تيانشان تورابى   ›   ۇيرەنۋ   ›   شولۋ

ءداۋىر بولگىش وقيعا، بەلەستىك ءمان

  − باس شۋجي شي جينپيڭنىڭ 4 - مامىر قوزعالىسىنىڭ 100 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  ءبىر تاريحي وقيعانىڭ كەلەلى قۇنى مەن تەرەڭ ءمانى ىلعي دا ۋاقىتتىڭ وتۋىمەن بارعان سايىن اشىلىپ، امالياتتىڭ سىنىنان وتكەن سايىن ايقىندالا تۇسەدى.

  ”بۇل − جۇڭگونىڭ تاياۋ وسى زامان تاريحىندا ءداۋىر بولگىش ماڭىزعا يە ەلەۋلى وقيعا“، ”جويقىن كۇشپەن جۇڭگو حالقى مەن جۇڭحۋا ۇلتىنىڭ ۇلتتى گۇلدەندىرۋدى جۇزەگە اسىرۋ مۇراتى مەن سەنىمىنە قۋات بەردى“، ”تاياۋ زاماننان بەرى جۇڭحۋا ۇلتىنىڭ ۇلت تاۋەلسىزدىگى مەن دامۋىنا، العا باسۋىنا ۇمتىلۋىنىڭ تاريحي بارىسىندا بەلەستىك مانگە يە“، باس شۋجي شي جينپيڭ 4 - مامىر قوزعالىسىنىڭ 100 جىلدىعىن ەسكە ءتۇسىرۋ جينالىسىندا سويلەگەن ماڭىزدى سوزىندە 4 - مامىر قوزعالىسىنىڭ تاريحي ءمانى مەن داۋىرلىك قۇنىن تەرەڭ بايىمداپ، ءبىزدىڭ 100 جىلدىڭ الدىنداعى سول رۋح تاسقىنداعان كەزدەردى قايتا ەسكە الۋىمىزعا، 4 - مامىر رۋحىن اناعۇرلىم جاقسى ساۋلەلەندىرىپ، گۇلدەنۋ كۇش - قۋاتىن تاسقىنداتۋىمىزعا يدەيالىق بويسۇنۋ ولشەمىن جانە ارەكەت باعدارناماسىن ازىرلەدى.

  4 - مامىر قوزعالىسى ۇلتتىڭ باسىنا قاتەر تونگەن ساتتە بۇرق ەتتى، ول − العاباسار جاس زيالىلار اتويشى بولعان، قالىڭ حالىق بۇقاراسى قاتىناسقان يمپەرياليزمگە، فەوداليزمگە ءۇزىلدى - كەسىلدى قارسى تۇرعان ۇلى وتانشىلدىق توڭكەرىستىك قوزعالىس، جۇڭگو حالقىنىڭ ۇلتتى جويىلۋ حاۋپىنەن قۇتقارۋ، ۇلتتىڭ ار - نامىسىن قورعاۋ، ۇلتتىڭ كۇش - قۋاتىن ۇيىستىرۋ ءۇشىن كوتەرگەن ۇلى قوعامدىق توڭكەرىستىك قوزعالىسى، جاڭا يدەيانى، جاڭا مادەنيەتتى، جاڭا ءبىلىمدى تاراتقان ۇلى يدەيالىق اعارتۋ قوزعالىسى جانە جاڭا مادەنيەت قوزعالىسى. بۇل قوزعالىس ماركسيزمنىڭ جۇڭگودا تارالۋىن جەبەدى، ماركسيزمنىڭ جۇڭگونىڭ جۇمىسشىلار قوزعالىسىمەن ۇشتاسۋىن جەبەدى، جۇڭگو كوممۋنيستىك پارتياسىنىڭ قۇرىلۋىنا يدەيا، كادر جاعىنان دايىندىق جاسادى. 4 - مامىر قوزعالىسىنان كەيىن، جۇڭگو كوممۋنيستىك پارتياسىنىڭ قۇرىلۋى، جۇڭحۋا حالىق رەسپۋبليكاسىنىڭ قۇرىلۋى، رەفورما جاساۋدى، ەسىك اشۋدى جانە جۇڭگوشا سوتسياليزم ىستەرىن ىلگەرىلەتۋ ەلىمىزدە تۋىلعان 3 ءىرى تاريحي وقيعا بولدى ءارى تاياۋ زاماننان بەرگى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى 3 ءىرى بەلەس بولدى.

  تاريح − ەڭ جاقسى ۇستاز، ول ءبىر مەملەكەتتىڭ باسىپ وتكەن ءىزىن ادالدىقپەن ەستەلىككە الادى، ءبىر مەملەكەتتىڭ كەلەشەك دامۋىنا دا وي سالادى. بۇگىن ءبىز 4 - مامىر قوزعالىسىن ەسكە تۇسىرگەندە، وتانشىلدىق ۇلى تۋىن بيىك ۇستاۋىمىز كەرەك. 4 - مامىر قوزعالىسى وتاندى ءسۇيۋدى، العا باسۋدى، دەموكراتيانى، عىلىمدى باستى مازمۇن ەتكەن ۇلى 4 - مامىر رۋحىن جەتىلدىردى، ونىڭ وزەگى − وتانشىلدىق رۋح. تاريح وتانشىلدىقتىڭ ەجەلدەن جۇڭحۋا ۇلتىنىڭ قان تامىرىندا اعىپ جاتقاندىعىن، ونىڭ وشپەيتىندىگىن، بۇزىلمايتىندىعىن، جويىلمايتىندىعىن، جۇڭگو حالقى مەن جۇڭحۋا ۇلتىنىڭ ۇلت تاۋەلسىزدىگى مەن ۇلتتىڭ ار - نامىسىن قورعاۋداعى قۇدىرەتتى رۋحاني قوزعاۋشى كۇش ەكەندىگىن، وتانشىلدىق ۇلى تۋىن بيىك ۇستاعاندا عانا جۇڭگو حالقى مەن جۇڭحۋا ۇلتىنىڭ جۇڭگونى جاڭارتۋ، دۇنيەنى وزگەرتۋ كۇرەسىندە تاۋ قوپارىپ، تەڭىز قوتاراتىن تاريحي ۇلى كۇشتى تاسقىنداتا الاتىندىعىن تەرەڭنەن كورسەتتى.

  بۇگىن ءبىز 4 - مامىر قوزعالىسىن ەسكە تۇسىرگەندە، اقيقاتقا تالپىنۋدىڭ، العا باسۋعا ۇمتىلۋدىڭ ارەكەت سانالىلىعىن قاۋلاتۋىمىز كەرەك. 4 - مامىر قوزعالىسى بۇرىنعى كەزدەگى تەك ساناسى ويانعان توڭكەرىسشى عانا بار بولۋ، ويانعان حالىق بۇقاراسى كەمشىل بولۋداي كۇرەس جاعدايىن وزگەرتىپ، جۇڭگو حالقى مەن جۇڭحۋا ۇلتىنىڭ اپيىن سوعىسىنان بەرگى تۇڭعىش رەتكى جاپپاي ويانۋىن جۇزەگە اسىردى. 4 - مامىر قوزعالىسىنىڭ سىن - سىناعى ارقىلى ماركسيزم تۋى استىنا جينالعان جۇڭگونىڭ العاباسارلارىنىڭ سانى بارعان سايىن كوبەيدى، 1921 - جىلى جۇڭگو كوممۋنيستىك پارتياسىنىڭ رەسمي قۇرىلعاندىعى جاريالانىپ، جۇڭگو تاريحىندا شىت جاڭا پاراق اشىلدى. تاريح ماركسيزم بولعاندىقتان، جۇڭگو كوممۋنيستىك پارتياسىنىڭ باسشىلىعى بولعاندىقتان، جۇڭگو حالقى مەن جۇڭحۋا ۇلتىنىڭ ۇلى ويانۋى بولعاندىقتان، جۇڭگو حالقى مەن جۇڭحۋا ۇلتىنىڭ اقيقاتقا تالپىنۋ، العا باسۋعا ۇمتىلۋ اعىمىنا وسىدان كەيىن ەشكىمنىڭ كەدەرگىلىك جاساي المايتىندىعىن تەرەڭنەن كورسەتتى.

  بۇگىن ءبىز 4 - مامىر قوزعالىسىن ەسكە تۇسىرگەندە ماڭگى كۇرەس جۇرگىزۋ ۇلى ءداستۇرىن ساۋلەلەندىرۋىمىز كەرەك. 4 - مامىر قوزعالىسى ارقىلى جۇڭگو جاستارى وزدەرىنىڭ كۇش - قۋاتىن بايقادى، جۇڭگو حالقى مەن جۇڭحۋا ۇلتى ءوزىنىڭ كۇش - قۋاتىن بايقادى. جۇڭگو حالقى مەن جۇڭحۋا ۇلتى كۇرەس امالياتىنان جۇڭگو قوعامىنىڭ دامۋى، جۇڭحۋا ۇلتىنىڭ گۇلدەنۋى، جۇڭگو حالقىنىڭ باقىتى، ءسوز جوق، ءوزىنىڭ ەرلىكپەن كۇرەس جۇرگىزۋى ارقىلى جۇزەگە اساتىنىن، ەشكىمنىڭ دە بىزگە نۇرلى جۇڭگونى سيعا بەرمەيتىنىن ءبىلدى. تاريح جۇڭگو حالقى مەن جۇڭحۋا ۇلتى ءوزىنىڭ تاعدىرىن وزگەرتۋ ءۇشىن كۇرەس جۇرگىزىپ، قۇرباندىقتار بەرۋدەن تايىنباعاندا عانا، مەملەكەتىمىزدىڭ، ءسوز جوق، بايىپ - قۇدىرەتتەنۋگە بەت الاتىندىعىن، ۇلتىمىزدىڭ، ءسوز جوق، ۇلى گۇلدەنۋدى جۇزەگە اسىراتىندىعىن تەرەڭنەن كورسەتتى.

  ۋاقىت دارياسى ايالسىز اعا بەرەدى، گۇلدەنۋ جولى جالىندى دا تەبىندى ارىنعا ءوتتى. 100 جىلدان كەيىنگى بۇگىنگى كۇندە، جۇڭگو كوممۋنيستىك پارتياسىنىڭ باسشىلىعىندا، جۇڭحۋا ۇلتىنىڭ ۇلى گۇلدەنۋى بۇرىن بولىپ كورمەگەن جارقىن كەلەشەكتى ايگىلەدى. تاريحتىڭ اماناتىن قولعا الىپ، تاي - تالاسا اعىلعان سانسىز كەمەدە اقجال تولقىنداردى جارىپ، جارىسا جايىلعان سانسىز جەلكەندە ەرلىكپەن العا تارتساق، ءبىز، ءسوز جوق، 4 - مامىر رۋحىنا ونان ارمان كوز تارتارلىق ءداۋىر شۇعىلاسىن شاشتىرىپ، جاڭا داۋىردە جۇڭحۋا ۇلتىنىڭ ءتىپتى دە تاماشا كەلەشەگىن اشاتىن بولامىز.

  (شينحۋا اگەنتتىگىنىڭ 5 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى