شينحۋا اگەنتتىگىنىڭ 5 - ايدىڭ 1 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 1 - كۇنى دومينيكانىڭ زۇڭتۇڭى مەدينامەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ ءبىر جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا مىنانى اتاپ كورسەتتى: بىلتىر 5 - ايدا جۇڭگو دومينيكامەن رەسمي ديپلوماتيالىق قارىم - قاتىناس ورناتىپ، ەكى ەل قارىم - قاتىناسىنىڭ تىڭ پاراعىن اشتى. بىلتىر 11 - ايدا ءسىز جۇڭگودا مەملەكەت ىستەرى ساپارىندا بولدىڭىز، ءبىز ەكى ەل قارىم - قاتىناسىنىڭ دامۋ جوباسىن بىرگە جاساپ، كوپتەگەن ماڭىزدى ورتاق تانىمدارعا كەلدىك. ەكى جاقتىڭ بىرگە قۇلشىنۋىندا، جۇڭگو مەن دومينيكانىڭ ءار سالاداعى اۋىس - ءتۇيىسى، سەلبەستىگى ورنىقتى ىلگەرىلەپ، ديپلوماتيالىق قارىم - قاتىناس ورناتۋدىڭ تابىستارى ۇزدىكسىز جارىققا شىقتى. فاكت جۇڭگو مەن دومينيكانىڭ ديپلوماتيالىق قارىم - قاتىناس ورناتۋى ەكى جاقتىڭ كورەگەندىكپەن شىعارعان دۇرىس ساياسي شەشىمى ەكەندىگىن، ەكى ەل حالقىنىڭ ءبىر اۋىزدان قولداۋىنا يە بولعاندىعىن دالەلدەدى. مەن جۇڭگو مەن دومينيكا قارىم - قاتىناسىنىڭ دامۋىنا باسا ءمان بەرەمىن، سىزبەن بىرگە قۇلشىنىپ، ەكى ەلدىڭ دوستىق سەلبەستىگىن ۇزدىكسىز تەرەڭدەتۋگە جەتەكشىلىك ەتىپ، بىرگە دامۋدى جەبەپ، ەكى ەل مەن ەكى ەل حالقىن باقىتقا كەنەلتۋدى قالايمىن.
مەدينا قۇتتىقتاۋ تەلەگرامماسىندا مىنالاردى ءبىلدىردى: دومينيكا مەن جۇڭگو ديپلوماتيالىق قارىم - قاتىناس ورناتقان ءبىر جىلدان بەرى، ءار سالاداعى اۋىس - ءتۇيىس پەن سەلبەستىكتە ماڭىزدى ىلگەرىلەۋشىلىككە قول جەتكىزدى، ەكى جاقتى قارىم - قاتىناستىڭ مازمۇنى ۇزدىكسىز بايىپ، دومينيكا ”ءبىر بەلدەۋ، ءبىر جول“ باستاماسىنىڭ ماڭىزدى قۇرامداس بولىگىنە اينالدى. ءبىز تەڭ تۇرعىدا ءوزارا پايدا جەتكىزۋ نەگىزىندە ورناعان جوڭگو - دومينيكا قارىم - قاتىناسىنىڭ بولاشاعىنا تولىق ۇمىتتەمىز، جۇڭگو مەن سەلبەستىكتى ۇزدىكسىز كۇشەيتىپ، ەكى ەل حالقىن باقىتقا كەنەلتۋدى قالايمىز.
