تيانشان تورى
تيانشان تورى   ›   جاڭالىقتار   ›   ماڭىزدى حابارلار

وركەنيەتتە اۋىس - ءتۇيىس جاساپ، ءوزارا ۇلگى الۋ − ادامزات وركەنيەتىنىڭ العا باسۋىن جانە دۇنيە ءجۇزىنىڭ بەيبىت دامۋىن ىلگەرىلەتەتىن ماڭىزدى قوزعاۋشى كۇش

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى

وركەنيەتتە اۋىس - ءتۇيىس جاساپ، ءوزارا ۇلگى الۋ − ادامزات وركەنيەتىنىڭ العا باسۋىن جانە دۇنيە ءجۇزىنىڭ بەيبىت دامۋىن ىلگەرىلەتەتىن ماڭىزدى قوزعاۋشى كۇش

  شينحۋا اگەنتتىگىنىڭ 5 - ايدىڭ 1 - كۇنى بەيجيڭنەن بەرگەن حابارى. بۇگىن باسپادان شىققان «ىزدەنۋ» جۋرنالىنىڭ 9 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «وركەنيەتتە اۋىس - ءتۇيىس جاساپ، ءوزارا ۇلگى الۋ − ادامزات وركەنيەتىنىڭ العا باسۋىن جانە دۇنيە ءجۇزىنىڭ بەيبىت دامۋىن ىلگەرىلەتەتىن ماڭىزدى قوزعاۋشى كۇش» اتتى ماڭىزدى ماقالاسى جاريالاندى.

  ماقالادا وركەنيەتتە اۋىس - ءتۇيىس جاساپ، ءوزارا ۇلگى الۋ جونىندەگى كوزقاراستار مەن ۇستانىمدار جان - جاقتى تەرەڭدەي بايىمدالىپ، تۇرلىشە وركەنيەتتەردىڭ ءبىر - ءبىرىن قۇرمەتتەۋىن، جاراسىمدى قاتار ءومىر ءسۇرۋىن ىلگەرىلەتىپ، وركەنيەتتە اۋىس - ءتۇيىس جاساپ، ءوزارا ۇلگى الۋدى ءار ەل حالقىنىڭ دوستىعىن نىعايتاتىن كوپىرگە، ادامزات قوعامىنىڭ العا باسۋىن ىلگەرىلەتەتىن قوزعاۋشى كۇشكە، دۇنيە ءجۇزىنىڭ بەيبىتشىلىگىن قورعايتىن دانەكەرگە اينالدىرۋ كەرەكتىگى باسا دارىپتەلدى.

  ماقالادا مىنالار اتاپ كورسەتىلدى: وركەنيەت اۋىس - تۇيىسپەن الۋان ءتۇرلى، وركەنيەت ءوزارا ۇلگى الۋمەن باي مازمۇندى بولادى. وركەنيەتتە اۋىس - ءتۇيىس جاساپ، ءوزارا ۇلگى الۋ − ادامزات وركەنيەتىنىڭ العا باسۋىن جانە دۇنيە ءجۇزىنىڭ بەيبىت دامۋىن جەبەيتىن ماڭىزدى قوزعاۋشى كۇش. وركەنيەتتە اۋىس - ءتۇيىستى، ءوزارا ۇلگى الۋدى ىلگەرىلەتۋ دۇرىس پوزيتسيا جانە پرينسيپ ۇستانۋدى قاجەت ەتەدى. ءبىرىنشى، وركەنيەتتەر ءار الۋان، ادامزات وركەنيەتى كوپ ءتۇرلى بولعاندىعى ءۇشىن عانا اۋىس - ءتۇيىس جاساۋ، ءوزارا ۇلگى الۋ قۇنىنا يە بولعان. ادامزات تاريحتىڭ سالقار كوشىندە الۋان ءتۇرلى وركەنيەتتەردى جاراتتى جانە دامىتتى. وركەنيەتتە اۋىس - ءتۇيىستى، ءوزارا ۇلگى الۋدى ىلگەرىلەتكەندە ادامزات وركەنيەتىنىڭ وزگەشەلىگىن مولايتىپ، ءار ەل حالقىنىڭ اناعۇرلىم باي مازمۇندى رۋحاني تۇرمىستان يگىلىكتەنۋىنە، اناعۇرلىم تالعامدى بولاشاق جاراتۋىنا مۇمكىندىك جاساۋعا بولادى. ەكىنشى، وركەنيەتتەردىڭ تەرەزەسى تەڭ، ادامزات وركەنيەتى تەرەزەسى تەڭ بولعاندىعى ءۇشىن عانا اۋىس - ءتۇيىس جاساۋ، ءوزارا ۇلگى الۋ العى شارتىنا يە بولعان. ءار ءتۇرلى ادامزات وركەنيەتىنىڭ وزىندىك ۇزاق بارىسى بار، جوعارى - تومەن، ۇزدىك - ناشار دەپ بولىنبەگەن. ءتۇرلى وركەنيەتتەردىڭ شىنايى ءمانىن ءتۇسىنۋ ءۇشىن، ءسوز جوق، تەڭ، كىشى پەيىل پوزيتسيا ۇستانۋ كەرەك. تاكاپپارلىق پەن سىڭار جاقتىلىق وركەنيەتتە اۋىس - ءتۇيىس جاساۋدىڭ، ءوزارا ۇلگى الۋدىڭ ەڭ ۇلكەن كەدەرگىسى. ءۇشىنشى، وركەنيەتتەر ءوزارا سيىسىمدى بولادى، ادامزات وركەنيەتى سيىسىمدى بولعاندىعى ءۇشىن عانا، اۋىس - ءتۇيىس جاساۋ، ءوزارا ۇلگى الۋ قوزعاۋشى كۇشىنە يە بولعان. اۋىس - ءتۇيىس جاساپ، ءوزارا ۇلگى العاندا عانا وركەنيەت ومىرشەڭدىك كۇشكە تولادى. سيىسىمدى بولۋ رۋحىن ۇستانعاندا عانا، نەندەي ءبىر ”وركەنيەت قاقتىعىس“ىن تۋدىرماي، وركەنيەتتەردىڭ جاراسىمدىلىعىن ىسكە اسىرۋعا بولادى.

  ماقالادا بىلاي دەپ اتاپ كورسەتىلدى: جۇڭحۋا وركەنيەتى 5000 جىلدان استام تاريحي وزگەرىستى باستان كەشىرسەدە، باستان - اياق تامىرلاس بولىپ، جۇڭحۋا ۇلتىنىڭ ەڭ تەرەڭ قاتپارلى رۋحاني تالپىنىسىن قوردالاندىرىپ، جۇڭحۋا ۇلتىنىڭ وزگەشە رۋحاني بەلگىسىنە ۋاكىلدىك ەتىپ، جۇڭحۋا ۇلتىنىڭ ماڭگى كوگەرىپ - كوكتەۋىنە، دامىپ زورايۋىنا مول ءنار سيلادى. جۇڭحۋا وركەنيەتى جۇڭگونىڭ بايتاق دالاسىندا دۇنيەگە كەلگەن وركەنيەت، سونداي - اق باسقا وركەنيەتتەرمەن ۇزدىكسىز اۋىس - ءتۇيىس جاساۋ، ءوزارا ۇلگى الۋ بارىسىندا قالىپتاسقان وركەنيەت.

  ماقالادا بىلاي دەپ اتاپ كورسەتىلدى: بۇگىنگى دۇنيە جۇزىندە ادامزات تۇرلىشە مادەنيەتتەن، ناسىلدەن، وڭنەن، دىننەن جانە تۇرلىشە قوعامدىق تۇزىمنەن قۇرالعان دۇنيەدە جاساپ، ءار ەل حالقى ءبىر - بىرىمەن بىتە قايناسقان تاعدىرلاس ورتاق تۇلعا قالىپتاستىردى. تۇرلىشە وركەنيەتتەرگە مامىلە جاساۋدا، بىزگە اسپاننان دا كەڭ پەيىل قاجەت. ءبىز تۇرلىشە وركەنيەتتەن اقىل - پاراسات ىزدەپ، ءنار الىپ، ادامدارعا رۋحاني تىرەك جانە جان جۇبانىشىن سيلاپ، ادامزات ورتاق ءدوپ كەلگەن ءتۇرلى سايىستاردى سەلبەسە شەشۋىمىز ءتيىس.

  ماقالادا مىنالار باسا دارىپتەلدى: جۇڭگو حالقى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ جولىندا كۇرەسۋدە. جۇڭگو ارمانىن ورىنداۋ زاتتىق وركەنيەت پەن رۋحاني وركەنيەت پارلاسا ۇشاتىن دامۋ بارىسى. جۇڭگو حالقى ءداۋىردىڭ جاڭا العا باسۋىنا ساي، جۇڭحۋا وركەنيەتىن جاسامپازدىقپەن كادەگە جاراتۋدى جانە جاسامپازدىقپەن دامىتۋدى ىلگەرىلەتىپ، جۇڭحۋا وركەنيەتىنىڭ دۇنيە جۇزىندەگى ءار ەل حالقى جاراتقان باي مازمۇندى، الۋان ءتۇرلى وركەنيەتپەن بىرگە ادامزاتقا دۇرىس رۋحاني بەتالىس جانە مىعىم رۋحاني قوزعاۋشى كۇش ۇسىنۋىنا مۇمكىندىك جاسايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.