تيانشان تورابى   ›   جاڭالىقتار   ›   ماڭىزدى حابارلار

4 - مامىر قوزعالىسىنىڭ 100 جىلدىعىن ەسكە ءتۇسىرۋ جينالىسىندا سويلەنگەن ءسوز

  (2019 - جىلى 4 - ايدىڭ 30 - كۇنى)

  شي جينپيڭ

  كوممۋنيستىك جاستار وداعىنىڭ مۇشەلەرى، جاس دوستار، جولداستار:

  100 جىلدىڭ الدىندا، جۇڭگونىڭ ۇلان - بايتاق دالاسىندا جۇڭگو مەن شەتەلدى ءدۇر سىلكىندىرگەن 4 - مامىر قوزعالىسى بۇرق ەتە ءتۇستى، بۇل − جۇڭگونىڭ تاياۋ وسى زامان تاريحىندا ءداۋىر بولگىش ماڭىزعا يە ەلەۋلى وقيعا.

  بيىل 4 - مامىر قوزعالىسىنىڭ 100 جىلدىعى ءارى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى. ەرەكشە ماڭىزعا يە وسى تاريحي ساتتە، ءبىز وسى ارادا سالتاناتپەن جينالىس وتكىزىپ، 4 - مامىر قوزعالىسى اتويشىلدارىنىڭ وسكەلەڭ وتانشىلدىق سۇيىسپەنشىلىگى مەن توڭكەرىستىك رۋحىن ساعىنىشپەن ەسكە الىپ، پارتيا مەن حالىقتىڭ ۇلتتىڭ گۇلدەنۋىن جۇزەگە اسىرۋ جولىن قاراستىرۋداعى قۇندى تاجىريبەلەرىن قورىتىندىلاپ وتىرمىز، بۇل 4 - مامىر رۋحىن ساۋلەلەندىرىپ، بۇكىل پارتيانى، بۇكىل ەلدەگى ءار ۇلت حالقىن، اسىرەسە، جاڭا داۋىردەگى جۇڭگو جاستارىن جاپپاي دوڭگەلەك داۋلەتتى قوعام ورناتۋ، سوتسياليستىك وسى زاماندانعان مەملەكەتتى جەدەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋگە جىگەرلەندىرۋدە اسا كەلەلى ماڭىزعا يە.

  جاس دوستار، جولداستار!

  4 - مامىر قوزعالىسى ۇلتتىڭ باسىنا قاتەر تونگەن ساتتە بۇرق ەتتى، ول − العاباسار جاس زيالىلار اتويشى بولعان، قالىڭ حالىق بۇقاراسى قاتىناسقان يمپەرياليزمگە، فەوداليزمگە ءۇزىلدى - كەسىلدى قارسى تۇرعان ۇلى وتانشىلدىق توڭكەرىستىك قوزعالىس، جۇڭگو حالقىنىڭ ۇلتتى جويىلۋ حاۋپىنەن قۇتقارۋ، ۇلتتىڭ ار - نامىسىن قورعاۋ، ۇلتتىڭ كۇش - قۋاتىن ۇيىستىرۋ ءۇشىن كوتەرگەن ۇلى قوعامدىق توڭكەرىستىك قوزعالىسى، جاڭا يدەيانى، جاڭا مادەنيەتتى، جاڭا ءبىلىمدى تاراتقان ۇلى يدەيالىق اعارتۋ قوزعالىسى جانە جاڭا مادەنيەت قوزعالىسى، ول جويقىن كۇشپەن جۇڭگو حالقى مەن جۇڭحۋا ۇلتىنىڭ ۇلتتىڭ گۇلدەنۋىن جۇزەگە اسىرۋ مۇراتى مەن سەنىمىنە قۋات بەردى.

  4 - مامىر قوزعالىسى يمپەرياليزمگە، فەوداليزمگە ءۇزىلدى - كەسىلدى قارسى تۇرعان توڭكەرىستىك سيپاتىمەن، وتاندى قۇتقارۋ، وتاندى قۇدىرەتتەندىرۋ اقيقاتىنا تالپىنعان العاباسارلىق سيپاتىمەن ءار ۇلت، ءار سالاداعى بۇقارا بەلسەندىلىكپەن ات سالىسقان كەڭ اۋقىمدىلىق سيپاتىمەن جۇڭگو قوعامىنىڭ العا باسۋىن ىلگەرىلەتىپ، ماركسيزمنىڭ جۇڭگودا تارالۋىن جەبەپ، ماركسيزمنىڭ جۇڭگونىڭ جۇمىسشىلار قوزعالىسىمەن ۇشتاسۋىن جەبەپ، جۇڭگو كوممۋنيستىك پارتياسىنىڭ قۇرىلۋىنا يدەيا، كادر جاعىنان دايىندىق جاسادى، جاڭا توڭكەرىستىك كۇشتەردىڭ، توڭكەرىستىك مادەنيەتتىڭ، توڭكەرىستىك كۇرەستىڭ تاريح ساحناسىنا شىعۋىنا شارت - جاعداي ازىرلەدى، ول − جۇڭگونىڭ كونە دەموكراتيالىق توڭكەرىسىنىڭ جاڭا دەموكراتيالىق توڭكەرىسكە قاراي وتۋىندەگى بۇرىلىس ءتۇيىنى رەتىندە تاياۋ زاماننان بەرى جۇڭحۋا ۇلتىنىڭ ۇلت تاۋەلسىزدىگى مەن دامۋىنا، العا باسۋىنا ۇمتىلۋىنىڭ تاريحي بارىسىندا بەلەستىك مانگە يە.

  − 4 - مامىر قوزعالىسى بۇكىل ۇلتتىڭ كۇشىمەن وتانشىلدىق ۇلى تۋىن بيىك كوتەردى. 4 - مامىر قوزعالىسى وتاندى ءسۇيۋدى، العا باسۋدى، دەموكراتيانى، عىلىمدى باستى مازمۇن ەتكەن ۇلى 4 - مامىر رۋحىن جەتىلدىردى، ونىڭ وزەگى − وتانشىلدىق رۋح. وتانشىلدىق − ءبىزدىڭ ۇلت رۋحىمىزدىڭ وزەگى، جۇڭحۋا ۇلتىنىڭ ىنتىماقتاسا كۇرەس جۇرگىزۋىنىڭ، ءوزىن تالماي الۋەتتەندىرۋىنىڭ رۋحاني دانەكەرى. 4 - مامىر قوزعالىسى كەزىندە مەملەكەت پەن ۇلتتىڭ ءومىر ءسۇرۋى مەن جويىلۋى الدىندا، ءبىر توپ وتانشىل جاستار كەۋدە كەرە العا شىعىپ، بۇكىل ەل حالقى قايسارلىقپەن كۇرەسكە اتتانىپ، ”مەملەكەت جەرىنەن ايىرىلماۋعا، حالىقتىڭ باس يمەيتىندىگىنە“ سەرت ەتىپ، وتانشىلدىقتىڭ ارىنى قايتپاس اسقاق جىرىن اۋەلەتتى.

  تاريح مىنانى تەرەڭنەن كورسەتتى: وتانشىلدىق ەجەلدەن جۇڭحۋا ۇلتىنىڭ قانىندا اعىپ جاتىر، وشپەيدى، بۇزىلمايدى، جويىلمايدى، جۇڭگو حالقى مەن جۇڭحۋا ۇلتىنىڭ ۇلت تاۋەلسىزدىگى مەن ۇلتتىڭ ار - نامىسىن قورعاۋداعى قۇدىرەتتى رۋحاني قوزعاۋشى كۇش، وتانشىلدىق ۇلى تۋىن بيىك ۇستاعاندا عانا، جۇڭگو حالقى مەن جۇڭحۋا ۇلتى جۇڭگونى وزگەرتۋ، دۇنيەنى وزگەرتۋ كۇرەسىندە تاۋ قوپارىپ، تەڭىز قوتاراتىن تاريحي ۇلى كۇشتى تاسقىنداتا الادى!

  − 4 - مامىر قوزعالىسى بۇكىل ۇلتتىڭ ارەكەتى ارقىلى اقيقاتقا ۇمتىلۋداعى، العا باسۋعا تالپىنۋداعى ۇلى ويانۋىنا جىگەر بەردى. 4 - مامىر قوزعالىسىنىڭ الدى - ارتىندا، ەلىمىزدە ءبىر توپ العاباسار زيالىلار مەن توڭكەرىسشىل جاستار اقيقاتقا ۇمتىلۋ بارىسىندا جاڭا يدەيا، جاڭا مادەنيەت تاراتىپ، فەودالدىق يدەيانىڭ اجىرعىسىن باتىلدىقپەن تالقانداپ، بىرنەشە مىڭ جىلدان بەرگى فەودالدىق كونە سالت - ساناعا، كونە ءمورالعا، كونە يدەياعا، كونە مادەنيەتكە سىلەيتە سوققى بەردى. 4 - مامىر قوزعالىسى بۇرىنعىداي تەك ساناسى ويانعان توڭكەرىسشى عانا بولۋ، ويانعان حالىق بۇقاراسى كەمشىن بولۋداي كۇرەس جاعدايىن وزگەرتىپ، جۇڭگو حالقى مەن جۇڭحۋا ۇلتىنىڭ اپيىن سوعىسىنان بەرگى تۇڭعىش رەتكى جاپپاي ويانۋىن جۇزەگە اسىردى. 4 - مامىر قوزعالىسىنىڭ سىن - سىناعى ارقىلى ماركسيزم تۋى استىنا جينالعان جۇڭگونىڭ العاباسارلارىنىڭ سانى بارعان سايىن كوبەيدى، 1921 - جىلى جۇڭگو كوممۋنيستىك پارتياسىنىڭ رەسمي قۇرىلعاندىعى جاريالانىپ، جۇڭگو تاريحىندا شىت جاڭا پاراق اشىلدى.

  تاريح مىنانى تەرەڭنەن كورسەتتى: ماركسيزم بولعاندىقتان، جۇڭگو كوممۋنيستىك پارتياسىنىڭ باسشىلىعى بولعاندىقتان، جۇڭگو حالقى مەن جۇڭحۋا ۇلتىنىڭ ۇلى ويانۋى بولعاندىقتان، جۇڭگو حالقى مەن جۇڭحۋا ۇلتىنىڭ اقيقاتقا ۇمتىلۋ، العا باسۋعا تالپىنۋ اعىمىنا وسىدان كەيىن ەشكىم كەدەرگىلىك جاساي المايدى!

  − 4 - مامىر قوزعالىسى بۇكىل ۇلتتىڭ شايقاس ارقىلى ماڭگى كۇرەس جۇرگىزۋ ۇلى ءداستۇرىن جەتىلدىردى. سوناۋ 80 جىلدىڭ الدىندا، ماۋ زىدۇڭ جولداس: ”جۇڭگونىڭ جاستار قوزعالىسىندا وتە جاقسى توڭكەرىستىك ءداستۇر بار، بۇل ءداستۇر ’ماڭگىلىك كۇرەس جۇرگىزۋ‘“ دەپ اتاپ كورسەتتى. 4 - مامىر قوزعالىسى ارقىلى جۇڭگو جاستارى وزدەرىنىڭ كۇش - قۋاتىن بايقادى، جۇڭگو حالقى مەن جۇڭحۋا ۇلتى ءوزىنىڭ كۇش - قۋاتىن بايقادى. جۇڭگو حالقى مەن جۇڭحۋا ۇلتى كۇرەس امالياتىنان جۇڭگو قوعامىنىڭ دامۋى، جۇڭحۋا ۇلتىنىڭ گۇلدەنۋى، جۇڭگو حالقىنىڭ باقىتى، ءسوز جوق، ءوزىنىڭ ەرلىكپەن كۇرەس جۇرگىزۋى ارقىلى جۇزەگە اساتىنىن، ەشكىم دە بىزگە نۇرلى جۇڭگونى بەرمەيتىنىن ءبىلدى.

  تاريح مىنانى تەرەڭنەن كورسەتتى: جۇڭگو حالقى مەن جۇڭحۋا ۇلتى ءوزىنىڭ تاعدىرىن وزگەرتۋ ءۇشىن كۇرەس جۇرگىزىپ، قۇرباندىقتار بەرۋدەن تايىنباعاندا عانا، مەملەكەتىمىز، ءسوز جوق، بايىپ - قۇدىرەتتەنۋگە بەت الادى، ۇلتىمىز، ءسوز جوق، ۇلى گۇلدەنۋدى جۇزەگە اسىرا الادى!

  4 - مامىر قوزعالىسىنان بەرگى 100 جىل − جۇڭگو جاستارى ۇرپاقتان - ۇرپاققا جالعاپ كۇرەس جۇرگىزگەن، جەڭىسپەن العا تارتقان 100 جىل، جۇڭگو جاستارى جاستىق ورالى ارقىلى جاستىق ورالعا ءتان جۇڭگونى، جاستىق ورالعا ءتان ۇلتتى جارىققا شىعارعان 100 جىل.

  100 جىلدان بەرى، جۇڭگو جاستارى وتان مەن حالىققا دەگەن پاك نيەتپەن پارتيا باسشىلىعىنداعى توڭكەرىس، قۇرىلىس، رەفورما ۇلى ىستەرىنە بەلسەنە ات سالىسىپ، حالىق ءۇشىن شايقاس جاساپ، وتانعا وزدەرىن ارناپ، باقىتتى ءومىر ءۇشىن كۇرەسىپ، ەڭ كوركەم جاستىق ورالىن وتان مەن حالىققا ارناپ، جاستىق كوكتەمنىڭ ايبىندى جىرلارىن جازدى.

  اماليات مىنانى تولىق دالەلدەدى: جۇڭگو جاستارى − ۇلى مۇرات ارقالاعان جاستار! جۇڭگو جاستارى − وتباسى، وتانعا تەرەڭ سۇيىسپەنشىلىك ورناتقان جاستار! جۇڭگو جاستارى − ۇلى جاسامپاز كۇشكە يە جاستار! بۇرىن بولسىن، قازىر بولسىن، الدە بولاشاقتا بولسىن، جۇڭگو جاستارى قاشاندا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى اۆانگارد كۇش!

  جاس دوستار، جولداستار!

  بۇگىن جۇڭگو كوممۋنيستىك پارتياسىنىڭ باسشىلىعىندا، ءبىز جۇڭگوشا سوتسياليزم جولىن اشتىق، جۇڭگوشا سوتسياليستىك نازاريا جۇيەسىن قالىپتاستىردىق، جۇڭگوشا سوتسياليستىك ءتۇزىم ورناتتىق، جۇڭگوشا سوتسياليستىك مادەنيەتتى دامىتتىق، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتىك. جۇڭگو حالقى بۇرىن بولماعان جول سەنىمىنە، نازاريا سەنىمىنە، ءتۇزىم سەنىمىنە، مادەنيەت سەنىمىنە يە بولىپ، جۇڭحۋا ۇلتىنىڭ ۇلى گۇلدەنۋىندە بۇرىن بولماعان جارقىن بولاشاق جارىققا شىقتى!

  جاڭا داۋىردەگى جۇڭگو جاستار قوزعالىسىنىڭ نەگىزگى تاقىرىبى، جاڭا داۋىردەگى جۇڭگو جاستار قوزعالىسىنىڭ بەتالىسى، جاڭا داۋىردەگى جۇڭگو جاستارىنىڭ بورىشى − جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقپەن بىرگە ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ.

  جاستار − تۇتاس قوعامداعى كۇشتەر اراسىنداعى ەڭ بەلسەندى، ەڭ جالىندى كۇش، مەملەكەتتىڭ ءۇمىتى جاستاردا، ۇلتتىڭ بولاشاعى جاستاردا. بۇگىن جاڭا داۋىردەگى جۇڭگو جاستارى جۇڭحۋا ۇلتى دامۋىنىڭ ەڭ تاماشا مەزگىلىندە تۇر، وڭاي قول جەتە بەرمەيتىن ۇلەس قوسىپ، شارۋاشىلىق قۇرۋ سىندى ءومىر كەشىرمەسىنە، سونداي - اق ”زامان اۋىر مىندەتتى وزىمە ارقالاتادى“ دەيتىن ءداۋىر بورىشىنا ءدوپ كەلىپ وتىر. جاڭا داۋىردەگى جۇڭگو جاستارى 4 - مامىر رۋحىن ۇزدىكسىز ساۋلەلەندىرىپ، جۇڭحۋا ۇلتىنىڭ ۇلى گۇلدەنۋىن مىندەت ەتىپ، پارتيانىڭ ءۇمىتىن، حالىقتىڭ تىلەگىن، ۇلتتىڭ ۇلكەن سەنىمىن اقتاۋى، ۇلى ءداۋىرىمىزدىڭ مىندەتىن وتەۋى كەرەك.

  ءبىرىنشى، جاڭا داۋىردەگى جۇڭگو جاستارى ۇلى مۇرات ورناتۋى كەرەك. جاستاردىڭ مۇرات - سەنىمى مەملەكەتتىڭ بولاشاعىنا سايادى. جاستاردىڭ مۇراتىنىڭ ۇلى، سەنىمىنىڭ بەرىك بولۋى − ءبىر مەملەكەتتىڭ، ءبىر ۇلتتىڭ العا باسۋ جولىنداعى المايتىن قامالى جوق قوزعاۋشى كۇش. جاستاردىڭ ۇلى مۇراتى بولعاندا، قايراتتانا ىلگەرىلەۋدىڭ كومەسكى كۇشىن قاۋلاتا الادى، جاستىق ورالى رولسىز كەمەدەي قالقاقتامايدى. ”دانىشپان بولۋدى مۇرات تۇتساڭ دانىشپان بولاسىڭ، كەمەڭگەر بولۋدى مۇرات تۇتساڭ كەمەڭگەر بولاسىڭ“. جاستاردىڭ ومىردەگى نىساناسى بىردەي بولمايدى، كاسىپ تاڭداۋىندا دا پارىق بولادى، ءبىراق، كىشكەنە ءوزىن ۇلكەن وتانمەن، ۇلكەن حالىقپەن توعىستىرىپ، داۋىرمەن قادامداس، حالىقپەن تاعدىرلاس بولعاندا عانا، ءومىر قۇنىن ءتىپتى جاقسى جۇزەگە اسىرا الادى، ءومىر ورەسىن وسىرە الادى. وتاننىڭ قاجەتىنەن، حالىقتىڭ مۇددەسىنەن ايرىلىپ، ءوز الدىنا جەكە - دارا مارسيعانداردىڭ ءورىسى بارعان سايىن تارىلا بەرەدى.

  جاڭا داۋىردەگى جۇڭگو جاستارى ماركسيزم سەنىمىن، جۇڭگوشا سوتسياليزم سەنىمىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى سەنىمىن ورناتىپ، حالىق بۇقاراسىنىڭ اراسىنا بارىپ، جاڭا داۋىردەگى جاڭا ورىسكە بارىپ، مۇرات - سەنىمدى شارۋاشىلىق قۇرۋ كۇرەسىندە ءوسىرۋى، جاستىق ورالدى جاڭالىق اشۋ، جاسامپازدىق بارىسىندا جايناتۋى كەرەك!

  ەكىنشى، جاڭا داۋىردەگى جۇڭگو جاستارى ۇلى وتاندى قىزۋ ءسۇيۋى كەرەك. سۇن جۇڭشان مىرزا ادام بولۋداعى ەڭ ۇلكەن ءىس ”وتاندى قالاي ءسۇيۋدى ءبىلۋ كەرەكتىگىندە“ دەگەن ەدى. ءبىر ادام وتانىن سۇيمەسە، ءتىپتى، وتانىن الداسا، وتانىنا وپاسىزدىق جاساسا، ءوز مەملەكەتىندە، ءتىپتى، دۇنيە جۇزىندە ابىروي تاپپايدى ءارى تابان تىرەپ تۇرار جەر تاپپايدى. ءاربىر جۇڭگولىق ءۇشىن ايتقاندا، وتاندى ءسۇيۋ بورىش ءارى جاۋاپكەرشىلىك، جۇرەكتىڭ بايلاۋى، كوڭىلدىڭ تياناعى. جاڭا داۋىردەگى جۇڭگو جاستارى ءۇشىن ايتقاندا، وتاندى قىزۋ ءسۇيۋ − ءوزىن جەتىلدىرۋدىڭ توركىنى، جارامدى ادام بولۋدىڭ نەگىزى. قازىرگى جۇڭگودا وتانشىلدىقتىڭ ءمانى − وتاندى ءسۇيۋ مەن پارتيانى ءسۇيۋدىڭ، سوتسياليزمدى ءسۇيۋدىڭ وسكەلەڭ بىرلىگىنە تاباندى بولۋ.

  جاڭا داۋىردەگى جۇڭگو جاستارى پارتيانىڭ سوزىنە قۇلاق اسۋى، پارتياعا ىلەسۋى، ەلدىڭ، حالىقتىڭ قامىن ويلايتىن نيەتپەن، وتاندى، حالىقتى سۇيەتىن سۇيىسپەنشىلىكپەن وتانعا، حالىققا ۇزدىكسىز ۇلەس قوسىپ، ءومىر بويى شىنايى سۇيىسپەنشىلىكتى ارناۋ، ءومىر بويى قايىسپاي كۇرەس جۇرگىزۋ ارقىلى وتانشىلدىق سۇيىسپەنشىلىگىن ايگىلەپ، وتانشىلدىقتىڭ ۇلى تۋىن كوڭىل تورىندە قاشاندا بيىك جەلبىرەتۋ كەرەك!

  ءۇشىنشى، جاڭا داۋىردەگى جۇڭگو جاستارى ءداۋىر جاۋاپكەرشىلىگىن ارقالاۋى كەرەك. ءداۋىر جاۋاپكەرشىلىك ارقالاۋعا شاقىرادى، ۇلتتىڭ گۇلدەنۋى − جاستاردىڭ جاۋاپكەرشىلىگى. لۋشۇن مىرزا بىلاي دەگەن ەدى: جاستاردا ”مول جالىندى كۇش بار، نۋ ورماندى تەگىستەي الادى، يەن دالاعا اعاش ەگە الادى، قۇمدى شولدەن قۇدىق قازا الادى“. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا ساپارىندا، ەلەۋلى سىن - سايىستارعا توتەپ بەرۋ، ەلەۋلى حاۋىپ - قاتەرلەرگە قارسى تۇرۋ، ەلەۋلى كەدەرگىلەردى جەڭۋ، ەلەۋلى قايشىلىقتاردى شەشۋ قيىندىقتان تايسالماي العا ۇمتىلاتىن، كەۋدە كەرىپ العا شىعاتىن جاۋاپكەرشىلىك رۋحىنا اسا ءزارۋ. جاستاردىڭ بارلىعى اۋىر جۇكتى باتىلدىقپەن كوتەرىپ، قيىندىقتاردى ەرلىكپەن جەڭىپ، حاۋىپ - قاتەرلەرمەن ەرلىكپەن كۇرەسكەندە عانا، جۇڭگوشا سوتسياليزم ومىرشەڭ كۇشكە، سەرپىنگە، ۇمىتكە تولى بولادى. جاستار جاڭا تۋعان بۇزاۋ جولبارىستان قورىقپايتىن، قانشا جاپالى، قيىن بولعان سايىن سونشا العا ىلگەرىلەيتىن قايىسپاس قايسارلىقپەن ءداۋىردىڭ الدىڭعى لەگىندە باتىلدىقپەن قاسقايىپ، ءداۋىر اۆانگاردى بولۋعا ۇمتىلۋى كەرەك. ىزدەنۋدى، سىناپ كورۋدى قيىن شارۋا دەپ سانايتىن، اۋىر جۇك ارقالاپ العا ىلگەرىلەۋدى زيان تارتۋ دەپ بىلەتىن، ”شاعىن عيماراتقا تىعىلىپ الىپ وزىمەن - ءوزى بولىپ“ جاۋاپكەرشىلىكتەن قاشقالاقتايتىن بارلىق يدەيا مەن ارەكەت جارامايدى، ەش ناتيجە شىقپايدى ءارى ءومىردىڭ شاتتىعىنا شىن مانىندە قول جەتكىزە المايدى.

  جاڭا داۋىردەگى جۇڭگو جاستارى وسى ءداۋىردى قاستەرلەۋى، ءداۋىر بورىشىن ارقالاۋى، جاۋاپكەرشىلىك ارقالاۋ بارىسىندا شىڭدالۋى، جاۋاپكەرشىلىكتى وتەۋ بارىسىندا ەسەيۋى، جاستىق ورالدىڭ جاڭا داۋىردەگى رەفورما جاساۋدىڭ، ەسىك اشۋدىڭ كەڭ ورىسىندە گۇل اشىپ، ءومىردىڭ جۇڭگو ارمانىن جۇزەگە اسىرۋداعى ەرلىكپەن ۇمتىلۋ بارىسىندا ەرلىكپەن العا باسۋداي قاھارماندىق تۇلعانى ايگىلەۋىنە مۇمكىندىك جاساپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارى بولۋعا قۇلشىنۋ كەرەك.

  ءتورتىنشى، جاڭا داۋىردەگى جۇڭگو جاستارى ەرلىكپەن ەكپىندەي كۇرەس جۇرگىزۋى كەرەك. كۇرەس − جاستىق ورالدىڭ ەڭ ايشىقتى ءتۇپ بوياۋى. ”ارپالىسىپ تولقىندارمەن، تەرەڭمەن، ەكى ءجۇز جىل جاسارىما سەنەم مەن“. ۇلتتى گۇلدەندىرۋ بورىشىن كۇرەس ارقىلى جۇزەگە اسىرۋ كەرەك، ومىرلىك مۇراتتىڭ جەلكەنى كۇرەس ارقىلى جايىلۋى كەرەك. قالىڭ حالىق، اسىرەسە، نەشە ۇرپاق جاستار ءبىرىنىڭ سوڭىنان ءبىرى اتتانىپ، قاجىرلىلىقپەن ۇزدىكسىز كۇرەس جۇرگىزبەسە، جۇڭگوشا سوتسياليزم جاڭا ءداۋىرى سىندى بۇگىنگى كۇن بولماس ەدى، جۇڭحۋا ۇلتىنىڭ ۇلى گۇلدەنۋىنىڭ جۇزەگە اسۋى سىندى ەرتەڭگى كۇن ءتىپتى دە بولمايدى. مىڭداعان جىلدان بەرى، جۇڭحۋا ۇلتى ازاپ - توزاپتى باستان وتكەردى، ءبىراق ەشقانداي ازاپ - توزاپ ءبىزدى قۇلاتا المادى، ەڭ سوڭىندا ءبىزدىڭ ۇلت رۋحىمىزدىڭ، ەرىك - جىگەرىمىزدىڭ، كۇش - قۋاتىمىزدىڭ ءوسۋىن ىلگەرىلەتتى. بۇگىن ءبىزدىڭ تۇرمىس شارت - جاعدايىمىز جاقساردى، ءبىراق، كۇرەس رۋحىمىزدىڭ تيتتەي دە كەمۋىنە بولمايدى، جۇڭگو جاستارىنىڭ ماڭگى كۇرەس جۇرگىزۋدەي جاقسى ءداستۇرىن تيتتەي دە جوعالتۋعا بولمايدى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا ساپارىندا جاپالى، اۋىر مىندەتتەردىڭ بولاتىنى، قيىندىقتاردىڭ، كەدەرگىلەردىڭ، ءتىپتى، تار جول، تايعاق كەشۋدىڭ بولاتىنى تابيعي، بۇل بىزدەن قاجىرلىلىقپەن كۇرەس جۇرگىزۋ رۋحىن ەرەكشە قاجەت ەتەدى. كۇرەس جۇرگىزۋ ساڭقىلداعان ۇران عانا ەمەس، قايتا ءاربىر كىشى - گىرىم ءىستى ويداعىداي ىستەۋدە، ءاربىر مىندەتتى ورىنداۋدا، ءاربىر جاۋاپكەرشىلىكتى ادا ەتۋدە رۋحتى ايگىلەۋ كەرەك. كۇرەس جولى ءساتتى بولا بەرمەيدى، ىلعي دا تىكەندى، ويلى - شۇڭقىرلى بولادى. مىقتىلار قاشاندا ساتسىزدىكتەر بارىسىندا ۇزدىكسىز قايراتتانا ۇمتىلادى، ماڭگى ەڭسەسىن تۇسىرمەيدى.

  جاڭا داۋىردەگى جۇڭگو جاستارى باتىلدىقپەن ءداۋىردىڭ الدىڭعى لەگىندە جۇرەتىن ەكپىندىلەر، ءورىس اشۋشىلار، ۇلەس قوسۋشىلار بولىپ، جاپا - ماشاقات پەن كەدەرگىلەرگە ەش تايسالماستان قارسى ءجۇرىپ، تولقىن جارۋ بارىسىندا ءورىس اشا العا ىلگەرىلەپ، توسقاۋىل - بوگەتتەردى جارىپ ءوتۋ بارىسىندا بايتاق كەڭىستىك اشىپ، قامال الىپ، قينشىلىقتى جەڭۋ بارىسىندا ناتيجە جاراتىپ، جاستىق كوكتەمدەرىمەن جانە قان - تەرلەرىمەن دۇنيە ءجۇزىن جالت قاراتاتىن جاڭا كەرەمەتتەر جاساۋ كەرەك!

  بەسىنشى، جاڭا داۋىردەگى جۇڭگو جاستارى توسەلگەن شەبەرلىك جەتىلدىرۋ كەرەك. جاستار قاجىرلىلىقپەن شەبەرلىككە جاتتىعىپ، دارىندارىن ارتتىراتىن التىن مەزگىلدە تۇر. ”جاستىق شاقتا ەشتەڭە تىندىرماي ۋاقىتتى بوسقا وتكىزسەڭ، قارتايعاندا قايعىرعانىڭمەن ۇلگىرمەيسىڭ.“ قازىرگى داۋىردە ءبىلىمنىڭ جاڭالانۋى ۇزدىكسىز تەزدەپ، قوعامدىق جۇمىس ءبولىسى كۇن سايىن اشالانىپ، جاڭا تەحنيكا، جاڭا ۇلگى، جاڭا كاسىپ فورماتسياسى ۇزدىكسىز تۋىلۋدا. بۇل جاستاردىڭ دارىندارىن ايگىلەۋىنە، كەلبەتتەرىن ايگىلەۋىنە كەڭ ساحنا ازىرلەۋمەن بىرگە، جاستاردىڭ قابىلەتىنە، ساپاسىنا دا تىڭ دا اناعۇرلىم جوعارى تالاپتار قويدى. مەيلى ءوزىنىڭ ومىرلىك مۇراتىن جۇزەگە اسىرۋ دا بولسىن، الدە، ءداۋىردىڭ قاسيەتتى بورىشىن ارقالاۋدا بولسىن، جاستار جاستىق كوكتەمدى ايالاپ، جاستىق شاقتىڭ ءۇمىتىن اقتاپ، عىلمي بىلىمدەردى قۇلشىنا ۇيرەنىپ، يگەرىپ، ىشكى ساپالارىن جوعارىلاتىپ، توسەلگەن شەبەرلىك جەتىلدىرىپ، وزدەرىنىڭ وي ءورىسىن، يدەيالىق كوزقاراسىن، تانىم ورەسىن بارعان سايىن تەزدەگەن ءداۋىر دامۋىنا ىلەستىرۋ كەرەك.

  جاڭا داۋىردەگى جۇڭگو جاستارى ۇيرەنۋدەگى كوكەي تەستىلىك سەزىمىن كۇشەيتىپ، قۇشتارلىقپەن تىنىم الماي ۇيرەنىپ، ماركسيزمدىك تۇرعىنى، كوزقاراستى، ءادىستى قۇلشىنا ۇيرەنىپ، عىلمي مادەنيەت بىلىمدەرى مەن ماماندىق شەبەرلىكتەردى قۇلشىنا يگەرىپ، گۋمانيتارلىق ساپالارىن قۇلشىنا جوعارىلاتىپ، ۇيرەنۋ بارىسىندا بىلىمدەرىن مولايتىپ، كىسىلىكتەرىن شىڭداپ، قىزمەت بارىسىندا دارىندارىن ارتتىرىپ، شەبەرلىكتەرىن جەتىلدىرىپ، شىنايى دارىن، ناعىز بىلىممەن حالىققا قىزمەت ەتىپ، جاڭالىق اشۋمەن، جاسامپازدىق جاراتۋمەن مەملەكەتكە ۇلەس قوسۋ كەرەك!

  التىنشى، جاڭا داۋىردەگى جۇڭگو جاستارى ءمورالدىق جەتىلىمدى شىڭداۋ كەرەك. ادامدا ءمورال بولماسا ءىسى وڭعا باسپايدى، ءمورال ادام بولۋدىڭ نەگىزى. ەڭ كەمەلدى دەڭگەيدە بولۋ − جۇڭحۋا ۇلتىنىڭ باستان - اياق وزگەرمەيتىن كىسىلىك تالپىنىسى. ءبىز قۇراتىن سوتسياليستىك وسىزاماندانعان قۇدىرەتتى مەملەكەت زاتتىق جاقتان قۇدىرەتتى بولىپ قانا قالماستان، رۋحاني جاقتان دا قۇدىرەتتى بولۋ كەرەك. رۋحاني جاقتان قۇدىرەتتى بولعاندا عانا، اناعۇرلىم باياندى، اناعۇرلىم ورنىقتى، اناعۇرلىم قۋاتتى بولادى. جاستار دۇرىس ءمورالدىق تانىمدى، سانالى ءمورالدىق داعدىنى، بەلسەندى ءمورالدىق امالياتتى تىعىز ۇشتاستىرىپ، ۇزدىكسىز ءوزىن جەتىلدىرىپ، ءمورال ورناتىپ، ءمورال نەگىزىن بەكەمدەپ، ءومىر جولىندا ءتىپتى دە دۇرىس ءجۇرىپ، ءتىپتى دە الىستارعا جەتۋ كەرەك. كۇردەلى دۇنيە جۇزىلىك زور وزگەرىس الدىندا دۇرىس پەن بۇرىستى ايقىن پارىقتاپ، تۋرا جولدان جازباۋ، باسقالار نە دەسە سول دەمەۋ، كوزسىزدىكپەن دۇرمەككە ىلەسپەۋ كەرەك. سىرتقى دۇنيەنىڭ ەلىكتىرۋى الدىندا تاباندىلىقتى ساقتاپ، قاعيداعا قاتاڭ بويسۇنىپ، ەڭبەكشىل قوس قولدارىمەن جانە ادال ەڭبەكتەرىمەن تاماشا تۇرمىستى جاراتۋ، ورايشىلدىققا، جىلپوستىققا سالىنباۋ، اقىلدى كىسىمسۋدەن اۋلاق بولۋ كەرەك. تاماشا ۋاقىت الدىندا، سۋ ىشكەندە قاينارىن ەسكە الاتىن، ءۇمىتتى اقتايتىن العىس ايتۋ سەزىمىمەن پارتيا مەن مەملەكەتكە العىس ايتۋ، قوعام مەن حالىققا العىس ايتۋ كەرەك. كۇرەس جاساۋ بارىسىندا ابدەن شىنىعىپ - شىڭدالىپ، دۇنيەنىڭ ىستىق - سۋىعىن، بۇقارانىڭ قۋانىش - قايعىسىن، رەال قايشىلىقتى باعامداپ، ونان ءومىردىڭ اقيقاتىن، تىرشىلىكتىڭ قۇنىن، ءىستىڭ بەتالىسىن تابۋ كەرەك.

  جاڭا داۋىردەگى جۇڭگو جاستارى سوتسياليستىك وزەكتى قۇن كوزقاراسىن سانالى تۇردە ورناتىپ جانە امالياتتا ايگىلەپ، جۇڭحۋا ۇلتىنىڭ ءداستۇرلى كوركەم احىلاعىنان ءمورال ءنارىن شەبەرلىكپەن قابىلداپ، قاھارمان تۇلعالار مەن ءداۋىر ۇلگىلەرىنىڭ بويىنان ءمورالدىق ونەگە قابىلداپ، ءوزىن ىشتەي تەكسەرۋ بارىسىندا ءمورالدىق جەتىلىمدى جوعارىلاتىپ، ۇلى ءمورالدى ۇعىنىپ، الەۋمەتتىك ءمورالعا بويسۇنىپ، جەكە ءمورالدى قاتايتىپ، اقشاقۇمارلىق، راقاتقۇمارلىق، ۇشقارى جەكەشىلدىك، تاريحي تەرىستەمپازدىق سياقتى قاتە يدەيالاردى سانالىلىقپەن تيىپ، اناعۇرلىم وسكەلەڭ، اناعۇرلىم ءورىستى، اناعۇرلىم سالاۋاتتى ومىرگە تالپىنىپ، پاك ستيلدى، دۇرىس سالتتى، جالىندى جىگەردى تۇتاس قوعامعا جالپىلاستىرۋ كەرەك!

  جاس دوستار، جولداستار!

  جۇڭگو كوممۋنيستىك پارتياسى قۇرىلعان كۇننەن باستاپ، باستان - اياق جاستار قىزمەتىن پارتيانىڭ ەرەكشە ماڭىزدى قىزمەتى سانادى. سان ۇرپاق جۇڭگو كوممۋنيستەرىنىڭ دەنى جاس كەزدەرىندە - اق كوكىرەك تولى سەنىممەن جانە اسقاق سەزىممەن پارتيا ۇيىمىنا كىردى ءارى پارتيا مەن حالىق ءۇشىن ءومىر بويى كۇرەستى. پارتيانىڭ قوسىندارىندا اسىل مۇرات ۇستانعان، كۇرەس جاساۋ رۋحىنا باي ارىندى جاستار بولدى، بۇل − پارتيامىزدىڭ 100 جىلدىق بوران - شاشىندى باستان كەشىرسە دە قاي - قاشان دا جاندى ومىرشەڭدىككە تولى بولۋىنىڭ ءبىر ماڭىزدى سەبەبى. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتۋدە، ءسوز جوق، باستان - اياق قالىڭ جاستارعا ۋاكىل بولىپ، قالىڭ جاستاردىڭ قولداۋىنا يە بولىپ، قالىڭ جاستارعا سۇيەنىپ، وراسان زور كۇشپەن جاستار قىزمەتىن جاقسى ىستەپ، پارتيا ىستەرىنىڭ ۇرپاقتارعا جالعاسۋىنا شىنايى كەپىلدىك ەتۋ، جۇڭحۋا ۇلتىنىڭ ماڭگى تىنباي دامۋىنا شىنايى كەپىلدىك ەتۋ كەرەك.

  جاس ۇرپاقتى احىلاق، اقىل - وي، دەنە، ەستەتيكا، ەڭبەك جاعىنان جان - جاقتىلى دامىعان سوتسياليزمنىڭ قۇرىلىسشىلارى جانە ءىزباسارلارى ەتىپ باۋلىپ جەتىلدىرۋ − پارتيا مەن مەملەكەتتىڭ كەلەشەگى مەن تاعدىرىنا ساياتىن كەلەلى ستراتەگيالىق مىندەت، بۇكىل پارتيانىڭ ورتاق ساياسي جاۋاپكەرشىلىگى. ءار دارەجەلى پارتكومدار مەن ۇكىمەتتەر، ءار دارەجەلى باسشى كادرلار، سونداي - اق تۇتاس قوعام جاستارعا تولىق سەنىم ارتۋ، جاستارعا ىنتالىلىقپەن كوڭىل ءبولۋ، جاستارعا قاتاڭ تالاپ قويۋ، جاستاردىڭ ارمان - تىلەگىنە ءمان بەرۋ، جاستاردىڭ دامۋىنا كومەكتەسۋ، جاستاردىڭ شارۋاشىلىق قۇرۋىنا قولداۋ كورسەتۋ، جاس دوستاردىڭ سىرلاسى، جاستار قىزمەتىنە دەن قويۋشى، جاستار قاۋىمىنىڭ جول باستاۋشىسى بولۋ كەرەك.

  جاستارعا ىرىقتىلىقپەن جاقىنداپ، جاستاردى دەن قويا تىڭداپ، جاس دوستاردىڭ سىرلاسى بولۋىمىز كەرەك. وسى زامانعى جاستاردىڭ يدەياسى جالىندى، ويى شيراقى، كوزقاراسى جاڭا، قىزىعۋى كەڭ، بەيمالىم تۇستار جونىندە ىزدەنىس جاساۋ تەبىنى كۇشتى، جاڭا ىستەردى قابىلداۋى تەز، تۇلعالىق تانىمى، ات سالىسۋ تانىمى كۇشتى، ومىردە جەتىلۋ تىلەگى كۇشتى. جاستىق شاقتاعى مۇنداي قاسيەت جاستارعا ومىرشەڭدىك كۇش، قىزۋ ىنتا، قيالداۋ قابىلەتىن جانە جاسامپازدىق قابىلەت سيلاعان، بۇلاردى تولىق تۇراقتاندىرۋ كەرەك. سونىمەن بىرگە، جاستاردىڭ باستان كەشىرگەنى از، دۇنيەنى ءوز تۇرعىسىنان، يدەيالىق كۇي تۇرعىسىنان جەڭىل تانيدى جانە تۇسىنەدى، مۇنىڭ ولارعا شەكتەمەلىلىك الا كەلۋىنەن ساقتانۋ قيىن. بۇل جاستاردىڭ جەتىلۋىنىڭ زاڭدىلىعى، بۇل زاڭدىلىققا قۇرمەت ەتۋىمىز كەرەك. سەنىم ارتۋ − ءتۇسىنۋدىڭ العى شارتى. جاستاردىڭ تابيعاتىنا قۇرمەت ەتىپ، جاستاردىڭ ەرەكشەلىگىن ويلاستىرىپ، ۇنەمى جاستاردىڭ اراسىنا بارىپ، جاستارمەن جاقىن ارالاسىپ، بەتپە - بەت اڭگىمەلەسىپ، ولاردىڭ يدەيالىق جاعدايىن، قۇن بەتالىسىن، ارەكەت ءتاسىلىن، تۇرمىس ءتاسىلىن ءتۇسىنىپ، ولاردىڭ قوعامداعى ماسەلەلەر مەن قۇبىلىستارعا قاراتقان كوزقاراسىن، پارتيا مەن ۇكىمەتكە دەگەن پىكىرى مەن ۇسىنىسىن تىڭداۋ كەرەك. اشتى، ءتىپتى، اۋساي سىن ەستي قالعان كۇندە دە، بار بولسا تۇزەتىپ، جوق بولسا ساقتانىپ، جاستاردىڭ شىن ءسوز ايتقىسى، شىن كوڭىلدەن سىرلاسقىسى، شىنايى سەزىمىن داتتەگىسى كەلەتىن سىرلاس دوسىنا اينالۋ كەرەك. جاستار ۇلكەندەردەن ۇيرەنۋى، ۇلكەندەر دە جاستاردان ۇيرەنۋى، ءوزارا ارتىقشىلىقتى قابىلداپ، كەمشىلىكتى تولىقتاپ، ءوزارا سەنىم ارتۋ، كومەكتەسۋ كەرەك.

  جاستارعا شىن پەيىلمەن كوڭىل ءبولىپ، جاستارعا قامقورلىق جاساپ، جاستار قىزمەتىنە دەن قويۋشى بولۋىمىز كەرەك. جاستار ءومىر جولىنىڭ باستالۋ كەزەڭىندە تۇر، ۇيرەنۋ، قىزمەت، تۇرمىس جاقتارىندا كوبىنەسە ءتۇرلى قيىنشىلىقتار مەن نازالانۋعا تاپ بولىپ، قوعامنىڭ دەر كەزىندە كومەك قولىن سوزۋىن قاجەت ەتەدى. وسى زامانعى جاستار ءبىز بۇرىن كەزدەسىپ كورمەگەن كوپتەگەن قيىنشىلىقتارعا ءدوپ كەلدى. قىسىم − جاستاردىڭ جەتىلۋىنىڭ قوزعاۋشى كۇشى، ال جاستار جەتىلۋدىڭ شەشۋشى تۇسىندا، كىلتەڭ ساتىندە تۇرعاندا قولىنان تارتىپ جەتەكتەسەڭ، كومەكتەسسەڭ، بۇل − جاستاردىڭ قىسىمعا توتەپ بەرىپ، جەتىلىپ دارىندى بولۋىنىڭ ماڭىزدى تىرەگى بولۋى مۇمكىن. جاستاردىڭ ويلاعانىنا، ۋايىم - قامىنا، ءۇمىت - تىلەگىنە ءمان بەرىپ، جاستاردىڭ وقۋ ءبىتىرىپ قىزمەت ىزدەۋ، جاڭالىق اشۋ، شارۋاشىلىق قۇرۋ، قوعامعا ارالاسۋ، ۇيلەنۋ جانە ماحاببات، دوستاسۋ، قارتتارعا قارايلاسۋ، پەرزەنتتەرىن تاربيەلەۋ سياقتى جاقتارداعى قام جەپ وتىرعان ىستەرىن، كوڭىلسىزدەندىرىپ وتىرعان ىستەرىن جاقسى شەشۋىنە كومەكتەسىپ، جاستار ءۇشىن تاماشا دامۋ شارت - جاعدايىن قۇلشىنا ازىرلەپ، ولارعا سۇيىسپەنشىلىكتىڭ ماڭايىندا ەكەندىگىن، قامقورلىقتىڭ كوز الدارىندا ەكەندىگىن سەزىندىرۋىمىز كەرەك.

  جاستاردى ىجداعاتپەن تاربيەلەپ، جاستاردى جەتەكتەپ، جاستار قاۋىمىنىڭ جول باستاۋشىسى بولۋىمىز كەرەك. جاستار ءساتتى ەسەيىپ جەتىلۋ ءۇشىن، جاس مايسا سياقتى قۇنتتاپ ماپەلەۋدى، تۇبىنە توپىراق ۇيەتىن كەزدە توپىراق ءۇيۋدى، سۋاراتىن كەزدە سۋارۋدى، تىڭايتقىش بەرەتىن كەزدە تىڭايتقىش بەرۋدى، ءدارى شاشاتىن كەزدە ءدارى شاشۋدى، ساباعىن رەتتەيتىن كەزدە ساباعىن رەتتەۋدى قاجەت ەتەدى. كوڭىل ءبولۋ، ايالاۋ مەن قاتاڭ تالاپ قويۋدىڭ بىرلىگىنەن، زاڭدىلىققا قۇرمەت ەتۋ مەن بەلسەندىلىكپەن جەتەكتەۋدىڭ بىرلىگىنەن جازباي، جاستاردى دۇنيەنى دۇرىس تانۋعا، مەملەكەت جاعدايىن جان - جاقتى تۇسىنۋگە، ءداۋىر اۋقىمىن يگەرۋگە تاربيەلەۋ، جەتەكتەۋ كەرەك. جاستاردىڭ ويلاعانىن ءتۇسىنىپ، ولاردىڭ وي - ساناسىن شارىقتاتۋىنا شەكسىز كەڭىستىك اشۋمەن بىرگە، جاستاردى بەلسەندىلىكپەن تاربيەلەپ، جەتەكتەپ، ولاردىڭ مول ءىس تىندىراتىن كەڭ ساحنادا تاباندىلىقپەن ءجۇرۋىن جەبەۋ كەرەك. جاستاردىڭ يدەيالىق تانىمى داعدارۋعا، ءارى - سارىلىككە تاپ بولعاندا، ءومىر تالعامىنىڭ بۇرىلىس تۇيىنىندە تۇرعاندا ولاردى رۋحتى سەرپىلتىپ، باتىلدىقپەن العا ىلگەرىلەۋگە شابىتتاندىرۋ، جاستار قىزمەتتە ىلگەرىلەۋشىلىككە قول جەتكىزگەندە ولاردى ىقىلاستى تۇردە جىگەرلەندىرۋ، جاستار ىستە قيىنشىلىققا ۇشىراعاندا ولاردىڭ قايتا سەنىم ورناتۋىنا كومەكتەسۋ، جاستار قاتەلىك وتكىزگەندە، قاتە ءىس ىستەپ قويعاندا دەر كەزىندە كورسەتۋ ءارى تۇزەتۋىنە كومەكتەسۋ كەرەك، كەيبىر جاستار يدەيالىق جاقتا اپتىقپالىققا سالىنعاندا نەمەسە اسىرا سىلتەۋگە بوي ۇرعاندا كوبىرەك تاربيە بەرىپ جەتەكتەۋ، كەشىرىممەن قاراۋعا بولاتىنىنا كەشىرىممەن قاراۋ، ولارعا كوبىرەك ءوز تانىمىن جوعارىلاتاتىن ۋاقىت جانە كەڭىستىك بەرۋ، شەكتەن تىس جازعىرماۋ كەرەك. جاستاردى جاپالى ءبىرىنشى شەپكە بارىپ قاجىرلىلىقپەن شىنىعۋعا، دارىندارىن ارتتىرۋعا بەلسەندىلىكپەن شابىتتاندىرىپ، جاستاردىڭ ماڭىزدى سالالاردا جانە ماڭىزدى قىزمەت ورىندارىندا قيىندىقتاردان قامال الۋىنا، دارىندارىن ايگىلەۋىنە بارىنشا مۇمكىندىك جاساپ، جاستارعا بارلىق ادام دارىندى بولۋعا قۇلشىناتىن، بارلىق ادام دارىندى بولا الاتىن، بارلىق ادام دارىنىن ايگىلەيتىن دامۋ شارت - جاعدايىن بەلسەندىلىكپەن ازىرلەۋ كەرەك.

  جاس دوستار، جولداستار!

  قاھارمان ەجەلدەن جاستان شىققان. تاريحتىڭ ۇزاق كوشىندە، ادامزات قوعامىندا جاس قاھارماندار كوپتەپ شىققان، جۇڭحۋا ۇلتىندا جاس قاھارماندار كوپتەپ شىققان. «كوممۋنيستىك پارتيا جارناماسى» جاريالانعان كەزدە ماركس 30 جاستا، ەنگەلس 28 جاستا بولاتىن. لەنين باستاپتا توڭكەرىستىك قيمىلعا قاتىناسقاندا نەبارى 17 جاستا ەدى. نيۋتون مەن لەيبنيز ديففەرەنتسيال - ينتەگرالدى بايقاعان كەزدە جەكە - جەكە 22 جاستا جانە 28 جاستا بولاتىن، دارۆين الەمدى اينالىپ كەمەمەن ساپار شەككەندە 22 جاستا، ەينشتەين تار ماعىنالى سالىستىرمالىلىق نازارياسىن العا قويعاندا 26 جاستا بولاتىن. جيا ي ”باتىس حان پاتشالىعى داۋىرىندەگى ەڭ جاقسى ساياسي شولۋ“دى جازعاندا 30 جاسقا تولماعان بولاتىن، ۋاڭ بو ايگىلى كلاسسيك شىعارماسى «تىڭۋاڭ سارايى بەتاشارى»ن جازعاندا نەبارى 20 نەشە جاستا ەدى. پارتيامىزدىڭ حالىققا باسشىلىق ەتىپ توڭكەرىس، قۇرىلىس، رەفورما جۇرگىزگەن ۇلى تاريحي ساپارىندا جاس قاھارمان ءتىپتى دە كوپ شىقتى. جۇڭگو كوممۋنيستىك پارتياسىنىڭ 1 - قۇرىلتايى اشىلعان كەزدە ماۋ زىدۇڭ 28 جاستا، جوۋ ىنلاي جۇڭگو كوممۋنيستىك پارتياسىنا قاتىناسقان كەزدە 23 جاستا، دىڭ شياۋپيڭ ەۆروپادا تۇرعان جۇڭگو ورەندەرى كوممۋنيستىك پارتياسىنا قاتىناسقان كەزدە 18 جاستا بولاتىن. ياڭ جيڭيۇي قۇربان بولعان كەزدە 35 جاستا، جاۋ يمان قۇربان بولعان كەزدە 31 جاستا، جياڭ جيە قۇربان بولعان كەزدە 29 جاستا، قىزىل 34 - شىنىڭ شىجاڭى چىن شۋشياڭ قۇربان بولعان كەزدە 29 جاستا، چيۋ شاۋيۇن قۇربان بولعان كەزدە 26 جاستا، لەي فىڭ قۇربان بولعان كەزدە 22 جاستا، حۋاڭ جيگۋاڭ قۇربان بولعان كەزدە 21 جاستا، ليۋ حۋلان قۇربان بولعان كەزدە نەبارى 15 جاستا بولاتىن. ارالدى 32 جىل كۇزەتكەن ۋاڭ جيساي العاش كايشان ارالىنا شىققاندا 26 جاستا بولاتىن، عارىشقا ۇشۋ ىستەرىندە وتان ءۇمىتىن اقتاعان چاڭ - ى قوسىنىنىڭ، شىنجوۋ قوسىنىنىڭ ورتاشا جاسى 33 جاس، بەيدوۋ قوسىنىنىڭ ورتاشا جاسى 35 جاس. وسىنداي جاس قاھارماندار ساناپ تاۋىسقىسىز! ءبىز جاستاردىڭ جاڭالىق اشۋىنا، جاسامپازدىق جاراتۋىنا سۇيىنىشپەن قاراپ، القاۋ ايتىپ، ولاردىڭ ومىردە ابىروي تابۋىنا بەلسەنە قولداۋ كورسەتىپ، جاستار قول جەتكىزگەن تابىس پەن ناتيجەگە القاۋ، بارەكەلدى ايتىپ، جاستىق كوكتەمدى جۇڭحۋا ۇلتىنىڭ ارىندى قارىشتاۋىنىڭ، ۇدەرە العا ىلگەرىلەۋىنىڭ باياندى كورىنىسى ەتەيىك، جاس قاھارمانداردى جۇڭحۋا ۇلتىنىڭ ۇلى گۇلدەنۋگە قارقىندى قادام تاستاۋىن جەبەيتىن جالىندى كۇش ەتەيىك!

  جاس دوستار، جولداستار!

  كوممۋنيستىك جاستار وداعى − پارتيانىڭ قولعاناتى جانە زاپاس قوسىنى، پارتيانىڭ جاستار قىزمەتىنىڭ ماڭىزدى كۇشى. جۇڭگو جاستار قوزعالىسىنىڭ شۇعىلالى بەلەسىندە كوممۋنيستىك جاستار وداعى ”پارتيا ۇندەۋ تاستاسا، وداق ارەكەتكە كەلەتىن“ تاماشا ءداستۇردى ساۋلەلەندىرىپ، پارتيا ءۇشىن جاستاردىڭ تىلەگىنە قول جەتكىزىپ، جاستاردىڭ كۇش - قۋاتىن ۇيىستىرىپ، توڭكەرىستىڭ، قۇرىلىستىڭ، رەفورمانىڭ ءارقايسى تاريحي كەزەڭىندە بەلسەنە ۇلەس قوسىپ، ماڭىزدى رول اتقاردى. پارتيا تۋى نۇسقاعان باعىت وداق تۋىنىڭ باعىتى. كوممۋنيستىك جاستار وداعى پارتيانىڭ باسشىلىعىنا بۇلجىماي تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جۇڭگوشا سوتسياليستىك بۇقارالىق ۇيىمدى دامىتۋ جولىنان اۋىتقىماي، ساياسيلىقتى، العاباسارلىقتى، بۇقارالىقتى ۇزدىكسىز ساقتاپ جانە نىعايتىپ، سوتسياليزمنىڭ قۇرىلىسشىلارى مەن ءىزباسارلارىن باۋلۋدى ءتۇبىرلى مىندەت ەتۋگە تاباندى بولىپ، پارتيا بيلىك جۇرگىزۋىنىڭ جاستار قاۋىمى نەگىزىن بەكەمدەۋدى جانە كەڭەيتۋدى ساياسي جاۋاپكەرشىلىك ساناپ، وزەكتى ارقاۋ ەتۋدى، كەلەلى جاعدايعا قىزمەت ەتۋدى قىزمەتتىڭ نەگىزگى جەلىسى ەتىپ، جاستارعا جەتەكشىلىك ەتۋ، ۇيىستىرۋ، جاستاردى ۇيىمداستىرۋ، جۇمىلدىرۋ، جاستارمەن بايلانىس ورناتۋ، ولارعا قىزمەت وتەۋ بورىشىن مۇقيات اتقارىپ، قىزمەت وي جەلىسىن ۇزبەي جاڭالاپ، جاستاردى ۇيىستىرۋ قۋاتىن، ۇيىمداستىرۋ قۋاتىن، ۇندەۋ قۋاتىن نىعايتىپ، جاڭا داۋىردەگى جۇڭگو جاستارىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ساپارىندا ۇزدىكسىز ءورىس اشا جاڭالىق جاساۋعا، ەكپىندەي العا ۇمتىلۋعا ىنتىماقتاستىرۋ جانە باستاۋ كەرەك.

  جاستارعا كوڭىل ءبولۋ جانە ولاردى قولداۋ − بۇكىل قوعامنىڭ ورتاق جاۋاپكەرشىلىگى. پارتيا، ۇكىمەتتىڭ بارلىق ورگاندارى، كاسىپورىندار، ءىسورىندار، حالىق ازاتتىق ارمياسى جانە قارۋلى ساقشى بولىمدەرى، ءارقايسى حالىقتىق ۇيىمدار جانە قوعامدىق ۇيىمدار، قالىڭ قالا، اۋىل نەگىزگى ساتىلارىنداعى ءوزىن - ءوزى باسقاراتىن ۇيىمدار، ءارقايسى جاڭا ەكونوميكالىق ۇيىمدار جانە جاڭا قوعامدىق ۇيىمدار تۇگەلدەي جاستاردىڭ تولىسۋىنا كوڭىل ءبولۋى، جاستاردىڭ دامۋىن قولداۋى، جاستارعا ءتىپتى دە مول وراي ازىرلەپ، جاستاردىڭ رولىن ءتىپتى جاقسى ساۋلەلەندىرۋى كەرەك.

  جاس دوستار، جولداستار!

  جاستار − مەملەكەتتىڭ بولاشاعى ءارى دۇنيە ءجۇزىنىڭ بولاشاعى. جۇڭگو ارمانى مەن دۇنيە ءجۇزى ارمانى ءبىر - بىرىمەن بىتە قابىسقان، جۇڭحۋا ۇلتى ادامزات قوعامىنا ءتىپتى زور ۇلەس قوسۋى ءتيىس. جاڭا داۋىردەگى جۇڭگو جاستارىندا وتباسى، وتان سۇيىسپەنشىلىگى بولۋى، سونداي - اق ادامزاتقا قامقورلىق جاساۋى، جۇڭحۋا مادەنيەتى ارداقتايتىن كۇللى دۇنيە ءبىر وتباسى، بار دۇنيە كوپكە ورتاق دەيتىن رۋحتى ساۋلەلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەسىپ، ”ءبىر بەلدەۋ، ءبىر جول“دى بىرگە قۇرۋدى ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا قۇلشىنۋى كەرەك.

  جاس دوستار! ءار داۋىردەگى ادامداردىڭ وزىنە ءتان ۇزاق جورىعى، ءار داۋىردەگى ادامداردىڭ وزىنە ءتان جاۋاپكەرشىلىگى بولادى. سوتسياليستىك وسىزاماندانعان قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − ۇتىلامالى جارىس. بىزدە جاستار ءۇشىن جاقسى ناتيجە جاراتاتىن بەكىم بار، سونداي - اق قازىرگى جاس بۋىنداردىڭ بولاشاقتا ءتىپتى جاقسى ناتيجە جاراتۋىن اسىعا كۇتەمىز. جاڭا داۋىردەگى جۇڭگو جاستارىنىڭ جاڭا داۋىرگە بەلسەنە قۇشاق جايىپ، جاڭا داۋىردە ەكپىندەپ، جاستىق كوكتەمىن وتان ءۇشىن، حالىق ءۇشىن، ۇلت ءۇشىن، ادامزات ءۇشىن ۇلەس قوسۋ بارىسىندا اناعۇرلىم قۇلپىرتا ءتۇسۋىن شىن جۇرەكتەن ءۇمىت ەتەمىز!

  بىرنەشە كۇننەن كەيىن 4 - مامىر جاستار مەرەكەسى كەلەدى. وسى ارادا مەن پارتيا ورتالىق كوميتەتى اتىنان بۇكىل ەلىمىزدەگى ءار ۇلت جاستارىنىڭ مەرەكەلەرىن قىزۋ قۇتتىقتايمىن!

  (شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى