ىستەپ، جاستاردىڭ سەنىم ارتاتىن، سۇيەنەتىن، ايرىلماس سىرلاسىنا، جان اشىرىنا كۇن سايىن اينالىپ كەلەدى.

  اناعۇرلىم كوپ جاستاردى حالىققا قىزمەت وتەۋگە، قوعامعا ۇلەس قوسۋعا جىگەرلەندىرۋ ءۇشىن، باس شۋجي شي جينپيڭ تالاي رەت حات جازىپ، كوڭىل ءبولىپ، جەتەكشىلىك ەتىپ، جاس ەرىكتىلەردى ەرىكتىلىك رۋحىن ۇزدىكسىز ساۋلەلەندىرۋگە جىگەرلەندىردى −

  حۋاجۇڭ اۋىل شارۋاشىلىعى داشۋەسىنىڭ ”بىنيۇي ەرىكتى قىزمەت وتەۋ اترەتى“نە جازعان جاۋاپ حاتىندا باس شۋجي ولاردىڭ ”وتانمەن بىرگە العا باسۋعا، حالىققا ۇلەس قوسۋعا تاباندى بولىپ، جاستىق ارماندارى، ءىس جۇزىندىك ارەكەتتەرى ارقىلى جۇڭگو ارمانىن جۇزەگە اسىرۋعا جاڭا ءارى ءتىپتى زور ۇلەستەر قوسۋىن“ ءۇمىت ەتتى.

  ”گو ميڭي مەيىرباندار توبىنا“ جازعان جاۋاپ حاتىندا باس شۋجي ولاردىڭ ”ءىس جۇزىندىك ارەكەت ارقىلى جاڭا داۋىردەگى لەي فىڭ حيكاياسىن جازىپ، جۇڭگو ارمانىن جۇزەگە اسىرۋعا جالىنى مەن شۋاعىن ارناۋىن“ ءۇمىت ەتتى.

  ”نانجيڭ جاستار وليمپياداسى ەرىكتىلەرىنە“ جازعان جاۋاپ حاتىندا باس شۋجي ولاردىڭ ”جاستىقتىڭ جالىندى ىنتاسىمەن ەڭ كوركەم ’جۇڭگو تانىسقىسى‘ن جاساپ، جۇڭگو ارمانى مەن ءار ەل حالىقتارىنىڭ ارمانىنىڭ ۇلاسۋىن، توعىسۋىن جەبەپ، ادامزاتتىڭ بەيبىتشىلىگى مەن دامۋىنىڭ ىزگى ىسىنە بىرگە ۇلەس قوسۋىن“ ءۇمىت ەتتى...

  جاڭبىردان كەيىنگى جاۋقازىنداي جەدەل دامىدى. 2018 - جىلى 6 - ايعا دەيىن، بۇكىل ەلدە جۇيەلى تىركەلگەن جاس ەرىكتىلەردىڭ سانى 67 ميلليون 700 مىڭعا جەتىپ، ءار جىلى قوعامعا 700 ميلليون ساعات شاماسىندا ەرىكتى قىزمەت وتەدى.

  كوكتەم شۋاعى جەر - الەمدى نۇرعا بولەپ، تابيعات الەمىنە ءنار بەردى. پارتيا ورتالىق كوميتەتى جاستارعا تەرەڭ، دارقان سۇيىسپەنشىلىكپەن قامقورلىق جاساپ، جاستارعا بار ىنتا - ىقىلاسىمەن كوڭىل ءبولدى.

  پارتيا 18 - قۇرىلتايىنان بەرى، باس شۋجي شي جينپيڭ چوڭمالاڭما شىڭىنا شىققان ستۋدەنتتەردى القادى، كاسىپتىك مەكتەپتەردەگى جاس وقىتۋشىلاردىڭ ۇستالىق رۋحىنا ماداق ايتتى، بىرلەسكەن مەملەكەتتەر ۇيىمىنىڭ باس شتابىندا بەيبىتشىلىكتى ساقتاۋشى جۇڭگولىق ايەل ساقشىنىڭ كوزى تىرىسىندەگى كۇندەلىگىن داۋىستاپ وقىپ، بۇكىل دۇنيە جۇزىنە جۇڭگو جاستارىنىڭ ەڭ كوركەم بەينەسىن كورسەتتى...

  جاس كادرلاردى ءتىپتى جاقسى جەتىلدىرۋ ءۇشىن، باس شۋجي شي جينپيڭ بىرتىندەي باۋلىپ، تەرەڭ ماعىنامەن ءتالىم بەرىپ، ولاردى جەتىلۋدىڭ ءار قادامىن جاقسى باسۋعا جىگەرلەندىردى −

  باس شۋجي شي جينپيڭ تالاي رەت ماڭىزدى ءسوز سويلەپ، جاس كادرلاردى ساقتاندىرىپ، ولاردىڭ ”جەتكىلىكتى قابىلەتپەن ءىز باسىپ، ۇيرەنۋدى كۇشەيتۋىن، تاجىريبە توپتاۋىن، دارىن - قابىلەتتەرىن ارتتىرۋىن“ تالاپ ەتتى، ولاردى ”ماڭىزدى كۇرەستەردە شىنايى ىستەۋگە“ شابىتتاندىردى.

  پارتيا 19 - قۇرىلتايىنىڭ بايانداماسىندا ”زاپاس جاس كادرلاردى كۇش سالا بايقاۋ، نەگىزگى ساتىلاردىڭ الدىڭعى شەبى مەن كەدەي، جاپالى جەرلەردە جاس كادرلاردى باۋلۋعا، شىنىقتىرۋعا كوڭىل ءبولىپ، اماليات بارىسىندا سىننان وتكەن تاڭداۋلى جاس كادرلاردى ۇزبەي تاڭداپ ءوسىرىپ، مىندەتكە قويۋ“ كەرەك دەپ ايقىن العا قويىلدى.

  بەتالىس كورسەتتى ءارى قامتاماسىزداندىرۋدى يگەردى. تەك وتكەن ءبىر جىلدىڭ وزىندە جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشىپ، «جاڭا ءداۋىر تالابىنا ۇيلەسىپ، تاڭداۋلى جاس كادرلاردى بايقاۋ، باۋلۋ، تاڭداپ ءوسىرۋ جونىندەگى پىكىر»دى قارادى، جۇڭگو كوممۋنيستىك پارتياسى ورتالىق كوميتەتى «2018 - جىلدان 2022 - جىلعا دەيىنگى مەملەكەت بويىنشا كادرلاردى تاربيەلەۋ، باۋلۋ جوباسى»ن باسىپ تاراتىپ، «پارتيا، ۇكىمەت باسشى كادرلارىن تاڭداپ ءوسىرىپ مىندەتكە قويۋ قىزمەتى ەرەجەسى»نە وزگەرىس ەنگىزدى... ءبىر قىدىرۋ ماڭىزدى شارالار اناعۇرلىم كوپ تاڭداۋلى جاس كادرلاردى باۋلىپ جەتىلدىرۋگە مىعىم تۇزىمدىك نەگىز ازىرلەدى.

  شى چاۋني داشۋەنى تاۋىسقان سوڭ، اتا مەكەنى شاندۇڭنان سوناۋ شالعايداعى وڭتۇستىك شينجياڭداعى اۋىر كەدەي وڭىرگە باردى، ونىڭ نەگىزگى ساتىعا كەلگەنىنە قازىر 2 جىل بولدى.

  ”شەكارا وڭىردە تامىر تارتىپ، نەگىزگى ساتىعا قىزمەت وتەپ، ءار ۇلت بۇقاراسىن اناردىڭ دانىندەي تىعىز بىرىكتىرۋ − كەدەيلەردى سۇيەمەلدەۋشى كادردىڭ بورىشى، جاۋاپكەرشىلىگى“. باس شۋجي شي جينپيڭنىڭ جاس كادرلارعا بەرگەن شىنايى تاپسىرماسىن ەستە بەرىك ساقتاعان شى چاۋني مىناعان سەنەدى: ”جاۋىن - شاشىندى باستان وتكەرىپ، كوز ايانى كەڭەيتىپ، اماليات سىناعىندا دارىن - قابىلەتتى ارتتىرۋ ارقىلى ءبىز، ءسوز جوق، جاڭا ءداۋىردىڭ جارقىن بولاشاعىن اشامىز!“

  ۇلى ارمان ۇزدىكسىز كۇرەس جۇرگىزۋگە شاقىرادى

  − قالىڭ جاستار سوتسياليزمنىڭ قۇرىلىسشىلارى مەن ءىزباسارلارىنىڭ بورىشىن سانالى تۇردە ارقالاپ، سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا قۇلشىنا العا باسۋدا

  جاستىق ورالىم، كۇرەسىم ارقىلى ۇلتتىڭ گۇلدەنۋىنە داڭعىل جول سالىپ، وتاننىڭ قۇرىلىسىنا كەرپىش بولىپ قالانامىن − بيىل 4 - مامىر جاستار مەرەكەسى قارساڭىندا، بەيجيڭ داشۋەسى ۇكىمەت باسقارۋ شۋەيۋانىنىڭ ماگيستر اسپيرانتى زوۋ رۇيياڭ باس شۋجي شي جينپيڭنىڭ ءسوزىن قايتا پىسىقتادى.

  2014 - جىلى 5 - ايدا جانە 2018 - جىلى 5 - ايدا باس شۋجي شي جينپيڭ بەيجيڭ داشۋەسىنە 2 رەت بارىپ قىزمەت تەكسەردى، زوۋ رۇيياڭ 2 رەتتە دە سول جەردە بار ەدى. باس شۋجي شي جينپيڭنىڭ وقۋشىلاردىڭ ىقىلاسقا تولى جۇزىنە قاراپ تەرەڭ سۇيىسپەنشىلىكپەن: ”قالىڭ جاستار ەڭ تاماشا كەزدە تۇر، سونداي - اق ماڭىزدى مىندەتتى ارقالاپ وتىر“ دەگەنى ەسىندە ابدەن قالىپتى.

  ”ءبىز ارمانعا قانات قاعۋشىلارمىز ءارى ارماندى ورىنداۋشىلارمىز“. زوۋ رۇيياڭ بىلاي دەدى: سول ساتتە ومىردەگى التىن مەزگىلىمىزدىڭ ”قوس 100 جىلدىق“ كۇرەس نىساناسىن جۇزەگە اسىرۋمەن بۇكىلدەي سايكەس كەلەتىنىن ەرەكشە سەزىندىم.

  بۇل ءسوزدىڭ استارىنان ارماننىڭ وشپەس ۇلى كۇشىن اڭعارۋعا بولادى؛

  جان دۇنيەسىنەن ءبىر ۇلتتىڭ كۇش جالعاپ كۇرەس جۇرگىزۋ سەنىمىن ءتىپتى دە سەزىنۋگە بولادى.

  جالىندى كۇرەس جۇرگىزگەن جاستىق ورال، قايىسپاي سايىسقان جاستىق ورال، حالىق ءۇشىن ۇلەس قوسقان جاستىق ورال عانا تولىق، شۋاقتى، باياندى، وكىنىشسىز جاستىق ورال ەستەمەسىن قالدىرا الادى − باس شۋجي شي جينپيڭنىڭ ءوزىنىڭ جەتىلۋ جولىنداعى ءتول اسەرىمەن ۇشتاستىرا جاستارعا ءومىر تۋرالى ايتقان اقىلياسى جاڭا داۋىردەگى كۇرەسكەرلەردىڭ ءىس جۇزىندىك ارەكەت ارقىلى امالياتتا ايگىلەۋدەي جاستىق ورال سەرتىنە اينالدى.

  2014 - جىلى ۋىڭ شينچياڭ 250 مىڭ يۋان كىرىس تاباتىن قىزمەتىن تاستاپ اۋىلىنا قايتىپ، ستۋدەنت قىستاق كادرى بولدى.

  نەبارى بىرنەشە جىلدا ول اۋىلداستاردى باستاپ، تاۋ - تاستى الىپ جاتقان ۋ - ۋيزىنى ساتىلۋ سوماسى 10 ميلليون يۋاننان اسقان التىن جەمىسكە اينالدىردى، كەدەي وتباسىلارىنىڭ كىرىسى بىرتىندەپ ارتتى. حۋبەي مەن شانشي شەكاراسىنداعى شىليبا اۋىلىندا ءجۇزى توتىققان، بالاعىن تىزەسىنە دەيىن تۇرگەن جاس تانىمالى ادامعا اينالدى.

  ”قازىر سەنىڭ قانداي ورىندا تۇرعانىڭ ماڭىزدى ەمەس، ماڭىزدىسى، باتىلدىقپەن العا باسۋ بەتالىسى“. بۇل − ۋىڭ شينچياڭنىڭ ۋيچاتتاعى دوستار شەڭبەرىندە وزىنە ايتقان ءسوزى.

  جاڭا داۋىردە جاڭا بەينە جارىققا شىقتى، ۇلەس قوسىپ، شارۋاشىلىق قۇرۋدىڭ ساحناسى بۇرىن بولماعان دەڭگەيدە كەڭەيدى، ارماننىڭ ىسكە اسۋ بولاشاعى بۇرىن بولماعان دارەجەدە جارقىن بولا ءتۇستى. پارتيا 18 - قۇرىلتايىنان بەرى قالىڭ جاستار ءومىر مۇراتىن مەملەكەت پەن ۇلتتىڭ ىستەرىمەن توعىستىرىپ، ءار كاسىپ، ءار سالادا جالىندى قوسىندىق جانە ەكپىندىلەر اترەتىندىك رولىن ساۋلەلەندىرۋدە.

  2016 - جىلى جازدا چيڭحۋا داشۋەسى، فۋدان داشۋەسى، سونداي - اق امەريكا قۇراما شتاتتارىنىڭ حارۆارد داشۋەسى سياقتى ايگىلى وقۋ ورىندارىنان وقۋ تاۋىسقان 27 وقۋشى حۋنان، جياڭشي، شاندۇڭ، گۋاڭدۇڭدارداعى 15 كەدەي قىستاققا ورنالاستى.

  امەريكا قۇراما شتاتتارىنىڭ يالە داشۋەسىنەن وقۋ تاۋىسقان ستۋدەنت قىستاق باستىعى چين يۋەفي قاتارلىلاردىڭ باستاۋىمەن قۇرىلعان ”قارا توپىراقتاعى ءبيداي اتىزى“ كەدەيلەردى دالمە - ءدال سۇيەمەلدەۋ الەۋمەتتىك يگىلىك نىسانى ولاردى وزىنە تارتتى.

  ءبىر جىلدا 1 - توپتاعى ”كەدەيلەردى سۇيەمەلدەپ شارۋاشىلىق قۇرۋشىلار“دىڭ قىستاق تۇرعىندارىن باستاپ اشقان 10نان استام اۋىل شارۋاشىلىعى ءونىمىنىڭ ساتىلۋ كىرىسى ءبىر ميلليون يۋاننان اسىپ، قىستاققا 8 ميلليون يۋاننان استام قارجى ەنگىزدى. 2 جىل ءوتتى، اۋىلعا ورالعان جاستار، قوسىننان قايتقان جاستار قاتارى بارعان سايىن مولايىپ، كەڭ - بايتاق اۋىل - قىستاقتا كەدەيلەردى سۇيەمەلدەپ قان جاساۋدىڭ ىشكى قوزعاۋشى كۇشىنە اينالدى.

  2 - مىندەتتى مەرزىمى اقىرلاسقان كەزدە، مەملەكەتتىك حالىق قۇرىلتايى ۋاكىلىنە سايلانعان چين يۋەفي ۇيىمنىڭ ءوسىرۋىن تاعى ءبىر رەت سىپايىلىقپەن تويتاردى. ول بىلاي دەدى: ”باستابىندا ارمانىم مەن ىنتام اۋىل - قىستاققا ات سالىسۋىما قوزعاۋشىلىق ەتتى، الايدا اۋىل - قىستاققا بارعانىمدا، نەندەي ءبىر’ۇلكەن جوسىن‘ ءۇشىن وسى جۇمىستى ىستەمەيتىنىمدى، قايتا وسىناۋ بايتاق دالا ءۇشىن، جانە وسىندا ەڭبەك ەتىپ، تۇرمىس كەشىرىپ جاتقان ادامدار ءۇشىن ىستەيتىنىمدى ءتۇسىندىم“.

  ەڭبەك ماعان جازىلماسا دا بولادى، ەڭبەك كورسەتۋدە مەن بولماسام بولمايدى. جاستىق شاقتىڭ اسقاق سەزىمى جاڭا داۋىردەگى كۇرەستە قاۋلاي ءتۇستى.

  تاباندىلىقپەن ىستەپ، جىلىنا 40 ميللياردتان استام زات جەتكىزەتىن دۇنيە ءجۇزى بويىنشا 1 - ۇلكەن جەدەل جولداما تورىندا باس شۋجي شي جينپيڭ ”كىشكەنە بال ارا“ دەپ اتاعان ءبىر توپ جەدەل جولداما جەتكىزۋشى جىگىت بار.

  جۇلدىزدى اسپانعا قاراساڭىز، ”التى قابات اسپاننان ايدى جۇلىپ الامىز، بەس مۇحيتتان تاسباقا ءىلىپ“ دەيتىن ماقتانارلىق ناتيجەلەردىڭ ارتىندا جالىنداعان عىلمي زەرتتەۋ ساڭلاقتارى بار.

  10 جىلدىڭ الدىندا وتانعا قايتىپ، شارۋاشىلىق قۇرعان مەملەكەتتىڭ ”مىڭ ادامدىق جوسپارى“ مامانى جۋ تاۋ ءار كۇنى عىلمي زەرتتەۋ جانە شارۋاشىلىق قۇرۋ جولىندا ورگە ۇمتىلۋ مەن ”ەمتيحانعا قاتىناسۋ“دان ءلاززات تابادى، ول جەتەكشىلىك ەتكەن ۆاكسينا زەرتتەۋ ۇيىمى الەمدىك ەبولا ۆيرۋسىنا قارسى تۇراتىن 1 - تىركەسپەلى توپتىڭ قاتارىنا كوتەرىلدى.

  ”قاۋىرت دامىعان وتان بىزگە ءتىپتى كوپ وراي اكەلدى“، - دەدى جۋ تاۋ، - اۋقاتتانۋدان قۇدىرەتتەنۋگە دەيىنگى ارالىقتى باقىتتى تۇردە باسىمنان كەشىردىم، ءبىز كۇرەسۋگە ريزامىز ءارى ءتىپتى دە سەنىمدىمىز!

  ”داۋىرگە جەتۋ“دەن ”داۋىرگە جەتەكشىلىك ەتۋ“گە دەيىن، قالىڭ جاستار ”ءار داۋىردەگى ادامداردىڭ وزىنە ءتان ۇزاق جورىعى“ بولادى دەگەننىڭ ءمانىسىن بارعان سايىن ءتۇسىندى −

  ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا جاقىنداعان سايىن، سالعىرتسىماۋىمىز، قايتا ەسەلەپ قۇلشىنۋىمىز، قالىڭ جاستاردى وسى ءۇشىن كۇرەسۋگە جۇمىلدىرا ءتۇسۋىمىز كەرەك“.

  2013 - جىلى 5 - ايدىڭ 4 - كۇنى باس شۋجي شي جينپيڭ جۇڭگونىڭ عارىش عىلىم - تەحنيكا توبى سەرىكتەستىگى جۇڭگو كەڭىستىك تەحنيكاسىن زەرتتەۋ ورنىنىڭ ”جۇڭگو ارمانىن ورىنداۋ، جاستىق شاقتا باتىلدىقپەن جاۋاپكەرشىلىك ارقالاۋ“نەگىزگى تاقىرىپتىق وداق كۇنى قيمىلىنا قاتىناستى، جۇڭگو مۇناي 1 - قۇرىلىس سەرىكتەستىگى 3 - قۇرىلىس باسقارماسى 313 - قۇرىلىس اترەتىندەگى 90 - جىلداردىڭ تۇلەگى پەي شيانفىڭ ۇزدىك جاستاردىڭ ۋاكىلى رەتىندە اڭگىمە ماجىلىسكە قاتىناستى.

  مەملەكەت قاقپاسىنان شىعىپ، دۇنيە جۇزىلىك تەحنيكالىق ونەر باسەكەسىنە تۇڭعىش رەت قاتىناسىپ، جۇڭگونىڭ وسى جاعىنداعى اقتاڭداعىن تولتىرۋدان، 1 - مامىر مەملەكەتتىك ەڭبەك مەدالىن، جۇڭگو جاستار 4 - مامىر مەدالىن الۋعا دەيىن پەي شيانفىڭ كوكونىسشىنىڭ بالاسىنان ءىرى ەلدىڭ ۇستاسىنا اينالدى.

  ”سەنىڭ تالىقپاي قۇلشىنۋ ارقىلى تابىسقا جەتكەن جاستىق شاقتاعى ىستەرىڭ پارتيا مەن مەملەكەتتىڭ ىسىمەن، حالىقتىڭ ىسىمەن ايرىقشا قابىستى، مۇنداي ءىستىڭ نۇرى اناعۇرلىم كەڭ اۋماققا تۇسەدى، ەنەرگياسى دا اناعۇرلىم كۇشتى بولادى“. باس شۋجي شي جينپيڭنىڭ شابىتتاندىرۋىن ەستە بەرىك ساقتاعان پەي شيانفىڭ توقمەيىلسىپ توقىراپ قالمادى، ول شەتەلدەگى نىسان اترەتتەرىنە ىلەسىپ، جۇڭگونىڭ تەحنولوگياسىن دۇنيە ءجۇزى ساحناسىنا كوتەردى.

  ماڭداي تەر ارمان گۇلىن سۋارادى. پەي شيانفىڭ دانەكەر شوعى تۇتاندىرعان جاستىق شاقتىڭ، ءسوز جوق، شۇعىلا شاشاتىنىنا، جان قيارلىقپەن سايىسۋدان سومدالعان جۇڭگو ارمانىنىڭ اناعۇرلىم شۇعىلا شاشا تۇسەتىنىنە كامىل سەندى!

  باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”جۇڭگو ارمانى تاريحقا، قازىرگىگە، سونداي - اق بولاشاققا ءتان؛ ءبىزدىڭ وسى بۋىنعا، اسىرەسە، جاستارعا ءتان. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى ۇرپاقتان - ۇرپاققا جالعاسقان جاستاردىڭ كۇش جالعاپ كۇرەسۋى بارىسىندا تۇبىندە ورىندالادى“.

  ماڭگىلىك شارىقتادى، ۇرپاقتان - ۇرپاققا جالعاسقان جاستار وتاننىڭ ءۇمىتىن اقتاۋدى مۇرات ەتىپ، كۇش جالعاپ كۇرەسىپ، بىرىنە - ءبىرى ۇلاستى.

  باس شۋجيدىڭ ”حالىققا تامىر تارتىپ، وتانعا ۇلەس قوسۋ كەرەك“ دەگەن تاپسىرماسىن ەستە بەرىك ساقتاپ، كەزىندە ادەن شىعاناعىنا بارىپ كەمە قورعاۋ مىندەتىنە قاتىناسقان بەيجيڭ داشۋەسىنىڭ وقۋشىسى سۇڭ شي ۇلتتىڭ ۇلى گۇلدەنۋى ۇلى مىندەتىن ارقالاعان ءداۋىردىڭ جاڭا ادامى بولۋعا تالپىندى.

  اۋىلىنىڭ وقۋ - اعارتۋ ىستەرىنە ات سالىسقاندىعى جونىندە باس شۋجيدىڭ ايتقان القاۋىن ەسىندە بەرىك ساقتاعان گۇلجاقان بەيجيڭ پەداگوگيكا داشۋەسى تاريح شۋەيۋانىنان وقۋ تاۋىسقاننان كەيىن، ءوزى وقۋ - اعارتۋ ىسىنە كومەكتەسكەن شينجياڭ قاعىلىق اۋدانىندا قالدى.

  باس شۋجيدىڭ ”بۇرىنعىلار جۇرمەگەن جولمەن باتىلدىقپەن ءجۇرىپ، ەلىمىزدەگى، حالىقاراداعى جاسامپازدىقتىڭ بيىگىن باتىلدىقپەن يەلەۋ كەرەك“ دەگەن شابىتتاندىرۋىن ەسىندە بەرىك ساقتاعان شي - نان داشۋەسى تىرشىلىك عىلىمدار شۋەيۋانىنىڭ پروفەسسورى لو ليڭفي عىلىم - تەحنيكادا قۇدىرەتتى ەل قۇرۋعا تىنباي قۇلشىنۋعا بەل بايلادى...

  100 جىلدىڭ الدىندا 4 - مامىر قوزعالىسى تۋىلعاندا، جۇڭگونىڭ جاستارى وسىدان باستاپ جۇڭحۋا ۇلتىنىڭ گۇلدەنۋى جورىعىنداعى قاۋلاعان كۇشتىڭ بىرىنە اينالدى.

  80 جىلدىڭ الدىندا يان - اندا اشىلعان ونەگەلى جاستاردى قۇتتىقتاۋ جينالىسىندا ماۋ زىدۇڭ جولداس تەبىرەنىستى كوڭىلمەن: جۇڭگونىڭ جاستار قوزعالىسى تاماشا توڭكەرىستىك داستۇرگە يە، بۇل ءداستۇر − ”ماڭگلىك كۇرەسۋ“، - دەگەن ەدى.

  بۇگىنگى كۇنى ”ماڭگىلىك كۇرەسۋ“ ءالى دە جۇڭگو قازىرگى زامان جاستارىنىڭ ۇرانى جانە جول نۇسقاۋشى شامى بولىپ، ولاردى پارتياعا تىعىز ىلەسىپ، رەفورما جاساعان، ەسىك اشقان 40 جىلدان كەيىنگى تاماشا جورىقتى باستاپ، جاڭا جۇڭگو قۇرىلعاندىعىنىڭ 70 جىلدىعى سىندى شىت جاڭا باستاماعا قادام قويۋعا ىنتالاندىرۋدا.

  ولار جاپ - جاسىل مەكتەپ اۋلاسىندا قۇلشىنا ۇيرەندى، رەفورما جاساۋدان قامال الۋدىڭ ءبىرىنشى شەبىندە قايسارلىقپەن كۇرەستى، كەدەيلىككە قارسى تۇرۋ شايقاس مايدانىنان تاپجىلمادى، شەكارانى كۇزەتىپ، وتاندى قورعاۋدا قۇلازىعان ساتتەرىنەن وكىنبەدى، شيۇڭ - ان جاڭا رايونىنداعى قۇرىلىس باسىندا التى ايىرىعىنان تەر سورعالادى، ”ءبىر بەلدەۋ، ءبىر جول“ بويىنداعى جانە 5 ۇلكەن قۇرلىققا تاراعان كۇڭزى شۋەيۋانى دوستىقتىڭ تۇقىمىن سەپتى... قالىڭ جاستار وتان ءۇشىن، حالىق ءۇشىن كۇرەسۋ بارىسىندا شۇعىلا شاشىپ، جاڭا داۋىردە ءتىپتى كوركەم داستان جازدى.

  ون مىڭ جىل وتە ۇزاق، تەك قانا ۋاقىتپەن تالاسۋ كەرەك.

  جاڭا ءداۋىردىڭ كوكتەم سامالىندا قالىڭ جاستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، وتاننىڭ كەڭ - بايتاق دالاسىندا جاستىق ارمانعا قۇلاش ۇرىپ، جۇڭگو ارمانىنىڭ عاسىرلىق داڭقى بارىسىندا اسقاق جىگەرمەن ەكپىندەي العا تارتتى!

  (شينحۋا اگەنتتىگىنىڭ 4 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.