حوتان قالاسىنىڭ ورىنباسار باستىعى
اركىن ءالي
مەن اعارتۋشى وتباسىندا ءومىر ەسىگىن اشتىم، اكەم - شەشەم بىردەي كومپارتيا مۇشەسى. بالا كەزىمدە اكەمنىڭ ماعان ءبىزدىڭ باقىتتى تۇرمىسىمىزدىڭ وڭاي - وسپاق قولعا كەلمەگەندىگىن، توڭكەرىستىك قۇربانداردىڭ باسىن ءباي تىگىپ، ىستىق قانىن توگۋىندە قولعا كەلگەندىگىن ايتىپ بەرگەنى ەسىمدە.
رەفورما جاساعاننان، ەسىك اشقاننان بەرى، اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن ىقىلاستى قامقورلىعىندا، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، رەفورما جاساۋ، دامۋ، ورنىقتىلىق قىزمەتتەرىندە جەدەل دامۋعا قول جەتكىزدى. پارتيانىڭ حالىققا ءتيىمدى ساياساتتارى تەرەڭ تامىر تارتىپ تياناقتاندى، قازىر اۋىل - قىستاقتارداعى توپىراق جول اسفالت جولعا اينالدى، ەمدەلۋدى قامتاماسىزداندىرۋ ءتۇزىمى ۇزدىكسىز اقاۋسىزداندىرىلدى، وقۋ - اعارتۋعا ۇسىنىلىم ۇزدىكسىز ارتىپ، بالالار وقي الاتىن، ادامدا اۋىرسا ەمدەلۋى قامتاماسىزداندىرىلاتىن، كەدەيلەر كومەككە يە بولاتىن بولدى، ەگىمشىلىكتە قوسىمشا قاراجات بەرىلەتىن بولدى، ءار ۇلت حالقى تىنىش تىرشىلىك، شات - شادىمان ءومىر كەشىرىپ، تۇرمىسى بارعان سايىن جاقسارا ءتۇستى.
ايتسە دە، ”ءۇش ءتۇرلى كۇش“ وتاندى بولشەكتەۋ سۇرقيا ماقساتىنا جەتۋ ءۇشىن، ءدىني ۇشقارى يدەيا تاراتىپ، ۇلتتىق ارازدىق پەن وشپەندىلىككە ايتاقتاپ، زورلىقتى كۇش لاڭكەستىك دەلولار تۋدىرىپ، ءار ۇلت بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگى مەن قوعامنىڭ جاراسىمدىلىعىن، ورنىقتىلىعىن اۋىر دارەجەدە ءبۇلدىردى. وركەنيەتتىڭ تومەنگى شەگىنە سايىس جاريالاۋعا بولمايدى، زاڭنىڭ بەدەلىن كوزگە ىلمەۋگە بولمايدى. ”ءۇش ءتۇرلى كۇش“تىڭ ادامگەرشىلىكتەن بەزگەن، قۇتىرىنعان ارەكەتى تاماشا تۇرمىسقا تالپىنعان بارلىق ادامنىڭ كەگىن قوزعادى. ”ءۇش ءتۇرلى كۇش“كە زاڭ بويىنشا سوققى بەرۋ مەملەكەتتىڭ حاۋىپسىزدىگىن قامتاماسىزداندىرىپ، وتان تۇتاستىعىن قورعاۋدىڭ ءسوزسىز تالابى، ءار ۇلت بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىن قورعاۋدىڭ، قوعامنىڭ ورنىقتىلىعىن قورعاۋدىڭ ءسوزسىز تالابى. ءبىز قوعام ورنىقتىلىعىن قورعاۋدىڭ ءوزى شينجياڭداعى ءار ۇلت حالقىنىڭ ءتۇبىرلى مۇددەسىن قورعاعاندىق ەكەندىگىن جەتە تانىپ، قول ۇستاسىپ، وتان تۇتاستىعىن، ۇلتتار ىنتىماعىن جانە قوعام ورنىقتىلىعىن سانالىلىقپەن قورعاۋىمىز كەرەك.
پارتياعا ماڭگى ادال اڭعارلى ادام بولامىن. پارتيالى كادر رەتىندە، مەن ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، تاباندىلىقپەن، باتىلدىقپەن شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ماڭگى پارتياعا العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن. بولشەكتەۋشىلىككە قارسى كۇرەستە وي - سانامدى سەرگەك ۇستاپ، دۇرىس پەن بۇرىستى ايقىن پارىقتاپ، تۇرعىدا بۇلجىماي بەرىك تۇرىپ، پوزيتسيادا سولقىلداقتىق ىستەمەي باتىل بولىپ، كۇڭگىرتتىككە سالىنباي ايقىن تۋ ۇستاپ، ماسەلەگە جولىققاندا كوكىرەك كەرە العا شىعىپ، جۇرەكتىلىكپەن باتىل ءۇن قاتىپ، ايقىن پوزيتسيا ءبىلدىرىپ، ىشكەرىلەي اشكەرەلەۋگە، سىن تەزىنە الۋعا باتىل بولىپ، ”ءۇش ءتۇرلى كۇش“كە قارسى باتىل كۇرەس جۇرگىزەمىن.
ۇلتتار ىنتىماعىن قورعاۋدىڭ اتويشىسى بولامىن. ۇلتتار ىنتىماعى − ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ىرگە تاسى. مەن ۇلتتاردىڭ ۇلى ىنتىماعى تۋىن بيىك ۇستاپ، ءار ۇلت بۇقاراسىن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى كۇشەيتۋگە، ۇلتتار ىنتىماعىن كوز قاراشىعىنداي ايالاپ، ومىرىندەي قاستەرلەۋگە، اناردىڭ دانىندەي تىعىز ۇيىسۋعا جەتەكتەيمىن؛ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنا بەلسەنە قاتىناسىپ، ارتىقشىلىعىمدى تولىق ساۋلەلەندىرىپ، بۇقارا ۇعىنا الاتىن، تۇسىنە الاتىن ءتىل ارقىلى ۇلتتار ىنتىماعى ۇگىت - تاربيە قىزمەتىن ورىستەتىپ، ۇلتتار ىنتىماعىنىڭ، العاباسارلىعىنىڭ قۋاتتى كۇشىن ۇيىستىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش تىرشىلىك، شات - شادىمان ءومىر كەشىرەتىن جۇڭگوشا سوتسياليستىك شينجياڭدى بىرگە قۇرۋ جولىندا قاجىماي - تالماي كۇرەسەمىن.
