ءۇرىمجى قالالىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى
اكپار تۇرعۇن
ءبىزدىڭ ”ءۇش ءتۇرلى كۇش“كە قارسى كۇرەسىمىزدىڭ وزەگى مەن تامىرى يدەولوگيا سالاسىندا. شينجياڭ تاريحىن دۇرىس تانۋ − ءبىزدىڭ يدەولوگيا سالاسىنا تالاسۋ شايقاسىندا جەڭىسكە جەتۋىمىزدىڭ ماڭىزدى يدەيالىق نەگىزى.
ۇزاق ۋاقىتتان بەرى، ”ءۇش ءتۇرلى كۇش“ وتاندى بولشەكتەۋ سۇرقيا ماقساتىنا جەتۋ ءۇشىن، ساندىراق - شاتپاقتاردى تاراتىپ، شينجياڭ تاريحىن بارىنشا بۇرمالاپ، ويدان قۇراستىرىپ، وزگەرتىپ، ۇلتتار اراسىنداعى مادەنيەت ايىرماشىلىعىن اسىرەلەپ، ۇلتتىق كىربەڭدىككە، وشپەندىلىككە جەلىكتىرىپ، ءدىني ۇشقارىلىقتى ۋاعىزداپ، بولشەكتەۋ ارەكەتىن جۇرگىزۋگە جانىن سالا اۋقىم قالىپتاستىردى. شەكارا ءىشى - سىرتىنداعى جاۋ كۇشتەردىڭ يدەيالىق جاقتان سىنالاپ كىرۋى كەيبىر ادامداردا شينجياڭنىڭ تاريحىنا قاتە كوزقاراستار مەن كۇڭگىرت تانىم قالىپتاستىردى، ءتىپتى ولاردى الجاستىرىپ، ماجبۇرلەپ، ”ءۇش ءتۇرلى كۇش“تىڭ قولجاۋلىعىنا جانە قۇرباندىعىنا اينالدىردى.
شينجياڭ ەجەلدەن بەرى جۇڭگو تەرريتورياسىنىڭ ايرىلماس ءبىر بولىگى. شينجياڭداعى تيانشاننىڭ وڭتۇستىگى مەن سولتۇستىگىن قامتىعان بايتاق ءوڭىر ەرتەدە باتىس ءوڭىر دەپ اتالعان، ول چين اۋلەتىنە دەيىنگى زاماندا - اق ورتا جازىق وڭىرىمەن تىعىز قارىم - قاتىناس جاساپ وتىرعان. چين، حان سىندى بىرلىككە كەلگەن ەكى فەودالدىق پاتشالىقتىڭ قۇرىلۋىنا ساي، كوپ ۇلتتىڭ ۇلى بىرلىگى جۇڭگو تاريحىنىڭ دامۋىنداعى باستى جەلىگە اينالدى، شينجياڭ ءوڭىرى باستان - اياق جۇڭگونىڭ ءبىر تۇتاس كوپ ۇلتتى مەملەكەت جاعدايىندا دامىدى. زامانىمىزدان بۇرىنعى 60 - جىلى باتىس حان اۋلەتى شينجياڭ وڭىرىندە باتىس ءوڭىر باسقاقتىعىن قۇردى، ول شينجياڭ ءوڭىرىنىڭ جۇڭگو كارتاسىنا رەسمي ەنۋى بولىپ سانالادى. شينجياڭ وڭىرىندە تاريحتا ءىشىنارا پاتشالىقتار، حاندىقتار ءومىر سۇرگەن، الايدا ولاردىڭ ءبارى دە جۇڭگو اۋماعىنداعى جەرگىلىكتى بيلىك فورماسى ەسەپتەلەدى، بارلىعى دا جۇڭگونىڭ ءبىر بولىگى، تاۋەلسىز مەملەكەت ەجەلدەن بولعان ەمەس. شينجياڭنىڭ جۇڭگو تەرريتورياسىنىڭ ايرىلماس ءبىر بولىگى بولعان تاريحي شىندىققا ەش ءشۇبالانۋعا بولمايدى.
تاريح دەگەن وبيەكتيۆ، ونى ەشكىمنىڭ دە بۇرمالاۋىنا، ويدان قۇراستىرۋىنا، وزگەرتۋىنە بولمايدى. ”ءۇش ءتۇرلى كۇش“تىڭ سۇرقيا ماقساتى يدەولوگيا سالاسىنان ساڭلاۋ تابۋعا سۇقتانىپ، شينجياڭداعى ۇلتتارمەن جۇڭحۋا ۇلتى ۇلى شاڭىراعىنىڭ تامىرلاس قاتىناسىن ءۇزىپ تاستاۋدى كوزدەپ، ەڭ سوڭىندا وتاندى بولشەكتەۋ قىلمىستىق ماقساتىنا جەتۋگە ۇرىنۋ بولىپ تابىلادى.
”ءۇش ءتۇرلى كۇش“ ءبىزدىڭ ەڭ ۇلكەن جاۋىمىز، ءبىز ”ءۇش ءتۇرلى كۇش“كە قارسى باتىل كۇرەس جۇرگىزىپ، ءپانىسلاميزم، پانتۇركيزم يدەياسىنىڭ جانە ءدىني ۇشقارى يدەيانىڭ سىنالاپ كىرۋىنە، ازدىرۋىنا باتىل قارسى تۇرۋىمىز كەرەك. ءبىر ۇلتتىڭ دامۋى، ءسوزسىز، وتاننىڭ العا باسقان قادامىنا تىعىز ىلەسىپ، وتانمەن تىنىستاس، تاعدىرلاس بولۋى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ جاۋاپكەرشىلىگى مەن بورىشىن سانالى ارقالاۋى كەرەك. ءار ۇلت حالقى تەك جۇڭگو كوممۋنيستىك پارتياسىنىڭ باسشىلىعىندا، جۇڭحۋا ۇلتى ۇلى شاڭىراعىندا بەينەت پەن زەينەتتى بىرگە وتكەرىپ، ىنتىماقتاسا كۇرەس جۇرگىزگەندە عانا، بولاشاعى نۇرلى بولادى.
بىرلىكساپ سالاسىنداعى پارتيالى كادر رەتىندە، مەن سانالى تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتايمىن. قىزمەت ارتىقشىلىعىمدى تولىق ساۋلەلەندىرىپ، بۇرىنعىداي ”جۇرت تىلەگىنە قول جەتكىزۋ“دى جالپى قىزمەتتىڭ ماڭىزدى ءتۇيىنى ەتەمىن؛ پارتيانىڭ ءدىن قىزمەتى نەگىزگى باعىتىن جاپپاي، دۇرىس دايەكتىلەندىرىپ، تياناقتاندىرىپ، پارتيانىڭ ءدىن قىزمەتىنە بولعان باسشىلىعىنا تاباندى بولىپ جانە ونى كۇشەيتىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، ءپانىسلاميزم، پانتۇركيزم يدەياسىنىڭ، ءدىني ۇشقارى يدەيانىڭ ۋلى وسپەسىن ادا - كۇدە الاستاپ، ءدىندى سوتسياليستىك قوعامعا ۇيلەسۋگە بەلسەنە باستايمىن؛ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن مۇقيات ورىستەتىپ، جۇڭحۋا ۇلتى ورتاق تۇلعا تانىمىن بەكەمدەيمىن. ۇزدىكسىز كۇش سالىپ، ۇدايى يگەرىپ، بوساڭسىماي، نازاردى باس نىساناعا شوعىرلاندىرىپ، باس نىسانانى جۇزەگە اسىرۋدىڭ ەڭ كەڭ كولەمدى بۇقارالىق نەگىزىن بەكەمدەيمىن.
