التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى
قادەن كابەن
اۆتونوميالى رايوندىق پارتكوم شينجياڭداعى ءار ۇلت حالقىن ىنتىماقتاستىرىپ جانە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باستان - اياق قوعام ورنىقتىلىعى مەن باياندى تىنىشتىق باس نىساناسىن جەتەكشى ەتۋدەن جازباي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن ىلگەرىلەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ”كەشەندى شارالارى“ن ۇزدىكسىز اتقارىپ، تيانشاننىڭ تۇستىگى مەن تەرىستىگىندە وراسان زور وزگەرىس تۋىلىپ، جالپى جاعداي ورنىقتى بولعان، جاعداي مەڭگەرىلگەن، جاعداي جاقسى جاققا بەت العان قۋانارلىق اۋقىم جارىققا شىقتى.
پارتياعا ادال بولىپ، قىزمەتتىڭ تالابىنان شىعىپ، باس نىسانانى باتىلدىقپەن، تاباندىلىقپەن دايەكتىلەندىرەمىن، تياناقتاندىرامىن. جۋىق جىلداردان بەرى شينجياڭنىڭ قوعامدىق ورتاسىندا كورنەكتى وزگەرىستەر جارىققا شىقتى، ادىلدىك اسقاقتاپ، ازاماتتاردىڭ زاڭ تانىمى كورنەكتى كۇشەيىپ، ءدىني ۇشقارى يدەيانىڭ تارالۋىن سانالى تەجەپ، وسى زامانعى وركەنيەتتى تۇرمىس تاسىلىنە تالپىنۋ قوعامدىق سالىتقا اينالىپ، ۇلتتاردىڭ ارالاسۋى، ىشتەسۋى، توعىسۋى اناعۇرلىم قويۋ بولىپ، بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى جوعارىلادى. الايدا، ءبىز، ءسوز جوق، مىنانى ايقىن تانۋىمىز كەرەك: رايونىمىزدىڭ ”ءۇش مەزگىل قاباتتاسقان“ جاعدايى ءالى تۇبەگەيلى وزگەرگەن جوق، ورنىقتىلىققا ىقپال جەتكىزەتىن فاكتورلار ءالى دە تۇرلىشە دارەجەدە ساقتالۋدا، بۇلاردىڭ بارلىعى ءبىز پارتيالى كادرلاردىڭ جاۋاپكەرشىلىك ارقالاپ، ىسكەرلىك كورسەتۋىمىزدى قاجەت ەتەدى، ءار ۇلت بۇقاراسىن ”بەستى شىنايى مويىنداۋ“دى ۇزدىكسىز كۇشەيتۋگە باستاپ جانە تاربيەلەپ، جۇڭحۋا ۇلتى ورتاق تۇلعا تانىمىن بەكەمدەپ، ”ءۇش ءتۇرلى كۇش“كە تيتتەي دە وراي قالدىرمايمىن، تيتتەي دە مۇمكىندىك قالدىرمايمىن. ءبىز يدەولوگيا سالاسىنىڭ نەگىزگى شەبىن مىقتاپ يەلەپ، ءار ۇلت بۇقاراسىمەن بىرگە ادىلەت ءۇنىن جەتكىزىپ، وسى زامانعى وركەنيەتتى سالتتى ساۋلەلەندىرىپ، قوعام ورنىقتىلىعى مەن باياندى تىنىشتىقتى قورعاۋدىڭ قۇدىرەتتى بىرىككەن كۇشىن ۇيىستىرىپ، ورنىقتىلىقتىڭ، دامۋدىڭ تىڭ تاراۋىن بىرگە جازۋىمىز كەرەك.
پارتيالى كادر رەتىندە، قاي - قاشان دا باس نىسانانى جۇرەكتە ساقتاۋدى، باس نىسانانى ارقالاۋدى، باس نىسانانى باتىلدىقپەن تياناقتاندىرۋدى ورىنداپ، قاي - قاشان دا ورنىقتىلىقتى قورعاۋ سىندى وسى ارقاۋدى مىقتاپ شيراتىپ، يدەيادا بوساڭسىماۋدى، كۇش - قۋاتتى شاشىراتپاۋدى، تەبىندى السىرەتپەۋدى، شارالاردى بۇلجىتپاي اتقارۋدى باتىلدىقپەن ورىنداپ، شايقاسقان سايىن شايقاس جۇرگىزىپ، تۇيىندەر بويىنشا يگەرىپ، قىزمەتتەردى باتىلدىقپەن، تاباندىلىقپەن ويداعىداي ىستەيمىن. بۇقارانى ۇلتتار ىنتىماعىن كۇشەيتۋگە، ۇلتتىق بولشەكتەۋشىلىككە قارسى تۇرۋعا تاربيەلەۋدىڭ، جەتەكتەۋدىڭ جاۋاپكەرشىلىگىن سانالىلىقپەن ارقالاپ، ”ءۇش ءتۇرلى كۇش“كە قارسى باستاماشىلدىقپەن سايىس جاريالاپ، جاۋاپكەرشىلىگىمدى ءبىلىپ، جاۋاپكەرشىلىگىمدى ارقالاپ، جاۋاپكەرشىلىگىمدى ادا ەتىپ، ءار ۇلت كادرلارى مەن بۇقاراسىن جۇدىرىقتاي جۇمىلۋعا، جابال اتتانۋعا ىنتىماقتاستىرىپ جانە باستاپ، ورنىقتىلىقتى قورعاۋ شارالارىن ناقتى تياناقتاندىرامىن.
يدەيادا جەتەكشىلىك ەتىپ، بەلسەنە ىسكەرلىك كورسەتىپ، يدەولوگيا سالاسىنىڭ نەگىزگى شەبىن باتىل قورعايمىن. زورلىقتى كۇش لاڭكەستىك ارەكەتتەردىڭ تامىرى − ۇلتتىق بولشەكتەۋشىلىك، يدەيالىق نەگىزى − ءدىني ۇشقارىلىق. شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن، ءسوزسىز، زورلىقتى كۇش لاڭكەستىك ارەكەتتەرگە قاتاڭ سوققى بەرۋمەن بىرگە، زور كۇش شىعارىپ ءدىني ۇشقارى يدەيانى الاستاۋ كەرەك. ءدىني ۇشقارى يدەيانىڭ ءوسىپ - ءوربيتىن، تارايتىن توپىراعىن ادا - كۇدە الاستاپ، تۇبەگەيلى قوپارىپ، ۇلتتار ىنتىماعىن قورعاپ، ءدىن جاراسىمدىلىعىن جەبەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن قاجىماي - تالماي قۇلشىنىس جاسايمىن.
